Билимди баалоо жана окутуу усулдары борборунун коомчулук менен байланышуу боюнча адиси Чынара Батракеева

Батракеева: ЖРТ тапшырчулар 4-апрелге чейин катталышы керек

395
Билимди баалоо жана окутуу усулдары борборунун коомчулук менен байланышуу боюнча адиси Чынара Батракеева каттоодон өтпөгөн абитуриент ЖРТдан өтө албай турганын айтты.
Батракеева: ЖРТ тапшырчулар 4-апрелге чейин катталышы керек

Жалпы республикалык тестирлөө тапшырам деген абитуриенттер сөзсүз каттоодон өтүшү керек. Бул тууралуу Чынара Батракеева Sputnik Кыргызстан радиосунун таңкы эфиринде маек куруп жатып билдирди.

Анын айтымында, 18-февралда башталган каттоо 4-апрелде жыйынтыкталат.

"ЖРТга даярдык азыркы учурда өтө кызуу жүрүп жатат. Анткени майга чейин аз эле убакыт калды. ЖРТ тапшыруучулар үчүн 18-февралда башталган каттоо 4-апрелге чейин созулат. Кимде-ким тестирлөөдөн өтөм деп, бирок буга чейин кабардар болбосо, каттоодон өтүшү шарт. Катталган гана абитуриент ЖРТ тапшыра алат", — деди Батракеева.

Ал тестирлөө дептерлери даярдалып жатканын кошумчалады.

395
Белгилер:
каттоо, абитуриент, ЖРТ
Тема боюнча
Окуучуларым ЖРТдан 200дөн ашык упай алат! Адис тест тапшыруунун сырын ачты