ИИМдин Жоруктар жөнүндө иштер боюнча башкармалыгынын башчысы, полковник Бегалидин Пирманов

Пирманов: түкүрүүгө каршы акцияны эл убагында колдогон

192
(жаңыланган 15:24 15.01.2019)
ИИМдин Жоруктар жөнүндө иштер боюнча башкармалыгынын башчысы, полковник Бегалидин Пирманов жаңы кодекстерде айып пулдар мурдагыдай башаламан болбой, иретке келтирилгендигин айтты.
Пирманов: түкүрүүгө каршы акцияны эл убагында колдогон

Буга чейин "Ыйман" фондусу "Түкүрбө" деген акция өткөргөн. Коомчулук ал акцияны кызуу колдоп, депутаттарга да бул маселе боюнча кайрылуулар болгон экен. Бул тууралуу Бегалидин Пирманов Sputnik Кыргызстан радиосунун эфиринде маек куруп жатып билдирди.

Анын айтымында, түкүрүү боюнча айыпка жыгуу видео, сүрөт материалдардын жана күбөлөрдүн тактоосунун негизинде гана ишке ашат.

"Бул мыйзамдар кабыл алынып жатканда коомчулукта "Ыйман" фондусу тарабынан уюштурулган "Түкүрбө" деген акция жүргөн. Анда маселени көпчүлүк кызуу колдогон. Депутаттарга да кайрылуулар болуп, анын негизинде мыйзамга киргизилип, айып пул чегерилген. Айып пулдар эски мыйзамдарда башаламан коюлуп калган. Мисалы, Административдик кодексте 200 сомдон тартып 100 000 сомго чейин деп каралса, айрым бир кылмыштын түрлөрүнө салынган айып пулдар андан аз сумма эле. Жаңы кодекстерде бул мүчүлүштүк оңдолуп, айып пулдар иреттелди. Мисалы, Эреже бузуулар кодексинин эң жогорку айып пулу Жоруктар кодексинин эң аз айып пулу, ал эми Жоруктар кодексине коюлган эң көп айып пул Кылмыш-жаза кодексиндеги эң аз айып пул болуп киргизилди. Түкүрүү боюнча киргизилген айып пул дагы Эреже бузуу кодексинде ушундай тартиптин негизинде белгиленген", — деди Пирманов.

Ал түкүрүү боюнча айып пулдун суммасы өлкөнүн бардык аймактарында бирдей экендигин кошумчалады.

192
Белгилер:
мыйзамдар, түкүрүү, айып пул, Бегалидин Пирманов
Тема:
Түкүргөндөргө салынган айып пул (22)
Тема боюнча
Султанов: эми күбөлөрдүн ордуна видеокамералар иштейт
№6 шаардык клиникалык оорукананын өпкө оорулары бөлүмүнүн башчысы Токтобүбү Дөөлөтова

Дөөлөтова: астманы алдын алуу үчүн аллергияны убагында дарылаш керек

44
(жаңыланган 18:00 07.05.2021)
№6 шаардык клиникалык оорукананын өпкө оорулары бөлүмүнүн башчысы Токтобүбү Дөөлөтова экологиянын кирдешинен улам астма менен ооругандар жылдан-жылга өсүп жатканын айтты.

Кыргызстанда астма менен ооруган 20 миң адам диспансердик каттоодо турат. Булардын арасында балдар да бар. Акыркы эки жылда коронавирус оорусуна байланыштуу башка илдеттер экинчи планда калып калды. Андыктан статистикалык маалымат так эмес болуп жатат. Бул тууралуу Токтобүбү Дөөлөтова Sputnik Кыргызстан радиосунун эфиринде маек куруп жатып билдирди.

Анын айтымында, астманы алдын алуу үчүн аллергияны убагында дарылаш керек.

Дөөлөтова: астманы алдын алуу үчүн аллергияны убагында дарылаш керек
"Негизи астма менен жабыркагандар жылдан-жылга өсүп жатат. Себеби унаалар, өнөр жай мекемелеринен чыккан түтүндөн улам аба булганып, тамак-ашка кошулган ар кандай химиялык заттар аллергиянын жана астманын күчөшүнө алып келет. Астма бул аллергиянын күчөп кеткен формасы десек болот. Үйдөгү чаң, мышык, иттердин жүнү аллергияны чакырат. Мисалы, билинбегени менен үйдөгү чаңдын бир граммында 10 миңден 100 миңге чейин кене болот. Кене бөлүп чыккан зат адам үчүн чоң аллерген. Чөп-чардын чаңы, дары-дармек да астманы чакырат. Алсак, аспирин астмасы деген илдеттин түрү бар. Ал эми түтүн, ыш, нымдуу аба ырайы, стресс, суук, тамеки чегүү жана вирустук инфекциялар астманы күчөтөт. Астмада адам ышкырган сымал дем алып, жөтөлүп, көкүрөк кысылып, алсырап жана аллергия сыяктуу эле ар кандай заттарга реакциялар болот. Мында бейтап дарыгердин кароосунан өтүп, өпкөнүн функциясын изилдөө үчүн спирометрия аппаратынан текшерилет. Бронхиалдык астма өнөкөт оору болгондуктан биротоло айыктырууга мүмкүн эмес. Бирок дарылоо ыкмасы менен ооруну өнүктүрбөй кармап турууга болот", — деди Дөөлөтова.

Пульмонолог астма бронхолитиктер, ингаляциялык глюкокортикоиддер жана спелеотерапия (туздуу шахталар менен дарылоо — ред.), көнүгүүлөр, ийне менен дарыланарын кошумчалады.

44
Белгилер:
өпкө, астма, чаң, аллергия, Токтобүбү Дөөлөтова
Тема боюнча
Астмадан жабыркагандарга 90% жеңилдик менен берилчү дарылар. Тизме
Чакан ГЭС ААКнын башкы директорунун орун басары Кубанычбек Астапаев

Астапаев: жаңы деген чакан ГЭСке 63 жыл болду

25
(жаңыланган 12:56 07.05.2021)
"Чакан ГЭС" ААКнын башкы директорунун орун басары Кубанычбек Астапаев өлкө боюнча 16 чакан ГЭС бар экенин маалымдады.

Чакан ГЭСтердин эскилиги эбак жеткен. Маселен, эң жаңы деп эсептелгенине 63 жыл, эскисине 103 жыл болду. Бул тууралуу Кубанычбек Астапаев Sputnik Кыргызстан радиосуна маек берип жатып билдирди.

Анын айтымында, өлкөдө чакан ГЭСтерден электр энергиясын өндүрүү потенциалы чоң.

Астапаев: жаңы деген чакан ГЭСке 63 жыл болду
"Учурда өлкө боюнча 16 чакан ГЭС иш алып барат. Анын тогузу "Чакан ГЭС" ААКга таандык. Калган жетөө жеке ишкерлерге карайт. "Чакан ГЭС" ААКнын станцияларынын эң жаңысына 63 жыл болсо, Аламүдүн суусунда жайгашкан чакан ГЭСтин иштеп жатканына 103 жылдын жүзү болду. Булардын иштөө мөөнөтү эбак эле өтүп кеткен. Кызматкерлердин аракети, оңдоп-түзөө иштеринин натыйжасында гана иштеп жатат. Алардын иши үзгүлтүккө учурабайт деген кепилдик жок. Ошондуктан жаңы кичи ГЭСтерди куруп, эскилерине реконструкция, модернизация иштерин жүргүзүү зарылдыгы бар. Негизи өлкөнүн чакан ГЭСтерден электр энергиясын өндүрүү потенциалы жогору. Алсак, жалпысынан 960 мегаватт кубаттуулуктагы чакан ГЭСтерди куруп, 142,5 миллиард киловатт саат электр энергиясын өндүрүүгө болот. Өлкөдө жылдан-жылга электр колдонуулар 5-10 пайызга өсүп, бул тармак кризиске кептелүү коркунучунда турат. Учурда 109 мегаваттык чакан ГЭС куруу үчүн аракеттер көрүлүүдө. Анүчүн ыңгайлуу жерлерди компаниянын балансына алып, инвесторлорду караштыруу колго алынууда", — деди Астапаев.

Ошондой эле ал электр энергиясына болгон тарифти көтөрүү демилгеси инвесторлордун аталган тармакка кызыгуусун арттырарын кошумчалады.

Подкасттын толук версиясын видеодон көрүңүз: 

25
Белгилер:
Кубанычбек Астапаев, ГЭС, тариф, электр энергиясы
Тема боюнча
Турдубаев: электр кубаты үчүн жаңы тарифтер сентябрга чейин күчүнө кирбейт
Кумтөр алтын кени. Архив

Сот "Кумтөр" компаниясын мамлекетке 262 млрд. сом төлөөгө милдеттендирди

81
(жаңыланган 00:20 08.05.2021)
Жергиликтүү тургундар чет өлкөлүк компания экологияга зыян келтирди деген доомат менен сотко кайрылган.

БИШКЕК, 8-май — Sputnik. Бишкектин Октябрь райондук соту "Кумтөр Голд Компани" компаниясын мамлекетке 261 миллиард 719 миллион 674 сом төлөөгө милдеттендирди. Бул тууралуу Жогорку соттун маалымат кызматы кабарлады.

Сот "Кумтөр Голд Компани" ишканасынын Кумтөр кенин иштетүүдөн чыккан калдыктарды Давыдов жана Лысый мөңгүлөрүнө жыйып келгенин мыйзамсыз деп тапкан. Дээрлик 262 миллиард сомго жеткен негизги суммадан тышкары сот компаниядан 1 миллиард 308 миллион 653 миң 370 сом мамлекеттик алым өндүрүүнү чечкен.

Маалыматта ишкананын үстүнөн сотко Ысык-Көлдүн тургундары арызданганы айтылат. Жергиликтүү жашоочулар "Кумтөр Голд Компани" Кыргызстандын экологиялык мыйзамдарын бузду деп даттанган. Мөңгүлөргө чыгарылган 1 миллиард 200 миллион тонна калдыктан 183 миллион куб муз талкаланганы белгиленди.

Доого жыгылган тарап 30 күндүн ичинде Бишкек шаардык сотуна кайрылса болот.

81
Белгилер:
токтом, чечим, сот, айып, компания, Кумтөр
Тема боюнча
"Кумтөрдү" Акылбек Жапаров жетектеген мамлекеттик комиссия текшермей болду
Үч милдет бар. Президент Жапаров экономика кандай реформаланарын айтты