Коммерциялык банктардын биринин маалыматтык коопсуздук бөлүмүнүн жетекчиси Сейтек Курманов

Курманов: коомдук жайлардагы Wi-Fi акысыз болгону менен кооптуу

217
(жаңыланган 19:36 08.04.2019)
Коммерциялык банктардын биринин маалыматтык коопсуздук бөлүмүнүн жетекчиси Сейтек Курманов компьютердик клубдардан аккаунт ачпоо керектигин айтты.
Курманов: коомдук жайлардагы Wi-Fi акысыз болгону менен кооптуу

Коомдук жайлардагы Wi-Fi тутумуна кошулуу кооптуу. Анда ар кандай вирустар болушу мүмкүн. Кара ниет хакерлер атайын вирустарды ойлоп табат. Алар сиз Wi-Fi аркылуу жаңы аккаунт каттаганыңызда же өзүңүздүн баракчаңызга киргенде сыр сөзүңүздү жаттап калуу мүмкүнчүлүгүнө ээ болот. Бул тууралуу Сейтек Курманов Sputnik Кыргызстан радиосунун эфиринде маек куруп жатып билдирди.

Анын айтымында, мындай вирустардын тузагына чөнтөк телефондору да оңой илинет.

"Коомдук жайларда роутер аркылуу өткөн акысыз интернеттер хакерлер тарабынан тыңшалышы мүмкүн. Мындай тыңшоолор интернеттин ишин жайлатпайт жана колдонуучуга байкалбайт. Адатта хакерлердин тузагына белгисиз шилтемелерге кирүү менен түшүп калабыз. Ошондуктан кандайдыр бир шилтемеге кирерде өтө сак болгон туура. Шилтеме аркылуу сиздин смартфонуңузга же компьютериңизге вирус кирет. Ал экран бетине чыгып, сизге көрүнбөйт. Вирус аркылуу хакер сиздин түзүмдөгү болгон социалдык аккаунттарыңыздын, почтаңыздын сыр сөздөрүнө ээ боло алат. Андыктан кандайдыр бир маалымат алууда шилтеме аркылуу өтпөй, сайттын өзүнө кириңиз", — деди Курманов.

Адис сыр сөз тандоодо сегиз орундан аз эмес жана тамга, белги, сан кошулган комбинацияга көңүл буруу зарыл экендигин эскертти.

217
Белгилер:
коопсуздук, Wi-Fi, интернет
Тема боюнча
Жолочубеков: жаштар интернеттен акча табууга умтулуп жатат
Козу карын өстүрүү боюнча технолог Эрмек Джусумбеков

Джусумбеков: козу карын бизнесине кызыгуум окуучу кезимден башталган

66
Козу карын өстүрүү боюнча технолог Эрмек Джусумбеков Кыргызстанда колго өстүрүлгөн козу карындын вёшенка жана шампиньон деген эки сорту бар экендигин билдирди.
Джусумбеков: козу карын бизнесине кызыгуум окуучу кезимден башталган

Козу карын өстүрүү өлкөдө анчалык өнүгө элек, бирок жапайы түрлөрүн терип сатуу колго алынган. Бул тууралуу Эрмек Джусумбеков Sputnik Кыргызстан радиосунун эфиринде маек куруп жатып маалымдады.

Анын айтымында, Кыргызстанда тамак-ашка колдоно турган жапайы козу карындын 90дон ашуун түрү бар.

"Козу карын өндүрүүгө болгон кызыгуум мектеп жашымдан башталган. Германиядан келген бир аяш атам алгач ирет колго козу карын өстүрсө болорун көрсөткөн. Ошондон тарта бул менин кыялыма айланган. Көптөгөн керектелүүчү техникалары жок эле өз күчүм менен козу карын өстүрүүгө көп жылдар аракет кылып жүрдүм. Жасаган ишим эч майнап бербей, ата-эне, жакындарым "таштачы ушул ишиңди" деген күндөр да болду. Мен ошентсе да аракетимди токтотпой, китепкана, Илимдер академиясындагы материалдар, интернетти казып окуп отуруп, бул багыттагы ишкерликти өз алдымча жолго коюп алдым.  Учурда башкаларга козу карын өндүрүү боюнча кеп-кеңеш берип, бизнес-план түзгөнгө көмөктөшөм. Козу карын бизнеси эгер жалгыз адам жасаса, абдан кирешелүү десек болот, ошону менен катар эле түйшүгү да күч. Азырынча өлкөдө ишкерликтин бул түрү жакшы колго алына элек. Ага караганда жапайы түрлөрүн терип, чет мамлекеттерге сатуу жолго коюлуп калган. Кыргызстандын жапайы козу карындарынын негизги кардары Кытай. Алар нукура азык деп жогору баалашат. Ал эми колго өндүрүлгөнү ушул тапта ички рынокко гана чыгып жатат", — деди Джусумбеков.

Ал козу карын өндүрүү ишкерлиги кирешелүү, түйшүктүү гана эмес, өзгөчө кызыктуу экенин кошумчалады.

66
Белгилер:
козу карын, бизнес
Тема боюнча
Шаршеев: ишкерлик боюнча да жаңы көз караштар жаралууда
Соода-өнөр жай палатасынын кичи комитетинин төрагасы, экономика министринин кеңешчиси Улукман Мамытов

Мамытов: сомду санариптештирүү аркылуу кризистен чыксак болот

95
(жаңыланган 11:06 22.10.2020)
Соода-өнөр жай палатасынын кичи комитетинин төрагасы, экономика министринин кеңешчиси Улукман Мамытов сомду санариптештирүү долбоору иштелип жаткандыгын билдирди.

Кыргызстан инвесторлорго таянып отура бербей, сомду санариптештирүү менен экономикалык көз карандысыздыкка жетишсе болот. Мындай пикирин Улукман Мамытов Sputnik Кыргызстан радиосунун эфиринде маек куруп жатып маалымдады.

Мамытов: сомду санариптештирүү аркылуу кризистен чыксак болот

Анын айтымында, учурда сомду санариптештирүү боюнча долбоор иштелип жатат.

Абдыров: акыркы саясий окуялар экономикага терс таасирин тийгизет

"Экономика министрлигинин алдында Экономикалык саясатты изилдөө институту бар. Бул мекеме тарабынан сомду санариптештирүү долбоору сунушталууда. Максаты — тышкы карыздан кутулуу үчүн электрондук сомду ички рынокто колдонуу. Бирок азыр актуалдуу болуп жаткан маселелердин дагы бири  —  бизде эле эмес, жалпы дүйнө жүзүндө күтүлүп жаткан кризис. Андан чыгуу үчүн да өлкө бюджетин толуктоо зарылчылыгы турат. Андыктан дайыма эле инвесторлордон көз каранды болуп отура бербешибиз керек. Абалдан сомду санариптештирүү менен чыксак болот. Мындай ыкманы учурда Италия колдонууда. Алар дал өздөрүнүн акчасындай болгон эле электрондук баалуу кагаздарды чыгарышкан. Ушул эле ыкманы Кытай жана Россия колдонууну пландап жатканын билдиришти. Кыргызстан дагы бул долбоорду ишке ашыруу менен кризистен чыкса болот", — деди Мамытов.

Ал сомду электрондоштуруу долбоору алгач сынамык иретинде ишке киргизилерин кошумчалады.

95
Белгилер:
кризис, долбоорлор, санарип, сом
Тема боюнча
Шаршеев: ишкерлик боюнча да жаңы көз караштар жаралууда
Добуш берип жаткан адам. Архив

Шайлоо босогосун азайтуу мыйзам долбоорун ЖК комитети үч окууда жактырды

0
Маселе комитеттен кийин Жогорку Кеңештин жалпы жыйынында талкууланмак. Бирок саат 14:00дөн бери кворум жок жыйын башталбай жатат.

БИШКЕК, 22-окт. — Sputnik. Конституциялык мыйзамдар, сот-укуктук маселелер жана Жогорку Кеңештин регламенти боюнча комитет шайлоо мыйзамдарына өзгөртүү киргизүү боюнча мыйзам долбоорун үч окууда жактырды.

Белгилей кетсек, аталган демилге кечээ, 21-октябрда, парламентте биринчи окуудан өткөн. Бүгүн комитетте дароо экинчи жана үчүнчү окууда каралып колдоо тапты.

Андан соң Жогорку Кеңештин жалпы жыйынында талкууланмак. Бирок саат 14:00дөн бери кворум жок жыйын башталбай жатат. Бул конституциялык мыйзам болгондуктан кабыл алуу үчүн кеминде 80 депутат добуш бериши керек.

ЖК комитети эки шайлоонун мөөнөтүн жылдыруу мыйзам долбоорун колдоду

Эгер сунушталган мыйзам күчүнө кирсе:

  • парламенттик шайлоонун күрөөсү 5 миллион сомдон 1 миллион сомго түшүрүлөт;
  • босого чеги 7 пайыздан 3 пайызга төмөндөтүлөт;
  • шайлоо участкасын алмаштырууга шарт түзгөн №2 форма жокко чыгарылат. Анын жолу татаалдаштырылат;
  • шайлоого катышууга ниети бар мамлекеттик жана муниципалдык кызматкерлер жумуштан убактылуу гана четтетилбей, толугу менен ишинен бошотулат.
0
Белгилер:
колдоо, комитет, мыйзам долбоору, шайлоо
Тема:
Жогорку Кеңешке боло турган кайра шайлоо
Тема боюнча
Шайлоолордун мөөнөтүн жылдырууну кайсы депутаттар демилгеледи. Тизме
Эки шайлоонун мөөнөтү жылып, Конституция өзгөрүшү мүмкүн. Жаңы сунуш