Бишкек шаарынын мэриясынын билим берүү башкармалыгынын башкы адиси Чинара Майтикова

Майтикова: 2-3 жылдан кийин Бишкекте бала бакча тартыштыгы жоюлат

91
(жаңыланган 11:02 27.04.2019)
Бишкек шаарынын мэриясынын билим берүү башкармалыгынын башкы адиси Чинара Майтикова төрттөн бала бир керебетте уктаган бала бакчадагы учур бир жолу гана болгондугун айтты.
Майтикова: 2-3 жылдан кийин Бишкекте бала бакча тартыштыгы жоюлат

Бир керебетте төрттөн бала жатып, социалдык тармактарда ызы-чуу жараткан видео балдардын түшкү уйку учурундагы бир эле жолу болуп өткөн окуясы. Анткени бир бөлмөнү сырдап коюшкандыгына байланыштуу балдарды экинчи группага кошо турушкан экен. Бул тууралуу Чинара Майтикова Sputnik Кыргызстан радиосунун эфиринде маек куруп жатып билдирди.

Анын айтымында, борбор калаада бала бакчалардын жетишсиздиги президенттин деңгээлинде чечилип жатат.

"Бишкектеги №1 "Шоола" бала бакчасында бир керебетте 3-4төн бала, ал тургай жерде уктап жатышкан учуру ремонт жүрүп жатканда бир күн гана болгон экен. Тарбиячы балдарды минтип жайгаштырып койгонун жардамчысы тартып алыптыр. Учурда иликтөө иштери жүрүп жатат. Ал эми жалпысынан ала турган болсок, айрым бала бакчаларда орун жетишпей, бир керебетте экиден бала уктаган кездери болот. Бул тууралуу ата-энелер деле билет, мындай көйгөй бар. Учурда бул маселе президенттин көзөмөлүндө. Аны чечүүгө өкмөт, министрлик жана шаар мэриясы алгылыктуу аракеттерди жасап жатат. 2-3 жылда борбор калаада бала бакча тартыштыгы жоюлат деп ишенебиз", — деди адис.

Ал ошондой эле аталган бала бакчада эмнеге бир бөлмөдө эки топтун балдары уктап жаткандыгы тууралуу ата-энелерге тушүндүрүү иштери жүргүзүлгөндүгүн жана бакча директору түшүнүк кат жазганын кошумчалады.

91
Белгилер:
көйгөй, Бишкек, бала бакча
Тема боюнча
Калчабаева: балдар адабиятын өнүктүрүш үчүн мамлекеттик колдоо керек
Стилист Акмарал Алмазбек

Акмарал Алмазбек: кийинүү образы, стилдин үстүнөн иштөө үч этаптан турат

83
Стилист Акмарал Алмазбек алдыга умтулган, коомчулук менен мамиле кыла билген адам жарашыктуу, стилдүү жана модалуу кийине билиши керектигин айтты.
Акмарал Алмазбек: кийинүү образы, стилдин үстүнөн иштөө үч этаптан турат

Мода — бул модельер жана дизайнерлердин жеке көз карашы жана табити. Ал эми стилдүү кийинүү бул жан дүйнөбүздү жана өзгөчөлүгүбүздү белгилеп, модалык тенденцияларды эсепке алуу менен курулган образ десек болот. Мындай пикирин Акмарал Алмазбек Sputnik Кыргызстан радиосунун эфиринде маек куруп жатып билдирди.

Аял-эркектики деп бөлүнбөйт. Парфюмер атыр тандоонун сырын ачты

Анын айтымында, стилдүү кийинүү үчүн жалаң гана саркеч буюмдарды сатып алуу талап кылынбайт.

"Акыркы бир жылда Кыргызстанда стилисттер көбөйүп, аны менен кошо бул кызматты колдонгон адамдар да арбыды. Мен 25 жаштан 40 жашка чейинки айымдардын образдарынын үстүнөн иштейм. Негизи стилисттин кардардын кийинүү образынын үстүнөн иштөөсү үч этаптан турат. Алгач жеке консультацияда кардар кызыккан суроолоруна жооп алат. Өзүнүн негизги көйгөйлөрү менен бөлүшөт. Стилист анын келбети, фигурасы жана кызмат ордун эске алып өзүнүн сунуштарын берет. Андан соң гардеробду талдоо этабы кардардын үйүндө өтөт. Анда эски, жарашыксыз, батпай калган кийимдер өзүнчө бөлүнөт. Калган кийимдерди бири-бирине айкалыштырып комплект түзүлөт да, ошол жерден жетишсиз элементтер белгилүү болуп калат. Ага жараша тизме түзүлүп, дүкөндөргө барып кошумча жарашыктуу кийимдер сатып алынат. Ал эми күзүндө аба ырайы туруксуз болгондуктан "кабаттап" кийинүү ыкмасы ыңгайлуу болот. Мисалы, футболка, көйнөк, жилет, анын үстүнөн пальто кийип алуу керек. Бул жерде стилдик градус көтөрүлөт жана үшүп да калбайсыз", — деди Алмазбек.

Стилист базалык гардеробдо бир өңдүү, жөнөкөй тигилген, ыңгайлуу кийимдер болушу керектигин кошумчалады.

83
Белгилер:
Акмарал Алмазбек, кийим, мода
Тема боюнча
Тебетей кийип, шуру тагынып... Салттуу кийимди көркүнө чыгарган бөбөктөрдүн 14 сүрөтү
NABU-Кыргызстан уюмунун жетекчиси Толкунбек Асыкулов. Архив

Асыкулов: жаныбардын терисинен жасалган чапан кийген заман өттү

35
NABU-Кыргызстан уюмунун жетекчиси Толкунбек Асыкулов жаныбардын терисин кооздук үчүн колдонуу эски заманга таандык деген пикирин билдирди.
Асыкулов: жаныбардын терисинен жасалган чапан кийген заман өттү

Жаныбарлардын терисинен жасалган чапандарды жонуна илип алган заман өттү. Мындай ою менен Толкунбек Асыкулов Sputnik Кыргызстан радиосуна маек куруп жатып бөлүштү.

Анын айтымында, искусство, маданият тармагындагылар кооздук үчүн жаныбарлардын терисин колдонгону өкүнүчтүү.

Чет элдик саякатчы Кыргызстандын тоолорунан эки ак илбирсти тартып алды

"Айрымдар жаныбарлардын терисин боз үйгө, ал эми айтышка катышканда, манас айтканда илбирс чапанды жонуна илип алат. Мындай элементтерди колдонгон заман өттү. Ал учурда адамдар айла жоктон аңчылык кылып жанын багып, териси коромжу болбош үчүн кийим тигип кийген. Азыр андай муктаждык жок. Себеби кийимдин түрүн тапса болот. Өздөрүн "патриотпуз" деп, анан кыргыздын жоголуп бара жаткан жаныбарын атып, терисин жонуна илип алганы туура эмес. Манас айтуу, айтыш, төкмөлүк кыргыздын жоголуп бара жаткан жанрлары болуп саналып, өзгөчө көңүл бурулат. Илбирске дагы ошондой эле аяр мамиле жасоо керек деген кайрылууну аталган тармактын өкүлдөрүнө жасамакчымын", — деди Асыкулов.

Ошондой эле ал жаратылышты коргоо багытында бардык жарандар ойлонушу керектигин кошумчалады.

35
Белгилер:
маданият, сактоо, ак илбирс
Тема боюнча
Акактаган, таңыркаган илбирстер. Ала-Тоону байырлаган жаныбардын сейрек сүрөттөрү
Ноутбук кармаган киши. Архивдик сүрөт

35 жашка чыкпай жогорку кызматты ээлеген аткаминерлер. Тизме

0
(жаңыланган 17:20 23.10.2020)
Sputnik Кыргызстан агенттиги 35 жашка чыга электе жогорку кызматка барган жаштардын тизмесин топтоду. Арасында 30 жашында министрдин креслосуна отургандар бар.

Азыркы маалда көпчүлүк бийликке, өкмөткө, жогорку кызматка жаштардын келишин талап кылып, аларга мүмкүнчүлүк берүүнү суранууда. Жаңы өкмөттүн курамы түзүлгөн, бирок чекесинен кайра жаңыланып, арасына жаштар кошула баштады. Алсак, айыл чарба, тамак-аш өнөр жайы жана мелиорация министри Эркинбек Чодуев кызматтан кетип, ордуна 30 жаштагы Тилек Токтогазиев келди.

Бул учурду эске алып Sputnik Кыргызстан агенттиги 35 жашка чыга электе мамлекеттин жетекчилик кызматтарында иштеген уул-кыздарын чогултту.

Белгилей кетсек, КР мыйзамындагы 2009-жылкы  "Мамлекеттик жаштар саясатынын негиздери жөнүндө" жобо боюнча 14-28 жашка чейинкилер жаш деп эсептелет. Бирок документтин эски редакциясында бул категорияга 35 жашка чейинкилер да кирчү. Мындан улам 35 жашка чейинки аткаминерлерди чогулттук. Тизме жаш куракка карап түзүлдү.

Тилек Токтогазиев, 30 жашта

Бизнесмен Тилек Токтогазиев на заседании президента КР Сооронбая Жээнбекова с представителями бизнес-сообществ Кыргызстана
© Пресс-служба президента КР / Султан Досалиев
Тилек Токтогазиев, 30 жашта

Тилек Токтогазиев 30 жашында айыл чарба, тамак-аш өнөр жайы жана мелиорация министри болду. Ал 1990-жылдын 26-декабрында Бишкек шаарында туулган. Кыргыз-Россия Славян университетин эл аралык мамилелер адистиги боюнча бүтүргөн. Алгач сүт коктейлдерин сатып, кийин медициналык жабдууларды ташыган "Лависта" ишканасын негиздеген. Жаш ишкерлер ассоциациясынын, Кыргызстандын социалдык ишкерлер ассоциациясынын жана Бишкек ишкердик клубунун мүчөсү. 2019-жылы "Бир Бол" фракциясынын атынан айыл чарба, тамак-аш өнөр жайы жана мелиорация министрине талапкер болгон, бирок кызмат буюрган эмес. 2020-жылдын 4-октябрында өткөн парламенттик шайлоого "Ата Мекен" саясий партиясы менен аттанган. Тилекке каршы, партия парламентке өтпөй, элдик толкундоонун натыйжасында шайлоонун жыйынтыгы расмий жокко чыгарылган. 2020-жылдын 22-октябрында айыл чарба, тамак-аш өнөр жайы жана мелиорация министри болуп дайындалды.

Кыргыз өкмөтүнүн курамы кантип өзгөрдү

Акылбек Жамангулов, 32 жашта

Директор ЗАО Альфа Телеком Акылбек Жамангулов на первом телекоммуникационном форуме Цифровой Кыргызстан: развитие регионов в Оше
© Пресс-служба президента КР / Султан Досалиев
Акылбек Жамангулов, 32 жашта

Акылбек Жамангулов 30 жашында "Альфа Телеком" компаниясынын (MegaCom бренди) башкы директору болгон. Ал 1988-жылы 24-октябрда Чүй облусунун Кемин шаарында туулган. Кыргыз-Россия Славян университетинин каржы жана насыя адистиги, КР Тышкы иштер министрлигинин Казы Дикамбаев атындагы Дипломатиялык академиясында эл аралык мамилелер адистиги боюнча билим алган. Ошондой эле Кыргыз мамлекеттик юридикалык академиясынан юриспруденция адистигин бүтүргөн. Жамангулов 27 жашында (2015-жыл) Жогорку Кеңештин VI чакырылышына депутат болгон. Ал эми 30 жашында "Альфа Телеком" компаниясын (MegaCom бренди) жетектей баштаган.

Жаныбек Абиров, 32 жашта

В Бишкеке состоялся чемпионат Кыргызстана по шахматам среди лиц с ограниченными возможностями здоровья
© Sputnik / Табылды Кадырбеков
Жаныбек Абиров, 32 жашта

Жаныбек Абиров 1988-жылы 22-декабрда төрөлгөн. Кыргыз-Россия Славян университетин жана Президенттин алдындагы башкаруу академиясын юриспруденция, мамлекеттик жана жергиликтүү башкаруу менеджементи адистиги боюнча аяктаган. 2018-жылдын 20-сентябрында 30 жашында Бишкек шаардык кеңешинин төрагасы болуп шайланган.

Артем Новиков, 33 жашта

Артем Новиков во время заседания Жогорку Кенеша в госрезиденции Ала-Арча. 14 октября 2020 года
© Sputnik / Табылды Кадырбеков
Артем Новиков, 33 жашта

35 жашка чыга элек жатып Новиков бир катар жетекчилик кызматтарды аркалаган. Новиков 1987-жылы Фрунзе шаарында төрөлгөн. Балтика мамлекеттик техникалык университетин экономист-менеджер адистиги боюнча аяктаган.

2011-жылы 24 жашында ошол кездеги премьер-министр Өмүрбек Бабановдун кеңешчиси болгон. 27 жашында премьер-министр Жоомарт Оторбаевдин, 28 жашында биринчи вице-премьер Аалы Карашевдин кеңешчиси катары иштеген. 30га чыкканда Новиков экономика министри болсо, эми Садыр Жапаров баштаган өкмөттүн жаңы түзүмүнө кирип, биринчи вице-премьер болуп дайындалды. Ошондой эле Кыргызстандын ЕЭКтеги өкүлү.

Бийлик кантип алмашты? Соңку окуялардагы урунттуу учурлар

Азамат Жаманкулов, 33 жашта

Министр культуры, информации и туризма КР Азамат Жаманкулов на открытии Центра российской литературы и культуры в Нацбиблиотеке в Бишкеке
© Sputnik / Бакыт Смаилов
Азамат Жаманкулов, 33 жашта

Азамат Жаманкулов 1987-жылы туулган. Кыргыз-түрк "Манас" университетин ишканадагы менеджмент, 2011-жылы Кыргызстан эл аралык университетин финансы адистиги боюнча аяктаган. 2015-жылы 27 жашында Маданият, маалымат жана туризм министрлигинин Туризм департаментинин жетекчиси болуп дайындалса, 31 жашында маданият министринин креслосун ээлеген. Бул кызматта эки жыл эмгектенген соң 2020-жылдын октябрь айында жумуштан бошотулду. Кыргыз, казак, орус, түрк, англис тилдеринде сүйлөйт.

Алтынбек Исмаилов, 34 жашта

Председатель Государственного комитета информационных технологий и связи КР Алтынбек Исмаилов на брифинге 10 июля 2020 года
© Фото / Республиканский штаб КР по борьбе с COVID-19
Алтынбек Исмаилов, 34 жашта

Алтынбек Исмаилов 2020-жылы июнда Маалыматтык технологиялар жана байланыш мамлекеттик комитетинин төрагасы болуп дайындалган. Азыр да бул кызматты жетектейт. 1986-жылы 12-февралда Жалал-Абад облусунун Ноокен районунда туулган. Борбор Азиядагы Америка университетинин банк иштери, Колумбия университетинде экономикалык өнүгүү адистигин аяктаган.

Шайлоо мыйзамдарына өзгөртүү киргизүү долбоору биринчи окуудан өттү. Эрежелери

Дастан Догоев, 34 жашта

Советник президента КР на общественных началах Дастан Догоев
© Пресс-служба президента КР / Султан Досалиев
Дастан Догоев, 34 жашта

35 жашка чыга электе жогорку кызматка келгендердин арасында Дастан Догоев дагы бар. Ал 1986-жылы 3-августта Ысык-Көл облусунун Каракол шаарында төрөлгөн. Лондондогу Кавендиш колледжинде бизнести башкаруу адистигин жана Кингстон университетинде бизнести башкаруу адистиктерин аяктаган. 2012-жылы 26 жашында Каржы министрлигинин алдындагы "Инфо-система" мамлекеттик ишканасынын мекемени өнүктүрүү жетекчисинин орун басары болуп иштеген. 28 жашында Мамлекеттик каттоо кызматынын жетекчисинин орун басары, 31 жашында аталган кызматтын жетекчиси болгон.

33 жашында Маалыматтык технологиялар жана байланыш мамлекеттик комитетинин төрагасы болуп бир жыл иштеп, андан кийин кызматты өз каалоосу менен тапшырып кеткен. Бирок ал санариптештирүү маселелери боюнча КР президентинин кеңешчиси бойдон калган.

Мирлан Парханов, 34 жашта

Заместитель директора Государственного агентства по делам молодежи, физической культуры и спорта Мирлан Парханов во время интервью Sputnik Кыргызстан
© Sputnik / Табылды Кадырбеков
Мирлан Парханов, 34 жашта

Мирлан Парханов 1986-жылы туулган. 2016-жылдын ноябрь айынан бери Жаштар иши, дене тарбия жана спорт агенттигинин директорунун орун басары болуп эмгектенет. Ал убакта 30 жашта болчу. Ага чейин вице-премьердин жардамчысы, президенттин аппаратында референт, социалдык саясат бөлүмүндө эксперт, мындан сырткары, бир нече уюмда жетекчилик кызматтарды аркалаган.

В.С.Черномырдин атындагы Москва мамлекеттик университетин уюмдун менеджменти адистиги боюнча аяктаган. 2018-жылы ал Россия президенти Владимир Путинден медаль алган. Аткаминер мындай сыйга 2017-жылы Сочи шаарында өткөн Бүткүл дүйнөлүк жаштар жана студенттер фестивалын уюштурууга кошкон салымы үчүн татыган.

Элдар Алишеров, 35 жашта

Заместитель министра экономики КР Эльдар Алишеров на рассмотрении закона в Жогоку Кенеше. 30 октября 2018 год
© Фото / Пресс-служба ЖК
Элдар Алишеров, 35 жашта

Элдар Алишеров 1985-жылы 18-сентябрда Бишкек шаарында туулган. Санкт-Петербург мамлекеттик университетинде экономика факультетин аяктаган. Ал 2018-жылдын 23-июлунда 33 жашында экономика министринин орун басары болуп дайындалган. Ага чейин өкмөттүн аппаратында бир катар кызматтарды аркалаган. Жеке менчик уюмдарда жана банктарда иш тажрыйбасы бар.

0
Белгилер:
аткаминер, министр, мамлекеттик кызматкер, жаштар