Республикалык Баткен согушунун ардагерлер кеңешинин төрагасынын орун басары Азатбек Байбагышев

Байбагышев: командир көз алдында өлгөн жоокерин унута албай акылдан тайды

1532
(жаңыланган 17:52 12.02.2019)
Республикалык Баткен согушунун ардагерлер кеңешинин төрагасынын орун басары Азатбек Байбагышев психикалык дартка чалдыккан жоокерлердин арасында жогорку мамлекеттик сыйлыктын ээлери дагы бар экендигин айтты.

Баткен согушу аяктагандан кийин жоокерлер реабилитациядан өткөн эмес жана ар ким өз көйгөйү менен жалгыз калган. Бул тууралуу Азатбек Байбагышев Sputnik Кыргызстан радиосунун Баткен согушунун 20 жылдыгына арналган эфиринде маек куруп жатып билдирди.

Анын айтымында, аскерлер үчүн согуштан кийин жай турмуш-тиричиликке кайтып келүү оңой болгон жок.

"Менин "Сочи" деген командирим болгон. Бир күнү ал кол астындагы Алтынбек Ибраев аттуу аскери менен согушкерлердин соккусуна кабылып, жоокер курман болуп калган. "Мен болбосом жоокер өлбөйт эле" деп өзүн жемелеп жүрүп психикалык жактан жабыркап, акыл-эсинен тайып калды. Бул жерде анын деле күнөөсү жок, болгону ал үчүн командир катары жоокеринен ажырап калуу чоң сокку болду. Согушта бирге болгон көп жигиттер Баткенден келгенден кийин реабилитациядан өткөн жок. Айрымдары үй-бүлөсү менен ажырашып, ичип кетти, дагы бири психикалык жактан жабыркап, эс-акылдан калышты. Арасында жогорку даражадагы мамлекеттик сыйлыктын ээлери бар", — деди Байбагышев.

Ошондой эле ардагер командири тууралуу кабар 2014-жылдан бери жок экендигин кошумчалады.

1532
Белгилер:
реабилитациялоо, командир, согуш
Тема боюнча
Моджахеддер башын 1 млн. долларга баалаган Кара майор каза болду