Гемофилия менен ооругандар жана майыптар коомунун башчысынын орун басары Мирлан Кудайназаров

Кудайназаров: гемофилия дарты жугуштуу эмес

126
(жаңыланган 15:00 17.04.2019)
17-апрелде жыл сайын гемофилия күнү белгиленип келет
Кудайназаров: гемофилия дарты жугуштуу эмес

"Гемофилия менен ооругандар жана майыптар" коомунун башчысынын орун басары Мирлан Кудайназаров жыл сайын бул дартка чалдыккан оорулуулардын маселесин коомчулукка жеткирүү аракеттери көрүлөрүн айтты.

Коомчулукта гемофилия оорусуна чалдыккан адамдардан чочулап турушат. Дартты жуктуруп аламбы деп корккондор көп. Бул тууралу Мирлан Кудайназаров Sputnik Кыргызстан радиосунун таңкы эфиринде маек куруп жатып билдирди.

Анын айтымында, бул багытта элге түшүндүрүү иштерин байма-бай жүргүзүп туруу зарыл.

"Биз жыл сайын 17-апрель күнү гемофилия дарты жана бул илдетке чалдыккан оорулуулардын маселеси тууралуу коомчулукка жеткирүү аракетин көрүп келебиз. Элде гемофилия жөнүндө жетиштүү маалымат жок. Ушундан улам айрым учурда кесепети кейиштүү аяктаган окуялар болуп келет. Жөнөкөй тил менен айтканда, гемофилия — бул кансыроо оорусу. Аталган дартка чалдыккан адамдар кичинекей эле жаракаттан улам өмүрү менен кош айтышышы мүмкүн. Ошол себептен гемофилия менен ооруган адамдарга этият мамиле кылыш керек. Мындан сырткары, коомчулуктун бул илдет менен ооруган адамдардан чочулаган учурлары бар. Гемофилия жугуштуу дарт эмес. Ал тукум кууган оору. Мындан улам кооптонууга эч негиз жок", — деди Кудайназаров.

Ошондой эле ал учурда өлкө аймагы боюнча гемофилия менен ооруган 400гө жакын адам каттоодо турарын кошумчалады.

126
Белгилер:
оору, дарт, гемофилия
Тема боюнча
Гемофилия менен ооруган Аскат: эмнеден өлөрүмдү билип жашайм
Маалыматтык технологиялар жана байланыш мамлекеттик комитетинин төрагасы Алтынбек Исмаилов

Исмаилов: 5G түйүнүн киргизүүдө коомчулукка түшүндүрүү иштери жүргүзүлөт

203
Маалыматтык технологиялар жана байланыш мамлекеттик комитетинин төрагасы Алтынбек Исмаилов 5G түйүнүнүн жыштыгы туура эмес орнотулса, жаратылышка зыяны тийиши мүмкүн экенин айтты.
Исмаилов: 5G түйүнүн киргизүүдө коомчулукка түшүндүрүү иштери жүргүзүлөт

5G түйүнүн киргизүүдөн мурун коомчулукка түшүндүрүү иштери жүргүзүлөт. Анткени адамдар аталган технологиянын пайдалуу жактарын көргөндө гана ага ишеним артат. Бул тууралуу Алтынбек Исмаилов Sputnik Кыргызстан радиосуна маек куруп жатып билдирди.

Анын айтымында, коронавируска байланыштуу эпидемиядан улам 5G түйүнү качан ишке бериле турганын айтуу мүмкүн эмес.

Google, Amazon, Apple компанияларына кирүүдө үч этап бар. Кыргыз жигиттин маеги

"Алгач 5G түйүнүн чет өлкөлөрдө тестирлөө учурунда жыштыгы туура эмес орнотулуп, натыйжада жаратылышка зыянын тийгизген учурлар болгон. Кийин бул кемчиликтер жоюлган. Негизи эле жаңы технологияларды киргизүүдө коомчулукка түшүндүрүү иштери жүргүзүлүшү керек. 5G түйүнүн киргизүүдө дагы кандайдыр тобокелчиликтер болсо, алар талкуулануусу зарыл. Бул багытта Маалыматтык технологиялар жана байланыш мамлекеттик комитети эле эмес, мобилдик операторлор тарабынан дагы активдүү иш жүрүшү шарт. Белгилей кетүүчү жагдай, жаңы технологияларды киргизүүдө коомчулук тарабынан терс кабыл алуу кадимки эле көрүнүш. Мындан улам адамдар аталган технологиянын пайдалуу жактарын көргөндө гана ага ишеним артат деп божомолдосо болот", — деди Исмаилов.

Ошондой эле ал 5G түйүнүн киргизүү менен киберкоопсуздукту камсыздоо маселеси ого бетер курчуй турганын кошумчалады.

 

203
Белгилер:
Технологиялар, коопсуздук, түйүн, Алтынбек Исмаилов
Тема боюнча
Исмаилов: 5G менен коронавирустун эч кандай байланышы жок
Саясий серепчи Бакыт Бакетаев. Архивдик сүрөт

Бакетаев: Бишкекте биолабораторияларга көз салган агенттик ачылышы мүмкүн

17
(жаңыланган 13:25 12.07.2020)
Саясий серепчи Бакыт Бакетаев дүйнөдөгү биолабораторияларга коомчулук тарабынан көптөгөн суроолор жаралып жаткандыгын айтты.
Бакетаев: Бишкекте биолабораторияларга көз салган агенттик ачылышы мүмкүн

Дүйнөдөгү биолабораторияларды көзөмөлдөгөн агенттик түзүлүп, анын башкы кеңсеси Бишкектен орун алышы ыктымал. Бул тууралуу Бакыт Бакетаев Sputnik Кыргызстан радиосуна маек куруп жатып билдирди.

Анын айтымында, учурда вирусологдор, саясий эксперттер жана башка тиешелүү адистер чогулуп, дүйнөдө биолабораторияларды ачуу боюнча тегерек стол өткөрүп жатышат.

Борбор Азия жана Кавказга биолаборатория курууда АКШнын көздөгөнү эмне?

"Өнүккөн мамлекеттерде биолабораториялар бар. Алар ири каражат колдонуп иш жүргүзүп жатышат, бирок эмне менен алектенишкени жабык эшик артында калууда. Коронавирус пандемиясы дүйнөнү каптаганда, биринчи кезекте элди оорудан сактап калчу ушул лабораториялар болчу. Башкача айтканда, буларда мындай илдетке каршы тура ала турган изилдөөлөр, препараттар даяр болбосо да аны жасоо жолдору эске алынып, иштелип чыгышы керек эле. Тилекке каршы, андай болгон жок. Ушунун өзү биолабораториялардын ишин көзөмөлдөгөн мекеменин зарылдыгы бар экендигин көрсөтүүдө. Азыр бул багытта саясат таануучулар, вирусологдор, дагы башка адистердин биригүүсүндө жыйналыштар өтүп жатат. Анда Орто Азияны "согуштук аракеттерден сырткаркы аймак" деп жарыялап, Бишкекте жайгашкан Ботаникалык бакка биолабораторияларды көзөмөлдөгөн агенттиктин баш кеңсесин ачуу сунушталууда", — деди Бакетаев.

Ал мындай сунушка башка өлкөдөн жыйналышка катышып жаткан окумуштуулар макул болуп жаткандыгын жана элдин пикири да маанилүү экендигин кошумчалады.

17
Белгилер:
көзөмөл, лабораториялар, Бакыт Бакетаев
Чуй облусундагы флагшток. Архивдик сүрөт

Өзбек ырчысы кыргызстандыктарга дем берип "Кыргыз жери" ырын аткарды. Видео

0
(жаңыланган 20:55 12.07.2020)
Коңшу өлкөнүн ырчысы эпидемиологиялык кырдаалдагы жүрөк тилген учурларды көрүп жатканын айтып, кыргыз элине кайраттуулук тилеп өттү.

БИШКЕК, 12-июл. — Sputnik. Өзбекстандык ырчы Жон Руми кыргызстандыктарды кыйын күндө колдоо максатында "Кыргыз жери" чыгармасын кыргыз тилинде аткарды.

Ал кыргыз элине кайрылып бул күндөр аз убакыттан кийин жаман бир түш сыяктуу өтүп кетерине ишеним артты. Ошондой эле алдыда жакшы күндөр күтүп турганын, андыктан эч качан моюн сунбоого, муңайып калбоого чакырды.

Посмотреть эту публикацию в Instagram

Публикация от JOHN ROOMY🎙 (@johnroomy)

"Кымбаттуу, кыргызстандык бир туугандар, ЖМКларадан жүрөк тилген кадрларды көрүп ушундай кыйын күндө сиздергө өзбек элинин атынан колдоо көрсөткүм келди", — деп айтты Жон Руми кырынын алдында.

Четте карап тура албадым. Кыйын күндө мекенге кайткан дарыгердин маеги

Өзбек ырчысы сөзү Түмөнбай Байзаков, обону Апас Жайнаковго таандык "Кыргыз жери" чыгармасын ырдаган. Бул учурда кадрдан Кыргызстандын Ала-Тоосу, кооз көлдөрү жана ажайып жаратылышы чагылдырылган.

Бүгүн, 12-июлга карата,  Кыргызстанда дагы 719 адамдан коронавирус аныкталганын Республикалык штаб билдирди. Республика боюнча илдет илештирип алгандардын жалпы саны 10 629га жетти. Анын 3 387си айыгып чыккан. Азыр стационарда 670 киши дарыланып жатса, анын 24ү реанимацияда. Үй карантининде 6 440 адам бар. Коронавирус жуктуруп алып 132 киши каза тапты.

0
Белгилер:
колдоо, Кыргызстан, ырчы, Өзбекстан
Тема боюнча
Жүрөк жылытат. Карыяга акча чогулткандар медиктерге да жардам берди
Германиядагы кыргызстандык дарыгерлер онлайн кеп-кеңеш бере баштайт