Студент Эрмек Темирбек уулу

12 өлкөдө болгон студент Европада аз акча менен саякаттоонун жолун айтып берди

2456
24 жаштагы Эрмек Темирбек уулу учурда АКШда иштеп, маркетинг жаатында билим алып жатканын айтты.
12 өлкөдө болгон студент Европада аз акча менен саякаттоонун жолун айтып берди

Саякаттоодон мурда интернеттен, чет жакка чыгып жүргөн тааныштардан бара турчу өлкө жөнүндө маалымат топтоп, изилдеп чыгыш керек. Ошого жараша капчыкка туура келген варианттарды тандап алса болот. Мындай пикирин Эрмек Темирбек уулу Sputnik Кыргызстан радиосунун таңкы эфиринде маек куруп жатып билдирди.

Анын айтымында, өзү ушул кезге чейин 12 өлкөнү көрүүгө жетишкен. Ал үнөмдүү саякат тууралуу төмөнкүлөргө токтолду.

"Үнөмдүү саякат демекчи, биз теңтуштар менен аны практика жүзүндө колдонуп, жон терибиз менен сезе алдык. Европада сарамжалдуу саякаттоо үчүн мүмкүнчүлүктөр абдан көп. Арзан учак билет, арзан жатакана, арзан автобус билеттерин мобилдик тиркемелер аркылуу таап, колдонсо болот. Өзүңүз каалаган датаны, каалаган жол транспортун тандап, сапарыңызды ары уланта аласыз. 5-7 евродон жатакана таап, ушундай эле баага Европанын бир шаарынан башка жерине барууга шарттар түзүлгөн. Болгону арзан баадагы мүмкүнчүлүктөрдү интернеттен жана тааныштардан сураштырып, изилдеп, жер көрүүгө ылайыктуу вариантты тандоо жетиштүү", — деди Темирбек уулу.

Ал Европада убактылуу бекер жашатканга айрым үй-бүлөлөр кызыкдар экенин жана аларды мобилдик тиркеме, сайттардан караштырса болорун кошумчалады.

2456
Тема боюнча
7 тил билген студент: чет тилин тез үйрөнүүнүн бир эле сыры бар
Социалдык фонддун маалымат кызматынын жетекчиси Жеңишбек Мукамбетов. Архив

Мукамбетов: Түркиядагы мигранттар ошол жактан пенсия, жөлөк пул ала алышат

49
(жаңыланган 16:55 25.11.2020)
Социалдык фонддун маалымат кызматынын жетекчиси Жеңишбек Мукамбетов Түркияда иштеп жүргөн кыргызстандыктарга ошол мамлекеттен пенсияга чыгуу мүмкүнчүлүгү түзүлгөнүн айтты.
Мукамбетов: Түркиядагы мигранттар ошол жактан пенсия, жөлөк пул ала алышат

Түркияда иштеп жүргөн мекендештерибиз эми ал мамлекеттен пенсияга чыгып, зарылчылык жаралган учурда жөлөк пул да ала алышат. Бул тууралуу Жеңишбек Мукамбетов Sputnik Кыргызстан радиосунун эфиринде маек куруп жатып билдирди.

Анын айтымында, аталган келишим ушул жылдын октябрь айынан тарта күчүнө кирди.

"Түркия менен Кыргызстандын ортосундагы келишимге ылайык, эми ал жакта иштеп жүргөн мекендештер жаш курагы жеткенде расмий түрдө пенсияга чыга алышат. Ошондой эле иштеп жүргөн учурунда кош бойлуу болуп калса же башка бир зарылчылык жаралса, жөлөк пул да чегерилет. Аталган мыйзам ушул жылдын октябрь айынан тарта күчүнө кирди. Учурда жаш курагы жеткен эмгек мигранттары пенсияга документтерин тапшырып жатышат. Келишимдин аткарылышы Түркиянын ички мыйзамдарынын негизинде ишке ашат", — деди Мукамбетов.

Ал ошондой эле Түркиядан пенсия, жөлөк пул алып иштөө үчүн жумушка расмий түрдө кирүү зарылдыгын кошумчалады.

49
Белгилер:
мигранттар, пенсия, Түркия, Жеңишбек Мукамбетов
Тема боюнча
Шамшиев: Россияда 800 миң кыргызстандыктын 470 миңи мыйзамсыз иштейт
Өнөр жай, энергетика жана жер казынасын пайдалануу мамлекеттик комитетинин төрагасы Жыргалбек Сагынбаев. Архив

Сагынбаев: кен байлыктарды электрондук аукционго коюу колго алынууда

13
(жаңыланган 15:48 25.11.2020)
Өнөр жай, энергетика жана жер казынасын пайдалануу мамлекеттик комитетинин төрагасы Жыргалбек Сагынбаев кен казуу үчүн берилген лицензиянын баасы жогору болушу керектигин айтты.
Сагынбаев: кен байлыктарды электрондук аукционго коюу колго алынууда

Кен байлыктарды иштетүүгө берилген лицензияларды электрондук аукцион аркылуу сатуу колго алынат. Бул тууралуу Жыргалбек Сагынбаев Sputnik Кыргызстан радиосуна маек берип жатып билдирди.

Анын айтымында, буга чейинки лицензияларды аукцион жана сынак аркылуу сатуу өзүн жарым-жартылай актаган.

"Өлкөнүн тоо-кен байлыктары арзан кетпеши керек. Ошондуктан алардын баштапкы наркын жогорулатуу боюнча иштер жүргүзүлүүдө. Мындан тышкары, коррупциялык тобокелчиликтердин алдын алуу максатында атайын электрондук аукцион программасы иштелип чыгып жатат. Эгерде аталган программа толук кандуу иштеп баштаса кен байлыктардын баасын, сапатын жана башка маалыматтарды чет өлкөдөгү инвесторлор онлайн көрө алат", — деди Сагынбаев.

Ошондой эле ал өлкөдөгү кен байлыктарды иштетүүнү жөнгө салууда күмүш жана жезди иштетүүгө лицензия берүү үчүн мораторий киргизилгенин кошумчалады.

13
Белгилер:
коррупция, аукцион, кен байлыктар, Жыргалбек Сагынбаев
Тема боюнча
Кыргызстанда алтын жана күмүш казууга лицензия берүү убактылуу токтоду
UFC чемпиону Хабиб Нурмагомедов. Архив

Көк бөрү көрөбүз! Хабиб машыктыруучусу менен Кыргызстанга келет

119
(жаңыланган 01:19 26.11.2020)
Нурмагомедов Кыргызстанга 2018-жылы келген. Анда ал өлкөдө ушунчалык атактуу экенине таң калганын билдирген.

БИШКЕК, 25-ноя. — Sputnik. UFC чемпиону Хабиб Нурмагомедовдун машыктыруучусу Хавьер Мендез Instagram баракчасына Кыргызстанга келип, көк бөрү оюнун көрүү каалоосу тууралуу жазган.

Посмотреть эту публикацию в Instagram

Публикация от Javier Mendez (@akajav)

Мендез менен Нурмагомедов азыр Бириккен Араб Эмирлигинде жүргөнү маалым болду. Машыктыруучу Кыргызстанды кайрадан көргүсү келип жатканын кыргыз ишкери менен жолукканда айткан.

"Кереметтүү Кыргызстанга барууну чыдамсыздык менен күтүп жатам, ошондой эле көк бөрү оюнун да көрсөк дейбиз", — деп жазган Мендез. 

UFC чемпиону да Instagram баракчасынын сторис бөлүмүнө "Жакында Кыргызстанга барам" деп жазган.

Белгилей кетсек, 2018-жылы Хабиб Нурмагомедов Улуттук олимпиада комитетинин чакыруусу менен өлкөгө келип кеткен. Анда ал КРде ушунчалык атактуу экенине таң калганын билдирген.

119
Белгилер:
Көк бөрү, спортчу, тренер, Хабиб Нурмагомедов, Кыргызстан
Тема боюнча
Миссиямды аткардым. Хабиб кайра октагонго чыгар-чыкпасын айтты