Иммундук профилактика боюнча республикалык борбордун жетекчиси Гүлбара Ишенапысова

Ишенапысова: былтыр республика боюнча 6 миңден ашуун адам эмдөөдөн баш тартты

150
Иммундук профилактика боюнча республикалык борбордун жетекчиси Гүлбара Ишенапысова 2018-жылы республика боюнча 6 миңден ашуун адам эмдөөдөн баш тарткандыгын маалымдады.
Ишенапысова: былтыр республика боюнча 6 миңден ашуун адам эмдөөдөн баш тартты

Баш тарткандардын 68 пайызы эмдөөнү диний көз караштан улам албай тургандыктарын түшүндүрүшкөн. Бул тууралуу Гүлбара Ишенапысова Sputnik Кыргызстан радиосунун таңкы эфиринде маек куруп жатып билдирди.

Анын айтымында, элге туура маалымат жеткирүү үчүн иммундук профилактика боюнча республикалык борбор Кыргызстан мусулмандар дин башкармалыгы менен кызматташмай болду.

"Оорулардын көбөйүп кеткендигинин бир себеби -кичинекей балдарды ата-энелери эмдөөдөн өткөрбөй жаткандыгында. Баш тарткандардын 68 пайызы диний көз караштагы адамдар. Кырдаалды жөнгө салуу үчүн январь айында аалымдар менен тегерек стол өткөрүп, мечиттерде, диний мекеме-жайларда туура маалымат жеткирүүнү сүйлөшкөнбүз. Министрлик буйруктун негизинде иштесе, дин башкармалыгында фатва бөлүмү бар. Буйруса кызматташтыгыбыз оңунан чыгып, эмдөөдөн баш тарткандардын саны кыскарат деген үмүттөбүз", — деди Ишенапысова.

Ошондой эле адис иммундук-профилактикалык мыйзамдын 5-беренесинде адамдын укуктары жана милдеттери жазылгандыгын кошумчалап өттү.

150
Белгилер:
курама команда, кызматташтык, маалымат, эмдөө, Гүлбара Ишенапысова
Бишкек мэринин кеңешчиси Гуля Алмамбетова

Алмамбетова: бейтаптар медиктердин бетинен өөп жиберейин дейт

6
(жаңыланган 15:16 10.07.2020)
Бишкек мэринин кеңешчиси Гуля Алмамбетова борбор калаадагы күндүзгү стационарлар тынымсыз иш алып барып жатканын айтты.
Алмамбетова: бейтаптар медиктердин бетинен өөп жиберейин дейт

Бишкек шаарындагы күндүзгү стационарлардагы медиктер алгачкы күндөрү жетишпей, буту-колдору шишип кеткенге чейин иштеп жатышты. Бейтаптар медиктерге ыраазычылыгын билдирип, бетинен өөп жибергиси келип жатат. Бул тууралуу Гуля Алмамбетова Sputnik Кыргызстан радиосуна маек куруп жатып билдирди.

Саламаттык сактоо министринен пневмония, орун басарынан COVID аныкталды

Анын айтымында, Бишкек шаарынын төрт районунда экиден стационар бейтаптарды кабыл алып, ал эми бирөөсүндө үчүнчү күндүзгү стационар ачылууда.

"Бишкек шаарындагы стационарлардагы 790 орунга 8-июлда 8 086 адам кабыл алынып, 6 673 киши дарыланып, 1 349 адамга консультация берилди. Булардын ичинен 57 жаранга тез жардам чакырылып, ооруканаларга жеткирилди. Тилекке каршы, жети жаран көз жумду. Эртең мененки 8:00дөн кечки 20:00гө чейин дарыгерлер кызмат көрсөтүшүүдө. Алгачкы күндөрү медиктер жетишпей, буту-колдору шишип кеткенге чейин иштешти. Кийинки күндөрдө эки топко бөлүнүп иш алып барышууда. Мэрдин тапшырмасы менен бейтаптардын ПЦР-тести бар-жогуна карабастан жардам көрсөтүлүүдө. Бул жакта иштеген дарыгерлердин тамак-ашы, транспорту жана жашаган жери камсыздалган. Бейтаптар медиктерге ыраазычылыгын билдирип, бетинен өөп жибергиси келип жатат. Абалга жараша жеке каражаттары жана вирустун жугуу коркунучунан улам анте алышпайт", — деди Алмамбетова.

Ошондой эле ал акыркы убактарда сакайып чыккан бейтаптардын саны көбөйүп калганын кошумчалады.

6
Белгилер:
дарыгерлер, мэрия, бейтап, Гуля Алмамбетова
Тема:
Коронавируска байланыштуу Кыргызстандагы кырдаал
Тема боюнча
Эми мечиттерде жума намаз окулбайт. Муфтияттын билдирүүсү
Жогорку категориядагы өпкө дарыгери Бермет Естебесова

Өпкө дарыгери пневмонияда керектелчү аппараттар тууралуу айтып берди

13
(жаңыланган 15:16 10.07.2020)
Жогорку категориядагы өпкө дарыгери Бермет Естебесова пневмонияга чалдыккан учурда кандай аппараттар керектелери жана алардын бааcы тууралуу айтып берди.
Өпкө дарыгери пневмонияда керектелчү аппараттар тууралуу айтып берди

Пульсоксиметр өпкөгө кычкылтектин кандай деңгээлде жетип жаткандыгын текшерет. Бул бейтаптарга караганда дарыгерлерге көбүрөөк керектелүүчү аппарат. Бул тууралуу Бермет Естебесова Sputnik Кыргызстан радиосуна маек куруп жатып билдирди.

Анын айтымында, калк арасында пневмонияга чалдыкканда колдонуучу аппараттарды "ооруп калсам иштетем" деп алып койгондор да бар.

Министрлик: коркпогула, өз алдынча антибиотик ичпегиле!

"Адам пневмонияга кабылганда алгач анын өпкөсүнө канчалык деңгээлде кычкылтек жетип жаткандыгы текшерилет. Бул аппарат пульсоксиметр деп аталып, баасы 3000 сомдон 100 долларга чейин жетет. Муну көбүнесе дарыгерлер сатып алат. Наркындагы айырма анын чыгарылган өлкөсүнө жараша болот. Пульсоксиметр менен ченеп алган соң өпкөсү ооруга чалдыккан адамга кычкылтек концентратору керек болот. Анткени сезгенген өпкө тийиштүү деңгээлде өз функциясын аткара албай, канга кычкылтек жетпей адам энтигип кыйналат. Учурда кычкылтек концентраторлорунун баасы 800 доллардан 5000 долларга чейин болууда. Кытайдан чыгарылгандардын баасы эң арзан болсо, Америка, Европа өлкөлөрүнөн келгендери кымбат турат. Мындан сырткары, Россия жана Түркия мамлекеттери да кычкылтек концентраторлорун чыгарат. Азыр калк арасында дал ушул жабдууга муктаж болгондор көбөйүүдө. Бирок эл арасында "ооруп калсам иштетем" деп алып койгондор да жок эмес экен. Аларды учурда муктаж болуп турган жарандарга бере туруусун суранат элем", — деди Естебесова.

Дарыгер пульсоксиметр менен ченегенде дени сак адамдын өпкөсүнө кычкылтектин баруусу 95 пайыздан жогорку ченемди көрсөтүп турушу керектигин кошумчалады.

13
Белгилер:
кычкылтек концентратору, коронавирус, аппарат, пневмония
Тема:
Коронавируска байланыштуу Кыргызстандагы кырдаал
Тема боюнча
9 000ден ашты! Коронавирус дагы 511 кишиден табылды
Вице-премьер Аида Исмаилова

Исмаилова: протоколду сактагыла, туура эмес дарылоонун кесепети оор болууда

0
(жаңыланган 15:43 10.07.2020)
Министрлик тарабынан ушул шаршемби күнү үйдө жатып дарылангандар үчүн жаңы клиникалык протокол иштелип чыкты.

БИШКЕК, 10-июл. — Sputnik. Коронавируска чалдыккандарды үй шартында туура эмес дарылоонун кесепетинен абалы оорлошуп кеткендер болууда. Медиктерден кеңеш алып, атайын бекитилген протоколдун негизинде дарылануу зарыл. Бул туурасында социалдык маселелерди тескеген вице-премьер Аида Исмаилова брифинг учурунда билдирди.

Анын айтымында, ар бир өлкөнүн Саламаттыкты сактоо министрлиги дарылоонун өзүнчө клиникалык протоколун даярдайт. Кыргызстанда мындай протокол акыркы ирет 8-июнда бекиген. Ал эми ушул шаршемби күнү үйдө жатып дарылангандар үчүн жаңы протокол иштелип чыкты.

Кыргызстан Россиянын коронавируска каршы дарысын алууну сүйлөшүүдө

"Тилекке каршы, үйдө жаткандар ийне сайдырып, асма уколду көп колдонушууда. Туура эмес дарылоодон абалы оорлошуп кеткендер болууда. Алар дексаметазон, эуфиллин жана алардын комбинациясындагы химиялык аралашмалары бар препараттарды колдонушкан. Жарандарга кайрыларым, өзүм билемдик менен дары сатып алып дарыланбаңыздар. Интернетте жана башка булактарда айтылган ыкмаларды колдонбоону сунуштайбыз", — деди Исмаилова.

Ошондой эле ал кыргызстандыктар үчүн клиникалык протоколду алдыңкы адистерден жана окумуштуулардан турган топ иштеп чыкканын кошумчалады.

Мэрия: күндүзгү стационарлардан бейтаптар айыга баштады

"Адистер курч мүнөздөгү вирустук оорулар адамдын гормонун начарлатып, организмдин инфекцияга каршы күрөшүү жөндөмүн алсыратарын айтат. Эгер батыш өлкөлөрүндө коронавирустан улгайган адамдар көбүрөөк каза тапса, биздин өлкөдө жаштарды дагы алып кеткен учурлар аз эмес. Ошондуктан дарыгерлерге клиникалык протоколду так сактоо керектигин эскертебиз. Туура эмес дарылаган медиктер жоопкерчиликке тартылат", — деди вице-премьер.

Өлкө аймагындагы соңку кабарлар менен биздин Telegram-каналдан таанышып туруңуз.

0
Белгилер:
медик, протокол, дарылоо, коронавирус, Аида Исмаилова
Тема:
Коронавируска байланыштуу Кыргызстандагы кырдаал
Тема боюнча
Россия коронавируска каршы дагы бир дары чыгарды. Мүнөздөмөсү
Баткенде COVID жугузуп ооруканадан качып кеткен бейтап эртеси каза болуп калды