Ош шаарындагы 28 ийне ыктыярчылар клубунун мүчөсү Рахат Дүйшөбай кызы. Архивдик сүрөт

Дүйшөбай кызы: коом ара төрөлгөн балдарга көп көңүл бурбайт экен

101
(жаңыланган 15:37 17.12.2018)
Ош шаарындагы "28 ийне ыктыярчылар клубунун" мүчөсү Рахат Дүйшөбай кызы ара төрөлгөн балдарга жардам көрсөтүү демилгеси социалдык тармактарда колдоого ээ экендигин билдирди.
Дүйшөбай кызы: коом ара төрөлгөн балдарга көп көңүл бурбайт экен

Карыларга, балдар үйүнө, социалдык жактан муктаж, көп балалуу үй-бүлөлөргө мамлекет, коомчулук тарабынан ар тараптуу колдоо көрсөтүлөт. Бирок маалына жетпей төрөлгөн ымыркайларга дээрлик көңүл бурулбайт. Бул тууралуу Рахат Дүйшөбай кызы Sputnik Кыргызстан радиосунун таңкы эфиринде маек куруп жатып айтты.

Анын айтымында, ыктыярчылар бул маселени чечүүдө демилгени өз колдоруна алып, акыркы эки жылдан бери төрөт үйүндөгү ара төрөлгөн наристелерге жардам көрсөтүп келишет.

"Баамдап отурсак, карыларга, балдар үйүнө коомчулук аз да болсо колдоо көрсөтөт экен. Бирок ара төрөлгөн балдарга жардам көрсөткөндөрдү көрө албадык. Бул жерде бир гана наристе эмес, анын ата-энеси дагы моралдык жактан колдоого алынышы керек. Убактысына жетпей төрөлгөн ымыркайдын салмагы аз, тери алдындагы майы нормадан төмөн болот. Жылуулукту кармай алышпайт. Бардык энергиясы жылууланууга кетет, өсүп чоңоюшуна энергия калбай калат. Ошондуктан биз жүн жиптен байпак, топу, төшөнчө токуп, балдарга жардам көрсөтүп келебиз. Жүн менен токулган буюм аллергия кылбайт, экологиялык жактан таза, эң негизгиси жылуулукту жакшы сактайт. Бир айда бир-эки жолу Ош шаарындагы төрөт үйлөрүн кыдырып, ара төрөлгөн наристелерге жардам бергенге аракет кылабыз", — деди Рахат Дүйшөбай кызы.

Ошондой эле ал аталган клуб Ош шаары боюнча жалпысынан он чакты ыктыярчынын башын бириктирип, социалдык тармактардан дагы колдоого алгандар бар экендигин кошумчалады.

101
Белгилер:
Төрөт үйү, жардам, балдар, карылар
Тема боюнча
Министрлик президенттин майыптарга бөлгөн 2,5 млн. сомун кандай бөлүштүрдү
Нуска китеп борборунун жетекчиси Анаркан Садыкулова

Садыкулова: кандай китеп окуурун билбеген жаштар көбөйдү

24
"Нуска" китеп борборунун жетекчиси Анаркан Садыкулова учурда жаштар арасында кандай темадагы китеп окуурун билбеген, жашоодогу багытын издегендер көбөйгөнүн айтты.
Садыкулова: кандай китеп окуурун билбеген жаштар көбөйдү

Эмне жөнүндө китеп окуй турганыңды жан дүйнөң менен сезип, билип турушуң керек. Бул абдан маанилүү. Мындай пикирин Анаркан Садыкулова Sputnik Кыргызстан радиосунун эфиринде маек куруп жатып билдирди.

Анын айтымында, китеп окуган адамдын акылы тунук, даражасы бийик, ой-чабыты кенен болот.

"Акыркы 30 жылды алсак, китептен такыр алыстагандар бар. Жаштар эле эмес улуу муундагы адамдар деле эмне окуурун билбейт. Мисалы, дүкөнгө кирип кандай темадагы чыгарма издеп жатканын билишпейт. Азыркы жашоо көбүнесе акчага байланып калды", — деди Садыкулова.

Ошондой эле жетекчи китеп окуу маданиятын калыптандыруу керектигин кошумчалады.

24
Белгилер:
бизнес, жаштар, билим, китеп, нускама
Тема боюнча
Министр: китептерде ката кетпеши үчүн "Окуу китеби" борбору ачылды
Инвестицияны илгерилетүү жана коргоо агенттигинин инвестициялык потенциалды өнүктүрүү бөлүмүнүн жетекчиси Илимбек Абдиев

Абдиев: "Жер-Үй" боюнча инвестор менен калктын ортосунда диалог болду

12
(жаңыланган 11:19 19.01.2021)
Инвестицияны илгерилетүү жана коргоо агенттигинин инвестициялык потенциалды өнүктүрүү бөлүмүнүн жетекчиси Илимбек Абдиев "Жер-Үй" кенинде жаңжалдын чыгуусуна эмне себеп болгонун айтып берди.
Абдиев: Жерүй боюнча инвестор менен калктын ортосунда диалог болду

"Жер-Үйдөгү" чатакка жергиликтүү калктын жумушсуздугу, социалдык-экономикалык абал себеп. Бул тууралуу Илимбек Абдиев Sputnik Кыргызстан радиосуна маек куруп жатып билдирди.

Анын айтымында, шайлоодон кийин инвестициялык климат жакшы жагына өзгөрүп жатканы байкалууда.

"Жер-Үйдөгү" чатактын чыгуусуна жергиликтүү калктын жумушсуздугу, социалдык-экономикалык абал себеп болууда. Ошондой эле жергиликтүү тургундардын арасында колдогондор жана колдобогондор болуп, бөлүнүү бар экен. Мындан ары тирешүүнүн уланбашы үчүн инвестор менен калктын ортосунда диалог жүрдү. Жергиликтүү тургундардын арасынан экология жаатында адистер бар болсо, тизмесин түзүү, бирдиктүү талаптарды коюу сунушталды. Тийиштүү маалыматтар "Жер-Үйдүн" жетекчилигине да, өкмөткө да жеткирилди", — деди Абдиев.

Ошондой эле ал облуста кээ бир социалдык объектилердин курулушуна каражат бөлүнсө да айрым себептерден улам бүткөрүлбөй турганын кошумчалады.

12
Белгилер:
калк, инвестор, ишкерлик
Тема боюнча
Кыргызстанга кандай инвестициялар тартыла турганы айтылды
Бишкек шаарынын мээринин милдетин аткаруучу Балбак Түлөбаев. Архив

ЖК депутаттары Балбак Түлөбаевди иштен алууну президентке сунуштамай болду

0
(жаңыланган 15:20 19.01.2021)
Калаа башчысы Транспорт, архитектура жана курулуш комитетинин жыйынына тоготпостук мамиле кылып, келбей койгону айтылды.

БИШКЕК, 19-янв. – Sputnik. Жогорку Кеңештин депутаттары Бишкек шаарынын мэринин милдетин аткаруучу Балбак Түлөбаевди жана шаар бийлигинин башка тийиштүү өкүлдөрүн кызматтан алуу тууралуу сунушун президентке жолдомой болду. Бул тууралуу парламенттин маалымат кызматы билдирди.

Буга Бишкек мэринин милдетин аткаруучу Балбак Түлөбаевдин бүгүн, 19-январдагы, Жогорку Кеңештин Транспорт, архитектура жана курулуш комитетинин жыйынына тоготпостук мамиле кылып, келбей койгону себеп болгону айтылды.

Маалыматка ылайык, бүгүн комитетте курулуштагы көйгөйлөр жана курулуш үчүн документтерди берүү процедураларын оптималдаштыруу боюнча маселе каралмак жана суроолордун көпчүлүгү шаар бийлигинин өкүлдөрүнө берилмек. Жыйынга мэриянын бир да өкүлү келбегени депутаттарды нааразы кылган.

“Ушуну менен мэрия Жогорку Кеңештин жыйынын этибарга албай, экинчи жолу келген жок. Эгер мындай болсо мэрия боюнча биз да чечим чыгарып берели. Бишкек архитектурасын Мамлекеттик курулуш агенттигине өткөрүп берүү тууралуу Өкмөттүн токтому чыккан. Токтомду да мэрия аткарбай кечеңдетип жатат”, — деди депутат Тынчтыкбек Конушбаев. 

Бул пикирди колдогон эл өкүлү Кубанычбек Жумалиев мэрди жана маселеге тийиштүү жетекчилерди кызматынан алуу тууралуу кат жазып, президентке жөнөтүү сунушун берди. 

Ал эми Рыскелди Момбеков курулуш тармагындагы бардык коррупциялык схемалар мэрияда орун алып жатканын сынга алды.

“Мыйзам боюнча мэрди чакырганга биздин укугубуз бар. Мынакей буга чейин Бишкектин төрт мэри отуруп чыкты. Анткени курулуш тармагы боюнча коррупция беренеси менен көпчүлүгү абакта жатат. Бишкектин мурунку башкы архитектору коррупция менен кармалып, жакында чыкты. Ар бир үчүнчү кылмыш мэрияда болот. Комитет ушундай коррупцияны демонтаж кылайын деп жатса, мэр өзү келбегени чыныгы саботаж. Ал аз келгенсип, бир да өкүлүн жөнөткөн жок”, — деди Момбеков.

Жыйын соңунда тармактык комитеттин депутаттары курулуш боюнча маселени сессияга алып чыгып кеңири кароо жана шаар бийлигине чара көрүү чечимин кабыл алды.

 

0
Белгилер:
кызматтан алуу, сунуш, депутаттар, Балбак Түлөбаев
Тема боюнча
Маршрутка көйгөйү: Милиция аялдамадагы аялдарды, балдарды үйүнө ташыды. Видео
Самара Каримова кызматынан кол жуушу мүмкүн. Маданият министрлиги сотко даттанды
Кербендеги башаламандык: Аксынын акими иштен алынды