Өнүгүү — Прогресс фракциясынын депутаты, Жогорку Кеңештин төрагасынын орун басары Мирлан Бакиров

Бакиров: мыйзамдуу чечим чыга турчу иште деле акча сунуштагандар бар

182
(жаңыланган 17:58 04.03.2019)
"Өнүгүү — Прогресс" фракциясынын депутаты, Жогорку Кеңештин төрагасынын орун басары Мирлан Бакиров соттор коррупциялык кадамдарга айлыгынын аздыгынан барат деген пикирге кошулбай турганын айтып берди.
Бакиров: мыйзамдуу чечим чыга турчу иште деле акча сунуштагандар бар

Соттордун айлык акысы аз. Аны моюнга алуу керек. Бирок бул пара алуунун башкы себеби эмес. Мындай пикирин Мирлан Бакиров Sputnik Кыргызстан радиосунун эфиринде маек куруп жатып билдирди.

Анын айтымында, айрым соттук иштер мыйзамдын негизинде чечилип баратса деле тараптар өздөрү акча сунуштайт.

"Соттордун айлык маянасы тууралуу кеп болгондо көп эмес экенин айтабыз. Бирок өкмөт колунан келгенинин баарын жасап, калыс чечим чыгаруусу үчүн шарт түзүп берүүгө аракеттенип келет. Андыктан, соттор коррупциялык иш жасаса, аны айлык акысы аздыгынан кылды деп түшүнбөшүбүз керек. Ооба, эски системада иштеп, жең ичинен акча алмайын процессти алдыга жылдырбаган соттор да бар. Бирок сотту акча алууга түртүп, тараптар алгач өздөрү сунушташат. Соттун табияты ушундай, бирөө утулат, бири жеңишке жетет. Чындык ким тарапта болсо, ал утушка ээ болуусу зарыл. Тилекке каршы, ошол чындыкты көбүнесе эл өзү сатып алууга далалаттанат", — деди Бакиров.

Эл өкүлү жаңы кодекстерге ылайык, соттук отурумдар ачык, видеокөзөмөл менен өтүүсү да аталган тармактагы коррупцияны кескин азайтат деген пикирин кошумчалады.

182
Белгилер:
эл, коррупция, мыйзам, сот, Мирлан Бакиров
Дефектолог Жазгул Аманбек кызы

Аманбек кызы: угуусу начар балдарды окутуу үчүн тиркеме иштелип чыкты

37
(жаңыланган 15:14 27.11.2020)
Дефектолог Жазгүл Аманбек кызы жаңсоо тилин үйрөнүп жаткан балдар бир учурда эле эки-үч тилди үйрөнүп жаткандай болорун айтты.
Аманбек кызы: угуусу начар балдарды окутуу үчүн тиркеме иштелип чыкты

Угуусу начар жана укпаган балдарды окутуу үчүн атайын тиркеме иштелип чыкты. Бул тууралуу Жазгүл Аманбек кызы Sputnik Кыргызстан радиосуна маек берип жатып билдирди.

Анын айтымында, тиркеме улуттук колоритке басым жасалуу менен ишке ашырылган.

"Балдарды жаңсоо тилине үйрөткөн атайын тиркеме иштеп чыгуу идеясы көптөн бери бар болчу. Бирок аны ишке ашыруу мүмкүн болбой келген. Себеби ага техникалык жактан көмөк керек болчу. Бактыга жараша, бул жагынан тилектеш адамдарга кезигип, биргеликте иш алып баруу менен ушундай натыйжага жеттик. Аталган тиркемени көчүрүп алуу бекер. Арифметика деген бөлүмдө сандар, кошуу, кемитүү ыкмалары көрсөтүлгөн. Ал эми "менин үй-бүлөм" бөлүмүндө идиш-аяк, эмерек, үй жана жапайы жаныбарлар боюнча окутулат. Мындан тышкары, айлана-чөйрө деген бөлүмү бар. Окутуу жеңил болушу үчүн сүрөттөр, ар бир тамганын кол менен көрсөтүлгөнү дагы бар. Мындан тышкары, балдардын кызыгуусу тарап кетпеши үчүн оюн түрүндөгү тесттер дагы киргизилди", — деди Аманбек кызы.

Дефектолог ата-энелер үч жашка чейинки балдарына өзгөчө көңүл бөлүп, алардын угуу, сүйлөөсү жайында экенине маани бере жүрүшү керектигин кошумчалады.

37
Белгилер:
жугуу, окутуу, тиркеме, ата-эне
Тема боюнча
Балдар менен ар кыл тилде сүйлөшкөн болбойт. Логопед-дефектолог менен маек
Акыйкатчы институтунун өкүлү Альберт Көлөпов

Көлөпов: ИИМдин убактылуу кармоочу жайында 30 адамдан пневмония чыкты

89
Акыйкатчы институтунун өкүлү Альберт Көлөпов ШИИБге караган 60 орундуу убактылуу кармоочу жайда 100 адам кармалып турганын айтты.
Көлөпов: ИИМдин убактылуу кармоочу жайында 30 адамдан пневмония чыкты

ШИИБдин карамагындагы мыйзам бузган жарандарды 48 саат кармоочу жайда 30 адам пневмонияга чалдыккан. Бул тууралуу Альберт Көлөпов Sputnik Кыргызстан радиосунун эфиринде маек куруп жатып билдирди.

Анын айтымында, аталган 30 адамга медициналык жардам көрсөтүү көйгөйлөрү курч турат.

"ИИМдин ШИИБине караштуу убактылуу кармоочу жайы 60 адамга ылайыкташкан. Бирок анда учурда 100 адам бар. Алардын 30унан пневмония аныкталган. Вирустук диагноз менен СИЗОго да алынбай, кадимки жарандык ооруканаларга да кайрыла алышпай, начар шартта отурушат. Керектүү медикаменттер жетишсиз, болгону бир фельдшер иштейт. Сыз, тар жерде отурган бул адамдардын ден соолугуна көңүл буруп, абалды жөнгө салуу үчүн биз коронавирус менен күрөшүү боюнча түзүлгөн Республикалык штабга кайрылуу жиберебиз", — деди Көлөпов.

Ал адам өлүмү каттала электе ыкчам чара көрүү зарылдыгы турганын кошумчалады.

89
Белгилер:
көйгөй, вирус, укук
Тема боюнча
Сооронбаев: өзүм билемдик менен рентген, компьютердик томографияга түшпөгүлө
Беларусь президенти Александр Лукашенко

Лукашенко жаңы Конституция кабыл алынганда президент болбой турганын жар салды

0
(жаңыланган 19:50 27.11.2020)
Лукашенко азыркы Баш мыйзамда президенттин ыйгарым укуктарына басым жасалганын айтып, өлкөнүн пайдасы үчүн жаңысын кабыл алуу керектигин белгилеген.

БИШКЕК, 27-ноя. — Sputnik. Беларусь президенти Александр Лукашенко жаңы Конституция кабыл алынгандан кийин өлкө башчысы болбой турганын жар салды. Бул тууралуу БелТА агенттиги жазды.

"Конституцияны өзүмө ылайыктаган жокмун. Жаңы Баш мыйзам кабыл алынса, мен силердин президентиңер болуп иштебейм. Ошондуктан муну жеңил кабыл алып, тынч болгула", — деген президент.

Ал шайлоонун жыйынтыгын кимдир бирөөнүн жасалмалоосуна жол бербей турганын айтып, ошол себептен жаңы Баш мыйзамды өзгөртүүнү колдоп жатканын айткан.

"Мен жаңы Баш мыйзамдын тарапташымын. Себеби азыркы иштеп жаткан Конституцияны "белгисиз президенттин" колуна карматканга болбойт", — деген ал.

Лукашенко азыркы Баш мыйзамда президенттин ыйгарым укуктарына басым жасалганын айтып, өлкөнүн пайдасы үчүн жаңысын кабыл алуу керектигин белгилеген.

0
Белгилер:
өзгөртүүлөр, конституция, Александр Лукашенко, Беларусь
Тема:
Беларустагы нааразылык акциялары
Тема боюнча
Жапаров референдумга Конституция эмес, башка маселени алып чыгууну сунуштады
Лавров: Беларустагы конституциялык реформаны колдойбуз