Бишкек жүргүнчүлөрдү ташуучу автотранспорт муниципалдык ишканасынын жетекчиси Нурлан Койчубаков

Койчубаков: кир коомдук транспорт каттамга чыгарылбайт

100
"Бишкек жүргүнчүлөрдү ташуучу автотранспорт" муниципалдык ишканасынын жетекчиси Нурлан Койчубаков коомдук транспорттун тазалык маселеси боюнча жүргүнчүлөр күндө телефон чаларын айтты.
Койчубаков: кир коомдук транспорт каттамга чыгарылбайт

Жуулуп, тазаланбаган автобус жана троллейбус каттамга чыгарылбайт. Бул тууралуу Нурлан Койчубаков Sputnik Кыргызстан радиосунун таңкы эфиринде маек куруп жатып билдирди.

Анын айтымында, айрым жарандар коомдук транспортто таштанды ыргытып, муниципалдык мүлккө кайдыгерлик менен мамиле кылышат.

"Коомдук транспортко байланышкан маселе боюнча жүргүнчүлөр күн сайын биздин ишканага телефон чалып турушат. Алардын арасында автобус жана троллейбустардын тазалыгына байланыштуу даттануулар да бар. Бирок андай арыздануулардын жүйөлүү негизи жок. Анткени коомдук транспорт күнүнө жуулуп турат. Ар бир автобазада таңкы саат 04:00дөн саат 06:00гө чейин жууп-тазалоо иштери жүргүзүлөт. Андан кийин ар бир муниципалдык унааны атайын көзөмөлдөөчү механик текшерет. Эгер унаа кир болсо, ал каттамга чыгарылбайт. Ал эми ишке чыккан коомдук транспорттун тазалыгы түздөн-түз жүргүнчүлөрдөн көз каранды. Кээ бирөөлөр баткак кечкен бут кийими менен салонго кирет, айрымдар көз көрүнөө эле таштанды ыргытышат. Мас жүргүнчүлөр болот. Мунун баары коомдук транспорттун тез булганышына алып келүүдө. Мындай учурда айдоочулар унааны өздөрү тазалашат же автобазага барып жуудурушат", — деди Койчубаков.

Ошондой эле ал мындан ары сатылып келген коомдук транспорттордо көзөмөлдөөчү камералар орнотуларын кошумчалады.

100
Белгилер:
каттам, троллейбус, автобус, коомдук транспорт, Нурлан Койчубаков
Тема боюнча
Койчубаков: Бишкектеги коомдук автобустар бир түскө боелот
Көйкашка коомдук бирикмесинин мүчөсү, манасчы Нурбек Талантбеков

Талантбеков: "Манастагы" белгисиз сөз Кытайдагы көлдүн аталышы болуп чыкты

221
(жаңыланган 15:46 09.08.2020)
Көйкашка" коомдук бирикмесинин мүчөсү, манасчы Нурбек Талантбеков Сагынбай Орозбаков, Саякбай Каралаев сыяктуу залкар манасчылар кытай тилин билбесе да айрым жагдайларды так айтканына таң каларын билдирди.
Талантбеков: "Манастагы" белгисиз сөз Кытайдагы көлдүн аталышы болуп чыкты

"Манас" эпосунан кезиктирген сөздү изилдесек, ал Кытайдагы көлдүн аталышы экен. Бул тууралуу Нурбек Талантбеков Sputnik Кыргызстан радиосунун "Көөнө сөз" рубрикасында маалымдады.

Анын айтымында, бул изилдөөлөр интернет аркылуу жүргүзүлүп, натыйжасы социалдык тармактарга жарыяланган.

Талантбеков: "Манас" эпосунда чачтарач, сулуулук салонду "сүзгөр" дейт

"Эпосто "Шыта-Кечүү, Таш-Кечүү, Алмамбет кечкен маш кечүү" деген сап бар. Мында таш кечүү дегени түшүнүктүү. Ал эми "шыта" деген эмнени түшүндүрөрү белгисиз болуп келген. Көрсө, кытайча "шы тау" деген сөз таштак көл, таштак деңиз дегенди түшүндүрөт экен. "Гугл" картадан кытайча "шы тау" деген сөздү киргизип көрүп, Тайванда жана Бээжинде ушундай аталыштагы таштактуу көлдөр бар экени аныкталган. Муну интернет аркылуу изилдеп, кийин социалдык тармактарга жарыялаганбыз. Улуу манасчылар Саякбай, Сагынбай аталар кытайчаны билбей, ал жерлерди көрбөй туруп кантип айткан таң калыштуу. Муну менен манасчылар даанышман, кыраакы, көсөм болгонун аңдай алабыз", — деди Талантбеков.

Ошондой эле ал "Манаста" окумуштуулар, филологдор тарабынан изилдене элек сөздөр абдан көп экенин кошумчалады.

221
Белгилер:
интернет, Манас, сөз, Нурбек Талантбеков
Тема боюнча
Талантбеков: "сүт мал" деген үстөккө берилген пайданы түшүндүрөт
Дарыгер-эпидемиолог Бактыгүл Ыбышева

Ыбышева: дезинфекция иштерин адамдар жок учурда жүргүзүү зарыл

21
(жаңыланган 11:59 09.08.2020)
Дарыгер-эпидемиолог Бактыгүл Ыбышева жөнөкөй жарандар хлорду колдонууда коргонуу боюнча бардык талаптарды аткаруусу зарылдыгын белгиледи.
Ыбышева: дезинфекция иштерин адамдар жок учурда жүргүзүү зарыл

Хлор — вирус, бактерияга каршы натыйжалуу каражаттардын бири. Эгер аны тийиштүү концентрацияда суу менен аралаштырса, зыяны тийбейт. Ошентсе дагы дезинфекция иштерин адамдар жок учурда жүргүзүү зарыл. Бул тууралуу Бактыгүл Ыбышева Sputnik Кыргызстан радиосуна маек куруп жатып билдирди.

Анын айтымында, вирустарды жок кылуу үчүн хлордон башка деле каражаттар бар жана аларды деле колдонууга болот.

КРде дезинфекциядан кийин пневмонияга кабылгандардын саны өстүбү? ӨКМдин жообу

"Хлор — бактерияларды, вирустарды зыянсыздандырууда эффективдүү каражаттардын бири. Ошол эле коронавируска каршы натыйжалуу зат. А бирок анын уулуулугу жогору экенин эстен чыгарбашыбыз керек. Ошондуктан хлор менен иштей турган кызматкерлерге сөзсүз түрдө коргонуучу каражаттар менен иштөө сунушталат. Ал үчүн бет каптар, кол каптар бар. Болбосо ар кандай курч түрдөгү ууланууга, аллергиялык реакцияларга, ден соолуктун, иммунитеттин начарлашына алып келиши ыктымал. А бирок дезинфекция иштерин жүргүзүүдө адистер тарабынан хлор тийиштүү концентрацияда сууга аралаштырылып, анан чачылат. Эгерде туура стандарттарга ылайыкталса, ал өзүнүн терс таасирин тийгизбейт. Ошентсе дагы залалсыздандырууну киши жок учурда жүргүзүү зарыл. Анткени адамдардын арасында өнөкөт оорусу барлар же аллергия менен жабыркагандар кездешиши мүмкүн", — деди Ыбышева.

Адис хлор пневмонияга алып келет деген пикир чындыкка дал келбей турганын кошумчалады.

21
Белгилер:
коронавирус, дезинфекция, хлор, Бактыгүл Ыбышева
Тема:
Коронавируска байланыштуу Кыргызстандагы кырдаал
Тема боюнча
Пневмониянын жайылышына дезинфекциялоо иштери себеппи? Адистердин пикири
Беларуссиянын Президенти Александр Лукашенко Минск шаарындагы шайлоо участогунда добуш берип турат

Белоруссия: президенттик шайлоодо Лукашенко алдыда. Exit poll, БШКнын жыйынтыгы

21
(жаңыланган 23:55 09.08.2020)
Президент аталган өлкөдө беш жылдык мөөнөткө шайланат. Бул сапар эң көп добуш алган адам 2025-жылга чейин Белоруссияны башкарып турмакчы.

БИШКЕК, 9-авг. — Sputnik. Белоруссияда өткөн президенттик шайлоодо Александр Лукашенко добуштардын 82 пайызын алды. Бул туурасында БШКнын төрайымы Лидия Ермошинага шилтеме кылып Sputnik Ближнее зарубежье кабарлады.

"БШКнын алгачкы маалыматы боюнча, Лукашенко беш аймакта биринчи келе жатат, добуштардын саны 82 пайызды көрсөттү. Тихановскаяныкы 5 пайызга жакын", — деп айтылат маалыматта.

Эске салсак, бүгүн Белоруссияда мамлекет башчыны тандашты.  Борбордук шайлоо комиссиясы  президенттик шайлоо өттү деп түшкө чейин эле тааныды. Алардын маалыматында жергиликтүү убакыт боюнча 12:00гө карата шайлоочулардын 54 пайызы болочоктогу мамлекет башчыга добуш берген.

Ал эми exit poll жыйынтыгы бир аз айырмаланат: 

  • Александр Лукашенко — 79,7 пайыз
  • Светлана Тихановская - 6,8 пайыз;
  • Анна Канопацкая - 2,3 пайыз;
  • Андрей Дмитриев - 1,1 пайыз;
  • Сергей Черечень - 0,9 пайыз.

Президент аталган өлкөдө 5 жылдык мөөнөткө шайланат. Бул сапар эң көп добуш алган адам 2025-жылга чейин бийликтин башында турмакчы.

Капа болом. Лукашенко кайрадан президенттик шайлоого катышат

Бүгүн талапкерлердин ичинен эң көп добуш алган Лукашенко Белоруссияны 26 жылдан бери башкарып келет.

21
Белгилер:
добуш берүү, президенттик шайлоо, Александр Лукашенко, Белоруссия
Тема боюнча
Бүгүн Белоруссияда президенттик шайлоо болуп жатат
Парламенттик шайлоого катышууну каалаган партиялардын кожоюндары кимдер? Тизме