Кыргызстан мусулмандар башкармалыгынын фатва бөлүмүнүн адиси Бактияр Токтогазы уулу. Архивдик сүрөт

Токтогазы уулу: элге туура эмес маалымат кеткен, динде эмдөөгө тыюу жок

203
Кыргызстан мусулмандар башкармалыгынын фатва бөлүмүнүн адиси Бактияр Токтогазы уулу ислам динин карманган жарандар эмдөөдөн такталбаган маалыматтардан улам баш тартып жатканын айтты.
Токтогазы уулу: элге туура эмес маалымат кеткен, динде эмдөөгө тыюу жок

Динде эмдөөгө тыюу салынат деп эч жерде айтылбайт. Тескеринче, адам баласы өзүнүн ден соолугу үчүн кам көрүшү керек. Бул тууралуу Бактияр Токтогазы уулу Sputnik Кыргызстан радиосуна маек куруп жатып билдирди.

Анын айтымында, эмдөөдөн баш тарткан дин жолундагы жарандардын көпчүлүгү эмдөөгө колдонулган дары-дармектин сапатынан жана курамынан күмөн санашат.

"Коомчулукта эмдөөдөн баш тартуу маселеси 2009-жылы башталган. Буга интернет аркылуу, чет өлкөлөрдөн келген туура эмес, такталбаган маалыматтардын тарап кетиши себеп болду. Карапайым эл ага бат эле ишенип, коомчулук арасына динде эмдөөгө тыюу салынат экен деген түшүнүк сиңип кетти. Эми түшүндүрүү иштерин жүргүзүп, бул жагдайды жоюуга аракет кылабыз. Динде эмдөө боюнча эч нерсе айтылган эмес. Тескеринче, адам баласы өз ден соолугуна кам көрүшү керек деп турат. Ата-эне ымыркай үчүн жооптуу болгондуктан, алар өз чүрпөсүнүн саламаттыгынын камын ойлошу керек. Учурда медицина өнүгүү жолунда. Ал эми эмдөө өз учурунда кандайдыр бир оорунун алдын алуу болуп саналат. Мисалы, ажыга аттанып жаткан адам сөзсүз түрдө эмдөөнүн эки түрүн алышы керек. Биринчиси менингит оорусуна, экинчиси сасык тумоого каршы. Бул талап аткарылмайын Сауд Аравияга кирүүгө болбойт. Эмдөө бул оорунун алдын алуу аракети болгондуктан, динде ага чектөө жок", — деди Токтогазы уулу.

Ошондой эле ал убагында эмдөөдөн баш тарткандар учурда ар кандай ооруга чалдыгып өкүнүп жатканын кошумчалады.

203
Белгилер:
тыюу салуу, ден соолук, баш тартуу, эмдөө, Бактияр Токтогазы уулу
Тема боюнча
Эмдөө жана дин. Эксперт Маликов элди жаңылып калбоого чакырды
Кыргызстандагы KyrSEFF туруктуу энергияны каржылоо программасынын менеджери Нурзат Абдырасулова

Абдырасулова: күндүн, суунун же шамалдын кубатынан энергия алуу керек

17
Кыргызстандагы KyrSEFF туруктуу энергияны каржылоо программасынын менеджери Нурзат Абдырасулова атмосферага бөлүнүп чыккан уулуу заттарды азайтса болорун айтты.
Абдырасулова: күндүн, суунун же шамалдын кубатынан энергия алуу керек

Электр энергиясын үнөмдөө менен экологияга пайда келтире алабыз. Бул тууралуу Нурзат Абдырасулова Sputnik Кыргызстан радиосуна маек куруп жатып билдирди.

Анын айтымында, Париж келишиминде дагы ар бир өлкө өз мүмкүнчүлүгүнүн жетишинче экологиялык көйгөйлөр менен күрөшүүсү зарыл экендиги көрсөтүлгөн.

"Өлкөдө экологиялык маселелер менен улуттук деңгээлде иш алып баруу боюнча атайын документтер кабыл алынган. Анда айлана-чөйрөгө уулуу заттардын таасирин минималдаштыруу каралган. Ошол эле көмүр жагууну, автоунаалардан бөлүнүп чыккан уулуу газдарды атмосферага таркашын азайтуу зарыл. Мүмкүнчүлүккө жараша электр кубаты менен иштеген автоунааларга өтүп, күндүн, суунун же шамалдан алынган энергиянын түрлөрүн көбөйтүү керек. Бул технологиялар дүйнөдө жакшы өнүгүп, баасы арзан болуп калды. Өкмөт тарабынан жакшылап көңүл бурулуп, туура саясат жүргүзүлүшү шарт. Эң негизгиси, энергияны үнөмдөп колдонуу зарылчылыгы келип чыгууда. Эгер сарамжалдуу колдоно турган болсок, коңшу өлкөлөрдөн сатып албайбыз. Ошондой эле экологияга тийген терс таасирди азайтууга мүмкүнчүлүк түзүлөт", — деди Абдырасулова.

Ошондой эле ал учурда туруктуу энергияны каржылоо программасынын алкагында бир катар долбоорлор ишке ашырылганын кошумчалады.

17
Белгилер:
Кыргызстан, экология, электр энергиясы
Тема боюнча
Казакстандан 500 млн. кВт/саат энергия импорттоо макулдашылды. Баа өзгөрөбү
Билим берүү жана илим министринин орун басары Нурлан Өмүров

Өмүров: ЖОЖго онлайн тапшыруунун биринчи туру 20-июлда башталат

1092
Билим берүү жана илим министринин орун басары Нурлан Өмүров жогорку окуу жайга аралыктан тапшыруу үчүн онлайн-платформа иштелип чыкканын айтты.
Өмүров: ЖОЖго онлайн тапшыруунун биринчи туру 20-июлда башталат

Быйыл пандемиядан улам элдин ден соолугуна кам көрүү жана санариптештирүү жылында технологияларды толук пайдалануу максатында министрлик тарабынан жогорку окуу жайларга кабыл алууну аралыктан өткөрүү макулдашылды. 3-4 ай мурун даярдыктарды баштап, долбоор иштеп чыктык. Бул тууралуу Нурлан Өмүров Sputnik Кыргызстан радиосунун эфиринде маек куруп жатып билдирди.

Анын айтымында, жылына жалпы ЖОЖдор үчүн 5700 бюджеттик орун берилет.

"Жогорку окуу жайга аралыктан тапшыруу үчүн онлайн-платформа иштелип чыкты. Жылына абитуриенттер Жалпы республикалык тестирлөөнүн жыйынтыгын алгандан кийин ЖОЖго барып, каалаган кесибин тандап, кутучага талондорун таштачу. Алар ошондой эле тандаган факультетине кандай балл менен канча абитуриент тапшырып жатканын монитордон көрүп турушчу. Быйыл мунун баары онлайн түрдө өтөт. Абитуриенттер өлкөбүздүн каалаган чекитинен системага кирип, ЖОЖдор тууралуу толук маалымат ала алат. Окуу жайлардагы факультеттер, андагы бюджеттик, контракттык орундардын саны менен таанышат. Талонун онлайн-каттоодон өткөрүп, кадимкидей эле башка абитуриенттер кайсы адистикке канча талон, кандай балл менен тапшырып жатканын көрө алышат. Окууга онлайн тапшыруунун биринчи туру 20-25-июль аралыгында өтөт. Экинчи тур 27синен 31-июлга чейин, ал эми 3-7-август күндөрү үчүнчү тур менен жыйынтыкталат. Система өзү бүтүрүүчүнүн билим алган аймагына карап мурдагыдай эле автоматтык түрдө жеңилдиктерди берет", — деди Өмүров.

Ал өкмөттүн чечими менен кайсы кесипке канчадан орун берилери жана ар бир университетке канча бюджеттик орун бөлүнгөндүгү тууралуу токтом чыгарыларын кошумчалады.

1092
Белгилер:
онлайн, пандемия, абитуриент, ЖОЖ, Нурлан Өмүров
Тема боюнча
Аттестат качан берилип, ЖОЖдор кантип кабыл алат? Бүтүрүүчүнүн 8 суроосуна жооп

Эфирге шымы жок чыгып алган депутат, күлкүсүн араң тыйган кесиптештери. Видео

0
(жаңыланган 16:52 03.06.2020)
Европарламенттин Ирландиядагы депутаты Люк Флэнаган видеоконференция учурунда кесиптештеринин алдында адаттагыдан башкача чыккан.

Европарламент бул учурда айыл чарба тармагынын көйгөйлөрүн талкуулап жатканын The Guardian жазды. Кеп кезеги келген Флэнаган эфирге көйнөкчөн, бирок шымы жок пайда болгон. Төшөктүн үстүндө отуруп сүйлөп жаткан депутаттын анда-санда жылаңыч буттарын кармалап, сылап коюп жаткандыгын көрүүгө болот.

Кадрдан кесиптештери күлкүсүн кыйынчылык менен тыйганын байкоо кыйын деле эмес. Ал докладын бүткөндөн кийин комитет жетекчиси жылмайган тейде, ыраазылыгын билдирген.

Парламентарий шымы жок экени парламенттегилерге көрүнүп калгандыгын билгенден кийин, буга маани беле бербегендигин айткан.

0
Белгилер:
видеоконференция, доклад, күлкү, депутат, жылаңачтануу, Ирландия, Европарламент
Тема боюнча
ЖКда ант берип жаткан судья Конституцияга колун койгонду унутуп калды. Видео