Таттыбүбү Турсунбаеванын бир тууган агасы, КР эмгек сиңирген артисти Нуркан Турсунбаев. Архив

Турсунбаев: Таттыбүбүнүн сулуулугун бейиттен байкадым

1041
(жаңыланган 14:22 23.06.2019)
Таттыбүбү Турсунбаеванын бир тууган агасы, КР эмгек сиңирген артисти Нуркан Турсунбаев карындашынын көзү тирүү кезинде анын эл суктанган чырайына маани бербегендигин айтты.
Турсунбаев: Таттыбүбүнүн сулуулугун бейиттен байкадым

Таттыбүбүнүн сулуулугун аны акыркы сапарга узатып жатып бейиттен байкадым. Бул тууралуу Нуркан Турсунбаев Sputnik Кыргызстан радиосунун "Туяк" программасына маек куруп жатып билдирди.

Анын айтымында, Чыңгыз Айтматов үчүн Таттыбүбү Турсунбаева анын чыгармалары боюнча тартылган көркөм тасма жана театрдагы пьесалардын башкы каарманы болчу.

"Таттыбүбү экөөбүз кичинебизден катар жүрүп, эгиз козудай бирге чоңойдук. Мен үчүн ал карапайым кыргыз кызынын бири болчу. Учурунда анын эл суктанган чырайына маани деле бербептирмин. Карындашымды акыркы сапарга узатып жатканда аны менен коштошуу үчүн Чыңгыз Айтматов да келди. Ал Таттыбүбүнүн жүзүн ачып, чекесинен өптү дагы "Кош бол, Таттуу" деп буркурап ыйлап жиберди. Ошондо гана карындашымдын мөлтүр тунук жүзүн көрүп, буга чейин мага билинбеген сулуулугун байкадым", — деди Турсунбаев.

Ошондой эле ал Таттыбүбү Турсунбаеванын өлүмү бүгүнкү күнгө чейин табышмак бойдон калып жаткандыгын кошумчалады.

1041
Белгилер:
өлүм, сулуу, Чыңгыз Айтматов, Таттыбүбү Турсунбаева, Нуркан Турсунбаев
Тема боюнча
Турсунбаев: Таттыбүбү балалайка чертип, волейбол, баскетболду мыкты ойночу
Айыл чарба, тамак-аш өнөр жайы жана мелиорация министрлигинин алдындагы айдоо жерлерин өнүктүрүү, үрөн өстүрүү жана органикалык айыл чарба өндүрүш бөлүмүнүн жетекчиси Жигитали Жумалиев. Архив

Жумалиев: быйыл 680 миң тонна буудай алууну божомолдоп жатабыз

34
(жаңыланган 15:17 04.07.2020)
Айыл чарба, тамак-аш өнөр жайы жана мелиорация министрлигинин алдындагы айдоо жерлерин өнүктүрүү, үрөн өстүрүү жана органикалык айыл чарба өндүрүш бөлүмүнүн жетекчиси Жигитали Жумалиев республикада оруп-жыюу иштери башталгандыгын билдирди.
Жумалиев: быйыл 680 миң тонна буудай алууну божомолдоп жатабыз

Өлкөнүн айрым аймактарында оруп-жыюу иштери жүргүзүлүүдө. Пандемияга байланыштуу азык-түлүк коопсуздугун камсыздоо максатында быйыл дан эгиндери 20 миң гектарга көп эгилди. Натыйжада 680 миң тонна буудай алууну божомолдоп жатабыз. Бул тууралуу Жигитали Жумалиев Sputnik Кыргызстан радиосуна маек куруп жатып маалымдады.

Анын айтымында, талаа жумуштарын ийгиликтүү өткөрүүгө мамлекеттик колдоо көрсөтүү боюнча өкмөттүн буйругу чыккан.

"Кылкандуу дан эгиндерди оруп-жыюу иштери Баткендин Кадамжай районунда 11-июнда башталган. Андан кийин Ош, Жалал-Абад, Чүй облустарында жүргүзүлө баштады. Өкмөттүн буйругун аткаруу максатында облустук, райондук штабдар иш алып барууда. Анын алкагында айыл чарба өсүмдүктөрүнүн түшүмүн жыйноонун графиги иштелип чыкты. Анда кайсы райондо дан эгиндери бышып кала турганына ылайыкталып, комбайндардын маршруттук схемасы бекитилген. Эң негизги максат техникаларды өз учурунда оңдоп-түзөөдөн өткөрүү боюнча тийиштүү иштер жасалууда. Ошондой эле дан эгиндери быша элек аймактардан комбайндар, оруп-жыюу иштери жүрүп жаткан жерлерге тартылууда. Быйыл буудайдын түшүмдүүлүгү гектарынан 30-34 центнерден болуп жатат. Бул былтыркыга салыштырмалуу 1,5 центнерге көп дегенди билдирет. Ош, Жалал-Абад, Баткен облустарында комбайн акысына дыйкандар 3000 сомдон жогору төлөшүүдө. Ал эми Чүй облусунда бул көрсөткүч 1,5-2 миң сомдун айланасында болуп жатат. Мындан тышкары, пандемияга байланыштуу өлкөнү азык-түлүк коопсуздугун камсыздоо максатында быйыл дан эгиндери 20 миң гектарга көп эгилди. Алсак, буудай сегиз миң гектарга көбүрөөк себилген. Быйыл 680 миң тонна буудай алууну божомолдоп жатабыз", — деди Жумалиев.

Ошондой эле оруп-жыюу иштерин өз учурунда бүтүрүү аракети менен бирге эгин талааларында өрт чыгуу коркунучунун алдын алуу иштери жүргүзүлүп жатканын кошумчалады.

34
Белгилер:
түшүм, Кыргызстан, эгин, дан
Тема боюнча
Жекшенкулов: Россияда Кыргызстандан келген мөмө-жемишке талап күч
Медицина илимдеринин доктору, профессор Талант Батыралиев. Архив

Батыралиев: учурда элди пандемияга каршы мобилизациялоо зарыл

61
(жаңыланган 13:34 04.07.2020)
Медицина илимдеринин доктору, профессор Талант Батыралиев адамдар коронавирустун өзүнөн эмес, өнөкөт ооруларынын өтүшүп кеткенинен каза болуп жатканын айтты.
Батыралиев: учурда элди пандемияга каршы мобилизациялоо зарыл

Бүгүнкү күндө эл социалдык тармактарды көп колдонгондуктан маалыматты ошол жактан алып жатат. Республикалык штабдын, Саламаттыкты сактоо министрлигинин пресс-кызматы бул тармакты жетиштүү деңгээлде колдоно албай жаткандай. Мындай пикирин Талант Батыралиев Sputnik Кыргызстан радиосунун эфиринде маек куруп жатып билдирди.

Анын айтымында, азыр жетишсиздик тууралуу сөз болсо эле эл дүрбөлөңгө түшүп, дароо ошол нерсени сатып ала баштаган абалда калды.

"Канадалык окумуштуулардын расмий түрдө тараткан маалыматын карасак, пандемия учурунда 20-25 пайыз өнөкөт илдет менен жабыркагандар ооруканага коронавирус жугуп калат деп коркуп барган эмес экен. Ал эми 20 пайызга жакынына дарыгерлери бейтапканадан вирус жуктуруп алуу коркунучу бар экенин айтып, барбай турууну сунуштаган. Ошентип жалпы 40 пайызга жакын өнөкөт оорусу барлар өз убагында ооруканага кайрылбагандыктан, дарты оорлошуп кеткен. Мындай көрүнүш бизде деле болуп жатат деп ойлойм. Азыр вирус жуктуруп алгандардын саны күн сайын өсүүдө. Күндө чет мамлекеттен жердештерибиз келип жатат. Андыктан эң негизгиси элди пандемияга каршы мобилизациялоо маселеси турат. Себеби вирустун өзүнөн адам өлбөйт. Адам өнөкөт ооруларынын өтүшүп кеткенинен каза болууда. Эгер коронавирустун белгилерин байкаса, ар бир адам үй-бүлөсүн, жакындарын коргош үчүн дароо, өзүн изоляцияга алышы абдан маанилүү. Бул иштер калктын калың катмарына майдаланып, түшүндүрүлүшү керек", — деди Батыралиев.

Профессор коронавирустан коргонуу жоопкерчилиги мамлекеттик же аймактык эмес, үй-бүлөлүк деңгээлде сакталышы зарылдыгын кошумчалады.

61
Белгилер:
коронавирус, оору, илдет, Талант Батыралиев
Тема боюнча
Батыралиев: жүрөк ооруларынан жылына 18 миң киши көз жумат
Үйлөнүү-үлпөтү. Архив

Ош: кыз узатуу тою өткөн ресторан жабылып, 13 миң сом айып салынды

0
(жаңыланган 19:47 04.07.2020)
Кыргызстанда учурда бир нече аймактарда, анын ичинен Ош облусунда да тойканалардын иштешине тыюу салынган. Ага коронавирустун жайылып кетиши себеп болууда.

БИШКЕК, 4-июл. — Sputnik. Бүгүн Ош облусунун Кара-Суу районундагы "Баястан" ресторанында кыз узатуу тою болуп, ээсине 13 миң сом айып салынды деп билдирди Ош облусунун ИИБинин маалымат катчысы Жеңиш Аширбаев.

Эске салсак, учурдагы коронавирус пандемиясынан улам тойканалардын иштешине да тыюу салынган.

"Ресторанда өткөрүлүп жаткан кыз узатуу аземинде 60 адам бар экени аныкталган. Кара-Суу райондук ички иштер бөлүмүнүн жана райондук санэпидемстанциянын өкүлү тарабынан "Баястан" ресторанынын администрациясына 13 000 сом айып пул салынып, ресторандын иши 15 күнгө карантинге жабылды", — деп билдирди Аширбаев.

Жээнбеков: бул кыянатчылык, тойлорго расмий тыюу салууга убакыт келди

Өлкө боюнча COVID илештирип алгандардын жалпы саны 7094. Анын 2714ү айыгып, тилекке каршы, 78 киши көз жумду.

Коронавирустун кесепетинен келип чыккан пневмония оорусуна март айынан бери 3009 адам чалдыкты. Бүгүнкү күндө анын 736сы айыгып чыкты. Ал эми 496 адамдын абалы оор, 153 бейтап жандандыруу бөлүмүндө жатат.

Өлкө аймагындагы соңку кабарлар менен биздин Telegram-каналдан таанышып туруңуз.

0
Белгилер:
милиция, пандемия, айып пул, той, Кара-Суу району, Ош облусу
Тема:
Коронавируска байланыштуу Кыргызстандагы кырдаал
Тема боюнча
Батыралиев: учурда элди пандемияга каршы мобилизациялоо зарыл