Иммундук профилактика боюнча республикалык борбордун жетекчиси Гүлбара Ишенапысова

Ишенапысова: былтыр республика боюнча 6 миңден ашуун адам эмдөөдөн баш тартты

152
Иммундук профилактика боюнча республикалык борбордун жетекчиси Гүлбара Ишенапысова 2018-жылы республика боюнча 6 миңден ашуун адам эмдөөдөн баш тарткандыгын маалымдады.
Ишенапысова: былтыр республика боюнча 6 миңден ашуун адам эмдөөдөн баш тартты

Баш тарткандардын 68 пайызы эмдөөнү диний көз караштан улам албай тургандыктарын түшүндүрүшкөн. Бул тууралуу Гүлбара Ишенапысова Sputnik Кыргызстан радиосунун таңкы эфиринде маек куруп жатып билдирди.

Анын айтымында, элге туура маалымат жеткирүү үчүн иммундук профилактика боюнча республикалык борбор Кыргызстан мусулмандар дин башкармалыгы менен кызматташмай болду.

"Оорулардын көбөйүп кеткендигинин бир себеби -кичинекей балдарды ата-энелери эмдөөдөн өткөрбөй жаткандыгында. Баш тарткандардын 68 пайызы диний көз караштагы адамдар. Кырдаалды жөнгө салуу үчүн январь айында аалымдар менен тегерек стол өткөрүп, мечиттерде, диний мекеме-жайларда туура маалымат жеткирүүнү сүйлөшкөнбүз. Министрлик буйруктун негизинде иштесе, дин башкармалыгында фатва бөлүмү бар. Буйруса кызматташтыгыбыз оңунан чыгып, эмдөөдөн баш тарткандардын саны кыскарат деген үмүттөбүз", — деди Ишенапысова.

Ошондой эле адис иммундук-профилактикалык мыйзамдын 5-беренесинде адамдын укуктары жана милдеттери жазылгандыгын кошумчалап өттү.

152
Белгилер:
курама команда, кызматташтык, маалымат, эмдөө, Гүлбара Ишенапысова
Мурдагы вице-премьер Максат Мамытканов. Архивдик сүрөт

Мамытканов: вицелик сунушталганда бирөөнүн галстук, костюмун кийип кирдим

58
(жаңыланган 13:28 06.03.2021)
Мурдагы вице-премьер Максат Мамытканов 2020-жылдын октябрь айында болуп өткөн окуялардан кийин аталган кызматка кандайча келип калганын айтып берди.

Вице-премьерлик сунушталып, телефон шыңгыраганда митингге кетип бара жаткам. Анан бирөөнүн галстугун тагынып, костюмун кийип резиденцияга кирип кеттим. Бул тууралуу Максат Мамытканов Sputnik Кыргызстан радиосунда маек куруп жатып билдирди.

Мамытканов: вицелик сунушталганда бирөөнүн галстук, костюмун кийип кирдим

Анын айтымында, Садыр Жапаров премьер-министрдин милдетин аткарып турганда ага өкмөт курамында бирге иштешүүнү сунуштаган.

"Садыр Нургожоевич үчүнчү жолу депутаттар тарабынан шайланды. Ошол учурда митингге кетип жаткам. Телефондон резиденцияга келип калуумду, баягы айтылган сөз боюнча вице-премьерликке сунушталып, өкмөттүн курамына кире турганымды маалымдашты. Дароо эле резиденцияга бардым. Ал жерден өкмөттүн аппаратында иштеген бала "сиз өкмөт курамына кирип жатасыз, галстугу жок болбойт" деп костюмун жана галстугун берди. Ошентип ишим башталды. Ал кызматта үч жарым ай турдум. Январдын 15 күнүнө 20 миң сомдон ашык маяна алдым. Ал эми андан кийинки эки айда алган маянам айына 40 миң сомдон ашкан жок. Анан президенттик шайлоо бүткөндө өкмөттү оптимизациялоо боюнча комиссиянын иши жыйынтыкталды. Баарыбызга кызмат жетпесин түшүнүп, отставкага кетүү чечимин кабыл алдым", — деди Мамытканов.

Ал өкмөттүн учурдагы курамы утурумдук экенин белгилеп, кийин кызмат сунушталса бара турганын кошумчалады.

58
Белгилер:
маяна, өкмөт, Максат Мамытканов
Тема боюнча
Кайсы орган жоюлуп, кимиси кимге баш ийип калды? Өкмөттөгү өзгөрүүлөргө саресеп
Топономик, географ Темиркул Эшенгулов. Архивдик сүрөт

Эшенгулов: Балыкчы шаарына "Кызыл" деген аталыш берүү сунушталган

16
Топономист, картограф Темиркул Эшенгулов 1988-жылдан тарта 1990-жылдын аягына чейин Балыкчы шаары кайра түзүлгөн Ысык-Көл облусунун борбору болуп турганын айтты.

Жыргалаң, Түп тарап көлдүн башы, Балыкчы жагы аягы болуп эсептелет. Илимге салып айтканда? көлдүн аягынан куйган суу дегенди түшүндүрөт. Бул тууралуу Темиркул Эшенгулов Sputnik Кыргызстан радиосуна маек куруп жатып билдирди.

Эшенгулов: Балыкчы шаарына "Кызыл" деген аталыш берүү сунушталган

Анын айтымында, Балыкчы шаары Кыргызстандагы жамгыр эң аз жааган чөлкөм.

"Жер, суулардын тарыхый аталыштарын кайтаруу иштери жүрүп жатканда Балыкчыга жазуучу Орозбек Айтымбетов Кызыл деген аталышты сунуштаган. Анткени географиялык жана тарыхый багытта бул туура келмек. Ал аймакта Кызыл-Омпол деген жер бар. Аймакта улан деген шамал согот. Ал эми Монголиянын борбор калаасы Улан-Батор. Бул "кызыл баатыр" дегенди түшүндүрөт. Демек, Балыкчынын айтылуу шамалы кыргызча кызыл шамал. Бирок ошол кездеги парламент шаарды Ысык-Көл деп атап салган. Мындай аталыш менен калаа эки жыл жашады. Андан соң тарыхый аты катары Балыкчы кайтарылды. Бул аталышын да Баачин деген бир ошол аймакта жашап кеткен солдаттын аты менен байланыштыргандар болду, бирок бул жаңылыш маалымат. Анткени кыргыз тилинин фонетикалык өзгөчөлүгүнө таянсак, Баачин эч убакта Балыкчы болуп өзгөрмөк эмес. Кыргызда "-чы" мүчөсү кесипке карата айтылат. Мисалы: улакчы, койчу, уйчу жана башка. Ошондуктан кадимки эле балык кармаган адам деп түшүнсөк болот. Кезегинде Калыгул олуя "бул жер шаар болот" деп урмат көрсөтүп, даарат албай, Сары-Камышка барып аттан түшкөнүн айтып жүргөндөр бар", — деди топономист.

Ал калаанын Балыкты деген да тарыхый аталышы бар деген маалыматтар кездешерин кошумчалады.

16
Белгилер:
тарых, аталыш, Балыкчы, Темиркул Эшенгулов
Тема боюнча
Усебаев: Балыкчыга Жусуп Абдрахмановдун атын берүү сунушталууда
Дүйнөлүк саламаттык сактоо уюмунун башчысы Тедрос Адан Гебрейесус. Архивдик сүрөт

ДССУ башчысы коронавирус пандемиясын согуш менен салыштырды

28
(жаңыланган 16:39 06.03.2021)
Гебрейесус ооруну жеңүү үчүн коронавируска каршы вакцинаны өндүрүүдө мамлекет башчылары биригиши зарыл экенине токтолгон.

БИШКЕК, 6-мар. — Sputnik. Дүйнөлүк саламаттык сактоо уюмунун башчысы Тедрос Адан Гебрейесус коронавирус пандемиясын согуштук иш-аракеттер менен салыштырды. Бул тууралуу The Guardian басылмасына таянып "Известия" жазды.

Гебрейесус ооруну жеңүү үчүн коронавируска каршы вакцина өндүрүүдө мамлекет башчылары биригиши зарыл экенине токтолгон.

"Пандемиядан улам дээрлик мамлекеттердин баары чек арасын жабууга аргасыз болуп, ал кичи жана ири бизнеске терс таасирин тийгизди. Ошол себептен биз согуш жүрүп жаткандай эмне керек экенин так билишибиз шарт", — деген ДССУнун башчысы.

Тедрос Аданом Гебрейесус адамзат азыркы тапта тарыхтагы эң оор күндөрдү баштан кечирип жатканын белгилеген. Мындан улам ал препараттарды муктаж болгондор менен бөлүшүп, технологияларды берүүгө даяр болуу зарылдыгын айткан.

Буга чейин ДССУнун Европа аймактык бюросунун башчысы Ханс Клюге коронавирус пандемиясы кийинки жылдын башында аякташы мүмкүн деп божомолдогон

28
Белгилер:
согуш, пандемия, коронавирус, директор, Дүйнөлүк саламаттыкты сактоо уюму
Тема:
Дүйнөгө жайылган коронавирус
Тема боюнча
ДССУ коронавирус пандемиясы качан бүтөрүн айтты
ДССУ коронавирус менен ооругандарга вакцина алып коюуну сунуштады