Билим берүү жана илим министринин орун басары Надира Жусупбекова

Жусупбекова: эми мектептерге тил сынактары милдеттүү түрдө кирет

1757
(жаңыланган 14:19 06.06.2019)
Билим берүү жана илим министринин орун басары Надира Жусупбекова кийинки окуу жылынан баштап окуучуларга ЖРТнын жыйынтыгы менен бирге тил билүү сертификаттары ыйгарыларын айтты.

Жаңы 2019-2020-окуу жылында мектептерге билим берүүнүн жаңы стандарттары киргизилет. Мындай пикирин Надира Жусупбекова Sputnik Кыргызстан радиосунун таңкы эфиринде маек куруп жатып билдирди.

Анын айтымында, быйылкы окуу жылында көптөгөн жакшы иштер жүргүзүлдү.

"Быйыл мектептер, жаңы форматтагы бала бакчалар салынды. Окуучулар менен мугалимдерге жаңы шарттар түзүлүп, республика боюнча мектептердин дээрлик 90 пайызы интернетке туташтырылды. Андан сырткары, мурда өтүлгөн сабактын көлөмүнө көңүл бурулса, жаңы билим берүү стандарттары боюнча ар бир предметтин компетенттүүлүгүнө басым жасалып жатат. Мындай жаңылануулар акырындык менен кирүүдө. Ошондой эле быйыл мамлекеттик сынак тапшырган окуучулардын айрымдары тил билүү деңгээлин да сынап көрүштү. Кийинки жылдан баштап бул бардык окуучуларга милдеттүү түрдө киргизилип, соңунда ЖРТнын жыйынтыгы менен биргеликте сертификат тапшырылат", — деди Жусупбекова.

Ал быйылкы окуу жылында ата-энелер менен мугалимдин ортосундагы байланышты жакындатуу максатында түзүлгөн "Ай билим" жана "Билим булагы" долбоорлору иштей баштаганын кошумчалады.

1757
Белгилер:
реформа, сынак, билим, Надира Жусупбекова
Тема боюнча
Садыков: магистратурада окуган студент эми Россиянын да дипломун ала алат