Ак илбирс улуттук киносыйлыгынын негиздөөчүлөрүнүн бири Таалайбек Кулмендеев

Кулмендеев: 26-апрелде "Ак илбирс" сыйлыгы өз ээлерин табат

65
"Ак илбирс" улуттук киносыйлыгынын негиздөөчүлөрүнүн бири Таалайбек Кулмендеев аталган иш-чара кино дүйнөсүндө эмгектенген адамдарга стимул берүү максатында уюштурулуп келерин айтты.
Кулмендеев: 26-апрелде "Ак илбирс" сыйлыгы өз ээлерин табат

"Ак илбирс" улуттук киносыйлыгы 26-апрелде "Манас" кинотеатрында сегизинчи жолу өтөт. Бул тууралуу Таалайбек Кулмендеев Sputnik Кыргызстан радиосунун таңкы эфиринде маек куруп жатып билдирди.

Анын айтымында, аталган иш-чарада 12 номинация боюнча мыктылар аныкталат.

"Киносыйлык кыргыз киносунун бирден-бир сыйлыгы жана сыймыгы болуп эсептелет. "Ак илбирс" кино чөйрөсүндөгү, өзгөчө жаш кино жаратмандарга дем-күч берүү максатында негизделген. Анда 12 номинация боюнча өз кесибинин алдыңкылары аныкталат. Андан сырткары, жанрдык багытта тасмалардын мыктылары белгилүү болот. Ошондой эле дүйнөлүк киного кошкон салымы үчүн Кыргызстандан жана чет өлкөдөн кесиптештерибиз сыйланмакчы. Бул жылы бизден "Ак илбирс" улуттук киносыйлыгынын атайын байгеси менен "Дүйнөлүк кинематографияга салым кошуу" номинациясы боюнча КР эл артисти, кинооператор Манасбек Мусаев сыйланат", — деди Кулмендеев.

Ал аталган киносыйлыкка 2015-жылдан бери Борбордук Азиянын алкагындагы да номинациялар каралып келерин кошумчалады.

65
Белгилер:
маданият, сыйлык, кино, "Ак Илбирс" улуттук киносыйлыгы
Тема боюнча
"Ак Илбирс" сыйлыгы үчүн ат салышчулар дайын болду. Тизме
Дүйнөлүк саламаттыкты сактоо уюмунун Кыргызстандагы өкүлү, пульмонолог Алийна Алтымышева. Архив

Алтымышева: Кыргызстанда 70 жашка чейинки 48 пайыз эркек чылым чегет

77
(жаңыланган 13:11 08.08.2020)
Дүйнөлүк саламаттыкты сактоо уюмунун Кыргызстандагы өкүлү, пульмонолог Алийна Алтымышева өлүмгө алып келген жугуштуу эмес төрт оорунун пайда болушунун негизги себеби чылым чегүү экенин айтты.
Алтымышева: Кыргызстанда 70 жашка чейинки 48 пайыз эркек чылым чегет

Кыргызстанда күч-кубаты артып турган 70 жашка чейинки эркектердин 48 пайызы тамеки чегет. Бул тууралуу Алийна Алтымышева Sputnik Кыргызстан радиосуна маек берип жатып билдирди.

Анын айтымында, өлкөдө тамеки тарткандардын саны жылдан-жылга көбөйүүдө.

"Дүйнө жүзү боюнча адамдарды өлүмгө эң көп алып келген жугуштуу эмес төрт оору бар. Бул жүрөк, кан тамыр оорулары, өпкө илдеттери, залалдуу шишик жана кант диабети. Тилекке каршы, бул дарттардын пайда болушунун алгачкы себеби чылым чегүү болуп эсептелет. Демек, тамеки тарткан адамдар өз өмүрүн коркунучка алып келип жатат. Мисалы, ар бир адам азыркы учурда 70-80 жаш куракка чейин жашашы керек. Бирок тамеки чегүүнүн натыйжасында алардын өмүрү кыскарат. Азыр Кыргызстанда 70 жашка чейинки ишке жарамдуу эркектердин 48 пайызы чылым чегет", — деди Алтымышева.

Дарыгер тамеки тарткандарды азайтуу үчүн мамлекет чылымдын баасын жогорулатып жана аны рекламалоого тыюу салууну колго алышы керектигин кошумчалады.

77
Белгилер:
жаш курак, оору, тамеки
Тема боюнча
Чылым чеккендер коронавирусту жеңил көтөрөбү? Пульмонологдун жообу
Маданият, маалымат жана туризм министрлигине караштуу Туризм департаментинин жетекчиси Максат Дамир уулу. Архив

Дамир уулу: Кыргызстандын 3D картасы түзүлүүдө

26
(жаңыланган 13:09 08.08.2020)
Маданият, маалымат жана туризм министрлигине караштуу Туризм департаментинин жетекчиси Максат Дамир уулу өлкөнүн 3D картасы жасалып жаткандыгын айтты.
Дамир уулу: Кыргызстандын 3D картасы түзүлүүдө

Кыргызстандын 3D картасы түзүлөт. Бул саякатчыларга эң чоң мүмкүнчүлүктөрдү берет. Мындай пикирин Максат Дамир уулу Sputnik Кыргызстан радиосуна маек куруп жатып билдирди.

Анын айтымында, аталган картаны кыргызстандык IT адистери жасап чыгышат.

"Учурда Кыргызстандын 3D картасын иштеп чыгуу боюнча аракеттер башталды. Аны түзүүдө белгилүү бир кыйынчылыктар жаралат экен. Алсак ошол эле тоо, ташты аралап маалымат чогултууга туура келет. Башка мамлекеттердин мындай карталарын көрүп жүрөсүздөр, анда 360 градуска тегеретип караган сүрөт болот. Карта менен Кыргызстандын кооз жерлерине келип эс алууну каалаган бардык саякатчылар колдоно алат. Долбоор www.discoverkyrgyzstan.org расмий сайтыбызга жайгаштырылат", — деди Дамир уулу.

Аткаминер 3D карта ушул жылдын соңунда даяр болуп каларын кошумчалады.

26
Белгилер:
Кыргызстан, карта, туризм, Максат Дамир уулу
Тема боюнча
Дамир уулу: жарандарга өлкө ичинде саякаттоо сунушталууда
Жамгыр. Архив

Күндүн көзү ачылбайт... Бир жумага карата аба ырайы

2
Келе жаткан аптада өлкөнүн көп бөлүгү жаан-чачындуу болуп, кээ бир жерде катуу жаагандыктан сел жүрүшү мүмкүн.

БИШКЕК, 9-авг. — Sputnik. Кыргызгидромет агенттиги келерки аптага карата аба ырайынын божомолу тууралуу маалымат таратты.

Ага ылайык, жуманын баш жагында нөшөрлүү жаан-чачын көп болуп, сел жүрүү коркунучтары жаралат. Андан кийинки күндөрү дагы жаан токтобойт.

Бишкекте 9-августта өткүн өтүп, күн күркүрөйт. 13-август күнү күндүз жаан жаашы мүмкүн. Калган күндөрү күн ачык болот. 9-13-август күндөрү Чүй жана Талас облустарында мезгил-мезгили менен, айрым жерлерде катуу жаан жаап, күн күркүрөшү күтүлөт.

Ушул эле күндөрү Баткен облусунун кээ бир райондорунда, Ош, Жалал-Абад облустарынын тоо этектеринде жана тоолуу райондорунда өткүн өтүп, күн күркүрөйт.

Ал эми Ысык-Көлдө дагы келерки жумада жаан жаайт.

Ошондой эле Нарын облусунда күндүн көзү ачылбай, эртең менен жана күндүз көпчүлүк аймактарда жаан жаайт.

2
Белгилер:
жаан-чачын, аба ырайы, Кыргызгидромет
Тема боюнча
Сууга түшөрдө баланын жанынан карыш жылбаңыз! ӨКМдин ата-энелерге эскертүүсү
Чагылган тийүүдөн кантип сактануу керек. Адистердин кеңеши