Ишеналы Арабаев атындагы Кыргыз мамлекеттик университетинин ректору Төлөбек Абдрахманов. Архив

Абдрахманов: бүтүрүүчүлөрүбүздүн 70-75 пайызы өз кесиби менен иштейт

49
Ишеналы Арабаев атындагы Кыргыз мамлекеттик университетинин ректору Төлөбек Абдрахманов аталган окуу жай ШКУга мүчө өлкөлөрдөгү университеттер менен педагогика багыты боюнча тыгыз кызматташып келерин айтты.
Абдрахманов: бүтүрүүчүлөрүбүздүн 70-75 пайызы өз кесиби менен иштейт

Ишеналы Арабаев атындагы Кыргыз мамлекеттик университетинин студенттери Кореянын окуу жайларынан билим алып, эки дипломдун ээси болгонго мүмкүнчүлүгү бар. Бул тууралуу Төлөбек Абдрахманов Sputnik Кыргызстан радиосунун таңкы эфиринде маек куруп жатып билдирди.

Анын айтымында, бюджеттик орунга жыл сайын жумуш берүүчүлөрдөн буйрутма келип, анын негизинде студенттер кабыл алынат.

"Биздин университетте бюджеттик негизде окуусун аяктаган бүтүрүүчүлөрүбүз 100 пайыз жумуш менен камсыз болсо, контракттык негизде бүткөндөрдүн 70-75 пайызы өз кесиби менен иштеп кете алат. Алардын кайсы жакта иштеп жатканын, ал-абалын дайыма сурап, колубуздан келген жардамды берип турабыз. Андан сырткары, биздин окуу жайдын 37 чет элдик ЖОЖ менен келишими бар. Бирок алардын ичинен 6-7 университет менен тыгыз иштешебиз. Учурда ШКУга мүчө мамлекеттердин педагогика багыты боюнча бир топ окуу жайлары менен кызматташып келебиз. Атайын долбоорлордун негизинде студенттерибиз Кореядан билим алмашуу программалары аркылуу окуп келип, эки дипломдун ээси болгонго шарт түзүлгөн. Акыркы жылдары Казакстандын окуу жайлары менен мамилебиз жогорку деңгээлге чыкты. Студенттерибиздин көбү ал жакка барып, билимин тереңдетип жатат. Андан башка дагы бир топ долбоорлор боюнча иштеп жатабыз", — деди Абдрахманов.

Ошондой эле ректор 2019-2020-окуу жылында аталган университетке жалпы 400гө жакын бюджеттик орун берилерин кошумчалады.

49
Белгилер:
жумуш, бюджет, студент
Тема боюнча
Бообекова: кесип тандоодо абитуриент өзүнүн жөндөмүн эске алышы керек
Консенсус долбоорунун программалык офицери Айзат Русланова

Русланова: чек арага жакын жашаган жаштарды чатакта тил табышууга үйрөтөбүз

66
(жаңыланган 18:27 25.09.2020)
"Консенсус" долбоорунун программалык офицери Айзат Русланова 26-сентябрдан 25-октябрга чейин Кыргызстандын чек ара аймактарында жашаган жаштарга сынчыл ой жүгүртүү жана натыйжалуу сүйлөшүү көндүмдөрү үйрөтүлөрүн айтты.
Русланова: чек арага жакын жашаган жаштарды чатакта тил табышууга үйрөтөбүз

Долбоор Ош, Жалал-Абад жана Баткен облустарындагы чек арага жакын тогуз айыл аймактардагы жаштарды камтыйт. Анда жөн гана күнүмдүк жашоодо калк арасындагы кездешчү жер, суу талашып же тил табыша албай жаралган чатактарды чечүү каралган. Бул тууралуу Айзат Русланова Sputnik Кыргызстан радиосунун эфиринде маек куруп жатып билдирди.

Анын айтымында, окутуу долбооруна 14 жаштан 21 жашка чейинки 54 адам катышат. Программа келечекте аларга чыр-чатактуу кырдаалды жөнгө салууга, тынчтык, пайдалуу жана мыйзамдуу ыкмалар менен чатакты чечүүгө жардам берет.

Башкыртстан чек арада калган кыргыз мигранттарына кантип жардам берүүдө. Репортаж

"Консенсус" долбоору эки этапта өтөт. Биринчиси, көнүгүүлөргө басым жасоо менен машыгуу, экинчиси, ойдон чыгарылган жасалма чатакты чечүү боюнча кейс-турнир өткөрүлөт. Окутуу Zооm платформасынын жардамы менен өтөт. Вебинарлардын натыйжалуу өтүшү үчүн катышуучулар үч топко бөлүнөт. Ар бир топтун өзүнүн жалпы сүйлөшүү чаты болот. Ал жерден онлайн-сабактарга жана окуу материалдарына шилтемелерди алып турушат, ошондой эле суроолорду берип, даярдалган мисалдарды талкуулашат. Биздин вебинарларда кыскача көнүгүүлөр камтылып, алар билимди бекемдеп, жөндөмдү жакшыртат. Долбоор 26-сентябрдан 25-октябрга чейин өтүп, программа боюнча ар күнү эки жарым сааттан окуу жүрөт. Ал эми кейс турнирде 18 команда ар түрдүү ролдорду аткарып, сүйлөшүүлөр аркылуу ар кандай чыр-чатактарды оң чечүү жагын издешет. Мында башкы максат жеңишке жетүү эмес, эң оптималдуу чечимди табуу. Ар бир раундда командаларга ар кандай ойдон чыгарылган окуялар берилет. Катышуучуларга бардык тараптын кызыкчылыктарына туура келген чечим чыгарып, бир консенсуска жетүү тапшырмасы коюлат.  consensus.ideaca.today сайтында атайын бардык адамдар көрө алган турнирдик блок түзүлөт", – деди Русланова.

Ал командалардын оюндарына эксперттик калыстар тобу баа берерин кошумчалады.

66
Белгилер:
чек арачы, долбоорлор, тренинг
Тема боюнча
Көптү үйрөндүк. Онлайн окууну кызыктуу жумушка айлантып алган мугалимдер
Саясат таануучу Шерадил Бактыгулов. Архив

Бактыгулов: ЕАЭБ, Кытай соода алакасы Кыргызстанга 3 млрд. сом пайда берет

38
Саясат таануучу Шерадил Бактыгулов Экинчи дүйнөлүк согуштан кийин эл аралык Бреттон-вудс системасы, финансылык институттар түзүлүп, алар долларга байланып калганын айтты.
Бактыгулов: ЕАЭБ, Кытай соода алакасы Кыргызстанга 3 млрд. сом пайда берет

ЕАЭБ менен Кытайдын ортосундагы соода-алака улуттук валюта аркылуу жүргүзүлсө, Кыргызстан 3 миллиард сом үнөмдөп калат. Натыйжада бул товарлардын наркы арзан болушуна мүмкүндүк түзмөк. Мындай пикирин Шерадил Бактыгулов Sputnik Кыргызстан радиосуна маек берип жатып билдирди.

Анын айтымында, соода байланыштарын улуттук валютада жүргүзүү үчүн алтындын баасын ченем катары колдонууга болот.

Карабаева: ЕАЭБде доллардан арылуу маселеси бир нече жолу талкууланган

"ЕАЭБ менен Кытайдын ортосундагы соода байланыштарын улуттук валюта менен жүргүзүүдө эл аралык финансылык система кандай иштей турганын кароо зарыл. Бреттон-вудс системасы түзүлгөндө долларга байланып калган. Ошондон тарта көптөгөн өлкөлөр соода жүргүзүүдө аталган валютаны колдонууда. Кыргызстан эгемендүүлүккө жетип, сомду кабыл алганда дагы долларга байлашкан. Соода байланыштарынын баары аталган акча бирдиги менен жүргүзүлгөндүктөн, ишкерлерибиз кайсы валютада соода кылса да сомду долларга алмаштырып, аны кайра керектүү валютага өткөрүүгө туура келүүдө. Мисалы, кыргыз-кытай соода айлантуусу 3 миллиард доллар. Анан алмаштыруудан ар бир доллардан элүү тыйын, бир сом үнөмдөлсө, 3 миллиард сом өзүбүздө калмак. Бул Кыргызстан үчүн чоң эле каражат. Ал мамлекетте калса товарлардын наркы да арзандамак", — деди Бактыгулов.

Серепчи Бреттон-вудс системасын көзөмөл кылган өлкөлөр Кытайдын өз алдынча валюталык саясатына каршы болуп жатышканын кошумчалады.

Бреттон-Вудс системасы — акча мамилелерин жана соода эсептерин уюштуруунун эл аралык системасы. Ал 1944-жылдын 1-июлунан 22-июлуна чейин өткөн Бреттон-Вудс конференциясынын жыйынтыгы менен түзүлгөн. Аталган система "алтын стандартына" негизделген каржы системасын алмаштырган.

Шерадил Бактыгулов ЕАЭБ валюта ишкер

38
Тема боюнча
ЕАЭБ менен Кытай: кызматташуунун бир нече тармагы талкууланды
ӨКМ кызматкери. Архивдик сүрөт

Оту асманга атылып. Бишкектин 5-кичи районундагы өрттүн видеосу

0
(жаңыланган 13:38 26.09.2020)
Аянты 40 чарчы метр темир павильон күйгөн. Адамдын ден соолугуна, өмүрүнө коркунуч жаралбаганын айтышты.

БИШКЕК, 26-сен. — Sputnik. Бишкек шаарынын Октябрь районундагы 5-кичи районда павильондон өрт чыкты. Окуянын жеринен тартылган видеосун "Короче" Telegram каналы жарыялады.

Өзгөчө кырдаалдар министрлигинен билдиришкендей, кечээ, 25-сентябрда, өрт чыккандыгы боюнча кабар түшүп, аны өчүрүүгө саат 21:22де Октябрь райондук №5 ӨКМден бир бөлүм тартылган.

Жабыла чуркап сууруп чыгышты. Өрттөнгөн унаадагы кишилерди куткарган видео

Такталган маалыматка ылайык, 5-кичи райондогу №82 көп кабаттуу үйдүн жанында аянты 40 чарчы метр, учурда иштетилбей турган темир павильон күйгөн.

Өрттүн адамдын ден соолугуна, өмүрүнө кесепети тийген эмес.

0
Белгилер:
Бишкек, ӨКМ, кырсык, өрт
Тема боюнча
Жабыла чуркап сууруп чыгышты. Өрттөнгөн унаадагы кишилерди куткарган видео
Оштогу жол кырсыгында өрт чыгып, беш киши жабыркады. Сүрөттөр