Мамлекеттик каттоо кызматынын төрагасы Алмаз Мамбетов

Мамбетов: паспорт чыгаруу боюнча жаңы тендер жарыяланат

112
Мамлекеттик каттоо кызматынын төрагасы Алмаз Мамбетов биометрикалык паспорт чыгаруу боюнча өткөрүлгөн тендер жараксыз деп табыларын айтты.
Мамбетов: паспорт чыгаруу боюнча жаңы тендер жарыяланат

Биометрикалык паспорт чыгаруу боюнча өткөрүлгөн тендерде уткан компания кызмат акысын 253 миллион сомго кымбат көрсөтүп жатат. Андыктан жаңы тендер жарыяланат. Бул тууралуу Алмаз Мамбетов Sputnik Кыргызстан радиосунун эфиринде маек куруп жатып билдирди.

Айтымында, ал жетекчи катары мындай чоң акчанын элдин эсебинен төлөнүшүнө жол бербейт.

"Мамлекеттик каттоо кызматынын жетекчилиги ушул паспорт маселесине байланышкан чырдын арты менен алмашып отурат. Демек, кайра эле ошол мамлекетке 253 миллион сом чыгым алып келе турган компанияга паспорт чыгарууну берип койсом, мени эл кечирбейт. Азыр кайсы компания эң төмөнкү бааны көрсөтсө, ошол ута тургандай жаңы тендер жарыялоону пландап жатабыз", — деди Мамбетов.

Аткаминер паспорттор заман талабына жараша алмашып, коргоо элементтери күчөтүлүп турбаса, айрым мамлекеттерге виза алууда жарандар үчүн кыйынчылыктар жараларын кошумчалады.

112
Белгилер:
жетекчилик, коррупция, тендер, паспорт, Алмаз Мамбетов
Тема боюнча
Мамбетов: мамлекет— эксперимент жүргүзүүчү талаа эмес
Экспортчулар менен импортчулардын Кыргызлэнд ассоциациясынын төрайымы Ленара Ниязбекова

Ниязбекова: эттин баасынын жогорулашына бир нече себеп бар

207
(жаңыланган 11:56 22.09.2020)
Экспортчулар менен импортчулардын "Кыргызлэнд" ассоциациясынын төрайымы Ленара Ниязбекова этти экспорттоодо эң чоң көйгөй катары контрабанданы атады.
Ниязбекова: эттин баасынын жогорулашына бир нече себеп бар

Өлкөдө эттин кымбаттап жатышына доллардын өсүшү, контрабанда, тоютка болгон баанын жогорулашы өз таасирин тийгизүүдө. Бул тууралуу Ленара Ниязбекова Sputnik Кыргызстан радиосуна маек берип жатып маалымдады.

Анын айтымында, учурда ишкерлер Өзбекстанга эт эмес, майда жана ири мүйүздүү малдын өзүн экспорттоодо.

Кыргызстандын бийлиги этти экспорттоого тыюу салууну талкуулап жатат

"Өзбекстанга эт массалык түрдө экспортко чыгарылган жок. Аталган өлкө менен чек ара ачылып, мамилелер жакшыра баштагандан бери өлкөдөн майда жана ири мүйүздүү малды экспорттоо жолго коюла баштады. Булар жандуу булак деп аталып, улам ордуна келип турат. Ошентсе деле экспорт жаатында Кыргызстан эл аралык рынокто өз ордун толук кандуу ээлей элек. Анткени Пакистан, Араб өлкөлөрүнө эт башаламан сатылып келген. Ал эми Өзбекстанга чыгарылган кой боюнча экспорт 0,4 пайыз, ири мүйүздүү малды экспорттоо 0,3 пайызды түзөт. Бул өлкөдө экспорт дээрлик жок дегенди түшүндүрөт. Мамлекеттик органдар тиешелүү аналитиканы дурустап бере албай жатат. Анткени учурда эттин баасынын көтөрүлүшүнө доллардын кымбатташы, тоют баасынын өсүшү, алып сатуу менен алектенгендер себеп болууда", — деди Ниязбекова.

Ошондой эле ал мамлекеттик органдар мониторинг кылуу менен гана чектелип жатат деген пикирин кошумчалады.

207
Белгилер:
соода, Өзбекстан, экспорт, эт, Ленара Ниязалиева
Тема боюнча
Бийлик Кыргызстанда эттин кымбаттап кеткен себебин айтты
Маданият, маалымат жана туризм министрлигинин Маданий мурастарды сактоо жана өнүктүрүү башкармалыгынын башкы адиси Чынарбек Жолдошев

Жолдошев: петроглифтер табылгандан тарта тарыхый баалуулук болуп эсептелет

107
(жаңыланган 11:27 22.09.2020)
Маданият, маалымат жана туризм министрлигинин Маданий мурастарды сактоо жана өнүктүрүү башкармалыгынын башкы адиси Чынарбек Жолдошев тарыхый эстеликтердин статусуна токтолду.
Жолдошев: петроглифтер табылгандан тарта тарыхый баалуулук болуп эсептелет

Тарыхый эстеликтер тууралуу мыйзамда так көрсөтүлгөн. Кыргызстандын аймагынан жөнөкөй жаран болобу, кайсы бир ишкана же чет өлкөлүк инсан болобу, тарыхый эстелик таап алса, аны өз алдынча талкалоого, бузууга, ал тургай ордунан жылдырууга акысы жок. Бардык өлкө аймагынан табылган тарыхый эстеликтер ошол замат "кол тийбестикке" ээ болот. Бул тууралуу Чынарбек Жолдошев Sputnik Кыргызстан радиосунун эфиринде маек куруп жатып билдирди.

Анын айтымында, тарыхый эстеликтер архитектуралык, монументалдык, искусстволук, жаратылыш тарабынан пайда болгон жана археологиялык болуп бөлүнөт. Булардын эң баалуусу — археологиялык табылгалар.

"Мыйзам боюнча республиканын кайсы гана аймагынан археологиялык эстелик табылбасын, ал мамлекеттик баалуулук катары эсептелип, зыян келтирүүгө тыюу салынган. Керек болсо жайгашкан ордунан да жылдырууга болбойт. Эгер бул эгин талаасы, курулуш түшө турган же башка бир турмуш-тиричиликке колдонулуучу аянт болсо, аны таап алган тарап Маданият, маалымат жана туризм министрлигине тез арада билдирүү жибериши зарыл. Аны археологдор иликтеп, өз баасын берген соң гана ал аймакта андан ары кандайдыр бир аракеттерди жүргүзсө болор-болбосу аныкталат. Кээ бир тарыхый эстелик табылган жерге керек болсо бак отургузууга да тыюу салынат. Ал эми Алай районуна караштуу Терген-Таш аймагы боюнча айта турган болсок, алгач бул жер илимге 1985-жылы белгилүү болгон. 2000-жылдары да окумуштуулар барып, иликтөө иштерин жүргүзүп, бирок тилекке каршы, толук аягына чыкпай токтоп калган. Демек бул жерди иликтенип жаткан тарыхый аймак десек болот. Мындай жерден көмүр казууга тыюу салынат. Азыр эми көмүр казуу иштери токтотулду. Иликтөө иштери жасалганда да алгач айыл өкмөтү, андан соң район, облустун деңгээлинде тиешелүү токтомдор чыгып, анан республикалык маанидеги тарыхый жай деп табылат. Тарыхый баалуу жай катары дүйнөлүк деңгээлде корголгон аймакка кирип калышы да мүмкүн", — деди Жолдошев.

Адис кыргызстандыктардан петроглиф же башка тарыхый эстеликтер табылган учурда дароо тиешелүү органдарга билдирип коюуну өтүндү.

Иштебеген Тарых музейинин айланасына тосмо эмне үчүн коюлган? Расмий жооп

Эскерте кетсек, мындан бир жума мурда Алай районуна караштуу Калдырама, Боз-Бээ, Ак-Бай жайлоолорунда жайгашкан Көк-Көлдүн айланасындагы уникалдуу петроглифтер талкаланып, көмүр казуу иштери жүрүп жаткандыгы тууралуу маалымат тараган. Көп өтпөй жергиликтүү бийлик казуу иштери убактылуу токтотулганын билдирген.

107
Белгилер:
тарыхый баалуулуктар, петроглиф
Тема боюнча
Алайда талкаланган петроглифтер маданий баалуулуктар тизмесинде жок болуп чыкты
Cузак районунда лицейдин эски жатаканасы оңдолуп, жугуштуу илдеттер ооруканасынын бир бөлүмүнө айланды.

Сузакта лицейдин эски жатаканасы жугуштуу оорулар бөлүмүнө айланды. Сүрөт

0
(жаңыланган 11:01 23.09.2020)
Район башчысы жергиликтүү бюджеттен акча албай элдин, ишкерлердин көмөгү менен жатакананы  оңдоп чыккан. Имарат 15 миллион сомго кайра жасалганы кабарланды.

ОШ, 23-сен. – Sputnik. Cузак районунда лицейдин эски жатаканасы оңдолуп, жугуштуу илдеттер ооруканасынын бир бөлүмүнө айланды. Бул тууралуу райондун акими Эрмекбай Омошев билдирди.

Анын айтымында, эски имаратты оңдоп-түзөөгө жергиликтүү тургундар жардамдашкан. 304 орундуу бөлүм учурда пайдаланууга берилди.

  • Койки в старом общежитии Сузакского районного лицея, который превратили в палату инфекционной больницы.
    Cузак районунда лицейдин эски жатаканасы оңдолуп, жугуштуу илдеттер ооруканасынын бир бөлүмүнө айланды.
    © Sputnik / Зульфия Тургунова
  • Койки в старом общежитии Сузакского районного лицея, который превратили в палату инфекционной больницы.
    Эски имаратты оңдоп-түзөөгө жергиликтүү тургундар жардамдашкан. 304 орундуу бөлүм учурда пайдаланууга берилди.
    © Фото / Зульфия Тургунова
1 / 2
© Sputnik / Зульфия Тургунова
Cузак районунда лицейдин эски жатаканасы оңдолуп, жугуштуу илдеттер ооруканасынын бир бөлүмүнө айланды.

Маалым болгондой, райондогу №36 лицейдин беш кабаттуу жатаканасы бир топ жылдан бери оңдоп-түзөө иштерине муктаж болчу. Аны жугуштуу илдеттер ооруканасына айлантуу демилгеси эки ай мурда көтөрүлгөн. Буга байланыштуу район башчысы жергиликтүү бюджеттен акча албай элдин, ишкерлердин көмөгү менен жатакананы кайра оңдотуп чыккан.

Имарат 15 миллион сомго кайра жасалганы кабарланды.

"Жатаканага суу киргизилип, чатыры да толугу менен алмаштырылды. Жуунуучу жай, ажатканаларына чейин оңдолуп, электр кубаты менен толук камсыздалды.  Бул жерде негизинен коронавирус жана пневмония илдетине чалдыккандар гана дарыланат. Коронавирустун экинчи толкунуна даяр туруу үчүн болгон күч-аракетибизди жумшадык", — деди Омошев.

Эске салсак, өлкөдө коронавирус илдети алгачкылардан болуп Сузак районунда катталган.

0
Белгилер:
даярдык, коронавирус, ремонт, оорукана, жатакана, лицей, Сузак району
Тема:
Коронавируска байланыштуу Кыргызстандагы кырдаал
Тема боюнча
Штаб: Нарындагы жаңы оорукананын курулушу жарым-жартылай бүтүп калды