Ишкерлер ассоциацияларынын улуттук альянсынын төрагасы Сталбек Акматов. Архив

Акматов: ишкерликти текшерүүгө эки жылга мораторий киргизилди

51
(жаңыланган 11:00 29.12.2018)
Ишкерлер ассоциацияларынын улуттук альянсынын төрагасы Сталбек Акматов Экономика министрлиги сатуу салыгын эки пайыздан беш пайызга көтөрүүнү сунуштап, бирок колдоо таппай калганын айтты.
Акматов: ишкерликти текшерүүгө эки жылга мораторий киргизилди

Экономика министрлиги сатуу салыгын эки пайыздан беш пайызга чейин көтөрүүнү демилгеледи. Бирок Ишкерлер ассоциацияларынын улуттук альянсы иликтеп көрүп, салыктын мындай кескин жогорулашын ишкерлик чөйрөсү учурда көтөрө албай турганын далилдеди. Мындай пикирин Сталбек Акматов Sputnik Кыргызстан радиосунун эфиринде маек куруп жатып билдирди.

Анын айтымында, аталган министрлик ишкерликке көмөк көрсөтүү максатында алгачкы эки жыл текшерүүгө мораторий киргизип, бирок ошону менен катар эле мониторинг жүргүзүүнү да демилгелеп чыккан.

"2018-жыл ишкерлик чөйрөсүндө жакшы жылдардан болду десек болот. Анткени Ишкерлер ассоциацияларынын улуттук альянсы тыгыз байланышта иштешкен Экономика министрлиги менен бир топ ыңгайлуу иштер аткарылды. Ишкерликти колдоо максатында текшерүүлөргө эки жылга мораторий киргизилди. Аталган министрлик алгач муну менен кошо мониторинг жүргүзүүнү сунуштаган. Бирок мораторий киргизүүнү колдоп, анан кайра мониторингдөө бири-бирине карама-каршы келген аракеттер болуп калат экен, андыктан мониторинг жасоо алып салынды. Эми ишкерлер бизнесинин алгачкы эки жылында текшерүүлөрдөн сырт ишкерлигин жүргүзө алышат. Ошондой эле Экономика министрлиги сатууга болгон салыкты беш пайызга чейин көтөрүүнү демилгелеп чыкты эле, ишкерлер альянсы андан өлкө ишкерлери кыйналып каларын далилдеп берип, аталган сунуш кайтарылды", — деди Акматов.

Ал аталган альянска 78 ишкерлер ассоциациясы мүчө экендигин кошумчалады.

51
Белгилер:
ишкердик, мыйзамдар, экономика, Сталбек Акматов
Тема боюнча
Акматов: ишкерликтин айрым тармактарында көмүскө экономика 80 пайызга жетет
Айыл чарба, тамак-аш өнөр жайы жана мелиорация министрлигинин алдындагы айдоо жерлерин өнүктүрүү, үрөн өстүрүү жана органикалык айыл чарба өндүрүш бөлүмүнүн жетекчиси Жигитали Жумалиев. Архив

Жумалиев: быйыл 680 миң тонна буудай алууну божомолдоп жатабыз

41
(жаңыланган 15:17 04.07.2020)
Айыл чарба, тамак-аш өнөр жайы жана мелиорация министрлигинин алдындагы айдоо жерлерин өнүктүрүү, үрөн өстүрүү жана органикалык айыл чарба өндүрүш бөлүмүнүн жетекчиси Жигитали Жумалиев республикада оруп-жыюу иштери башталгандыгын билдирди.
Жумалиев: быйыл 680 миң тонна буудай алууну божомолдоп жатабыз

Өлкөнүн айрым аймактарында оруп-жыюу иштери жүргүзүлүүдө. Пандемияга байланыштуу азык-түлүк коопсуздугун камсыздоо максатында быйыл дан эгиндери 20 миң гектарга көп эгилди. Натыйжада 680 миң тонна буудай алууну божомолдоп жатабыз. Бул тууралуу Жигитали Жумалиев Sputnik Кыргызстан радиосуна маек куруп жатып маалымдады.

Анын айтымында, талаа жумуштарын ийгиликтүү өткөрүүгө мамлекеттик колдоо көрсөтүү боюнча өкмөттүн буйругу чыккан.

"Кылкандуу дан эгиндерди оруп-жыюу иштери Баткендин Кадамжай районунда 11-июнда башталган. Андан кийин Ош, Жалал-Абад, Чүй облустарында жүргүзүлө баштады. Өкмөттүн буйругун аткаруу максатында облустук, райондук штабдар иш алып барууда. Анын алкагында айыл чарба өсүмдүктөрүнүн түшүмүн жыйноонун графиги иштелип чыкты. Анда кайсы райондо дан эгиндери бышып кала турганына ылайыкталып, комбайндардын маршруттук схемасы бекитилген. Эң негизги максат техникаларды өз учурунда оңдоп-түзөөдөн өткөрүү боюнча тийиштүү иштер жасалууда. Ошондой эле дан эгиндери быша элек аймактардан комбайндар, оруп-жыюу иштери жүрүп жаткан жерлерге тартылууда. Быйыл буудайдын түшүмдүүлүгү гектарынан 30-34 центнерден болуп жатат. Бул былтыркыга салыштырмалуу 1,5 центнерге көп дегенди билдирет. Ош, Жалал-Абад, Баткен облустарында комбайн акысына дыйкандар 3000 сомдон жогору төлөшүүдө. Ал эми Чүй облусунда бул көрсөткүч 1,5-2 миң сомдун айланасында болуп жатат. Мындан тышкары, пандемияга байланыштуу өлкөнү азык-түлүк коопсуздугун камсыздоо максатында быйыл дан эгиндери 20 миң гектарга көп эгилди. Алсак, буудай сегиз миң гектарга көбүрөөк себилген. Быйыл 680 миң тонна буудай алууну божомолдоп жатабыз", — деди Жумалиев.

Ошондой эле оруп-жыюу иштерин өз учурунда бүтүрүү аракети менен бирге эгин талааларында өрт чыгуу коркунучунун алдын алуу иштери жүргүзүлүп жатканын кошумчалады.

41
Белгилер:
түшүм, Кыргызстан, эгин, дан
Тема боюнча
Жекшенкулов: Россияда Кыргызстандан келген мөмө-жемишке талап күч
Медицина илимдеринин доктору, профессор Талант Батыралиев. Архив

Батыралиев: учурда элди пандемияга каршы мобилизациялоо зарыл

74
(жаңыланган 13:34 04.07.2020)
Медицина илимдеринин доктору, профессор Талант Батыралиев адамдар коронавирустун өзүнөн эмес, өнөкөт ооруларынын өтүшүп кеткенинен каза болуп жатканын айтты.
Батыралиев: учурда элди пандемияга каршы мобилизациялоо зарыл

Бүгүнкү күндө эл социалдык тармактарды көп колдонгондуктан маалыматты ошол жактан алып жатат. Республикалык штабдын, Саламаттыкты сактоо министрлигинин пресс-кызматы бул тармакты жетиштүү деңгээлде колдоно албай жаткандай. Мындай пикирин Талант Батыралиев Sputnik Кыргызстан радиосунун эфиринде маек куруп жатып билдирди.

Анын айтымында, азыр жетишсиздик тууралуу сөз болсо эле эл дүрбөлөңгө түшүп, дароо ошол нерсени сатып ала баштаган абалда калды.

"Канадалык окумуштуулардын расмий түрдө тараткан маалыматын карасак, пандемия учурунда 20-25 пайыз өнөкөт илдет менен жабыркагандар ооруканага коронавирус жугуп калат деп коркуп барган эмес экен. Ал эми 20 пайызга жакынына дарыгерлери бейтапканадан вирус жуктуруп алуу коркунучу бар экенин айтып, барбай турууну сунуштаган. Ошентип жалпы 40 пайызга жакын өнөкөт оорусу барлар өз убагында ооруканага кайрылбагандыктан, дарты оорлошуп кеткен. Мындай көрүнүш бизде деле болуп жатат деп ойлойм. Азыр вирус жуктуруп алгандардын саны күн сайын өсүүдө. Күндө чет мамлекеттен жердештерибиз келип жатат. Андыктан эң негизгиси элди пандемияга каршы мобилизациялоо маселеси турат. Себеби вирустун өзүнөн адам өлбөйт. Адам өнөкөт ооруларынын өтүшүп кеткенинен каза болууда. Эгер коронавирустун белгилерин байкаса, ар бир адам үй-бүлөсүн, жакындарын коргош үчүн дароо, өзүн изоляцияга алышы абдан маанилүү. Бул иштер калктын калың катмарына майдаланып, түшүндүрүлүшү керек", — деди Батыралиев.

Профессор коронавирустан коргонуу жоопкерчилиги мамлекеттик же аймактык эмес, үй-бүлөлүк деңгээлде сакталышы зарылдыгын кошумчалады.

74
Белгилер:
коронавирус, оору, илдет, Талант Батыралиев
Тема боюнча
Батыралиев: жүрөк ооруларынан жылына 18 миң киши көз жумат
Ош эл аралык аэропорту. Архив

Ошко Москва шаарынан 148 кыргызстандык учуп келди

0
(жаңыланган 21:59 04.07.2020)
Келгендердин арасында төрөтү жакындап калган кош бойлуулар жана 2 жашка чейинки жаш баласы бар аялдар бар.

БИШКЕК, 4-июл. — Sputnik. "Ош" эл аралык аэропортуна бүгүн Москва-Ош каттамы менен 148 кыргызстандык жаран кайтып келди. Бул тууралуу Республикалык штабдан кабарлашты.

Алар "Авиатраффик Компани" авиакомпаниясынын чартердик рейси менен келип түштү.

"Келгендер төрөтү жакындап калган кош бойлуулар жана 2 жашка чейинки жаш баласы бар аялдар. Андан сырткары оор илдети бар жана жакын туугандары каза болгондугунан улам мекенине чукул түрдө кайтышы зарыл болгон жарандар", — деп айтылган маалыматта.

Бүгүн Түркиядан 237 кыргызстандык мекенине алып келинди

Кыргызстанга келүүнү каалаган жарандардын саны көп болгондугуна байланыштуу, бул каттамдагы жүргүнчүлөрдүн тизмеси кыргыз диаспорасынын өкүлдөрүнөн, Москванын Кыргыз медициналык клиникасынан жана Россиядагы Кыргызстандын элчилигинин кызматкерлеринен турган комиссия тарабынан түзүлгөн.

Маалыматта чет мамлекеттерде жүргөн Кыргызстандын жарандарын мекенине кайтарууну уюштуруу иштери улантылары айтылган.

Өлкө аймагындагы соңку кабарлар менен биздин Telegram-каналдан таанышып туруңуз.

0
Белгилер:
пандемия, коронавирус, Россия, Кыргызстан
Тема боюнча
ТИМ Кытайдан келе албай жаткан кыргызстандыктар боюнча үн катты
Боронов: Россияда иштеген кыргыз дарыгерлер жардамга даяр, учак менен алып келебиз