Свердлов районунун акими Самарбек Болотбеков. Архивдик сүрөт

Болотбеков: Свердлов районунда 20дай балдар аянтчасы курулду

31
(жаңыланган 13:50 09.01.2019)
Свердлов районунун акими Самарбек Болотбеков 2018-жылы аталган райондо бир топ алгылыктуу иштер аткарылгандыгын айтты.

Алардын бири — Свердлов районунда жалпы 20дай спорт жана балдар аянтчасы оңдолуп, курулгандыгы. Бул тууралуу Самарбек Болотбеков Sputnik Кыргызстан радиосунун "Ачык кеп" программасында маек куруп жатып билдирди.

Анын айтымында, эми оңдолгон аянтчалар үй башы комитетине өткөрүп берилет.

"2018-жылы 20дай спорт жана балдар аянтчасы оңдолуп, курулду. Кум менен ойногон жерлер болобу, спорт менен машыкчу жайлар болобу, баарын оңдоп, аянтчалар жетишпеген аймактарга курулуп берилди. Оңдогондон кийин аларды үй башы комитетине өткөрүп берип жатабыз. Алар тургузулган турник, селкинчектердин абалына жооптуу болот", — деди аким.

Болотбеков 2018-жылы Ак-Тилек-2 конушунда курулган спорт аянтчасынын бюджетин аталган район өз мойнуна алгандыгын кошумчалады.

31
Белгилер:
аким, Свердлов району, Бишкек
Тема боюнча
Ош шаары 2019-жылы түрк дүйнөсүнүн маданий борбору болот