Мамлекеттик салык кызматынын маалыматтык камсыздоо жана мамлекеттик тил бөлүмүнүн башчысы Эркин Сазыков

Сазыков: салык терминдерин камтыган орусча-кыргызча сөздүк чыкты

61
(жаңыланган 12:33 11.02.2019)
Мамлекеттик салык кызматынын маалыматтык камсыздоо жана мамлекеттик тил бөлүмүнүн башчысы Эркин Сазыков сөздүк чыгаруу идеясы үч жыл мурун пайда болгонун айтты.

Салык терминдерин камтыган орусча-кыргызча сөздүк жарык көрдү. Бул тууралуу Эркин Сазыков Sputnik Кыргызстан радиосунун "Ачык кеп" программасында маек куруп жатып билдирди.

Анын айтымында, китепче декабрь айында басып чыгарылып, январь айында бет ачары болуп, учурда таркатуу иштери улантылууда.

"Бул сөздүктүн пайда болушуна салык терминдеринин бир жолго салынбай, ар түрдүү колдонулуп калышы себеп болду. Бир эле сөз ар кандай мааниде колдонулуп калган жагдайлар бар. Сөздүктүн чыгышы менен салык терминдери бирдиктүү эрежеге салынды. Эми бардык тиешелүү адистер бул китепче менен иш алып барат. Сөздүктү бир гана салык кызматкерлери эмес, жөнөкөй жарандар, салык тармагында билим алган студенттер да пайдалана алат", — деди Сазыков.

Ал салык терминдерин камтыган сөздүк 1000 нускада чыккандыгын кошумчалады.

61
Белгилер:
сөздүк, Мамлекеттик салык кызматы
Тема боюнча
Элеттегилер 6 пайыздык насыяны кантип ала алат? Жол-жобосу