Радиостудия Sputnik Кыргызстан в Бишкеке - Sputnik Кыргызстан
Радио

Садырбаева: Дооронбек агам кыргыз киносуна революция жасады

© Sputnik / Асель АкматалиеваЭкс-депутат ЖК V созыва Садырбаева Гуласал
Экс-депутат ЖК V созыва Садырбаева Гуласал - Sputnik Кыргызстан
Жазылуу
Кыргыз Эл Баатыры Дооронбек Садырбаевдин бир тууган карындашы, ЖКнын экс-депутаты Гүласал Садырбаева агасы кыргыз кинорежиссерлорунун арасынан алгачкылардан болуп даректүү тасмаларды тартууга басым жасагандыгын айтты.
Садырбаева: Дооронбек агам кыргыз киносуна революция жасады

Агам чет өлкө башчыларынан биринчилерден болуп интервью алып, даректүү тасма тартып, кыргыз киносунда революция жасады деп айтууга болот. Бул тууралуу Дооронбек Садырбаевдин карындашы Гүласал Садырбаева Sputnik Кыргызстан радиосунун "Туяк" уктуруусуна маек куруп жатып билдирди.

Анын айтымында, Дооронбек Садырбаев улутка күйгөн, абдан мекенчил адам болгон. Биринчилерден болуп памирлик жана Тажикстандын Жерге-Талында жашаган кыргыздардан кабар алган.

"Агам Казак ССРинин 1986-жылдардагы жетекчиси Динмухамед Кунаевди сөзгө тарткан. Кийин Чеченстанда согуш болуп турганда 1992-1993-жылдардагы чечендердин башчысы Жохар Дудаевден интервью алып, ал жактагы кырдаалды даректүү тасма катары чагылдырды. Ошондой эле кыйырдагы кыргыздардын турмушу менен жакындан таанышып, Тажикстандын Жерге-Талындагы журтташтардан, Афганистандагы памирлик кыргыздардан кабар алып, алардын жашоо-турмушун биринчилерден болуп тасмага тарткан. Андан кийин Түркияга атайын макулдашуу менен барып, "Ихлас фильм" киностудиясында эмгек жолун улады. Ал жерде агам түрк боордошторго кино тартуу иштерине көмөк көрсөтүп, өзү дагы бир топ даректүү тасмаларды тартты. Ошентип жалпы жонунан эки жылдан кийин кайра мекенине кайтып келди", — деди Садырбаева.

Ошондой эле ал быйыл Кыргыз Эл Баатыры Дооронбек Садырбаевдин 80 жылдык мааракеси мамлекеттик деңгээлде белгиленерин кошумчалады.

Гүласал Садырбаеванын бир тууганы Дооронбек Садырбаев тууралуу кенен маеги менен Sputnik Кыргызстан агенттиги даярдаган материалдан таанышууга болот.

Жаңылыктар түрмөгү
0