Стилист Гүлзат Орчунова

Орчунова: дресс-кодго ылайык, аткаминер никелүү болсо шакек тагынышы керек

271
(жаңыланган 18:53 21.01.2019)
Стилист Гүлзат Орчунова мамлекеттик чиновниктер көп учурда дресс-кодду сактабай, туура эмес айкалыштагы кийимдерди, аксессуарларды тагынып жүргөндүгүн айтты.
Орчунова: дресс-кодго ылайык, аткаминер никелүү болсо шакек тагынышы керек

Мамлекеттик мекемелерде иштеген аткаминерлер туура кийинүү мыйзамына ылайык, үч түстөгү гана костюм-шымды кие алат. Бул тууралуу Гүлзат Орчунова Sputnik Кыргызстан радиосунун таңкы эфиринде маек куруп жатып билдирди.

Анын айтымында, аял аткаминерлер үчүн дагы атайын туура кийинүүнүн тартиби бар.

"Кызматтык дресс-кодго ылайык, аткаминер никелүү болсо шакек тагынуусу шарт. Андан сырткары, тагынган саатынын баасы үч айлык маянасынын суммасынан ашпашы керек. Ошондой эле билериги темир эмес, булгаарыдан болуусу талапка ылайык. Ал эми мырзалардын костюм, шымдарынын өңү күрөң, боз жана кочкул көк түстө болгону туура. Кара түстөгү костюм-шым кечки саат бештен кийин атайын иш-чара, кечелерге кийиле турчу кийимдердин катарына кирет. Аял аткаминерлер аксессуарлардан шакек, сөйкө тагынышат, бирок алар иш учурунда күмүштөн жана алтындан, чоң эмес көлөмдө болуусу шарт. Жалтыраган бижутерийлерди кечки саат бештен кийин атайын кечелерге, иш-чараларга тагынуу зарыл", — деди Орчунова.

Ал ошондой эле мамлекеттик кызматкерлер көп учурда бул эрежелерди сактабагандыгын кошумчалады.

271
Белгилер:
аткаминер, мыйзам, костюм, шым
Тема боюнча
Депутат Бакировдун видеосу. Кабинеттен чыкпай, соцтармакка жооп берди
Президентке караштуу Антикоррупциялык ишкердик кеңешинин эксперти Айдар Мамбеткадыров. Архив

Эксперт: коррупция менен күрөшүү боюнча ЕАЭБде бирдиктүү долбоор керек

7
(жаңыланган 12:51 18.09.2021)
Президентке караштуу Антикоррупциялык ишкердик кеңешинин эксперти Айдар Мамбеткадыров коррупция менен күрөшүүдө башка өлкөлөрдүн тажрыйбалары дагы изилдене турганын белгиледи.

Евразиялык экономикалык биримдикке мүчө өлкөлөрдүн деңгээлинде коррупция менен күрөшүүнү бирдиктүү колго алуу зарыл. Себеби ошол эле бажы, чек ара жаатында коррупциялык тобокелчиликтерди алдын алуу керек. Бул тууралуу Айдар Мамбеткадыров Sputnik Кыргызстан радиосунда маек куруп жатып билдирди.

Эксперт: коррупция менен күрөшүү боюнча ЕАЭБде бирдиктүү долбоор керек

Анын айтымында, коррупция менен күрөшүүдө уюмга мүчө мамлекеттерде ар кандай ыкмалар колдонулат.

"Башка мамлекеттердин ийгиликтүү тажрыйбаларын изилдеп көрдүк. Ошол эле ЕАЭБге мүчө мамлекеттердин дагы тажрыйбасын эске алдык. Уюмга мүчө мамлекеттерде коррупциялык көрүнүштөр, аны менен күрөшүү ыкмалары дагы ар башка болууда. Мисалы, Казакстанда коррупция менен күрөшө турган медиа борборлор бар. Алар көз карандысыз делингени менен президенттин алдында. Ал борбор коррупциялык көрүнүштөрдү коомго ачыктап чара көрүү аркылуу иш алып барат. Ошону менен өз натыйжасын көрсөтүп келе жатат. Ал эми Россияда, Беларуста, Арменияда деле бул багытта иш жүрөт. Бирок коррупция менен күрөштө жетиштүү деңгээлде натыйжасы байкалбайт. Ошондуктан ЕАЭБдин деңгээлинде коррупция менен күрөшүү боюнча бирдиктүү долбоор даярдалышы зарыл. Уюмдун ичиндеги өлкөлөрдүн бажы жана чек ара кызматтарында кездеше турган коррупциялык тобокелчиликтерди алдын алуу шарт. Себеби көмүскө товарлар кирип, коррупциялык көрүнүштөргө жол берилиши мүмкүн", — деди Мамбеткадыров.

Ошондой эле кайсы бир өлкөнүн тажрыйбасын колдонордон мурда жергиликтүү менталитетти эске алуу зарыл экендигин кошумчалады.

Подкастты толугу менен видеодон көрө аласыз:

7
Белгилер:
Айдар Мамбеткадыров, коррупция, Евразиялык экономикалык биримдик, тажрыйба
Тема боюнча
Коопсуздук кеңеш аймактык органдардагы коррупциялык тобокелдиктерди аныктоодо
Спорттун олимпиадалык эмес түрлөрү дирекциясынын усулчусу Адилет Камчыбеков

Камчыбеков: Бишкек марафонуна майыптыгы бар 100 адам катышат

9
Спорттун олимпиадалык эмес түрлөрү дирекциясынын усулчусу Адилет Камчыбеков Кыргызстан боюнча 195 миңден ашуун майыптыгы бар адам жашай турганын айтты.

Эртең борбор калаада өтүүчү жарым марафонго коляскада отурган майыптыгы бар 100 адамдын катышары пландалган. Бул тууралуу Адилет Камчыбеков Sputnik Кыргызстан радиосуна маек куруп жатып билдирди.

Камчыбеков: Бишкек марафонуна майыптыгы бар 100 адам катышат

Анын айтымында, өлкөдө 195 миңден ашуун ден соолугунан мүмкүнчүлүгү чектелген жаран бар.

"Булар үч топко бөлүнөт. Биринчиси — үйдөн чыкпаган, ата-энесинен башка эч ким менен сүйлөшпөгөн адамдар, экинчи топтогулар жарым-жартылай коомчулукка аралашкандар, ал эми үчүнчүсү билим алып, дос күтүп, эл менен аралашып жүргөндөр, бирок майыптыгы бар. Биринчи топко киргендердин психологиялык дагы саламаттыгы кооптуу абалга кептелет. Алардын ата-энеси, жакындары да ушундай эле оор абалда болот. Бул жарандарды элге аралаштырып, жарышка катыштыруу биринчи кезекте алардын багуучулары, ата-энеси үчүн чоң дем-күч берет. Андыктан биздин марафонго коляскада отурган, үч жаштан өйдө 100 адамды катыштыруу пландалган. Алар төрт топко бөлүнүп чуркашат. Кыздар, эркектер өзүнчө жана жандоочу менен, ошондой эле өз алдынча чуркагандар бар. Марафон учурунда дарыгерлер, тиешелүү социалдык мекемелердин кызматкерлери көзөмөлдөп турушат", — деди Камчыбеков.

Спортчу марафондун жыйынтыгында ар кандай кызыктыруучу сыйлыктар берилерин кошумчалады.

 

9
Белгилер:
Адилет Камчыбеков, марафон, майыптар, ден соолук
Тема боюнча
Надыров: Бишкек жарым марафонунун онлайн катышуучулары да болот
Игроки футбольного клуба Нефтчи из Кочкор-Аты празднуют победу на Кубка Кыргызстана по футболу

Футбол: Кыргызстан кубогунун ээси аныкталды

0
Эсеп негизги убакытта да, кошумча берилген мөөнөттө да ачылган жок. Финалдык оюндун жеңүүчүсү пенальти сериясынан соң белгилүү болду.

БИШКЕК, 18-сен. — Sputnik. Кочкор-Атанын "Нефтчи" футболдук клубу Кыргызстан кубогунун ээси аталганын Кыргыз футбол союзу билдирди.

90 мүнөттүк негизги убакытта "Нефтчи" да, ага атаандаш болгон Бишкектин "Алга" командасы да гол киргизе алган эмес. Кошумча берилген эки таймда да эсеп ачылган жок.

Жеңүүчүнү пенальти сериясы аныктап, "Нефтчи" 4:2 эсеби менен жеңүүчү аталды.

Оюн биринчи жолу Баткен шаарынын борбордук стадионунда өттү.

0
Белгилер:
футбол, кубок, мелдеш, команда
Тема боюнча
Кыргызстандын футбол командасы FIFA рейтингинде алдыңкы жүздүккө илинди