Бишкек шаарынын мектептерине электрондук каттоого туруу пилоттук долбоорунун маалыматтык системасын иштеп чыккан IT адис Төлөгөн Аматов

Аматов: мектептерге электрондук каттоонун экинчи этабы башталды

80
"Бишкек шаарынын мектептерине электрондук каттоого туруу" пилоттук долбоорунун маалыматтык системасын иштеп чыккан IT адис Төлөгөн Аматов 16-майдан тарта мектептерге электрондук каттоо системасынын экинчи баскычы башталганын айтты.
Аматов: мектептерге электрондук каттоонун экинчи этабы башталды

Электрондук каттоо системасынын биринчи этабында 9380 арыз каралып, жети миңден ашуун жеткинчек 1-класска кабыл алынды. Бул тууралуу Төлөгөн Аматов Sputnik Кыргызстан радиосуна маек куруп жатып билдирди.

Анын айтымында, электрондук каттоо системасынын алкагында Бишкек шаарындагы №70, 17, 26, 56, 62 жана 61-мектептин башталгыч класска бөлүнгөн орундары толду.

"Мектептердеги электрондук каттоо системасынын биринчи этабы 15-февралда башталып, 15-майда жыйынтыкталды. Анын жүрүшүндө жалпы жонунан 9380 арыз каралып, жети миңден ашуун жеткинчек өз аймагындагы мектептерге 1-класска кабыл алынды. Экинчи этап 16-майдан 15-августка чейин уланат. Аталган убакыт аралыгында ата-энелер Бишкек шаарында жайгашкан бош орундары бар бардык мектепке каттоого турса болот. Эң башкысы өз убагында онлайн арыз менен кайрылыш керек. Арыз берүүдө биринчи кезекте ата-энелер телефон номурун жазыш керек, экинчиден, паспорттун көчүрмөсүн жана жашаган жеринен справка алып тиркеши зарыл. Бул маалыматтар берилген соң алар дароо электрондук системага катталат", — деди IT адис.

Ошондой эле ал мектептерге электрондук каттоо системасы тууралуу маалыматты (0312) 62 04 97 телефон номуру жана www.mektep.edu.gov.kg сайты аркылуу алса болорун кошумчалады.

80
Белгилер:
этап, каттоо, мектеп
Тема боюнча
Депутат: мектепке электрондук кезекке турууда техникалык мүчүлүштүктөр бар
Маалыматтык технологиялар жана байланыш мамлекеттик комитетинин төрагасы Алтынбек Исмаилов

Исмаилов: 5G менен коронавирустун эч кандай байланышы жок

130
(жаңыланган 13:54 08.07.2020)
Маалыматтык технологиялар жана байланыш мамлекеттик комитетинин төрагасы Алтынбек Исмаилов 5G түйүнү технологиялык өнүгүүгө мүмкүндүк түзөрүн айтты.
Исмаилов: 5G менен коронавирустун эч кандай байланышы жок

Коронавирус менен 5G түйүнүнүн байланышы жок. Анткени коронавирус биологиялык вирус болсо, 5G технологияга кирет. Бул тууралуу Алтынбек Исмаилов Sputnik Кыргызстан радиосуна маек куруп жатып билдирди.

Анын айтымында, 5G — бул 5-муундагы мобилдик байланыш, башка түйүндөрдөн интернеттин ылдамдыгы менен айырмаланат.

"Кийинки муундагы 5G түйүнү пайда болуп, ал дүйнөгө таанылып келе жаткан технология. Анда интернеттин ылдамдыгы секундасына 10 гигабитке чейин жетет. Бул ылдамдыктагы интернет айдоочусуз машиналарды башкарууга, фабрикаларга роботтор орнотулса алардын маалымат алмашуусу үчүн колдонулат. Ошондой эле медицинада бир кыйла жылыштар болуп, айтор көптөгөн өзгөрүүлөр орун алып, технология жаатында алдыга жылууга өбөлгө түзүлөт. Мунун коомчулук тарабынан терс кабыл алынып жатышы мыйзам ченемдүү. Бул радиофобия деп аталып, жаңы технологиялардын кирүүсүнө каршы туруу. А бирок элде айтылып жаткан "5G корнавирустун жайылышына себепкер" деген кеп чындыкка дал келбейт. Анткени коронавирус биологиялык нерсе. Ал эми 5G — бул технология. Экөө такыр эки башка. Анан дагы белгилей кетүүчү жагдай, ал Кыргызстанга келе элек. Аны киргизүү үчүн экспертизалар жүргүзүлүп, тийиштүү макулдашуулар болушу зарыл", — деди Исмаилов.

Ошондой эле ал өлкө аймагында 5G түйүнүн орнотуу үчүн адам жашабаган аймактарда сынамык тесттер жүргүзүлө турганын кошумчалады.

130
Белгилер:
вирус, байланыш, маалымат, Технологиялар, коронавирус
Тема:
Коронавируска байланыштуу Кыргызстандагы кырдаал
Тема боюнча
Сазыков: алты айдын жыйынтыгы менен 5 млрд. сом салык чогулбай калды
Медицина илимдеринин доктору, профессор Талант Батыралиев

Батыралиев: пандемия 1-2 айда бүтүп калчу иш эмес

253
Медицина илимдеринин доктору, профессор Талант Батыралиев өкмөт башчынын жана Республикалык штабдын чакырыгын ар бир жаран аткарууга милдеттүү экенин айтты.
Батыралиев: пандемия 1-2 айда бүтүп калчу иш эмес

Эгер жугуштуу оору кичинекей эле аймакта чыкса, бул "вспышка" деп айтылат. Бир мамлекетти вирус каптаса эпидемия болсо, ал эми бүткүл дүйнө боюнча тараса, анда пандемия делет. Ошондуктан коронавирус пандемиясы менен күрөшүүдө бүтүндөй планета бир муштумдай биригип, иш алып барышы керек. Бул тууралуу Талант Батыралиев Sputnik Кыргызстан радиосунун эфиринде маек куруп жатып билдирди.

Анын айтымында, азыркы абалда башкасын коюп, Кыргызстанды пандемиядан кантип чыгарабыз деген маселе биринчи орунда болушу керек.

Пульмонолог Сооронбаев: 30 жыл иштеп мындай пневмонияны көргөн эмесмин

"Азыркы кырдаалда Кыргызстандагы менчик ооруканаларга да оорчулук келди. Ошого карабастан кадимкидей режимде эле иштөөдө. Бишкекте менчик ооруканалар аз. Көбү профилдүү болгонуна карабай, жабылып калбастан оору менен күрөшүүгө жардам берип жатышат. Азыр ар бир жарандын жоопкерчиликтүү иш-аракети ооруну жеңүүгө кошкон салым болот. Ошондуктан өкмөт башчынын, Республикалык штабдын чакырыгын аткарууга милдеттүүбүз. Пандемияны биз согуш катары кабыл алып, мамлекеттик деңгээлде өтүп жаткан вирус менен күрөшүү иш-чараларына ар бирибиз катышышыбыз керек. Андан тышкары, Республикалык штаб аткарып жаткан иштен кынтык издеген шайлоого барчу адамдар мындан саясий упай топтойм деп ойлобосун. Учурда негизги маселе — бул пандемиядан чыгуу. Пандемия эртең бүтүп калчу маселе эмес. Россия, Америка сыяктуу чоң мамлекеттер андан чыгып кетүү планын 1,5-2 жыл деп түзүп жатышат. Ал эми бизде канчалык катуу даярдык болсо, вирус менен күрөшүү ошончо жеңил өтөт деп айтат элем", — деди Батыралиев.

Ал бийлик бутактары, бейөкмөт уюмдар өкмөт башчынын, штабдын талаптарын конкреттүү түрдө ишке ашырууга аракет кылса, жыйынтыгы жакшы болорун кошумчалады.

253
Белгилер:
оору, пандемия, вирус, Талант Батыралиев
Тема:
Коронавируска байланыштуу Кыргызстандагы кырдаал
Тема боюнча
Батыралиев: жүрөк ооруларынан жылына 18 миң киши көз жумат
Медицинский работник организует тесты на Covid-19, которые только что проводились в медицинском центре United Memorial Covid-19 в Хьюстоне, штат Техас. Четверг, 25 июня 2020 года.

Бир суткада дагы 361 адам коронавирус жуктуруп алды

0
Кечээ Баткен облусу штабдын чечими менен карантинди күчөтүп, аймакка кирип-чыгууга тыюу салды. Мындан тышкары да айрым чектөөлөр кирди.

БИШКЕК, 9-июл. — Sputnik. Бүгүн өлкө аймагында коронавирус жуктуруп алган 361 адам катталды. Бул тууралуу Коомдук саламаттык сактоо башкармалыгын башчысы Айнура Акматова брифинг учурунда билдирди.

Ушуну менен коронавирус илештирип алгандардын жалпы саны 8 847ге жетти.

0
Тема:
Кыргызстандагы коронавирус жуктуруп алгандар