Мамлекеттик айлана-чөйрөнү коргоо жана токой чарбасы агенттигинин директорунун орун басары Арсен Рыспеков

Рыспеков: Ысык-Көлдө 83 таштанды талаасы бар

77
Мамлекеттик айлана-чөйрөнү коргоо жана токой чарбасы агенттигинин директорунун орун басары Арсен Рыспеков желим баштыкарын колдонууга тыюу салуу мезгил талабы деген пикирин айтты.
Рыспеков: Ысык-Көлдө 83 таштанды талаасы бар

2018-жылы жүргүзгөн таштанды талааларын инвентаризациялоонун жыйынтыгында Ысык-Көл облусунда ушул тапта 83 таштанды талаасы бар экендиги белгилүү болду. Алардын 40 пайыздан ашыгын желим баштыктары түзөт. Андыктан полиэтилен буюмдарына тыюу салууну киргизүү керек. Бул тууралуу Арсен Рыспеков Sputnik Кыргызстан радиосунун эфиринде маек куруп жатып билдирди.

Анын айтымында, желим баштыктарына тыюу салган мыйзам долбоору дароо эле республиканын бардык аймактарында эмес, алгач бир облуста, андан соң башкасында ишке кирсе, бизнес чөйрөсү анчейин жабыр тартпайт.

"Желим баштыктар экологияга, өзгөчө Ысык-Көлдүн табиятына терс таасирин тийгизип жаткандыгы баарыбызга маалым. Учурда аталган облуста 83 таштанды талаасы бар экен. Алардын көбү мыйзамсыз пайда болгон. Полиэтилен буюмдарына тыюу салуу мезгил талабы болуп турат. Ошентсе да мыйзам кабыл алып, дароо эле республика боюнча ишке киргизип салуу туура болбой калат. Бул тармактагы ишкерлер чоң зыян тартып калышы ыктымал. Андыктан, алгач туристтик өрөөн болгону үчүн Ысык-Көлдө, андан соң дагы бир облус, кийинкисинде башкасында кезек-кезеги менен ишке ашырыш керек", — деди Рыспеков.

Ал жалпы республика боюнча 406 таштанды талаасы бар экендигин кошумчалады.

77
Белгилер:
ишкердик, желим баштыктар, таштанды
Тема боюнча
Иманалиев: Ысык-Көлдөн чыккан таштандынын теңинен көбү желим баштык
Саламаттык сактоо министрлигинин штаттан сырткаркы башкы пульмонологу, профессор Талант Сооронбаев. Архив

Пульмонолог: азыркы пневмония COVID-19 вирусу чакырган илдет

1094
(жаңыланган 17:22 03.07.2020)
Саламаттык сактоо министрлигинин штаттан сырткаркы башкы пульмонологу, профессор Талант Сооронбаев учурда күчөп жаткан пневмония оорусунан дарылануу ыкмаларын айтты.
Пульмонолог: азыркы пневмония — COVID-19 вирусу чакырган илдет

Азыр жүрүп жаткан пневмонияны COVID-19дан бөлүп кароого болбойт. Экөө бир оору. Мындай пикирин Талант Сооронбаев Sputnik Кыргызстан радиосуна маек куруп жатып билдирди.

Анын айтымында, ПЦР-тесттер COVID-19 вирусун көрсөтпөгөн учурда деле, эгер пневмония бар болсо, аталган дартка кабылган болуп эсептелет.

Пульмонолог Сооронбаев: 30 жыл иштеп мындай пневмонияны көргөн эмесмин

"Коронавирус өзүнчө, азыр курч жүрүп жаткан пневмония өзүнчө деп ойлоо жаңылыштык. Азыркы пневмониянын козгогучтары бактерия же микроб эмес, ошол COVID-19 вирусу болуп жатат. Ошондуктан "атипичная внебольничная пневмония" же болбосо башка типтеги пневмония деп аталат. Оору өпкөнүн кан тамырларында тромбдорду пайда кылып, жыйынтыгында аба алмашуу керектүү деңгээлде жүрбөй, адамга кычкылтек жетпей демигип калат. Ошондуктан өлүмдүн саны да көп болууда. Бул жерде адамдар антибиотиктерди ичүү менен дарыланам деп адашып жатышат. Вируска ал дарылар жардам бербейт. Эгер белгилери байкалып дене табы көтөрүлсө, дароо үй-бүлөлүк врачтарга телефон чалуу керек. Ошолор айткан гана дары-дармектерди, башкысы, канды суюлтуучу препараттарды ичүү керек", — деди Сооронбаев.

Дарыгер вирус жуктуруп албаш үчүн обочолонуу, санитардык эрежелерди так сактоо керектигин кошумчалады.

1094
Белгилер:
пневмония, коронавирус, Талант Сооронбаев
Тема:
Кыргызстандыктарды кыйнаган пневмония
Тема боюнча
Сооронбаев: балдарга газдалган суусундуктарды таптакыр бербеш керек
Борбордук шайлоо комиссиясынын төрайымынын орун басары Абдыжапар Бекматов. Архив

Бекматов: саясий партиялар үгүт иштерин 50 пайызга чейин онлайн өткөрөт

43
(жаңыланган 12:49 03.07.2020)
Борбордук шайлоо комиссиясынын төрайымынын орун басары Абдыжапар Бекматов алдыда боло турган парламенттик шайлоонун үгүт иштерине пандемияга байланыштуу бир топ эреже киргизилерин айтты.
Бекматов: саясий партиялар үгүт иштерин 50 пайызга чейин онлайн өткөрөт

Жогорку Кеңешке шайлоо жараянын өткөрүүгө мурдагылардан айырмаланып бир топ санитардык эреже киргизилет. Мындай кадамдар коронавируска байланыштуу болот. Бул тууралуу Абдыжапар Бекматов Sputnik Кыргызстан радиосуна маек куруп жатып билдирди.

Анын айтымында, БШК үгүт иштери учурунда партияларды санитардык эрежелерди аткарууга милдеттендирген укуктук актыларды иштеп чыкты.

"Быйыл 4-октябрда өтүүчү парламенттик шайлоо мурдагыларынан өзгөчө болот. Анткени мыйзамда көрсөтүлгөн эрежелерге кошумча дагы санитардык тартиптер киргизилет. Мунун баары коронавирустун калк арасына жайылуусуна жол бербөө максатын көздөйт. Ал үчүн талапкерлерге үгүт иштеринин 50 пайызга чейинкисин аралыктан, ЖМКлар аркылуу жүргүзүү тапшырмасы берилет. Бул көрсөткүч мурда 30 пайыздан ашпоосу керек эле. Мындан сырткары, шайлоочулар менен жолугушуу өткөрүүнү каалашса, азыркы учурдагы талапка ылайык, бир топко 50дөн ашык эмес гана адам чогултууга жана аларды коопсуздук аралыгын сактоо менен жайгаштырууга милдеттендирилет. Бул багытта атайын укуктук актылар иштелип чыкты", — деди Бекматов.

Ал ошондой эле санитардык талаптарды аткарбаган партиялар жоопко тартыларын кошумчалады.

43
Белгилер:
коронавирус, шайлоо, Абдыжапар Бекматов
Тема боюнча
Бекматов: убактылуу каттоого тургандар ал жерде шайлоого катыша албайт
Медициналык кызматкер ишге бара жатат. Архив

Бишкектеги ооруканада дарыгердин 12 метрлик сүрөтү тартылууда. Көрүнүшү

0
(жаңыланган 23:07 03.07.2020)
Сүрөт Улуттук госпиталдын хирургия бөлүмүнүн имаратына тартылып, анда дарыгерлердин биринин элеси түшүрүлгөн. Чыгармачыл топ аны ушул жекшемби күнү бүтөрүн айтты.

БИШКЕК, 3-июл. — Sputnik. Борбор калаадагы Улуттук госпиталдын имаратында дарыгердин 12 метрлик портрети тартылып жатат. Бул тууралуу Sputnik Кыргызстан агенттигине DOXA Art-group чыгармачылык тобунун сүрөтчүсү Сергей Келлер кабарлады.

Анын айтымында, сүрөт жекшемби күнү тартылып бүтөт. Социалдык тармактагы баракчасына портретти жүктөп, ал дарыгерлерге арналарын жазган.

"Учурдун чыныгы баатырларына арнап эмгек жаратуудабыз. Портрет борборбогу Улуттук госпиталдын корпустарынын биринде болот", — деп жазган Келлер аккантуна.

Анын агенттикке билдиришинче, сүрөттүн бийиктиги 12 метрдей, чыгымын парламенттеги депутаттардын бири көтөрүп жатат.

"Картина Улуттук госпиталдын хирургия бөлүмүнүн имаратында тартылууда. Ал Бөкөнбаев көчөсүнөн бир аз өйдө жактагы урология бөлүмүнө бет маңдай салынган. Эскизде дарыгерлердин биринин элеси түшүрүлгөн. Ушул жекшембиде аны толук бүтүрүп, дүйшөмбү күнү чыгармачылыгыбызды элге тартуулайбыз деп турабыз", — деди Келлер.

Буга чейин DOXA командасы залкар жазуусу Чыңгыз Айтматовдун сүрөтүн Бишкектеги көп кабаттуу үйлөрдүн биринин дубалына тартышкан. Ошондой эле ала качуунун курмандыгы болгон Бурулай Турдали кызынын портретин борбордогу медициналык колледждин жатаканасынын дубалына түшүрүшкөн.

0
Белгилер:
кызматкер, медицина, портрет, Сүрөт, Улуттук Госпиталь, Бишкек
Тема боюнча
Президент медиктерди Манас ордени, Даңк медалы менен сыйлады