Туризм ассоциациясынын башкаруу кеңешинин жетекчиси Талант Токталиев

Токталиев: өлкөдө 350 туристтик компания бар

38
(жаңыланган 18:11 26.12.2018)
Туризм ассоциациясынын башкаруу кеңешинин жетекчиси Талант Токталиев туризм тармагында иш алып барган фирмалардын бирдиктүү маалымат базасын түзүү керектигин айтты.
Токталиев: өлкөдө 350 туристтик компания бар

Өлкөдөгү 350 туристтик компаниянын 80 пайызынан ашыгы чет өлкөдөгү эс алууну сунуштайт. Бул тууралуу Талант Токталиев Sputnik Кыргызстан радиосунун таңкы эфиринде маек куруп жатып билдирди.

Анын айтымында, мындай жагдайдан улам кыргызстандыктардын каражатынын басымдуу бөлүгү чет жакка чыгып жатат.

"350 туристтик компаниянын 80 пайызы кардарларына чет өлкөлүк туристтик пакет, авиабилеттерди сунуштайт. Андыктан мамлекет мындай компаниялардын реестрин түзүп, ал тууралуу маалымат бериши керек. Ар кандай күтүлбөгөн жагдайга кардар камсыздалабы-жокпу, коопсуздугу, банкрот болуп калса турист көчөдө калбайбы деген сыяктуу суроолорго жооп алышыбыз керек", — деди Токталиев.

Ошондой эле ал туристтик компаниялар көп учурда сапатка эмес, кардарлардын санына иштеп жаткандыгын кошумчалады.

38
Белгилер:
авиабилет, компания, туризм, Талант Токталиев
Тема боюнча
Бишкектин туристтик милициясы француз жана италия тилдеринде сүйлөйт
Бишкек шаардык санитардык-эпидемиологиялык көзөмөлдөө борборунун эпидемиолог-дарыгери Рысгүл Чыналиева

Чыналиева: эми деле адамдар коронавируска массалык түрдө чалдыгышы мүмкүн

108
(жаңыланган 20:59 20.09.2020)
Бишкек шаардык санитардык-эпидемиологиялык көзөмөлдөө борборунун эпидемиолог-дарыгери Рысгүл Чыналиева коронавируска чалдыккандар азайганы менен санитардык эрежелерди так сактоо зарылдыгы курч экенин айтты.
Чыналиева: эми деле адамдар коронавируска массалык түрдө чалдыгышы мүмкүн

Коронавирус аба аркылуу жуккан оору болгондуктан, күзүндө да адамдардын массалык түрдө ага кабылуу коркунучу турат. Себеби биз санитардык эрежелерге кайдыгер мамиле кылуудабыз. Бул тууралуу Рысгүл Чыналиева Sputnik Кыргызстан радиосунун эфиринде маек куруп жатып билдирди.

Өлгөндөр миллионго жетип... БУУ COVID көзөмөлдөн чыгып бара жатканын айтты

Анын айтымында, адистер коронавирустун экинчи толкуну өлкөдө сасык тумоо менен кошо келиши мүмкүндүгүн божомолдоп жатышат. Бул октябрь айынын соңуна туура келет.

"Дүйнө жүзү боюнча бул вирустун экинчи толкуну күтүлүп жатат. Айрым мамлекеттер учурда башынан өткөрүүдө. Кыргызстанда да күзгү сезондук грипп, сасык тумоо менен кошо вирус кайрадан күчөшү мүмкүн деген божомол бар. Бул жолкусу деле биз үчүн жайындагыдай коркунучтуу болушу толук ыктымал. Анткени азыр коронавируска чалдыккандардын саны бир аз төмөндөгөндө эпидемиологиялык эрежелерди такыр эле сактабай калдык. Мындай кайдыгерлик аба аркылуу жуккан оорунун тез тарап, бир убакта көп адамга жугуп кетүүсүн шартташы ыктымал. Дарыгерлер болгон аракетин жумшап, сыгып алма суу болсо да коргонуучу костюмдарын сааттап чечпей улут саламаттыгы үчүн күрөшүп жүрүшөт. Коомчулук да өз ден соолугунун жоопкерчилигин алып, эл көп чогулган жайларда бет кап тагынып, желим кол кап кийип, антисептиктерди колдонуп жүрүшү керек", — деди Чыналиева.

Дарыгер кызматкерлер чогулуп иштеген мекемелерде да күндө скрининг жүрүп турса туура болорун кошумчалады.

108
Белгилер:
жоопкерчилик, күз, коронавирус
Тема боюнча
Баланын алаканы менен таманы шишийт. Кавасаки синдрому тууралуу эмне билүү керек
Алыкул Осмонов атындагу улуттук китепкананын директору Жылдыз Бакашева

Бакашева: балдарга күнүнө 10-15 мүнөт китеп окуп берүү керек

21
(жаңыланган 16:51 20.09.2020)
Алыкул Осмонов атындагы Улуттук китепкананын директору Жылдыз Бакашева китепти жаштар эле эмес, улуу муун деле окубай калганын айтты.
Бакашева: балдарга күнүнө 10-15 мүнөт китеп окуп берүү керек

Ата-энелер балдарына күнүнө жок дегенде 10-15 мүнөт китеп окуп бериши керек. Бул тууралуу Жылдыз Бакашева Sputnik Кыргызстан радиосуна маек берип жатып билдирди.

Анын айтымында, жаштар китеп окубайт деген стереотип коомго сиңип калган.

Абдыкерим Муратовдун жаңы романы жарык көрдү

"Азыр жаштар китеп окубай турганы кеңири айтылат. Бирок орто, улуу муундагылар деле китеп окубайт. Ошондуктан кичинекей балдар дагы китепке кызыкпай жатат. Негизи улуу муунга салыштырмалуу жаштар китепти көбүрөөк окуп калганы байкалууда. Алар көбүнчө орус тилиндеги чоң бестселлерлерди издеп таап окушууда. Мына, 14-сентябрдан тарта китепканалар өз ишин баштады. Окурмандардын дээрлик көпчүлүгү жаштар. Анан эле "жаштар китеп окубайт" деген сөздөр айтыла берет. А эмнеге чоң апа, чоң аталарыбыз китеп окубайт? Аларда деле убакыт кенен эмеспи. Балага ата-энеси, чоң атасы, чоң апасы күнүнө жок дегенде 10-15 мүнөттөн китеп окуса, анда үйдөгү кичинекей балдардын дагы кызыгуусу өсөт. Биз бул багытта "Үй-бүлөлүк окуу борборлорун" түзүп, балдарга 15 мүнөттөн китеп окуп берүүнү демилгелегенбиз. Учурда бул борборлор кадимкидей иш жүргүзүүдө. Бирок мындай долбоорлор эл аралык уюмдардын колдоосу менен болуп, мамлекеттик деңгээлде системалуу түрдө ишке ашпай келет", — деди Бакашева.

Ошондой эле китепкана тарабынан коомду китеп окутууга үндөө, кызыктырууга багытталган бир топ иш-чара быйыл пандемияга байланыштуу өтпөй калганын кошумчалады.

21
Белгилер:
ата-эне, жаштар, китепкана, Жылдыз Бакашева
Тема боюнча
Бүгүндөн тарта өлкөдө музей, китепканалар иштеп баштайт
(NaN:NaN / NaNMb / )

Кыргызстандык кыз катышкан "Ты супер!" шоусу. Түз алып берүү аяктады

0
(жаңыланган 02:07 21.09.2020)
Sputnik эл аралык агенттиги жана радиосу менен НТВ телеканалынын биргелешкен долбоорунун биринчи чыгарылышына күбө болуңуздар.

"Ты — супер!" шоусу — НТВ телеканалы менен Sputnik эл аралык агенттиги жана радиосунун ири долбоору. Ага КМШнын аймагындагы вокалдык таланты бар балдар катышат. Бүгүн мызкалык конкурстун төртүнчү сезону башталып, анда Кыргызстандын атынан 18 жаштагы Карина Амринова ат салышууда.

"Ты — супер!" сынагына катышкан Карина Амринова: ар бир ырым апама арналат

Долбоордун максаты ата-энесиз калган жаш өнөрпоздорго мүмкүнчүлүк берүү болуп саналат.

0
Белгилер:
"Ты – супер" балдар долбоору, вокал, музыка, долбоорлор, Карина Амринова
Тема боюнча
"Ты супер!" финалына чыккан балдар үйлүү болушту. Ыйлаткан видео
Тывалык бала "Ты супер" сынагында өзгөчө үнү менен калыстарды таң калтырды