Соода-өнөр жай палатасынын транспорт боюнча комитетинин төрагасы Талантбек Маткерим уулу. Архив

Айдоочу: бир кепка ашык жүктөлүп калса, "контрабанда" деп артка кайтарышты

292
(жаңыланган 11:54 02.04.2019)
Соода-өнөр жай палатасынын транспорт боюнча комитетинин төрагасы Талантбек Маткерим уулу "Ак-Тилек" өткөрүү пунктундагы жүрүп жаткан текшерүүлөр ЕАЭБдин эрежелерине дал келбестигин айтты.
Айдоочу: бир кепка ашык жүктөлүп калса, "контрабанда" деп артка кайтарышты

Казакстан тарап алар аркылуу үчүнчү мамлекетке чыкчу жүктөрдү да бирден текшерип жатат. Мындай мамиле жүк ташуудагы эл аралык эч кайсы келишимдерге туура келбейт. Бул тууралуу Талантбек Маткерим уулу Sputnik Кыргызстан радиосуна маалымдады.

Анын айтымында, "Ак-Тилек" — ЕАЭБдин талабына жооп берген, бардык керектелүүчү жабдыктары бар жалгыз өткөрмө пункту.

"Ак-Тилек" өткөрмө пунктундагы абал 19-мартта башталган. Алгач коңшу мамлекет өзүндөгү саясий абалдан улам келип чыккан кыска мөөнөттөгү текшерүү катары маалымдаган. Бирок учурда алар мониторинг жүргүзүп жатканын айтууда. Албетте, алардын өз чек арасында мониторинг жүргүзүүгө акысы бар. Бирок эл аралык келишимдерге ылайык, Казакстанга кирчү гана жүктөрдү дыкат текшериши керек эле. Тилекке каршы, алар үчүнчү мамлекетке чыкчу жүктөрдү да дыкат текшерүүгө алып жатышат. Аталган өткөрмө пунктунда заманбап бардык техникалар бар, рентген аппараты коюлган. Товарды бир даанадан чачып кароонун эч кандай зарылчылыгы жок. Ошентсе да көп саатка созулган текшерүүлөрдөн кийин документтерден ар кандай мүчүлүштүктөрдү таап, артка кайтарып жатышат. Мисалга, бир жүк ташуучу унаада 1000 даана баш кийим жүктөлгөн деп документинде көрсөтүлгөн экен. Аңтарып текшере келгенде 1001 даана кепка чыгыптыр. Муну контрабанда деп артка кайтарышты. Ошондой эле документтердеги грамматикалык, техникалык каталар бар болсо да жүктү кайра Кыргызстанга кайтарып жатат", — деди Маткерим уулу.

Ал айдоочулар абал тез арада жөнгө салынарын күтүп жаткандыгын кошумчалады.

292
Белгилер:
Ак-Тилек, айдоочу
Тема боюнча
Казакстан чек арада КР фураларынын кармалышын түшүндүрдү
Милдеттүү медициналык камсыздандыруу фондунун программаларын ишке ашыруу башкармалыгынын башчысы Жыпара Азизбекова

Азизбекова: былтыр 50 миңдей кош бойлуу аялга камсыздандыруу полиси берилди

11
Милдеттүү медициналык камсыздандыруу фондунун программаларын ишке ашыруу башкармалыгынын башчысы Жыпара Азизбекова 2020-жылы 50 миңдей кош бойлуу аялга камсыздандыруу полиси берилгенин айтты.

Милдеттүү медициналык камсыздандыруу фонду (ММКФ) 2015-жылдан баштап кош бойлуулугу боюнча каттоодо турган аялдарга бекер милдеттүү камсыздандыруу тарата баштаган. Бүгүнкү күндө полистин наркы бир жылга 1 286 сом деп белгиленген. Бул каражатты фонд төлөйт. Бул тууралуу Жыпара Азизбекова Sputnik Кыргызстан радиосунун эфиринде маек куруп жатып билдирди.

Азизбекова: былтыр 50 миңдей кош бойлуу аялга камсыздандыруу полиси берилди

Анын айтымында, 2020-жылы Кыргызстанда 139 059 аял төрөгөн.

"Милдеттүү медициналык камсыздандыруу полисин алуу үчүн кош бойлуу аялдар 12-жумасында Үй-бүлөлүк дарыгерлер борборуна, фельдшердик-акушердик пунктуларга каттоого турушу зарыл. Полисти алгандарга орточо эсеп менен 50 пайыз базар баасынан жеңилдетилген негизде дары-дармектерди (темир, йод, фолий кислотасы жана башка препараттар) алганга мүмкүчүлүк берилет. ММКФ тарабынан 2020-жылы 49 904 аялга камсыздандыруу полиси берилсе, анын 93 пайызы камсыздандырылган эмес болгон. Мамлекеттик кепилдиктер программасынын негизинде адистин жолдомо каты болсо базалык лабораториялык жана диагностикалык 11 изилдөө (кан, заара анализи, уретралдык, вагиналдык мазоктун микроскопиясы ж.б.) акысыз жүргүзүлөт. Ошону менен бирге төрөт жана кесарево бекер болот. Ал эми кош бойлуулар жеңилдетилген жардам алганына карабастан кымбат изилдөөлөрдүн (ангиография, гемосорбция, ангиокардиография, компьютердик томография, коронарография ж.б) акысын өздөрү төлөшөт", — деди Азизбекова.

Адис чет элдик жарандар камсыздандыруу полисин бир жылга 15 652, ал эми жарым жылга 7 826 сомго ала алышарын кошумчалады.

11
Белгилер:
милдеттүү, камсыздандыруу
Тема боюнча
Гинеколог: коронавируска каршы эмдөө кош бойлуулар үчүн коопсуз
Ак-Булуң жамааттык коруктун жетекчиси Эрмек Шабыкеев

Шабыкеев: Тоңдо жамааттык корук түзүлүп, учуп келген ак куулар миңден ашты

14
"Ак-Булуң" жамааттык коруктун жетекчиси Эрмек Шабыкеев Тоң районунун Лахол айыл аймагындагы Кара-Талаа айылындагы коруктун аймагы 300 гектарды түзөрүн маалымдады.

Жергиликтүү бийлик, эл менен биргеликте жамааттык корук түзүлүп, айылыбыздын табиятын коргоого алуудабыз. Бул тууралуу Эрмек Шабыкеев Sputnik Кыргызстан радиосунда маек куруп жатып билдирди.

Шабыкеев: Тоңдо жамааттык корук түзүлүп, учуп келген ак куулар миңден ашты

Анын айтымында, аталган корук эки жыл мурда түзүлгөн.

"Кара-Талаа айылында аң уулоо, балык кармоо, браконьерлик күч алып кеткен. Андан сырткары, аталган аймак жайыт катары дагы колдонулуп келген. Бул келгин куштардын, жапайы жаныбарлардын отуна, тамактануусуна зыянын тийгизет. Себеби алардын тамактануучу аймагын мал ээлеп алчу. Анан жергиликтүү бийлик, калк менен келишип, эки жыл мурун "Ак-Булуң" жамааттык коругун түзгөнбүз. Анын жалпы аянты 300 гектар. Башында эл арасында жаратылышты мамлекет коргойт, егерлер бар деген пикир болуп жаткан. Кийин алар жетишпей турганын, айылдын табияты бизге керек экенин түшүндүрдүк. Учурда жергиликтүү эл дагы активдүү көмөктөшүп, башка жактан келгендерди сүрөткө тартып же видеосун жөнөтүп турушат. Көрүлгөн аракеттердин натыйжасында ак куулардын саны миңден ашты. Өрдөктүн 12 түрү кыштап, алардын жалпы саны 10 миңге жетти. Мындан тышкары, кыргоол, коенду көрүү мүмкүн болбой калган, азыр алар да акырындап көбөйө баштады", — деди Шабыкеев.

Ошондой эле ал жаратылыш сүйүүчүлөргө корукка кирүүгө уруксат берилгенин кошумчалады.

Подкастты толугу менен видеодон көрө аласыз:

14
Белгилер:
жаратылыш, корук, жамаат
Тема боюнча
Мамыров: Кыргызстанда жейрендер малдын көбөйүшүнөн жок болуп кеткен
Олжосун кызганып, ырылдап... Илбирстин кызыктуу видеосу
Суусундук кармаган кыздар. Архивдик сүрөт

Ден соолукту талкалаган суусундук. Дарыгердин эскертүүсү

0
Дарыгер кадимки сууну да качан гана чаңкаганда ичүү керектигин айткан. Бирок аны көп ичүү эмнеси менен кооптуу экендигин тактаган эмес.

БИШКЕК, 17-окт. — Sputnik. Адамдын ден соолугуна коркунуч жаратып, диабеттен тарта онкологиялык ооруну чакырган азыктардын бири газдалган таттуу суусундуктар экенин дарыгер жана теле алып баруучу Александр Мясников айтып берген. Бул туурасында РИА Новости жазды.

Адистин айтымына караганда, баарынан кооптуусу газдалган суусундук.

"Диабетти жаратып, кишини семиртип, акырында онкологиялык ооруга алып барып такайт. Бул чындыгында ден соолукту талкалоочу жолдордун бири. Остеопороздон тарта онкология, жүрөк, кан тамыр ооруларын жаратат", — деп түшүндүргөн Мясников.

Дарыгер кадимки сууну да качан гана чаңкаганда ичүү керектигин айткан. Бирок сууну көп ичүү эмнеси менен кооптуу экендигин тактаган эмес.

Мясников чай менен кофенин пайдалуу жактарын да эске сала кеткен. Кофе жүрөк, кан тамыр илдеттеринин, боор оорунун алдын аларын айтса, көк чайдын онкологияга каршы күрөшүү артыкчылыгын белгилеген.

Буга чейин россиялык онколог Елена Смирнова жоон ичеги рагына кабылуу тобокелчилигин арттырган суусундуктарды тизмектеп айтып берген. 

0
Белгилер:
Россия, ден соолук, суусундук, зыян
Тема боюнча
Боору жарабай калган. 1,5 литр коланы 10 мүнөттө ичкен киши каза болду