Министр сельского хозяйства, пищевой мелиорации и промышленности Нурбек Мурашев

Министр: дыйкандар картошкасын сорттоп, даярдап койсо жакшы болмок

1269
Айыл чарба, тамак-аш өнөр жайы жана мелиорация министри Нурбек Мурашев быйыл картошканын аянты 3200 гектарга азайып, жалпысынан 82 миң гектарды түзөрүн маалымдады.
Министр: дыйкандар картошкасын сорттоп, даярдап койсо жакшы болмок

Быйыл экспорттук потенциалы жогору болгон көп жылдык мөмөлүү бак-дарактардын аянтын эки эсеге көбөйтүү мерчемделип жатат. Бул тууралуу Нурбек Мурашев Sputnik Кыргызстан радиосунун таңкы эфиринде маек куруп жатып билдирди.

Анын айтымында, картошканын аянтын азайтуу райондук администрация жана дыйкандардын каалоо-сунушу менен бирге кабыл алынган чечим болду.

"2010-жылдан бери картошка айдала турчу аянт кеңейтилип отуруп, 85 миң гектарга жеткен. Быйыл аны 3200 гектарга азайтууну чечтик. Мындай чечимге райондук администрациялар жана дыйкандар менен бирге кеңешип отуруп келдик. Учурда элдин колунда турган картошканы сатуу боюнча сүйлөшүүлөр токтой элек. Өзбекстандык 10 компания азыр картошканы Кыргызстандан алып кетүү боюнча иштеп жатат. Бирок бир көйгөй бар. Дыйкандарыбыз түшүмүн сорттобой, сатып алуучулар барганда продукцияны иргеп, убакыттын көбү ушуга кетүүдө. Дыйкандар продукциясын сорттоп, камдап койсо жакшы болот эле. Ал эми быйыл көп жылдык мөмөлүү бак-дарактарга артыкчылык берилет. Анткени анын экспорттук потенциалы жогору", — деди Мурашев.

Ошондой эле министр учурда өлкөдөгү мөмөлүү бак-дарактардын жалпы аянты 50 миң гектар экенин, быйыл аны эки эсеге көбөйтүү пландалып жаткандыгын кошумчалады.

1269
Белгилер:
мөмө-жемиштер, аянт, Картошка, Нурбек Мурашев
Тема боюнча
Казакстан кыргыз картошкасына коюлган чектөөнү алмай болду
ИИМдин Шумкар атайын багыттагы полкунун кинологиялык борборунун улук инспектору, милициянын капитаны Эрлан Искембаев

Кинолог: көп жыл иштеген кызматтык иттер "пенсияга" чыгарылат

24
(жаңыланган 17:30 31.10.2020)
ИИМдин "Шумкар" атайын багыттагы полкунун кинологиялык борборунун улук инспектору, милициянын капитаны Эрлан Искембаев аталган борбордун ачылганына жарым кылымга чукулдап калганын айтты.
Кинолог: көп жыл иштеген кызматтык иттер "пенсияга" чыгарылат

Кызматтык иттер 10 жылдан ашуун иштеген соң айрымдарынын кулагы укпай, жыт сезбей, көздөрү жакшы көрбөй калат. Ошондуктан алар "пенсияга" чыгарылат. Бул тууралуу Эрлан Искембаев Sputnik Кыргызстан радиосуна маек куруп жатып билдирди.

Анын айтымында, кинолог кесибинин ээси болуш үчүн 6 айдан бир жылга чейин окутулат.

ИИМ жөлөк болуп чогуу жүргөн кызматтык иттери тууралуу айтып берди. Сүрөт

"ИИМдин кинологиялык борбору 1973-жылы түптөлгөн. Анда окутуп-үйрөтүү үчүн тийиштүү техникалык база бар. Бул республика боюнча бирден-бир базасы бар кинологиялык борбор болуп саналат. Ал жакта эмгектенген кинологдорго бир же эки ит бекитилет. Кызматтык иттер атайын комиссиянын тандоосу менен алынат. Себеби төрт буттуу досторубуздун айрымдары коркок болуп же саламаттыгы ылайыксыз болуп калышы ыктымал. Бир кинолог өзүнө бөлүнгөн иттерди гана машыктырууга укугу бар. Кызматтык иттер 10 жылдан ашуун иштеген соң айрымдарынын кулагы укпай, жыт сезбей, көздөрү жакшы көрбөй калат. Ошондуктан алар "пенсияга" чыгарылат. Бул иттер деле биринчи кезиккен адамга берилбейт. Жакшы кам көрүп, тийиштүү деңгээлде бага ала турган адамдарга гана берилет. Жеке өзүм бир итти "пенсияга" узаттым", — деди Искембаев.

Кинолог кызматтык иттер кылмыш иликтөө, баңгизаттарды издеп табуу, жардыруучу заттарды аныктоо жана коомдук коопсуздукту камсыздоо сыяктуу төрт багытта даярдала турганын кошумчалады.

24
Белгилер:
кинолог, ИИМ, кызматтык иттер
Тема боюнча
"Альфа", "Шумкар", "Скорпион”… Эң сырдуу кызматтар тууралуу баян
Айыл чарба, тамак-аш өнөр жайы жана мелиорация министри Тилек Токтогазиев

Токтогазиев: 100 күндүн ичинде көзгө көрүнө турган иштер аткарылат

26
(жаңыланган 17:09 31.10.2020)
Айыл чарба, тамак-аш өнөр жайы жана мелиорация министри Тилек Токтогазиев кыска жана узак мөөнөттө ишке аша турган пландары бар экенин маалымдады.
Токтогазиев: 100 күндүн ичинде көзгө көрүнө турган иштер аткарылат

Айыл чарба жаатында 100 күндүн ичинде көзгө көрүнө турган иштер аткарылып калат. Бул тууралуу Тилек Токтогазиев Sputnik Кыргызстан радиосуна маек куруп жатып билдирди.

Анын айтымында, мүмкүнчүлүк берилсе аталган тармакта узак мөөнөттө жасала турган пландар дагы ишке ашырылат.

Токтогазиев: текшерип жатабыз, эптеп эле иштеп жүргөндөр кызматтан алынат

"Кыска мөөнөттө ишке ашып жана узак убакытта өзүнүн жемишин бере турган пландар бар. 100 күндүн ичинде коомчулуктун көзүнө көрүнүп, сезиле тургандай натыйжаларга жетишүүнү көздөп жатабыз. Кийин эл тарабынан дагы да ишеним артылса, системалуу өзгөрүүлөр жасалат. Кыргызстандын айыл чарбасын дүйнөлүк деңгээлге көтөрүү зарыл. Кайсы гана өлкөдө болбосун биздин продукциялар мыкты сапатта болуп, Кыргызстандын бренди катары мыкты азыктарды чыгарууга жетишүү керек", — деди Токтогазиев.

Министр жыл этегине чейин аталган тармакты санариптештирүү боюнча иштер аяктап кала турганын кошумчалады.

26
Белгилер:
реформа, айыл чарба, санариптешүү, Тилек Токтогазиев
Тема боюнча
Тилек Токтогазиев Айыл чарба министрлигиндеги көйгөйлөрдү ачыктады
Парктын көлмөсүндө өрдөк

Жекшембиге карата аба ырайы

0
Жекшембиге караган түнү өлкө аймагында жаан-чачын күтүлбөйт. Батыштан соккон шамалдын ылдамдыгы секундасына 4-9 метрге жетет.

БИШКЕК, 31-окт. — Sputnik. 1-ноябрь, жекшембиде, республика боюнча күн ачык болот. Бул тууралуу Кыргызгидромет билдирди. 

Абанын температурасы Чүй, Талас өрөөндөрүндө +13...+18, Ош, Жалал-Абад жана Баткен облустарында +16...+21, Ысык-Көл жана Нарын жергесинде +9...+14 градус болот.  

Күндүн табы борборубуз Бишкекте +16...+18  жана Ош шаарында +19...+21 градуска көтөрүлөт.

0
Белгилер:
Кыргызстан, аба ырайы
Тема боюнча
Адаттагыдан суук болот. Ноябрга карата аба ырайы