Абдуллаев: китеп чыгарууга кыргыз өкмөтү акча бөлбөйт
(жаңыланган 14:00 10.06.2019)
"Кереге" коомдук фондусунун кызматкери Бакытбек Абдуллаев китеп күнүмдүк муктаждыгыбыз болгон нан, суудай эле кабыл алынышы керектигин айтты.Абдуллаев: китеп чыгарууга кыргыз өкмөтү акча бөлбөйт
Көп өлкөлөрдө китеп чыгарууга салык салынбайт, ал эми Кыргызстанда абал тескери. Тактап айтканда, китеп чыгарууга салынган салыктын көлөмү бир топ жогору. Бул тууралуу Бакытбек Абдуллаев Sputnik Кыргызстан радиосунун таңкы эфиринде маек куруп жатып билдирди.
Анын айтымында, эл аралык деңгээлге жетүү үчүн кыргыз басмаканаларына мамлекет тарабынан колдоо керек.
"2013-жылы өлкөдө чыккан китептердин саны бир миллиондун тегерегинде болуп, жети кишиге бир китеп туура келсе, 2018-жылы ал эки миллионго чейин өсүп, үч кишиге бир китеп болуп калды. Азыркы күндө китеп чыгаруу кыйын, анын үстүнө өкмөт тарабынан акча бөлүнбөйт. Ал эми башка өлкөдөн грант катары алынган акчанын эсебинен чыга турган китептер биздин басмаканаларда чыгарылбайт. Башкача айтканда, акчаны берип аткандан кийин менин айтканымды кыласың дегендей мамиле болот. Ошентип дүйнөлүк бестселлер китептер Индия, Вьетнам өңдүү өлкөлөрдөн чыгып жатат. Эгерде өкмөттөн акча бөлүнсө, ошол китептер өзүбүдөн эле чыгарылмак. Бизде китепке болгон салыктын көлөмү дагы башка өлкөлөргө салыштырмалуу жогору. Китеп окугандардан салык алууну жазалоо катары көрөм", — деди Абдуллаев.
Ошондой эле ал китепканалардагы эски китептер жаңыларга алмаштырылышы керектигин кошумчалады.
Белгилер:
Талантбеков: ууландыруучу же мас кылуучу нерсени "кыйгак" десе болот
"Көйкашка" коомдук бирикмесинин мүчөсү, манасчы Нурбек Талантбеков жаңы кирген сөздөрдү колдонууда дароо эле түз которууга ашыкпай, ата-бабаларыбыз сүйлөп жүргөн аталыштарга маани берүү керектигин айтты.
Талантбеков: ууландыруучу же мас кылуучу нерсени "кыйгак" десе болот
"Кыйгак" найзанын учундагы курч металлды түшүндүрөт. Бул тууралуу Нурбек Талантбеков Sputnik Кыргызстан радиосунун "Көөнө сөз" рубрикасында маалымдады.
Анын айтымында, бул сөздү бир нече мааниде колдонууга болот.
©
Sputnik / Асель Сыдыкова
"Көйкашка" коомдук бирикмесинин мүчөсү, манасчы Нурбек Талантбеков
"Жыгач найзанын учуна ашталып бекитилген курч металлды "кыйгак" деп койгон. Ошондой эле колду тилип кете турган жалбыракты дагы ушул сөз менен сүрөттөөгө болот. Мындан тышкары, "кыйгак" сөзүнүн өтмө маанисинде уу, ууландыруучу же мас кылуучу нерсе катары түшүнүүгө болот. Бул үч маанисин тең колдонууга мүмкүндүк бар. Адатта ууну өз аты менен эле атап жүрөбүз. Бирок анын синоними катары "кыйгак" деп колдонуу дагы артыкчылык кылбайт", — Талантбеков.
Манасчы көөнө сөздөр күнүмдүк турмушта көбүрөөк колдонулса, тилди байытууга, шөкөттөөгө көмөгү тие турганын кошумчалады.
Белгилер:
Жайчиева: жомок балдарды гана эмес, чоңдорду да тарбиялайт
КР маданиятына эмгек сиңирген ишмер, жомокчу Бегайым Жайчиева жомок балдарды гана эмес, чоңдорду да тарбиялай тургандыгын айтты.
Эгер чоңдор китеп окуп, жомокко маани берсе, ал өзүнүн жүрүм-туруму, кулк-мүнөзүнө көңүл буруп, балдарына туура тарбия бере алат. Мындай оюн Бегайым Жайчиева Sputnik Кыргызстан радиосунун эфиринде маек куруп жатып билдирди.
Жайчиева: жомок балдарды гана эмес, чоңдорду да тарбиялайт
Анын айтымында, чоңдорго арналып жазылган жомоктордун саны көп болгонуна карабастан улуулар ага жакшы маани бербей келишет.
"Жомок менен балдарды гана эмес, чоңдорду да тарбияласа болот. Чоңдорго арналып жазылган жомоктор абдан көп. Кайнене менен келинге, ата менен балага арналган, жаратылышты сактоого, жалкоолукка арналган жомоктор бар. Сулайман Рысбаев деген балдар жазуучусу көптөгөн жомокторду жазат. Ал азыркы күндүн талабы менен мурункуну байланыштырып, кооздоп, тарбиясы терең чыгармаларды жаратууда. Чоң адамдар үчүн да ойлондурган, олуттуу жомоктору көп. Мисалы, "Балык балдар" деген жомогу бар. Көлдүн жээгинде арак ичип, таштандыларды ыргытып булгаган чоң кишилердин туура эмес жоруктарын көргөн кичинекей балдар аларга таарынып, түндө көлгө балык болуп кетишет. Мына ушундай мааниси терең жомокторду улуулар да окуп туруусу зарыл", — деди Жайчиева.
Ошондой эле жомокчу балдар адабиятына өзгөчө көңүл буруп, баланын коомдогу ордун калыптандырыш үчүн ата-энелер балдарга китеп окуп бериши керектигин кошумчалады.
Белгилер:
Россиянын 11 аскер адамы КР президентинин энчилүү кол сааты менен сыйланды
(жаңыланган 23:29 19.04.2021)
Россия Федерациясынын Коргоо министрлигинин № 20022 аскер бөлүмүнүн кызматкерлери "Коопсуздук — 2021" аскердик машыгууларына катышкан.БИШКЕК, 19-апр.— Sputnik. Россиянын 11 аскер адамы Кыргызстандын президенти Садыр Жапаровдун энчилүү кол сааты менен сыйланды. Бул тууралуу өлкө башчынын маалымат кызматы кабарлады.
©
Пресс-служба президента КР
Россиянын 11 аскер адамы Кыргызстандын президенти Садыр Жапаровдун энчилүү кол сааты менен сыйланды
Россия Федерациясынын Коргоо министрлигинин № 20022 аскер бөлүмүнүн кызматкерлери "Коопсуздук — 2021" аскердик машыгууларына катышкан.
Саат тапшыруу аземи "Кант" авиабазасында болуп, анда Кыргызстандын Коргоо министрлигинин жетекчилиги жана Коопсуздук кеңешинин катчылыгынын кызматкерлери болгон.
Машыгууга эки миңге жакын адам катышып, 100гө жакын автомобиль, сооттолгон жана атайын техника, 20га чейинки артиллериялык система, ошондой эле 10дой авиациялык техника тартылган.
Белгилер: