Маданият, маалымат жана туризм министрлигине караштуу Туризм департаментинин жетекчиси Максат Дамир уулу

Дамир уулу: туризмди өнүктүрчү краудфандинг бул ашар ыкмасы

68
(жаңыланган 16:13 28.05.2019)
Маданият, маалымат жана туризм министрлигине караштуу Туризм департаментинин жетекчиси Максат Дамир уулу Кыргызстанда аталган тармакты өнүктүрүү үчүн коомчулук тарабынан да колдоо керектигин айтты.
Дамир уулу: туризмди өнүктүрчү краудфандинг — бул ашар ыкмасы

Өлкө аймагында туризмди краудфандинг системасы, тактап айтканда, ашар ыкмасы аркылуу өнүктүрүүгө болот. Бул тууралуу Максат Дамир уулу Sputnik Кыргызстан радиосуна маек куруп жатып билдирди.

Анын айтымында, краудфандинг системасы дүйнө жүзүндө кеңири колдонулуп, колдоо керек болгон бардык тармактын маселесинин чечилишине кошумча көмөк болуп келүүдө.

"Краудфандинг системасы — бул ата-бабадан калган кадимки эле ашар ыкмасы. Аны дүйнө жүзүндө кеңири колдонуп келишет. Мисалы, АКШда краудфандинг системасы аркылуу жөнөкөй жарандар өкмөттүн ишине көмөк көрсөтүшөт. Алар муну көп жылдардан бери тажрыйба түрүндө колдонуп жүрүшөт. Ал эми бизде болсо ашар ыкмасы эзелтеден эле бар. Учурда аны атайын акча каражатын чогултуу акциясына айлантып, өлкө аймагындагы туризм тармагын өнүктүрүү багытында колдонуп көрөлү деп жатабыз. Бизде инфраструктура өнүкпөй, айрым коопсуздук маселеси бар деп айтып эле келебиз. Мына ушундай жагдайды жоюу үчүн аталган системаны колдонуу керек. Алгач жол белгилерин орнотуу максатында биз 18-майдан тарта 20-сентябрга чейин краудфандинг акциясын жарыяладык. Болжолдуу турдө 10 миллион сом чогулат деп күтүп жатабыз. Эгер аталган каражат топтолсо, белгилерди жасатып, аны орнотуу аракеттери жүрө баштайт", — деди Дамир уулу.

Ал каражат чогулса атайын жумушчу топ түзүлүп, ага акча кошкон демөөрчүлөрдөн сырткары жөнөкөй жарандар да мүчө болуп, аткарылып жаткан иштерге көзөмөл жүргүзсө болорун кошумчалады.

68
Белгилер:
ашар, туризм, Максат Дамир уулу
Тема боюнча
Дамир уулу Максат: чет өлкөлүк коноктор Кыргызстандагы агротуризмге кызыгышат
Мамлекеттик салык кызматынын маалыматтык камсыздоо бөлүмүнүн башчысы Эркин Сазыков. Архивное фото

Сазыков: автоматташтырылган система орнотпогон май куюучу жайлар жабылат

35
Мамлекеттик салык кызматынын маалыматтык камсыздоо бөлүмүнүн башчысы Эркин Сазыков 1-июлга чейин май куюучу жайлар автоматташтырылган система орнотушу керектигин айтты.
Сазыков: автоматташтырылган система орнотпогон май куюучу жайлар жабылат

350гө жакын май куюучу жай автоматташтырылган системаны орнотту. Аны жасабагандары ишмердүүлүгүн токтотууга туура келет. Бул тууралуу Эркин Сазыков Sputnik Кыргызстан радиосуна маек куруп жатып билдирди.

Анын айтымында, өлкөдө 900дөн ашык май куюучу жай бар.

"Май куюучу бекеттер башкаруунун автоматташырылган системасын колдонушу керек. Ага ылайык, кардар көзөмөлдүк-кассалык машинадан төлөнгөн суммага кассалык чек албаса, май куя албайт. Бул системаны киргизүү менен май куюучу жайлары салыктарын кандай төлөп жатканы көзөмөлгө алынат. Жөнөкөй жарандар чектеги атайын QR код аркылуу ишкананын салык төлөп-төлөбөгөнү тууралуу маалымат алат. Ал эми салык органы тийиштүү аналитикалык иштерди жүргүзөт. Анткени керектүү маалыматтар салык кызматынын базасына автоматтык түрдө келип түшөт. Бишкек шаарында жана Чүй облусунда жайгашкандарынын көпчүлүгү аппараттарды орнотушту. Белгилей кетүүчү жагдай, 1-июлга чейин автоматташтырылган системасы жок май куюучу жайлар ишмердүүлүгүн токтотушу керек болот", — деди Сазыков.

Ошондой эле ал автоматташтырылган системанын туура орнотулганын атайын мекемелер аралык комиссия текшере турганын кошумчалады.

35
Белгилер:
текшерүү, май куюучу бекет, салык, Эркин Сазыков
Тема боюнча
Бир айдан кийин өлкөдөгү бардык май куюучу жайлар тыкыр көзөмөлдөнө баштайт
Билим берүү жана илим министрлигинин жетектөөчү адиси Айнура Кусеинова. Архивдик сүрөт

Кусеинова: баланы мектепке каттатууну создуктурбаш керек

33
Билим берүү жана илим министрлигинин жетектөөчү адиси Айнура Кусеинова электрондук каттоо жүргүзүлө турган аймактарда балдарды 1-класска киргизүү үчүн кандай документтер керектигин айтып берди.
Кусеинова: баланы мектепке каттатууну создуктурбаш керек

2020-2021-окуу жылына карата өлкөнүн алты шаарында мектептерге электрондук каттоо жүргүзүлүүдө. Документтерди тапшырууда кемчиликтер болсо, ата-энелер аны беш күндүн ичинде оңдошу керек. Болбосо ээлеген ордун жоготуп алышы толук ыктымал. Бул тууралуу Айнура Кусеинова Sputnik Кыргызстан радиосуна маек куруп жатып билдирди.

Анын айтымында, электрондук каттоо Бишкек, Ош, Токмок, Кызыл-Кыя, Кара-Балта, Жалал-Абад шаарларында жүргүзүлөт.

"Балдарын каттатуу үчүн mektep.edu.gov.kg сайтына кирип, каалаган мектепти тандашат. Ошондой эле аталган сайтта жайгашкан өтүнмөнү толтуруп, жашаган жеринен справканын, баланын туулгандыгы тууралуу күбөлүктүн жана ата-эненин паспортунун сканерин тиркешет. Документтерди мектеп директору текшерип, өтүнмө кабыл алынганын маалымдайт. Андан соң ата-энелер же мыйзамдуу өкүлдөр тийиштүү документтерди мектепке 14 күндүн ичинде тапшыруусу зарыл. Ал жерде баланын туулгандыгы тууралуу күбөлүктүн, ата-эненин же мыйзамдуу өкүлдөрдүн паспортунун көчүрмөлөрү жана түп нускасы, баланын ден соолугунун абалы боюнча медициналык справка жана үч-төрт өлчөмүндөгү сүрөтү болуусу шарт. Эгерде документтер толук болбой же сапаты начар болуп калса, өтүнмө артка кайтарылат. Мындай учурда ата-энелер ошол эле сайттан беш күндүн ичинде кемчиликтерди оңдоосу зарыл. Белгиленген мөөнөткө чейин бул каталар оңдолбосо, окуучу ордун жоготуп коюшу ыктымал. Быйыл мектепке кабыл алуу мөөнөтү 1-сентябрга чейин узартылды. Мындан тышкары, документтердин бардыгын толуктап, сканерден сапаттуу өткөрүп тиркөө зарыл. Анан дагы ата-энелерди акыркы күнгө чейин жүрө бербей, азыртадан камылга көрүүгө чакырам", — деди Кусеинова.

Ошондой эле ал учурда жалпысынан 16 миң 406дан ашуун арыз түшүп, анын ичинен 6 миң 600дөн ашык бала документтерин тапшырып, 1-класска кабыл алынганын кошумчалады.

33
Белгилер:
каттоо, мектеп, окуучу, ата-эне
Тема боюнча
Балдарды 1-класска электрондук кабыл алуу жанданды
Биринчи вице-премьер-министр Кубатбек Боронов Манас аэропортунун ички аба каттамдарын жандандыруунун алдындагы даярдык менен таанышты.

8-июнда ички каттамдар жанданат. Боронов аэропорттун даярдыгы менен таанышты

0
(жаңыланган 14:14 06.06.2020)
Вирустун клиникалык белгилери аныкталган шартта жаран ооруканага жаткырылат. Клиникалык белгилери жок жүргүнчүлөр анкеталык маалыматтарды толтурат.

БИШКЕК, 6-июн. — Sputnik. Биринчи вице-премьер-министр Кубатбек Боронов "Манас" аэропортунун ички аба каттамдарын жандандыруунун алдындагы даярдык менен таанышты. Бул тууралуу өкмөттүн маалымат кызматынан билдиришти.

Бороновго кызматкерлер коронавирус инфекциясынын жайылышын алдын алуу боюнча аракеттердин алгоритми, аэропорттун көзөмөл пункту аркылуу өткөн жүргүнчүлөрдү текшерүү тартиби тууралуу айтып беришти.

  • Первый вице-премьер-министр Кубатбек Боронов посетил Международный аэропорт Манас и ознакомился с подготовкой к возобновлению внутренних авиарейсов.
    Биринчи вице-премьер-министр Кубатбек Боронов "Манас" аэропортунун ички аба каттамдарын жандандыруунун алдындагы даярдык менен таанышты.
    © Фото / пресс-служба правительства / Алишер Алиев
  • Сотрудник проходит дезинфекцию в тоннеле в Международном аэропорту Манас, где идет подготовка к возобновлению внутренних авиарейсов.
    Бороновго кызматкерлер коронавирус инфекциясынын жайылышын алдын алуу боюнча аракеттердин алгоритми, аэропорттун көзөмөл пункту аркылуу өткөн жүргүнчүлөрдү текшерүү тартиби тууралуу айтып беришти.
    © Фото / пресс-служба правительства / Алишер Алиев
  • Первый вице-премьер-министр Кубатбек Боронов посетил Международный аэропорт Манас и ознакомился с подготовкой к возобновлению внутренних авиарейсов.
    Узатуучу жана тосуп алган жарандар үчүн аэробекетке кирүү убактылуу чектелген, алар үчүн күтүүгө өзүнчө орун даярдалган.
    © Фото / пресс-служба правительства / Алишер Алиев
  • Самолеты в Международном аэропорту Манас, где идет подготовка к возобновлению внутренних авиарейсов.
    Алсак, "Манас", "Ош" жана "Ысык-Көл"аэропортторунун аэробекеттер комплексинин имаратына ошол күнгө билети бар жүргүнчүлөр жана ден соолугунан мүмкүнчүлүгү чектелген адамдарды коштогондор гана киргизилет.
    © Фото / пресс-служба правительства / Алишер Алиев
  • Дезинфекционный тоннель в Международном аэропорту Манас, где идет подготовка к возобновлению внутренних авиарейсов.
    Аэробекеттер имаратынын кире беришинде бардык жүргүнчүлөр жана жүк милдеттүү түрдө дезинфекциялоочу туннелден, термометрдик көзөмөлдөн жана дене табын тепловизордук камералар менен ченөөдөн өткөрүлөт.
    © Фото / пресс-служба правительства / Алишер Алиев
  • Первый вице-премьер-министр Кубатбек Боронов посетил Международный аэропорт Манас и ознакомился с подготовкой к возобновлению внутренних авиарейсов.
    Вирустун клиникалык белгилери аныкталган шартта жаран ооруканага жаткырылат. Клиникалык белгилери жок жүргүнчүлөр анкеталык маалыматтарды толтурушат.
    © Фото / пресс-служба правительства / Алишер Алиев
1 / 6
© Фото / пресс-служба правительства / Алишер Алиев
Биринчи вице-премьер-министр Кубатбек Боронов "Манас" аэропортунун ички аба каттамдарын жандандыруунун алдындагы даярдык менен таанышты.

Алсак, "Манас", "Ош" жана "Ысык-Көл"аэропортторунун аэробекеттер комплексинин имаратына ошол күнгө билети бар жүргүнчүлөр жана ден соолугунан мүмкүнчүлүгү чектелген адамдарды коштогондор гана киргизилет.

Узатуучу жана тосуп алган жарандар үчүн аэробекетке кирүү убактылуу чектелген, алар үчүн күтүүгө өзүнчө орун даярдалган.

Аэробекеттер имаратынын кире беришинде бардык жүргүнчүлөр жана жүк милдеттүү түрдө дезинфекциялоочу туннелден, термометрдик көзөмөлдөн жана дене табын тепловизордук камералар менен ченөөдөн өткөрүлөт.

Вирустун клиникалык белгилери аныкталган шартта жаран ооруканага жаткырылат. Клиникалык белгилери жок жүргүнчүлөр анкеталык маалыматтарды толтурушат.

Сөзсүз түрдө бет кап тагынып, аралыкты сактоо зарыл экени дагы айтылат.

"Ички аба каттамдарын жандандыруу инфекциянын жайылышы боюнча белгилүү бир тобокелдиктерди алып келет. Ошондуктан бардык көзөмөлдөөчү органдар текшерүү алгоритмдерин так аткарып, зарыл шартта ыкчам чара көрүүгө тийиш. Келген жүргүнчүлөргө көзөмөл катуу болушу шарт", — деди Боронов.

Мындан тышкары ал билет баасынын жогору экендиги тууралуу жарандардын кайрылуулары болуп жатканын айтты. Тармактык органдарга бул маселени иштеп чыгып, жөнгө салуу тапшырмасын бергендигин билдирди.

Эске салсак, Кыргызстанда 8-июндан баштап ички рейстердин иши жанданат.

0
Белгилер:
коронавирус, каттам, аэропорт, Кубатбек Боронов, кыргызстандыктар
Тема:
Коронавируска байланыштуу Кыргызстандагы кырдаал
Тема боюнча
Учактан оору жуктуруп албаш үчүн эмне кылуу керек. Кеңеш
Министр: Бишкек — Оштун ортосунда авиакаттам жумасына бир эле жолу болот