Кыргызстандын футбол боюнча улуттук курама командасынын оюнчусу Мирлан Мурзаев. Архив

Мурзаев: Ахлетдин пас бергенде топту басып аламбы деп корктум

(жаңыланган 14:48 31.01.2019)
Кыргызстандын футбол боюнча улуттук курама командасынын оюнчусу Мирлан Мурзаев Азия кубогунда улуттук командага футбол күйөрмандарынын сүрөөсү чоң күч бергенин айтты.
Мурзаев: Ахлетдин пас бергенде топту басып аламбы деп корктум

Футбол боюнча Азия кубогунда БАЭ командасы менен болгон оюндун соңунда Ахлетдин пас чыгарып берип калды. Бул учурда дарбазачы да жакындап калгандыктан, тез арада аракет көрүш керек эле. Мен дарбазачыны алдап туруп гол киргизе аларымды бир ирмемде түшүндүм. Бул тууралуу Мирлан Мурзаев Sputnik Кыргызстан радиосунун эфиринде маек куруп жатып айтып берди.

Футболчу улуттук команданын оюнчуларында "ким гол киргизсе да Кыргызстан утсун" деген зор каалоо болгонун белгилеп өттү.

"Азия кубогунда мен голго суусап турдум. Гол киргизе албай мекениме кетпесем экен деп тилек кылып жаттым. Бизде командалык ынтымак күчтүү болду. Оюн талаасында биздин гана күйөрмандардын кыйкырганы угулуп жатты. Алардын ишенимин актап, гол киргизсем экен деп турсам, Ахлетдин пас чыгарып берди. Ал менден алысыраак болуп, дарбазачы да камынып келип калды. Мен дарбазачыны алдап гол киргизип кеткенге мүмкүнчүлүгүм бар экенин бир ирмемде түшүнүп, абалды колдон чыгарбаш керек деп ойлодум. Бутум тепкенге даярданып жатып да, топту тебелеп албасам экен деп корктум. Гол киргенде күйөрмандардын кыйкырыгын угуп, жүрөгүм дүкүлдөп кетти, абдан сүйүндүм", — деди Мурзаев.

Футболчу учурдан пайдаланып футбол боюнча улуттук команданын жалпы күйөрмандарына ыраазычылык билдирди.

Эскерте кетсек, футбол боюнча Азия кубогунда Кыргызстандын курама командасынын чабуулчусу Мирлан Мурзаевдин 1/8 финалда киргизген голу бирден-бир мыкты гол деп табылды.

Азия футбол конфедерациясынын расмий сайтындагы добуш берүүнүн жыйынтыгы менен биринчи орунга вьетнамдык спортчу Нгуен Конг Фыонг 217 миң добуш алып татыса, Мирлан Мурзаев экинчи орунду багындырган. Ага 59 миңден ашуун адам жан тарткан.

Белгилер:
гол, каалоо, Азия кубогу, Мирлан Мурзаев
Тема боюнча
Ак шумкарлардын Азия кубогундагы мыкты учурлары. Жүрөк толкуткан видео
Катардын командасы БАЭни жеңди. Азия кубогунун финалисттери аныкталды
Sputnik Кыргызстан радиосунун Көөнө сөз рубрикасы

Талантбеков: ууландыруучу же мас кылуучу нерсени "кыйгак" десе болот

"Көйкашка" коомдук бирикмесинин мүчөсү, манасчы Нурбек Талантбеков жаңы кирген сөздөрдү колдонууда дароо эле түз которууга ашыкпай, ата-бабаларыбыз сүйлөп жүргөн аталыштарга маани берүү керектигин айтты.
Талантбеков: ууландыруучу же мас кылуучу нерсени "кыйгак" десе болот

"Кыйгак" найзанын учундагы курч металлды түшүндүрөт. Бул тууралуу Нурбек Талантбеков Sputnik Кыргызстан радиосунун "Көөнө сөз" рубрикасында маалымдады.

Анын айтымында, бул сөздү бир нече мааниде колдонууга болот.

Манасчи, член общественного объединения Көйкашка Нурбек Талантбеков на радиостудии Sputnik Кыргызстан
© Sputnik / Асель Сыдыкова
"Көйкашка" коомдук бирикмесинин мүчөсү, манасчы Нурбек Талантбеков
"Жыгач найзанын учуна ашталып бекитилген курч металлды "кыйгак" деп койгон. Ошондой эле колду тилип кете турган жалбыракты дагы ушул сөз менен сүрөттөөгө болот. Мындан тышкары, "кыйгак" сөзүнүн өтмө маанисинде уу, ууландыруучу же мас кылуучу нерсе катары түшүнүүгө болот. Бул үч маанисин тең колдонууга мүмкүндүк бар. Адатта ууну өз аты менен эле атап жүрөбүз. Бирок анын синоними катары "кыйгак" деп колдонуу дагы артыкчылык кылбайт", — Талантбеков.

Манасчы көөнө сөздөр күнүмдүк турмушта көбүрөөк колдонулса, тилди байытууга, шөкөттөөгө көмөгү тие турганын кошумчалады.

Белгилер:
Кыргызстан, эне тил, Манас эпосу, Нурбек Талантбеков
Тема боюнча
Талантбеков: "Манас" эпосунда алимент деген сөздүн түшүндүрмөсү бар
КР маданиятына эмгек сиңирген ишмер, жомокчу Бегайым Жайчиева

Жайчиева: жомок балдарды гана эмес, чоңдорду да тарбиялайт

КР маданиятына эмгек сиңирген ишмер, жомокчу Бегайым Жайчиева жомок балдарды гана эмес, чоңдорду да тарбиялай тургандыгын айтты.

Эгер чоңдор китеп окуп, жомокко маани берсе, ал өзүнүн жүрүм-туруму, кулк-мүнөзүнө көңүл буруп, балдарына туура тарбия бере алат. Мындай оюн Бегайым Жайчиева Sputnik Кыргызстан радиосунун эфиринде маек куруп жатып билдирди.

Жайчиева: жомок балдарды гана эмес, чоңдорду да тарбиялайт

Анын айтымында, чоңдорго арналып жазылган жомоктордун саны көп болгонуна карабастан улуулар ага жакшы маани бербей келишет.

"Жомок менен балдарды гана эмес, чоңдорду да тарбияласа болот. Чоңдорго арналып жазылган жомоктор абдан көп. Кайнене менен келинге, ата менен балага арналган, жаратылышты сактоого, жалкоолукка арналган жомоктор бар. Сулайман Рысбаев деген балдар жазуучусу көптөгөн жомокторду жазат. Ал азыркы күндүн талабы менен мурункуну байланыштырып, кооздоп, тарбиясы терең чыгармаларды жаратууда. Чоң адамдар үчүн да ойлондурган, олуттуу жомоктору көп. Мисалы, "Балык балдар" деген жомогу бар. Көлдүн жээгинде арак ичип, таштандыларды ыргытып булгаган чоң кишилердин туура эмес жоруктарын көргөн кичинекей балдар аларга таарынып, түндө көлгө балык болуп кетишет. Мына ушундай мааниси терең жомокторду улуулар да окуп туруусу зарыл", — деди Жайчиева.

Ошондой эле жомокчу балдар адабиятына өзгөчө көңүл буруп, баланын коомдогу ордун калыптандырыш үчүн ата-энелер балдарга китеп окуп бериши керектигин кошумчалады.

Белгилер:
тарбия, балдар, китеп, жомок, Бегайым Жайчиева
Тема боюнча
Психолог: жомок угуп чоңойгон баланын иммунитети бекем болот
Россиянын 11 аскер адамы Кыргызстандын президенти Садыр Жапаровдун энчилүү кол сааты менен сыйланды

Россиянын 11 аскер адамы КР президентинин энчилүү кол сааты менен сыйланды

(жаңыланган 23:29 19.04.2021)
Россия Федерациясынын Коргоо министрлигинин № 20022 аскер бөлүмүнүн кызматкерлери "Коопсуздук — 2021" аскердик машыгууларына катышкан.

БИШКЕК, 19-апр.— Sputnik. Россиянын 11 аскер адамы Кыргызстандын президенти Садыр Жапаровдун энчилүү кол сааты менен сыйланды. Бул тууралуу өлкө башчынын маалымат кызматы кабарлады.

Церемония вручения именных часов президента Кыргызстана Садыра Жапарова 11 российским военнослужащим на авиабазе Кант
© Пресс-служба президента КР
Россиянын 11 аскер адамы Кыргызстандын президенти Садыр Жапаровдун энчилүү кол сааты менен сыйланды

Россия Федерациясынын Коргоо министрлигинин № 20022 аскер бөлүмүнүн кызматкерлери "Коопсуздук — 2021" аскердик машыгууларына катышкан.

Саат тапшыруу аземи "Кант" авиабазасында болуп, анда Кыргызстандын Коргоо министрлигинин жетекчилиги жана Коопсуздук кеңешинин катчылыгынын кызматкерлери болгон.

Машыгууга эки миңге жакын адам катышып, 100гө жакын автомобиль, сооттолгон жана атайын техника, 20га чейинки артиллериялык система, ошондой эле 10дой авиациялык техника тартылган. 

Белгилер:
сыйлык, Садыр Жапаров, президент, Аскер, саат, Россия, Кыргызстан
Тема боюнча
Элди эвакуациялап, Төрткүлдү кайтарышат. Кыргызстандагы машыгуунун видеосу