Радиостудия Sputnik Кыргызстан в Бишкеке - Sputnik Кыргызстан
Радио

Джээналиев: ЖРТнын талонун туура таштоону үйрөтөбүз

© Sputnik / Табылды Кадырбеков"Илек-Илек жаштары" коомдук бирикмесинин жетекчиси Элдияр Джээналиев
Илек-Илек жаштары коомдук бирикмесинин жетекчиси Элдияр Джээналиев - Sputnik Кыргызстан
Жазылуу
"Илек-Илек жаштары" коомдук бирикмесинин жетекчиси Элдияр Джээналиев абитуренттердин айрымдары маалыматтын аздыгынан улам кесипти туура эмес тандап аларын айтты.
Джээналиев: ЖРТнын талонун туура таштоону үйрөтөбүз

"Илек-Илек жаштары" коомдук бирикмеси КРдин Билим берүү жана илим министрлигинин колдоосу менен абитуриенттер үчүн "Багыт" долбоорунун алкагында "Кош кел, абитуриент-2019" иш-чарасын өткөрөт. Бул тууралуу Элдияр Джээналиев Sputnik Кыргызстан радиосунун таңкы эфиринде маек куруп жатып билдирди.

Анын айтымында, иш-чарада Бишкек шаарындагы алдыңкы университеттер жана колледждер тууралуу маалымат берилип, кесип тандоо жана ЖРТнын талонун туура таштоо боюнча тренинг өткөрүлөт.

"Аталган долбоор февраль айында Баткен жергесинде башталган. Ошол кезден бери WhatsApp аркылуу тайпа түзүп, ал жерден окуу жайлар, чет жерден билим алуу сыяктуу маалыматтарды окуучулар менен бөлүшүп келдик. Эми Бишкекте 29-июнда Ишенаалы Арабаев атындагы Кыргыз мамлекеттик университетинде "Кош кел, абитуриент - 2019" иш-чарасын өткөргөнгө даярданып жатабыз. Максаты — абитуриенттерге жогорку окуу жайды туура тандоо үчүн аларга университеттер тууралуу маалымат берип, багыттоо, кесип тандоодо адашпоого үндөө, келечекте мыкты адис болуп, өз жеринин өнүгүүсүнө салым кошуусуна себепчи болуу жана ЖРТнын талонун туура таштай билүүгө чакыруу", — деди Джээналиев.

Ал, мындан сырткары, 5-6-июлда ЖОЖдордун жарманкеси жана кесип ээлери менен TED форматында тренинг өтөрүн кошумчалады.

Жаңылыктар түрмөгү
0