Хоккей федерациясынын президенти Анвар Оморканов

Оморканов: Бишкекте хоккей класстары ачылат

103
(жаңыланган 13:33 10.04.2019)
Хоккей федерациясынын президенти Анвар Оморканов Кыргызстанда хоккей спортунун келечеги кең экендигин билдирди.
Оморканов: Бишкекте хоккей класстары ачылат

Хоккей федерациясы лицензия алып, расмий түзүлгөнүнө болгону жети жылдын жүзү толду. Ошого карабай жакшы жетишкендиктер бар. Бул тууралуу Анвар Оморканов Sputnik Кыргызстан радиосунун таңкы эфиринде маек куруп жатып билдирди.

Анын айтымында, федерация 2019-2020-окуу жылына карата хоккей класстарын ачууну пландап жатат. Бул боюнча мэрия менен сүйлөшүүлөр жүрүүдө.

"Бишкектеги муз аянтынын жанында жайгашкан мектептерге быйылкы окуу жылынын башталышы менен хоккей класстарын киргизгени жатабыз. Мындай тажрыйбаны Санкт-Петербург шаарынан көрүп келдик. Хоккей өзү кымбат спортко кирет, анын кийилүүчү формасы эле бир канча миң доллар турат. Мындан сырткары, атайын муз аянты керек. Ошондуктан бардык эле мектептерде ача албайбыз. Учурда мэрия менен сүйлөшүп, шаардык муз аянтка жакын жайгашкан мектептерге атайын класстарды ачууга камынып жатабыз. Хоккей классында окуган балдардын окуу программасы да алардын машыгуусуна ылайыкташтырылат. Бул биринчи кезекте балага машыгууга жана ата-энеге баласын ташууга жеңил болот. Формаларды демөөрчүлөрдүн жардамы менен өзүбүз даярдап жатабыз. Алгач балдар катышып көрүшөт. Эгер окуучунун кызыгуусу артып, хоккей ойнору анык болсо, анда форманы сатып ала алат", — деди Оморканов.

Ал машыктыруучулукка Бишкек шаарынан жана учурда Нарын облусунда иштеп жаткан тренерлер тартыларын кошумчалады.

103
Белгилер:
Анвар Оморканов, хоккей, мектеп, окутуу
Тема боюнча
Моношбекова: "Жаз Деми" жарым марафону 14-апрелде өтөт
Айыл, суу чарба жана аймактарды өнүктүрүү министрлигинин бөлүм башчысы Жигитали Жумалиев

Жумалиев: дыйкан, фермерлерди камсыздандыруу пландалууда

16
Айыл, суу чарба жана аймактарды өнүктүрүү министрлигинин бөлүм башчысы Жигитали Жумалиев айыл чарба тармагына камсыздандырууну киргизүү мерчемделип жатканын маалымдады.

Агро камсыздандыруу боюнча мыйзам иштелип чыгып, сунушталды. Бул тууралуу Жигитали Жумалиев Sputnik Кыргызстан радиосундагы маегинде билдирди.

Жумалиев: дыйкан, фермерлерди камсыздандыруу пландалууда

Анын айтымында, учурда агро камсыздандыруу дүйнөдө көптөгөн өлкөлөрдө колдонулууда.

"Соңку учурдагы табигый процесстерден улам түшүмдүүлүк азайып кетти. Мына ушул сыяктуу көйгөйлөрдөн коргоо максатында агро камсыздандыруу боюнча мыйзам долбоору иштелип чыгып, сунушталды. Бул тажрыйба көптөгөн мамлекеттерде ийгиликтүү иштеп жатат. 2009-жылдын 26-январында "Бир типтеги өсүмдүктөрдүн өзгөчөлүгү жөнүндө" мыйзам чыккан. Тилекке каршы, ал жетиштүү деңгээлде иштеп кеткен жок. Мындан улам ага өзгөртүүлөр сунушталып, агро камсыздандырууну киргизүү мерчемделүүдө. Ага ылайык, камсыздандырууда ар бир өсүмдүк боюнча ар башка тариф коюлат. Табигый кырсыктардан кийинки чыгымдын 50 пайызын мамлекет, калганын дыйкандар каржылайт. Бул дыйкан, фермерлерди ар кандай тобокелчиликтерден коргойт", — деди Жумалиев.

Ошондой эле ал агро камсыздандыруу ыктыярдуу түрдө жүргүзүлө турганын кошумчалады.

16
Белгилер:
Жигитали Жумалиев, айыл чарба, камсыздандыруу, дыйканчылык
Тема боюнча
Айдаралиев: чоң пландарды түзө бербей майда иштерди аткарууга мезгил келди
Экономика жана финансы министрлигине караштуу Туризм департаментинин директорунун орун басары Кыял Кенжематова

Кенжематова: акыркы алты айда Кыргызстанга 1,2 миллион турист келди

9
(жаңыланган 10:44 01.08.2021)
Экономика жана финансы министрлигине караштуу Туризм департаментинин директорунун орун басары Кыял Кенжематова Кыргызстанга акыркы алты айда алдын ала көрсөткүч боюнча 1,2 миллион турист келгенин айтты.

Чет өлкөдөн келген адамдардын бир миллионго жакыны туристтик максатта болсо, калган 250 миңи жумушуна байланыштуу келди. Мындай маалыматты Кыял Кенжематова Sputnik Кыргызстан радиосунун эфириндеги маегинде билдирди.

Кенжематова: акыркы алты айда Кыргызстанга 1,2 миллион турист келди

Анын айтымында, Европадан келген туристтердин саны мурунку жылдарга салыштырмалуу кескин көбөйүп жатат.

"Кыргызстан учурда башка өлкөлөргө салыштырмалуу туризм тармагында абдан активдүү иш алып барууда. Көп мамлекеттерде локдаун жарыяланып, бир катар чектөөлөр бар. Ага карабастан кыргыз өкмөтү жоопкерчиликти колго алып, туристтер үчүн пандемия шартында эрежелерди толук аткаруу менен шарттарды түзүп бере алды. Анткени пандемиядан кийин рекреациялык (ден соолукту чыңдоо менен эс алуу ред.) туризмди эңсегендер көп болуп, ден соолукту чыңдоо үчүн Кыргызстанды тандап жатышат. Алсак, жарым жылдын алдын ала көрсөткүчү боюнча 1 миллион 249 миң 200 чет өлкөлүк жаран келсе, анын 250 миңи жумушуна байланыштуу өлкөгө кирди. Европа үчүн Кыргызстан ачылыш болду. Анткени көп мамлекеттер пандемияга байланыштуу туризмди калыбына келтире электе, биз бардык мүмкүнчүлүктү колдондук", — деди Кенжематова.

Ошондой эле адис учурда туристтер Кыргызстанга 67 өлкөдөн келе алышарын кошумчалады.

9
Белгилер:
Кыял Кенжематова, Туризм департаменти
Тема боюнча
COVID болуп айыккандан кийин Кыргызстанга келгиси келген туристтер көбөйдү
Стаканга суу алып жаткан адам. Архив

Диетолог суу тууралуу мифтерди жокко чыгарды

0
Дарыгер суу тууралуу азыр айтылып жүргөн айрым нерселерди жокко чыгарып, анын себептерин түшүндүрдү.

БИШКЕК, 1-авг. — Sputnik. Учурда суу жана анын адамдын организмине тийгизген таасири тууралуу айтылып жаткан нерселердин көпчүлүгү жөн гана миф. Бул тууралуу "Прайм" агенттигиндеги маегинде эндокринолог, диетолог Ульяна Румянцева айткан.

"Мисалы, бир күндө 2 литр суунун өзүн ичиш керек деп айтылып жүрөт. Бул туура эмес, ар кайсы организм уникалдуу, баарына 2 литр суу керек деген түшүнүк жок. Экинчиден, сөз болуп жаткан көлөм бир гана суудан турушу керектигин дагы эч ким далилдеген эмес. Ага чай, кофе, шире, шорпо кошула берет. Болгону алкоголь ичимдиги менен газдалган суусундуктарды эсептебеш керек", — деди дарыгер.

Адис логикалык жактан ойлонуп көргөндө деле элдин баарына 2 литрден суу ичүү системасы туура келбесин белгилейт. Таргыраак айтканда, эркектин организми аялдыкына караганда сууну көбүрөөк  талап кылат.

Ал эми толук адамдар учурдагы салмагына эмес, жашына жана боюна жараша идеалдуу деп эсептелген салмакка ченеп ичиши керек.

"Адам ооруп турган учурда, инфекция жуктуруп, дене табы көтөрүлгөндө болушунча көбүрөөк суу ичкени жакшы. Башка ооруларга чалдыккан учурларда ашыкча суу терс таасирин тийгизип коюшу мүмкүн", — деди диетолог.

Сөзүнүн аягында адис бардыгы индивидуалдуу экенин кошумчалады.

0
Белгилер:
суу, дарыгер, миф, ден соолук, адам, норма
Тема боюнча
Канадада жасалма уруктандыруу үчүн өз уругун пайдаланып жүргөн дарыгер кармалды