Айыл чарба, тамак-аш өнөр жайы жана мелиорация министри Нурбек Мурашев . Архив

Министр: айыл чарба продукциясынын 11 түрүн өндүргөндөр жеңилдетилген насыя алат

209
(жаңыланган 12:35 11.03.2019)
Айыл чарба, тамак-аш өнөр жайы жана мелиорация министри Нурбек Мурашев быйыл айдоо жердин аянты 1 миллион 219 миң гектар жерди түзөрүн маалымдады.
Министр: 11 айыл чарба продукциясын өндүргөндөр жеңилдетилген насыя алат

2019-жылы Айыл чарба, тамак-аш өнөр жайы жана мелиорация министрлиги элеттиктерге пахта жана төө буурчактын айдоо аянтын кеңейтүүнү сунуштайт. Бул тууралуу Нурбек Мурашев Sputnik Кыргызстан радиосунун таңкы эфиринде маек куруп жатып билдирди.

Анын айтымында, аталган продукциялардын экспорттук потенциалы жогору.

"Быйылкы жылдын өзгөчөлүгү - биз 11 айыл чарба продукциясын өндүргөн дыйкандарга түз, жеңилдетилген насыя бергени жатабыз. Ал сүт, эт азыктарын, асыл тукум, бал, балык, төө буурчак, жашылча, мөмө-жемиш багытында. 2019-жылдагы айдоо аянтын эсептеп чыктык. Ал 1 миллион 219 миң гектарды түздү. Органикалык айыл чарбасын өнүктүрүү министрлик үчүн негизги багыт болот", — деди Мурашев.

Ошондой эле аткаминер быйыл мөмөлүү бак-дарактарды өстүрүү кирешелүү багыт болорун кошумчалады.

209
Белгилер:
аянт, пахта, Нурбек Мурашев
Тема боюнча
Сауд Аравия Кыргызстанга 30 млн. доллар берет. Акча эмнеге жумшалат
Милдеттүү медициналык камсыздандыруу фондунун программаларын ишке ашыруу башкармалыгынын башчысы Жыпара Азизбекова

Азизбекова: республикада COVID-19ду дарылоо үчүн дары-дармек жетиштүү

122
(жаңыланган 17:03 27.10.2020)
Милдеттүү медициналык камсыздандыруу фондунун программаларын ишке ашыруу башкармалыгынын башчысы Жыпара Азизбекова коронавирустун экинчи толкунуна көрүлүп жаткан даярдык тууралуу айтып берди.
Азизбекова: республикада COVID-19ду дарылоо үчүн дары-дармек жетиштүү

ММК фонду коронавирусту дарылоо үчүн саламаттык сактоо уюмдарына консолидацияланган бюджеттен 1 миллиард 611 миллион 804 миң сом бөлүп берди. Бул тууралуу Жыпара Азизбекова Sputnik Кыргызстан радиосунун эфиринде маек куруп жатып билдирди.

Өкмөт Россиядан COVID-19га каршы вакцинаны алып келүү шартын караштырууда

Анын айтымында, учурда саламаттык сактоо уюмдарында 322 миллион сомдон ашкан дары-дармектин запасы бар.

"Акча дары-дармектерди, жеке коргонуу каражаттарын жана респираторлорду сатып алууга бөлүндү. Жалпысынан республикада COVID-19ду дарылоо үчүн дары-дармек жетиштүү десек болот. Коронавирусту дарылоо боюнча жаңы иштелип чыккан 4-протоколго ылайык 92 аталыштагы препараттар алынып жатат. Анын ичинде Кавасаки синдромуна каршы дары, иммуноглобулиндер бар. Негизинен республикада бир ай ичинде дары-дармектерге болгон муктаждык 149 583 миң сомду түзөт. Бүгүнкү күндө 7 миллион 966 миң жеке коргонуучу каражаттары бар. Алсак, 308 миң коргоочу костюм, 2 миллион 645 миң даана медициналык маска, 381 миң респиратор, 3 миллион 673 миң кол кап, 778 миң бахила, 108 миң даана көз айнек. Ал эми облустарды алсак, Баткенде 20 миллион 356 миң сомдук, Бишкекте 45 миллион 714 миң, Жалал-Абадда 41 миллион 576 миң жана Ошто 179 миллион сомдук дары-дармекке каражат бар", – деди Азизбекова.

Ал республика боюнча коронавирус менен ооруган бейтаптар үчүн 4 538 керебет, ал эми резервде 3 221 орун даяр экенин кошумчалады.

122
Белгилер:
даярдык, коронавирус, дары-дармек
Тема:
Коронавируска байланыштуу Кыргызстандагы кырдаал
Тема боюнча
Бир күндө 568 адамдан COVID-19 аныкталды, 3 400 бейтап ооруканада
COVID кесепетинен ишсиз калгандарга жөлөк пул берүү сунушталды. Шарты
Мамлекеттик салык кызматынын маалыматтык камсыздоо бөлүмүнүн башчысы Эркин Сазыков

Сазыков: маркалоонун максаты ЕАЭБге товарды тоскоолдуксуз экспорттоо

24
(жаңыланган 12:03 27.10.2020)
Мамлекеттик салык кызматынын маалыматтык камсыздоо бөлүмүнүн башчысы Эркин Сазыков товарларды милдеттүү маркалоо 2021-жылдын 1-апрелине чейин жылдырылганын белгиледи.
Сазыков: маркалоонун максаты — ЕАЭБге товарды тоскоолдуксуз экспорттоо

Маркалоонун максаты — ЕАЭБ аймагына товарды тоскоолдуксуз экспорттоо. Ошондой эле маркалоо жасалма товарларды аныктоого мүмкүндүк түзүп, көмүскө экономика менен күрөшүүгө шарт түзөт. Бул тууралуу Эркин Сазыков Sputnik Кыргызстан радиосуна маек берип жатып маалымдады.

Анын айтымында, алкоголдук продукцияларды, тамекини милдеттүү түрдө маркалоо пландалууда.

Жумабеков: маркалоодон өтпөгөн айрым товарлар экспортко чыкпайт

"Маркалоо аркылуу товар тууралуу бардык маалыматты QR-кодго сактаганга мүмкүн болот. Айрым товарларды милдеттүү түрдө маркалоону киргизүүнү буга чейин эки жолу, эми кийинки жылдын 1-апрелине чейин жылдырылды. Буга коронавирус пандемиясы себеп болууда. Маркалоонун эң негизги максаты — контрафактылык товарлар, көмүскө экономика менен күрөшүү жана ЕАЭБ аймагына тоскоолдуксуз экспорттоо. Ал жакта товарларды маркалоо башкы талап болуп саналат. Мындан тышкары, салыгын өз учурунда төлөп жаткан ишкерлердин укугун коргоо. Себеби салык төлөөдөн качып жүргөндөр товарын арзан сатып, ак ниет иш алып барып жаткандарга зыянын тийгизүүдө", — деди Сазыков.

Ошондой эле ал маркалоону жылдырууга ишкерлердин кайрылуулары дагы себеп болгонун кошумчалады.

24
Белгилер:
Евразиялык экономикалык биримдик, салык, Эркин Сазыков
Тема боюнча
Айрым товарларды милдеттүү түрдө маркалоонун мөөнөтү узартылды. Себеби
КМШ мамлекеттеринин желектери. Архив

КМШ өлкөлөрүнүн өкүлдөрү маанилүү маселелерди талкуулашты

0
Кечээ Көз карандысыз мамлекеттер шериктештигине мүчө-өлкөлөрдүн туруктуу ыйгарым укуктуу өкүлдөрү чогулуп, бир катар маанилүү маселелерди талкуулашты. Жыйынга Өзбекстан төрагалык кылды.

БИШКЕК, 28-окт. — Sputnik. Кечээ, 27-октябрь күнү, Көз карандысыз мамлекеттер шериктештигине мүчө-өлкөлөрдүн Туруктуу ыйгарым укуктуу өкүлдөрүнүн кзектеги жыйыны болуп өттү. Бул тууралуу КМШнын аткаруучу комитетинин маалымат кызматы кабарлады.

Иш-чарага Өзбекстан төрагалык кылды.

Чогулгандар КМШ өлкөлөрүнүн гуманитардык кызматташуу боюнча мамлекеттер аралык фондунун ишмердүүлүгүн жана азыркы маанисин талкуулашты.

"Мындан тышкары, шериктештикке кирген мамлекеттердин өкмөт башчыларынын алдыдагы жыйынына даярдануу маселеси каралды. Ал 6-ноябрь күнү онлайн-форматта өтөт", — деп айтылат билдирүүдө.

Алыбаев: ЕАЭБ алкагында бирдиктүү электрондук эмгек биржасы ишке кирет

Ошондой эле туруктуу өкүлдөр КМШнын 30 жылдыгынын алкагында боло турган иш-чаралар боюнча пикир алмашты.

Көз карандысыз мамлекеттер шериктештигине мүчө-өлкөлөрдүн Туруктуу ыйгарым укуктуу өкүлдөрүнүн кзектеги жыйыны 24-ноябрга белгиленди.

0
Белгилер:
Өзбекстан, кызматташтык, жыйын, КМШ
Тема боюнча
Кыргызстандыктар ЕАЭБ аймагынан ишти мобилдик тиркеме менен таба алат