Республика — Ата Журт фракциясынын депутаты Курманкул Зулушев

Зулушев: башкаруу системасын аныктап алмайын Кыргызстан өнүкпөйт

(жаңыланган 14:41 16.04.2019)
"Республика — Ата Журт" фракциясынын депутаты Курманкул Зулушев өлкө парламенттик башкарууга толук кандуу өтмөйүн экономикалык өсүш болбойт деген пикирин билдирди.
Зулушев: башкаруу системасын аныктап алмайын Кыргызстан өнүкпөйт

Көпчүлүк өлкө парламенттик-президенттик башкарууда иш алып барууда деп ойлошот. Бирок учурда президенттик-парламенттик башкаруу өкүм сүрүүдө. Бул тууралуу Курманкул Зулушев Sputnik Кыргызстан радиосунун таңкы эфиринде маек куруп жатып билдирди.

Анын айтымында, учурда кыргыз парламенти мүмкүнчүлүктөрү бар туруп президенттен көз каранды. Алсыздыгын көрсөтүүдө.

"Өлкөдө толук кандуу парламенттик башкаруу болгондо гана экономикалык өсүш болот. Анткени Жогорку Кеңеште канча депутат болсо, ошончо көз караш бар. Биринин туура эмес жасаган ишин экинчиси ачыктап отуруп, коррупцияга бөгөт коюлат. Бирок ал үчүн парламент күчтүү болушу керек. Учурдагы парламент мыйзам жүзүндө мындай мүмкүнчүлүктөрү бар туруп колдоно албай, өзүнүн алсыздыгын көрсөтүүдө. Коомчулук өлкө парламенттик-президенттик башкаруу жолунда баратат деп ойлойт. Иш жүзүндө президенттик-парламенттик башкаруу жүрүүдө. Андыктан, Кыргызстан өзүнүн башкаруу системасын так аныктап, президенттик башкарууга өтсө, премьер-министр деген кызматты жоюп же толук кандуу парламенттик башкарууга жол бериш керек. Башкача айтканда, чечимди кабыл алган тарап жоопту да тартышы зарыл", — деди Зулушев.

Ал жеке өзү өлкө парламенттик гана башкаруу жолун тандап алышын каалагандардын катарында экендигин кошумчалады.

Белгилер:
Өнүгүү, система, башкаруу, Курманкул Зулушев
Тема боюнча
Байболов: партиялар Кыргызстандагы үрүп чыккан итке чейин бөлүп алышты
Кыргыз-Түрк Манас университетинин экологиялык инженерия бөлүмүнүн профессору, техника илимдеринин доктору Канатбек Кожобаев

Кожобаев: экологияны коргоодо калдыксыз технологияны колдонуу зарыл

Кыргыз-Түрк "Манас" университетинин экологиялык инженерия бөлүмүнүн профессору, техника илимдеринин доктору Канатбек Кожобаев экологияны коргоп кантип экономикага салым кошсо болорун айтып берди.
Кожобаев: экологияны коргоодо калдыксыз технологияны колдонуу зарыл

Желим баштык, бөтөлкө жана пластмасса буюмдарын кайра иштетүү, тамак-аш калдыктарын органикалык жер семирткичтерге алмаштыруу — учурдун талабы. Мындай пикирин Канатбек Кожобаев Sputnik Кыргызстан радиосунун эфиринде маек куруп жатып билдирди.

Анын айтымында, экологиялык сабаттуулукту жогорулатууда алгач адамдардын аң-сезимин көтөрүп, маалыматтын жеткиликтүүлүгүнө маани берүү керек.

"Экологияны коргоодо жана экономиканы өнүктүрүүдө калдыксыз технологияга өтүш керек. Бул оңой эле ишке ашат. Адамдардын аң-сезимин өзгөртүү аркылуу экологиялык сабаттуулукту жогорулатуу зарыл. Желим баштык, бөтөлкө жана пластмасса буюмдарын кайра иштетүүгө, тамак-аш калдыктарын органикалык жер семирткичтерге алмаштыруу, биогаз чыгаруу — учурдун талабы. Мындай технологияны айыл жерлеринде көп колдонуш керек. Демилгени мамлекет колдоп берсе, жылыш жакшы болот эле. Элди ушундай пайдалуу ишке кызыктыруу зарыл", — деди Кожобаев.

Ошондой эле профессор экономика өнүккөн жерде экология зыянга учурап, бири-бирине каршы чыккан учурлар көп болорун кошумчалады.

Белгилер:
Канатбек Кожобаев, Технологиялар, экономика, экология
Тема боюнча
Донбаева: жайытты туура эмес пайдалануу тоолордун экосистемасын бузат
Юридикалык клиникалар ассоциациясынын жетекчиси, илимдин кандидаты Артур Бакиров

Бакиров: үч же андан көп балага кирешенин 50%ы алимент катары төлөнөт

(жаңыланган 11:19 23.04.2021)
Юридикалык клиникалар ассоциациясынын жетекчиси, илимдин кандидаты Артур Бакиров алимент төлөө кандайча аныктала турганын айтып берди.

Жубайлар ажырашып кеткен учурда ортодо үч же андан көп бала болсо атанын же эненин тапкан кирешесинин 50 пайызы алимент катары төлөнөт. Бул тууралуу Артур Бакиров Sputnik Кыргызстан радиосунун "Онлайн адвокат" рубрикасында билдирди.

Бакиров: үч же андан көп балага кирешенин 50%ы алимент катары төлөнөт

Анын айтымында, үлүштүн өлчөмү тараптардын материалдык, үй-бүлөлүк абалын же көңүлгө алынуучу жагдайларын эске алуу менен сот аркылуу аныкталат.

"Ата-эне өздөрүнүн жашы жетпеген балдарын багууга милдеттүү. Анын тартиби Кыргызстандын Үй-бүлө кодексинин 85-беренесине ылайык, ата-эне тарабынан аныкталат. Жашы жетпеген балдарды багууга каражат берилбесе, сот тарабынан өндүрүлөт. Бир балага ата-эненин кирешесинин төрттөн бири, эки балага үчтөн бири, ал эми үч же андан көп бала болсо, тапканынын жарымы бөлүнөт. Алименттин орду жагдайга жараша азык-түлүк менен да толтурулушу ыктымал. Ата-эненин кирешесинин жоктугу аларды алимент төлөө милдетинен бошотпойт. Кыймылсыз же кыймылдуу мүлктү менчигине өткөрүп берип, алименттин белгилүү бир суммасынан кутулушу керек", — деди Бакиров.

Юрист ата же эне жашы жеткен, бирок эмгекке жөндөмсүз, кайсы бир дартына байланыштуу жардамга муктаж балдарга жардам берүүгө милдеттүү экенин кошумчалады.

Белгилер:
ата-эне, алименты, юрист, Артур Бакиров
Тема боюнча
Документи жок мүлк жубайлар ажырашканда кантип бөлүнөт? Юристтин кеңеши
Белгилүү хирург Мамбет Мамакеев Спутник V вакцинасы менен эмдөө учурунда

"Спутник V" менен эмдөө башталып, биринчи болуп Мамбет Мамакеев алды. Сүрөт

(жаңыланган 12:03 23.04.2021)
Кечээ, 22-апрель күнү, Кыргызстанга россиялык "Спутник V" вакцинасынын 20 миң дозасы жеткирилди. Анын 15 миң дозасын өлкө сатып алса, беш миңи гумжардам катары берилди.

БИШКЕК, 23-апр. — Sputnik. Кыргызстанда россиялык "Спутник V" вакцинасы менен эмдөө башталып, алгачкылардан болуп аны белгилүү хирург Мамбет Мамакеев алды. Бул тууралуу Саламаттык сактоо жана социалдык өнүктүрүү министрлигинен билдиришти.

  • Кыргызстанда россиялык "Спутник V" вакцинасы менен эмдөө башталып, алгачкылардан болуп аны белгилүү хирург Мамбет Мамакеев алды
    © Фото / пресс-служба Минздрава КР
  • Эске салсак, кечээ, 22-апрель күнү, Кыргызстанга россиялык "Спутник V" вакцинасынын 20 миң дозасы жеткирилди
    © Фото / пресс-служба Минздрава КР
1 / 2
© Фото / пресс-служба Минздрава КР
Кыргызстанда россиялык "Спутник V" вакцинасы менен эмдөө башталып, алгачкылардан болуп аны белгилүү хирург Мамбет Мамакеев алды
"Дарыгер Мамбет Мамакеев "Спутник V" вакцинасын алгачкылардан болуп алды. Препараттын бул партиясы 65 жаштан жогоркуларга жана өнөкөт оорусу бар жарандарга сайылат. Ал эми биринчи этапка кирген топ мурдагыдай эле Кытайдын Sinopharm вакцинасын алуусун улантышат", — деп айтылат билдирүүдө.

Эске салсак, кечээ, 22-апрель күнү, Кыргызстанга россиялык "Спутник V" вакцинасынын 20 миң дозасы жеткирилди. Анын 15 миң дозасын Кыргызстан сатып алды. Саламаттык сактоо министрлигинин маалыматына караганда, биринчи партиянын бир дозасы 10 доллардан турду. 20 миң доза 10 миң кишиге жетет. 

Белгилер:
вакцина, Спутник V, Мамбет Мамакеев, Кыргызстан
Тема:
Коронавируска байланыштуу Кыргызстандагы кырдаал
Тема боюнча
Вакцина келди. Россия берген "Спутник V" "Манаска" түшүрүлгөн видео
7 киши көз жумуп, 272 киши вирус жугузуп алды. COVID статистикасы