Улуттук онкология жана гемотология борборунун жетекчиси Эрнис Тилеков

Онколог: Кыргызстанда ракка кабылып 25 миң киши каттоодо турат

215
(жаңыланган 18:35 04.02.2019)
Улуттук онкология жана гемотология борборунун жетекчиси Эрнис Тилеков учурда Кыргызстанда 25 миң адам рак илдетинен жабыркап, каттоодо турарын айтты.
Онколог: Кыргызстанда ракка кабылып 25 миң киши каттоодо турат

Кыргызстанда рактын төрт түрүнө көп чалдыгышат. Алар — аялдар арасында эмчек рагы, жатын моюнчасынын рагы жана жалпы калктын ичинде өпкө, ашказан рагы. Бул тууралуу Эрнис Тилеков Sputnik Кыргызстан радиосунун ракка каршы күрөшүү күнүнө карата уюштурулган эфиринде маек куруп жатып билдирди.

Анын айтымында, учурда Кыргызстанда 25 миң адам аталган илдеттен жапа чегип келет. Алардын сап башында аялдардын эмчек рагы турат.

"Жалпысынан алганда өлкөдө абал туруктуу эле. Учурда 25 миң адам рак илдетине чалдыгып, Улуттук онкология борборунда каттоодо турат. Алардын ичинде эмчек рагына чалдыккан аялдар биринчи орунда. Андан соң жатын моюнчасынын шишиги да кенен жайылган. Рактын бул эки түрү башкаларынан бир нече эсеге көптүк кылат. Ошондуктан мен аялдардан дарыгер катары суранып кетем. Жылына бир ирет маммолог, гинекологго барып текшерилип турушса, оорунун алдын алышар эле. Мындан сырткары, өпкө жана ашказан рагына чалдыккандар да көп. Өпкө рагына туш болгондордун дээрлик баары чылым чеккен эркектер. Ошондой эле аталган оору тукум кууйт. Андыктан жакындарынын кимдир бирөө ракка кабылып каза тапкан болсо, туугандары дарыгерлерге жыл сайын текшерилип турганы жакшы", — деди Тилеков.

Дарыгер сергек жашоо образы жана туура тамактануу рак илдетинин алдын аларын кошумчалады.

Айта кетсек, 2005-жылдан тарта 4-февраль "Ракка каршы күрөшүү" эл аралык союзу тарабынан аталган илдетке каршы күрөшүү күнү катары белгиленип келет. Максаты — рак менен ооругандарга жакындан жардам көрсөтүү, коомчулуктун көңүлүн бул илдетке буруу. 2019-жылы күндүн темасы "Мен бармын жана жашай берем" деп аталды.

215
Белгилер:
сактануу, көйгөй, абал, дарт, рак, Эрнис Тилеков
Тема боюнча
Кыргызстанда рактын 4 түрү басымдуулук кылат. Эрнис Тилеков менен маек
Мамлекет кепилдеген юридикалык жардамды координациялоо борборунун директору Акжол Калбеков

Калбеков: кирешеси айына 9000 сомдон ашпаган жаран акысыз жактоочу ала алат

36
Мамлекет кепилдеген юридикалык жардамды координациялоо борборунун директору Акжол Калбеков аталган мекеменин максаты аз камсыз болгон атуулдарга акысыз юридикалык кызмат көрсөтүү экендигин айтты.
Калбеков: кирешеси айына 9000 сомдон ашпаган жаран акысыз жактоочу ала алат

Мамлекет кепилдеген юридикалык жардамды координациялоо борборунун түзүлгөнүнө эки жылдан ашты. Ал эки багытта жарандарга кызмат көрсөтөт. Биринчиси — акысыз консультация берүү, экинчи иши — кирешеси аз адамдарды зарыл учурда жактоочу менен камсыздоо. Бул тууралуу Акжол Калбеков Sputnik Кыргызстан радиосунун эфиринде маек куруп жатып билдирди.

Анын айтымында, акысыз консультацияны бардык кыргызстандыктар, ал тургай чет мамлекеттин жарандары да ала алат.

"Биздин мекеменин ачылганына эки жылдан ашты. 2018-жылы 5000ден ашуун жаранга юридикалык жардам берсек, 2019-жылы бул сан 14 000ге жетти. Анын 65 пайызында иш оң тарабына чечилип, сегиз жаран акталып чыккан. Борбор эки түрдө юридикалык көмөк бере алат. Биринчиси, өлкө аймагында жүргөн бардык адамдар кайрылып кеңеш алса болот. Ал эми соттук иштерде акысыз адвокат менен камсыз кылуу Кыргызстандын жарандыгы бар, айлык кирешеси 9000 сомдон ашпаган адамдарга гана жеткиликтүү. Бул учурда биздин реестрге катталган адвокаттар ал адамдын соттук иштеринде башынан аягына чейин катышат. Жактоочунун гонорарын мамлекет төлөп берет. Муктаж болгондорго кеп-кеңеш берүү үчүн учурда республикада 28 борбор иштеп жатат, келечекте ар бир районго бирден ачууну пландоодобуз", — деди Калбеков.

Ал жаранга акысыз кызмат көрсөткөн жактоочуга мамлекет ишинин сапатына карап акча төлөөрүн кошумчалады.

36
Белгилер:
жардам, мамлекет, укук, жактоочу
Тема боюнча
Адис уюлдук телефонго жакындарды "ата", "апа" деп сактабаш керектигин айтты
Бизнес ассоциацияларынын улуттук биримдигинин төрагасы, экономист Искендер Шаршеев

Шаршеев: ишкерлик боюнча да жаңы көз караштар жаралууда

30
(жаңыланган 13:35 20.10.2020)
Бизнес ассоциацияларынын улуттук биримдигинин төрагасы, экономист Искендер Шаршеев 4-октябрдагы парламенттик шайлоодон кийинки башаламандык учурунда пайда болгон элдик кошуундар тууралуу пикирин билдирди.
Шаршеев: ишкерлик боюнча да жаңы көз караштар жаралууда

Митингдер учурунда өз ыктыяры менен чыгып ишкерликти коргоп берген элдик кошуундардын республика боюнча пайда болушу — бул феноменалдык көрүнүш. Мындай пикирин Искендер Шаршеев Sputnik Кыргызстан радиосунун эфиринде маек куруп жатып билдирди.

Анын айтымында, мезгилдин өтүшү менен бизнес тармагына да жаңы көз караштар жаралып жатат.

"Мурдагы башаламандыктарда көбүнесе чакан жана орто бизнес жабыркаса, бул ирет алар, тескерисинче, киреше тапты. Албетте, бул өз каалоосу менен чыгып аларды коргоп турган элдик кошуундардын аракети менен ишке ашты. Мындай кадам жалпы республикада жасалып, бир нече күн элдик кошуундардын бизнести коргоп бериши чоң үмүт жаратты. Алар деле жөнөкөй эле кыргызстандыктар, биздин катарыбызда жүргөн жаш балдар. Демек, бизнес деп эле талап-тоноп кетпей, алардын өсүшүнө шарт түзүү керектигин түшүнгөн муун өсүп келе жатат десек болот. Бул бир эле кыргызстандыктарды эмес, дүйнө элин таң калтыра турган феномен", — деди Шаршеев.

Экономист бизнесте алдын ала божомолдоо өтө татаал экендигин кошумчалады.

30
Белгилер:
ишкерлик, келечек, элдик кошуун, Искендер Шаршеев
Тема боюнча
Абдыров: акыркы саясий окуялар экономикага терс таасирин тийгизет
Экс-президент Сооронбай Жээнбеков. Архив

Жээнбеков жоюп кеткен Антикоррупциялык кызматты Жапаров жандантты

0
(жаңыланган 22:30 20.10.2020)
Жаңы жарлыктын негизинде Жээнбековдун жарлыгынын колдонулушу токтотулуп жана кабыл алынган күндөн тартып күчүн жоготту деп табылды. 

БИШКЕК, 20-окт. — Sputnik. Президенттин милдетин аткаруучу Садыр Жапаров Коррупцияга каршы күрөшүү кызматынын ишин жандандыруу боюнча жарлыкка кол койду. Бул туурасында президенттик аппарат билдирди.

Белгилей кетсек, экс-президент Сооронбай Жээнбеков кызматтан кетип жатып аталган кызматты жоюу туурасында жарлыкка кол койгон

Жапаровдун чыгарган жарлыгына ылайык, Жээнбековдун жарлыгынын колдонулушу токтотулду жана кабыл алынган күндөн тартып күчүн жоготту деп табылды.

Буга байланыштуу Улуттук коопсуздук мамлекеттик комитетинин Антикоррупциялык кызматынын иши улантылат.

УКМКга төмөнкүдөй тапшырмалар берилди:

  • Антикоррупциялык кызматтын иштөөсүн камсыз кылсын;
  • Антикоррупциялык кызматтын мындан аркы ишин оптималдаштыруу боюнча сунуштарды киргизсин.

Жарлык расмий жарыяланган күндөн тартып күчүнө кирет.

0
Белгилер:
кызмат, коррупция, жарлык, Садыр Жапаров, Сооронбай Жээнбеков
Тема боюнча
Экс-президент макамы Жээнбековго кандай артыкчылык берет? Тизме
Жээнбеков расмий түрдө экс-президент болду. Жапаровдун биринчи жарлыгы