Кыргыз балчылар союзунун төрагасы Казим Каракетов

Каракетов: аары багыш үчүн көп жыл билим алуу зарыл

92
Кыргыз балчылар союзунун төрагасы Казим Каракетов аары багуу үчүн бул жаатта билими бар адамга да үч жылдай тажрыйба менен окууну айкалыштырып билим алуу талап кылынарын айтты.
Каракетов: аары багыш үчүн көп жыл билим алуу зарыл

Бал чогултуу кирешелүү ишкерликтей сезилгени менен татаал жумуш. Бул тууралуу Казим Каракетов Sputnik Кыргызстан радиосунун эфиринде маек куруп жатып билдирди.

Анын айтымында, бал аарылары өтө сезимтал келет. Бардык жаныбарлардай эле адамдын чын ыкластан жасаган мамилесин сезе билет.

"Мага бал аарысын багуу боюнча кеңеш сурап көп кайрылышат. Мен барына шашпагыла деп айтам. Алгач 4-5 бал челек алып үйрөнүп, андан соң гана жыл сайын акырындап көбөйтүү керек. Дароо эле каражат табуучу ишкерлик катары ойлогон туура эмес. Бул андай бизнеске кирбейт. Аарылар абдан сезимтал келет. Аларды жакшы билем деген адам да үч жылдай үйрөнүп, өзүн көндүрөт. Ал эми бул тармакта такыр билим, тажрыйбасы жоктор 30 жылдай окуса да көптүк кылбайт", — деди Каракетов.

Ал кызыккандарга аары багуу боюнча өзүнүн тажрыйбасы жана чет мамлекеттерден алган билими менен бөлүшүүгө ар дайым даяр экенин кошумчалады.

92
Белгилер:
тажрыйба, ишкердик, аары, бал
Тема боюнча
Каракетов: кыргыз балы дүйнөлүк сынактан эки жолу гран-при утту
Мамлекеттик салык кызматынын маалыматтык камсыздоо бөлүмүнүн башчысы Эркин Сазыков

Сазыков: маркалоонун максаты ЕАЭБге товарды тоскоолдуксуз экспорттоо

13
(жаңыланган 12:03 27.10.2020)
Мамлекеттик салык кызматынын маалыматтык камсыздоо бөлүмүнүн башчысы Эркин Сазыков товарларды милдеттүү маркалоо 2021-жылдын 1-апрелине чейин жылдырылганын белгиледи.
Сазыков: маркалоонун максаты — ЕАЭБге товарды тоскоолдуксуз экспорттоо

Маркалоонун максаты — ЕАЭБ аймагына товарды тоскоолдуксуз экспорттоо. Ошондой эле маркалоо жасалма товарларды аныктоого мүмкүндүк түзүп, көмүскө экономика менен күрөшүүгө шарт түзөт. Бул тууралуу Эркин Сазыков Sputnik Кыргызстан радиосуна маек берип жатып маалымдады.

Анын айтымында, алкоголдук продукцияларды, тамекини милдеттүү түрдө маркалоо пландалууда.

Жумабеков: маркалоодон өтпөгөн айрым товарлар экспортко чыкпайт

"Маркалоо аркылуу товар тууралуу бардык маалыматты QR-кодго сактаганга мүмкүн болот. Айрым товарларды милдеттүү түрдө маркалоону киргизүүнү буга чейин эки жолу, эми кийинки жылдын 1-апрелине чейин жылдырылды. Буга коронавирус пандемиясы себеп болууда. Маркалоонун эң негизги максаты — контрафактылык товарлар, көмүскө экономика менен күрөшүү жана ЕАЭБ аймагына тоскоолдуксуз экспорттоо. Ал жакта товарларды маркалоо башкы талап болуп саналат. Мындан тышкары, салыгын өз учурунда төлөп жаткан ишкерлердин укугун коргоо. Себеби салык төлөөдөн качып жүргөндөр товарын арзан сатып, ак ниет иш алып барып жаткандарга зыянын тийгизүүдө", — деди Сазыков.

Ошондой эле ал маркалоону жылдырууга ишкерлердин кайрылуулары дагы себеп болгонун кошумчалады.

13
Белгилер:
Евразиялык экономикалык биримдик, салык, Эркин Сазыков
Тема боюнча
Айрым товарларды милдеттүү түрдө маркалоонун мөөнөтү узартылды. Себеби
Кыргыз билим берүү академиясынын илим жана инновация бөлүмүнүн башчысы Дамира Жумабаева. Архив

Жумабаева: коом билимсиз эмес, тарбиясыз болуп баратат

45
Кыргыз билим берүү академиясынын илим жана инновация бөлүмүнүн башчысы Дамира Жумабаева коомчулукта кыздардын тарбиясына өзгөчө көңүл буруу зарылдыгын айтты.
Жумабаева: коом билимсиз эмес, тарбиясыз болуп баратат

Ата-бабаларыбыз кагазга түшүрүлбөгөн этнопедагогика менен эле канчалаган муунду тарбиялап келген. Бүгүнкү күндө, тилекке каршы, бул салттык тарбия берүүгө көңүл бурулбай жатат. Мындай пикирин Дамира Жумабаева Sputnik Кыргызстан радиосунун эфиринде маек куруп жатып билдирди.

Анын айтымында, тарбияны сөзсүз эле коомдон же ата-энеден күтүп отура бербей, адабият, интернет булактары аркылуу да алса болот.

"Советтер Союзу мезгилинде өсүп келе жаткан муунду мамлекет тарбиялачу эле. Азыр ар бир бала өзүнчө бир инсан катары каралып, анын келечекте кандай болору толугу менен ата-энеге жүктөлгөн. Ал эми мугалим билим бериши керек. Көп учурда коомдо баланын тарбиясын да мугалимден күтүп отура беришет. Ооба, канчалык бир деңгээлде окутуучулары деле тарбиялашат, бирок алар негизинен билим берүүчүлөр болуп эсептелет. Кыргыз коомунда баланын тарбиясы үй-бүлө мүчөлөрүнүн бардыгынын жоопкерчилиги астында жүргүзүлгөн. Жазылбаган мыйзамдары менен эле көөдөнү кенен, көкүрөгү терең адамдар өсүп жетилген. Биз учурда мына ушул этнопедагогиканы унутуп калдык. Экинчиден, азыр адамдардын көпчүлүгү жалкоо, кайдыгер болуп, баласына мыкты тарбия бериш үчүн китеп барактамак турсун, өзүнүн жүрүм-турумун оңдоого кызыккандар өтө аз", — деди Жумабаева.

Педагог экономикалык кризис, миграция маселелери бала тарбиялоодо тоскоолдук жаратат деген пикир жөн гана шылтоо деп эсептээрин кошумчалады.

45
Белгилер:
мектеп, келечек, педагогика, Дамира Жумабаева
Тема боюнча
Педагог дистанттык окутууда ата-энелерге бир нече кеңеш берди

Бишкекте абаны булгаган автоунааларды аныктоо үчүн рейд жүрүүдө. Видео

0
(жаңыланган 14:47 27.10.2020)
Рейдге Жол кыймылы коопсуздугун камсыздоо башкармалыгынын кызматкерлери да чыгып жатканы кошумчаланды.

Абага зыяндуу заттарды нормадан ашык чыгарып жаткан автоунааларды аныктоо максатында борбор калаада атайын рейд жүрүүдө. Бул тууралуу Экологиялык жана техникалык коопсуздук боюнча мамлекеттик инспекциядан билдиришти.

Маалым болгондой, Мамэкотехинспекциянын жетекчисинин тапшырмасы менен Бишкектеги экологиялык абалды жакшыртуу боюнча комплекстүү чара көрүү планы иштелип чыккан. Рейд ошол пландын алкагында жүрүп жатат.

Автоунаалардын зыяндуулугу газ анализдеген автотест ченегичтер менен текшерилип жатканы айтылды.

"Азыр көп автоунаалардын катализатор системасы жок. Бул атмосфераны булгайт. Ошондуктан абага чыгып жаткан зыяндуу заттарды азайтуу үчүн машиналарыңарга катализатор системасын орнотууңуздарды суранабыз", — деп айтылат маалыматта.

Бишкек: рейд учурунда коронавирустун жайылышына шарт түзгөндөр аныкталды

Рейдге Жол кыймылы коопсуздугун камсыздоо башкармалыгынын кызматкерлери да чыгып жатканы кошумчаланды.

0
Белгилер:
Экологиялык жана техникалык коопсуздук боюнча Мамлекеттик инспекция, зыян, автоунаа, тазалык, аба
Тема боюнча
Кыргызстандын шаарларындагы аба канчалык кир экени айтылды