Маданият, маалымат жана туризм министрлигине караштуу Туризм департаментинин жетекчиси Максат Дамир уулу

Дамир уулу: Кыргызстандагы 23 тоо лыжа базанын 17си гана иштеп жатат

116
(жаңыланган 17:40 22.01.2019)
Маданият, маалымат жана туризм министрлигине караштуу Туризм департаментинин жетекчиси Максат Дамир уулу кышкы туризмге келген туристтердин саны жыл санап өсүп жатканын айтты.
Дамир уулу: Кыргызстандагы 23 тоо лыжа базанын 17си гана иштеп жатат

Кыргызстандагы тоо лыжа базаларынын басымдуу бөлүгү Чүй облусунда жайгашкан. Бул тууралуу Максат Дамир уулу Sputnik Кыргызстан радиосунун таңкы эфиринде маек куруп жатып билдирди.

Анын айтымында, жалпы 23 тоо лыжасы бар болсо, бүгүнкү күндө алардын 17си гана иштеп келүүдө.

"Кыргызстандагы 23 тоо лыжа базанын көпчүлүгү Советтер Союзунан калган. Ушу тапта 17си гана иштеп, эс алуучуларга кызматын көрсөтүп келүүдө. Басымдуу бөлүгү Чүй облусунда жайгашкан. Мындан сырткары, Ысык-Көлдө да бар экени баарыбызга маалым. Ошондой эле Нарын аймагында да жергиликтүү калкка ылайыкташтырылган тоо лыжа базасы ачылды. Жыл санап биздин өлкөнү көрүүгө кызыкдар туристтердин саны өсүүдө", — деди Дамир уулу.

Ал кышкы туризм үчүн Кыргызстанга Россиядан туристтер көп келерин кошумчалады.

116
Белгилер:
саякат, туризм, Максат Дамир уулу
Тема боюнча
Чүй облусунда туристтик кайрымдуулук фестивалы уюштурулат
Көзүңдү ала албайсың! Кыргызстандагы кышкы туризм тууралуу жаңы ролик тартылды
Республикалык кан борборунун жетекчисинин орун басары Айганыш Сатыбалдиева

Сатыбалдиева: коронавирус кан аркылуу жукпайт

29
(жаңыланган 14:15 15.07.2020)
Республикалык кан борборунун жетекчисинин орун басары Айганыш Сатыбалдиева эпидемияга байланыштуу донорлордон кан алуу кыйла түйшүк жаратканын айтты.
Сатыбалдиева: коронавирус кан аркылуу жукпайт

Коронавирус кан аркылуу жукпайт. Ага карабастан учурда донорлордун дене табы, абалы, жөтөлүп, чүчкүрбөгөнү текшерилүүдө. Бул тууралуу Айганыш Сатыбалдиева Sputnik Кыргызстан радиосуна маек куруп жатып билдирди.

Анын айтымында, коронавирустук эпидемияга байланыштуу кан тапшыргандарга талап күчөтүлгөн.

Бишкекте беш лаборатория иммуноферменттик анализ ала баштады. Тизме

"Мурда кандын тобу, гемоглабини, кан басым салмагы каралса, азыр коронавируска байланыштуу дене табы, абалы боюнча сурамжылоо жүргүзүлүүдө. Донорлор маска кийип, антисептик колдонуп, толугу менен тийиштүү талаптарга ылайык каттоодон өтүүдө. Ал эми Кан борборунда бардык санитардык-эпидемиологиялык талаптар сакталып жатат. Саламаттык сактоо уюмунун негиздемесине ылайык, коронавирус кан аркылуу жукпайт.  Вирус жөтөлгөндө, чүчкүргөндө аба аркылуу жугат. Ага карабастан эч кандай симптому жок донорлор болуп калбасын деп, алардын дене табы, жөтөл, энтигүүсү текшерүүдөн өтөт. Эгер жогоруда аталган белгилердин бирөө эле аныкталып калса, булардан кан алынбайт. Андан тышкары, кан аркылуу жуга турган инфекцияларга да текшерилет", — деди Сатыбалдиева.

Ошондой эле ал кандын плазмасы үч жылга чейин сактала турганын кошумчалады.

29
Белгилер:
талап, коронавирус, донор, Айганыш Сатыбалдиева
Тема:
Кыргызстандагы коронавирус жуктуруп алгандар
Тема боюнча
Ноокаттык медиктер кан куюп COVID-19дан айыктырышууда. Дарыгер Марипов менен маек
Жаштар иши, дене тарбия жана спорт агенттигинин мурдагы маалымат катчысы Нурдин Султамбаев

Султамбаев: америкалыктар менен бирге көк бөрү тууралуу тасма тартылды

9
(жаңыланган 14:10 15.07.2020)
Жаштар иши, дене тарбия жана спорт агенттигинин мурдагы маалымат катчысы Нурдин Султамбаев Netflix компаниясы Казакстанга кетип калабы деген чочулоо болгонун айтты.
Султамбаев: америкалыктар менен бирге көк бөрү тууралуу тасма тартылды

Спорт агенттиги 2014-жылдан бери Москвадагы журналист, режиссер Станислав Соловкиндин Soar Productions телекомпаниясы менен кызматташып келет. Аталган телекомпания ири компаниялар менен долбоорлорду ишке ашырууга мүмкүнчүлүк түзүп берип жатат. Netflix менен иштешип калганыбызга да Soal Productions себепчи. Бул тууралуу Нурдин Султамбаев Sputnik Кыргызстан радиосунун эфиринде маек куруп жатып билдирди.

Анын айтымында, көк бөрүнү тарткан режиссер Остиндин Техастан болгону жана ат жалында чоңойгону фильмди ачып берген.

Netflix көк бөрү жөнүндө фильм тартты. Трейлери

"Soar Productions телекомпаниясы 2016-жылы Лос-Анджелесте биздин атыбыздан Көчмөндөр оюндарын, анын ичинде көк бөрүнү, Кыргызстандын жаратылышын четөлкөлүктөргө тааныткан. Тасманын тартылышына Дүйнөлүк көчмөндөр оюндары да  түрткү болду десек болот. Көк бөрү биздин улуттук оюндардын ичинен эң эле көрүнүктүүсү болгондуктан дароо эле ушул оюнду тандап алышкан. 2018-жылы фильм тартуу боюнча сүйлөшүүлөр жүргөн. Бизге компания бир жыл мурун байланышка чыгып, даярдыктар башталган. Коңшу Казакстанда да биздикиндей улуттук оюн бар, андыктан Netflix ал жакка кетип калабы деген коркунуч болгон. Тасма тартууга алты ай калганда кайсы жерден тартарыбызды талкуулап, тыгыз иштеше баштадык. Алар негизги локация катары Ысык-Көлдөгү ипподромду айтышты. Ошентип Бишкекте өтүп келген көк бөрү кубогун көлдө өткөрүү үчүн президентке кайрылганбыз. Ал жактан уруксат алгандан кийин гана үч ай боз үй, сарай жана башка съемкага керектүү нерселерди даярдап баштадык. Москвадан тартуучу топтун ассистенттери да келип-кетип жатышты. Андан соң алар Кыргызстанга келип он күндүн ичинде тасманы тартып кетишти. Фильмдин баш каармандары "Ынтымак", "Достук" командасынын оюнчулары Сейитбек менен Манас, ал эми эпизоддордон "Сары-Өзөн" жана башка командаларынын оюнчуларын көрө аласыздар", — деди Султамбаев.

Ал көк бөрү оюнчулары съемкаларга көп аралашып жүргөндүктөн, камера менен иштегенге көнүп калышканы тартуу иштерин жеңилдеткенин кошумчалады.

9
Белгилер:
улуттук оюндар, Көк бөрү, кино, Нурдин Султамбаев
Тема боюнча
Көк бөрүчүлөр баштаган бир катар спортчуларга наам ыйгарылды. Тизме
Жаңы конуш Калыс-Ордо. Архивдик сүрөт

Статусу жок жаңы конуш менен дачада жашагандар эми жөлөк пул ала башташат

0
(жаңыланган 16:31 15.07.2020)
Министр президент кол койгон мыйзамга ылайык, эми ата-энеси белгисиз, тоголок жетимдер дагы айына 2000 сомдон жөлөк пул ала турганын кошумчалады.

БИШКЕК, 15-июл. — Sputnik. Статусу жок жаңы конуш, дачаларда жашагандар эми социалдык төлөм ала башташат. Бул тууралуу эмгек жана социалдык өнүктүрүү министри Улукбек Кочкоров брифингде маалымдады.

Анын айтымында, 10-июлда президент аталган мыйзамга кол коюп, социалдык төлөм чегерүү эрежелери өзгөртүлгөн.

Түркиядагы кыргызстандыктар пенсия, жөлөк пул ала башташат. Күчүнө кирген документ

"Буга чейин статусу жок жаңы конушта, дачада жашагандар социалдык төлөм ала алчу эмес. Эми алар кайрылган жерден жөлөк пул берилет. Бир айдын ичинде биз токтом, жоболорго өзгөртүүлөрдү киргизип чыгабыз дагы 30 күндөн кийин жөлөк пул төлөнө баштайт. Бардык муктаж адамдарга кайрылган жеринен кызмат көрсөтүлүп, социалдык төлөм берилет", — деди Кочкоров.

Ал президент кол койгон мыйзамга ылайык, эми ата-энеси белгисиз, тоголок жетимдер дагы жөлөк пул ала турганын кошумчалады.

"Буга чейин аларга акча чегерилчү эмес. Эми банктык эсеп ачылып, 18 жашка чыкканга чейин ошол эсепке айына 2000 сомдон которула берет. 18 жашка толгондон кийин алар акчаны атайын эсептен алуу укугуна ээ болушат", — деди министр.

Президент медиктердин компенсациясы боюнча мыйзамга кол койду

Кочкоров турмуштук оор кырдаалга кабылган үй-бүлө жана балдарды тез арада табуу, аларга жардам көрсөтүү боюнча автоматташтырылган электрондук база түзүлгөнүн кошумчалады. Базада татаал шартта жашаган балдар тууралуу толук маалымат камтылган.

0
Белгилер:
жаңы конуштар, жетим, каражат, эреже, мыйзам, жөлөк пул, Улукбек Кочкоров
Тема боюнча
Кочкоров: 20 миңдей адам жеңилдетилген түрдө майыптыгын күбөлөндүрөт