Nomad коомдук спорт бирикмесинин маркетологу Айгерим Моношбекова

Моношбекова: чуркоону сүйгөн шаар тургундарына шарт түзүп бериш керек

50
Nomad коомдук спорт бирикмесинин маркетологу Айгерим Моношбекова Бишкектин тургундары кайсы жерде түз жол болсо ошол жерге барып чуркап жатканын айтты.
Моношбекова: чуркоону сүйгөн шаар тургундарына шарт түзүп бериш керек

Бишкек шаарында чуркайм деген жарандар үчүн жалгыз эле "Спартак" стадионунда шарт түзүлгөн. Мындай пикирин Айгерим Моношбекова Sputnik Кыргызстан радиосунун таңкы эфиринде маек куруп жатып билдирди.

Анын айтымында, мамлекет чуркоо жаатына көңүл бурууга тийиш.

"Спорттун чуркоо түрү боюнча иш-чараларды уюштуруп келгендер өздөрүнүн арабасын өздөрү сүйрөп жатат. Аларга мамлекет колдоо көрсөтпөй эле. Мисалы, футбол жаатында бир катар иштер аткарылып, элдин кызыгуусу ойгоно баштады. Жеңил атлетикага да ошондой көңүл бөлүнүшү керек. Бизде спорттун аталган түрүнө кызыккан шаар тургундары үчүн жалгыз эле "Спартак" стадиону бар. Мисалы, Түркияда тротуарларда чуркагандарга атайын жол каралган. Ал эми биздикилер кайсы жерде тегиз жол болсо ошол жерде чуркап жатышат", — деди Моношбекова.

Ал 8-июнда Бишкекте түнкү марафон өтө турганын кошумчалады.

Sputnik Кыргызстан маалымат агенттиги жана радиосу түнкү жарыштын эл аралык медиа өнөктөшү.

50
Белгилер:
чуркоо, жарыш, спорт
Тема боюнча
Өзбекстанда министрлик элин арыктоого чакырды
Жогорку категориядагы өпкө дарыгери Бермет Естебесова

Өпкө дарыгери пневмонияда керектелчү аппараттар тууралуу айтып берди

3
Жогорку категориядагы өпкө дарыгери Бермет Естебесова пневмонияга чалдыккан учурда кандай аппараттар керектелери жана алардын бааcы тууралуу айтып берди.
Өпкө дарыгери пневмонияда керектелчү аппараттар тууралуу айтып берди

Пульсоксиметр өпкөгө кычкылтектин кандай деңгээлде жетип жаткандыгын текшерет. Бул бейтаптарга караганда дарыгерлерге көбүрөөк керектелүүчү аппарат. Бул тууралуу Бермет Естебесова Sputnik Кыргызстан радиосуна https://sputniknews.com/popup_radio/14/s маек куруп жатып билдирди.

Анын айтымында, калк арасында пневмонияга чалдыкканда колдонуучу аппараттарды "ооруп калсам иштетем" деп алып койгондор да бар.

Министрлик: коркпогула, өз алдынча антибиотик ичпегиле!

"Адам пневмонияга кабылганда алгач анын өпкөсүнө канчалык деңгээлде кычкылтек жетип жаткандыгы текшерилет. Бул аппарат пульсоксиметр деп аталып, баасы 3000 сомдон 100 долларга чейин жетет. Муну көбүнесе дарыгерлер сатып алат. Наркындагы айырма анын чыгарылган өлкөсүнө жараша болот. Пульсоксиметр менен ченеп алган соң өпкөсү ооруга чалдыккан адамга кычкылтек концентратору керек болот. Анткени сезгенген өпкө тийиштүү деңгээлде өз функциясын аткара албай, канга кычкылтек жетпей адам энтигип кыйналат. Учурда кычкылтек концентраторлорунун баасы 800 доллардан 5000 долларга чейин болууда. Кытайдан чыгарылгандардын баасы эң арзан болсо, Америка, Европа өлкөлөрүнөн келгендери кымбат турат. Мындан сырткары, Россия жана Түркия мамлекеттери да кычкылтек концентраторлорун чыгарат. Азыр калк арасында дал ушул жабдууга муктаж болгондор көбөйүүдө. Бирок эл арасында "ооруп калсам иштетем" деп алып койгондор да жок эмес экен. Аларды учурда муктаж болуп турган жарандарга бере туруусун суранат элем", — деди Естебесова.

Дарыгер пульсоксиметр менен ченегенде дени сак адамдын өпкөсүнө кычкылтектин баруусу 95 пайыздан жогорку ченемди көрсөтүп турушу керектигин кошумчалады.

3
Белгилер:
кычкылтек концентратору, коронавирус, аппарат, пневмония
Тема:
Коронавируска байланыштуу Кыргызстандагы кырдаал
Тема боюнча
9 000ден ашты! Коронавирус дагы 511 кишиден табылды
Юстиция министрлигинин Пробация департаментинин Мониторинг жана эсеп башкармалыгынын башчысы Руслан Романов

Романов: пробациялык көзөмөл беш жылга чейин кесилгендерге колдонулат

46
Юстиция министрлигинин Пробация департаментинин Мониторинг жана эсеп башкармалыгынын башчысы Руслан Романов пробациялык көзөмөл эмнени түшүндүрөрүн айтып берди.
Романов: пробациялык көзөмөл беш жылга чейин кесилгендерге колдонулат

Пробациялык көзөмөл беш жылга чейинки мөөнөткө эркинен ажыратылгандарга колдонулат. Бул тууралуу Руслан Романов Sputnik Кыргызстан радиосуна маек куруп жатып билдирди.

Романов: пробация кардарынын эркиндигин чектөө эрежелери бар

Анын айтымында, пробациялык көзөмөлдү ишке ашырууга соттолуучунун макулдугу талап кылынат.

"Пробациялык көзөмөл анча оор эмес кылмыш жасап, беш жылга чейин эркинен ажыратууга өкүм чыккан кылмышкерлер үчүн каралган. Жасаган кылмышы жеңил болсо, сот аны коомдон обочолонтпойт. Кардарына аталган институт көмөк көрсөтүп эле тим болбостон, бир топ милдеттерди да бекитет. Алардын негизгиси болуп пробация органдарынын уруксатысыз өлкөнүн сыртына чыкпоого, сот өкүмү чыккандан кийин 10 күн аралыгында жашаган дареги боюнча пробация органына каттоого турууга, алардын белгилеген убактысында барып турууга милдеттендирилет. Ошондой эле жашаган, иштеген же окуган дареги алмашса дароо билдирип, сот өкүм кылган милдеттерди өз убагында аткарып жана аны кабарлап туруусу шарт. Мындан сырткары, алкоголдук, психотроптук же баңгизаттарын колдонбоосу, эгер карамагына алган улгайган адам же жаш балдар болсо, аларды багуусу, сот тарабынан бекитилген убакыттан башка учурда көчөдө жүрбөөсү, кылмыш учурунда келтирилген чыгым соттун өкүмүндө көрсөтүлгөн болсо аны берилген мөөнөттө калыбына келтирүүсү керек", — деди Романов.

Ал мындай эрежелер жашы жете электерге да колдонуларын кошумчалады.

46
Белгилер:
чектөө, эркиндик, пробация, Руслан Романов
Тема боюнча
Романов: коомдук иш жазасына тартылгандар күнүнө төрт саат гана иштейт