Дастанчы коомдук фондунун төрагасы Өмүрзак Кайыпов

Кайыпов: дастанчылык өнөргө кызыккан жаштар арбын

43
(жаңыланган 14:37 01.07.2019)
"Дастанчы" коомдук фондунун төрагасы Өмүрзак Кайыпов дастанчылык өнөрдү өнүктүрүү үчүн министрлик тарабынан колдоо керектигин айтты.
Кайыпов: дастанчылык өнөргө кызыккан жаштар арбын

Бүгүнкү күндө дастанчылыкка кызыккан жаштар абдан көп, бирок бул өнөр алгылыктуу колго алынбай келет. Мындай пикирин Өмүрзак Кайыпов Sputnik Кыргызстан радиосунун таңкы эфиринде маек куруп жатып билдирди.

Анын айтымында, дастанчылык, манасчылык жана акындык кыргыз элинин арабага чегилген үч аттай өнөрү.

"Азыр дастанчылык өнөргө кызыккан жаштардын саны арбын. Бирок бул өнөр алгылыктуу колго алынбай келет. Дастанчылыкты өнүктүрүү үчүн министрлик, же болбосо эл ичинен чыккан меценаттар тарабынан колдоо көрсөтүлүшү керек. Алсак "Айтыш" коомдук фондун Садык Шер-Нияз өз көзөмөлүнө алып, өнүктүрүүгө жардамын берип, канчалаган каражатын жумшаганын билебиз. Ошондуктан азыр аталган фонд кадимкидей өнүгүү жолуна түшүп, эгер айтыш өтсө залга эл батпай калып жатат. Дастанчылыкка да ушундай көңүл бурулса, атайын иш-чаралар уюштурулганда орундуктарга эл батпай калат деген изги ойдобуз", — деди Кайыпов.

Ал ошондой эле 27-28-июнь күндөрү дастанчылык өнөрү боюнча Бишкек шаарында конкурс өтүп, мыктылар аныкталганын кошумчалады.

43
Белгилер:
конкурс, өнөр, дастанчы, Өмүрзак Кайыпов
Тема боюнча
Алышбаева: Бишкекте ири фестиваль башталды
Консенсус долбоорунун программалык офицери Айзат Русланова

Русланова: чек арага жакын жашаган жаштарды чатакта тил табышууга үйрөтөбүз

67
(жаңыланган 18:27 25.09.2020)
"Консенсус" долбоорунун программалык офицери Айзат Русланова 26-сентябрдан 25-октябрга чейин Кыргызстандын чек ара аймактарында жашаган жаштарга сынчыл ой жүгүртүү жана натыйжалуу сүйлөшүү көндүмдөрү үйрөтүлөрүн айтты.
Русланова: чек арага жакын жашаган жаштарды чатакта тил табышууга үйрөтөбүз

Долбоор Ош, Жалал-Абад жана Баткен облустарындагы чек арага жакын тогуз айыл аймактардагы жаштарды камтыйт. Анда жөн гана күнүмдүк жашоодо калк арасындагы кездешчү жер, суу талашып же тил табыша албай жаралган чатактарды чечүү каралган. Бул тууралуу Айзат Русланова Sputnik Кыргызстан радиосунун эфиринде маек куруп жатып билдирди.

Анын айтымында, окутуу долбооруна 14 жаштан 21 жашка чейинки 54 адам катышат. Программа келечекте аларга чыр-чатактуу кырдаалды жөнгө салууга, тынчтык, пайдалуу жана мыйзамдуу ыкмалар менен чатакты чечүүгө жардам берет.

Башкыртстан чек арада калган кыргыз мигранттарына кантип жардам берүүдө. Репортаж

"Консенсус" долбоору эки этапта өтөт. Биринчиси, көнүгүүлөргө басым жасоо менен машыгуу, экинчиси, ойдон чыгарылган жасалма чатакты чечүү боюнча кейс-турнир өткөрүлөт. Окутуу Zооm платформасынын жардамы менен өтөт. Вебинарлардын натыйжалуу өтүшү үчүн катышуучулар үч топко бөлүнөт. Ар бир топтун өзүнүн жалпы сүйлөшүү чаты болот. Ал жерден онлайн-сабактарга жана окуу материалдарына шилтемелерди алып турушат, ошондой эле суроолорду берип, даярдалган мисалдарды талкуулашат. Биздин вебинарларда кыскача көнүгүүлөр камтылып, алар билимди бекемдеп, жөндөмдү жакшыртат. Долбоор 26-сентябрдан 25-октябрга чейин өтүп, программа боюнча ар күнү эки жарым сааттан окуу жүрөт. Ал эми кейс турнирде 18 команда ар түрдүү ролдорду аткарып, сүйлөшүүлөр аркылуу ар кандай чыр-чатактарды оң чечүү жагын издешет. Мында башкы максат жеңишке жетүү эмес, эң оптималдуу чечимди табуу. Ар бир раундда командаларга ар кандай ойдон чыгарылган окуялар берилет. Катышуучуларга бардык тараптын кызыкчылыктарына туура келген чечим чыгарып, бир консенсуска жетүү тапшырмасы коюлат.  consensus.ideaca.today сайтында атайын бардык адамдар көрө алган турнирдик блок түзүлөт", – деди Русланова.

Ал командалардын оюндарына эксперттик калыстар тобу баа берерин кошумчалады.

67
Белгилер:
чек арачы, долбоорлор, тренинг
Тема боюнча
Көптү үйрөндүк. Онлайн окууну кызыктуу жумушка айлантып алган мугалимдер
Саясат таануучу Шерадил Бактыгулов. Архив

Бактыгулов: ЕАЭБ, Кытай соода алакасы Кыргызстанга 3 млрд. сом пайда берет

38
Саясат таануучу Шерадил Бактыгулов Экинчи дүйнөлүк согуштан кийин эл аралык Бреттон-вудс системасы, финансылык институттар түзүлүп, алар долларга байланып калганын айтты.
Бактыгулов: ЕАЭБ, Кытай соода алакасы Кыргызстанга 3 млрд. сом пайда берет

ЕАЭБ менен Кытайдын ортосундагы соода-алака улуттук валюта аркылуу жүргүзүлсө, Кыргызстан 3 миллиард сом үнөмдөп калат. Натыйжада бул товарлардын наркы арзан болушуна мүмкүндүк түзмөк. Мындай пикирин Шерадил Бактыгулов Sputnik Кыргызстан радиосуна маек берип жатып билдирди.

Анын айтымында, соода байланыштарын улуттук валютада жүргүзүү үчүн алтындын баасын ченем катары колдонууга болот.

Карабаева: ЕАЭБде доллардан арылуу маселеси бир нече жолу талкууланган

"ЕАЭБ менен Кытайдын ортосундагы соода байланыштарын улуттук валюта менен жүргүзүүдө эл аралык финансылык система кандай иштей турганын кароо зарыл. Бреттон-вудс системасы түзүлгөндө долларга байланып калган. Ошондон тарта көптөгөн өлкөлөр соода жүргүзүүдө аталган валютаны колдонууда. Кыргызстан эгемендүүлүккө жетип, сомду кабыл алганда дагы долларга байлашкан. Соода байланыштарынын баары аталган акча бирдиги менен жүргүзүлгөндүктөн, ишкерлерибиз кайсы валютада соода кылса да сомду долларга алмаштырып, аны кайра керектүү валютага өткөрүүгө туура келүүдө. Мисалы, кыргыз-кытай соода айлантуусу 3 миллиард доллар. Анан алмаштыруудан ар бир доллардан элүү тыйын, бир сом үнөмдөлсө, 3 миллиард сом өзүбүздө калмак. Бул Кыргызстан үчүн чоң эле каражат. Ал мамлекетте калса товарлардын наркы да арзандамак", — деди Бактыгулов.

Серепчи Бреттон-вудс системасын көзөмөл кылган өлкөлөр Кытайдын өз алдынча валюталык саясатына каршы болуп жатышканын кошумчалады.

Бреттон-Вудс системасы — акча мамилелерин жана соода эсептерин уюштуруунун эл аралык системасы. Ал 1944-жылдын 1-июлунан 22-июлуна чейин өткөн Бреттон-Вудс конференциясынын жыйынтыгы менен түзүлгөн. Аталган система "алтын стандартына" негизделген каржы системасын алмаштырган.

Шерадил Бактыгулов ЕАЭБ валюта ишкер

38
Тема боюнча
ЕАЭБ менен Кытай: кызматташуунун бир нече тармагы талкууланды
Чек арадагы посттогу кызматкер. Архивдик сүрөт

Өлкөгө сырттан киргендер кайрадан текшерилет, анализ тапшырат. Жаңы алгоритм

0
(жаңыланган 14:50 26.09.2020)
Кыргызстанда да коронавирус жуктургандардын саны акыркы күндөрү арбып бара жатат. Бүгүн, 26-сентябрда COVID 158 кишиден табылды.

БИШКЕК, 26-сен. — Sputnik. Чек арадан учак же транспорт менен өтүү үчүн иштелип чыккан алгоритмдин негизинде эл аралык жана ички авиакаттамдардын жүргүнчүлөрү учуу алдындагы процедуралардын бардык этаптарында бет кап тагынып, аралыкты сактоого тийиш.

Өкмөттүн маалымат кызматы Республикалык ыкчам штабдын жыйынында бул тууралуу кеп болгондугун айтты. Атайын алгоритмдин негизинде КРге кирип келе жатканда жүргүнчүлөрдүн дене табы өлчөнөт жана анкета толтурулат.

"Кыргызстандын мамлекеттик чек арасынан өтүү боюнча иштелип чыккан алгоритмдин аэропорт аркылуу учак менен келгендерге тийиштүү бөлүмү 10 күндөн кийин, ал эми чек арадан автотранспорт менен өткөндөр үчүн 2020-жылдын 26-сентябрынан, бүгүнтөн тарта күчүнө кирет", - деп билдиришкен Республикалык штабдан.

Сырттан кирип келе жаткандарда симптомдору болсо обсервацияга алынары айтылган.

"Чет өлкөлөрдөн автотранспорт менен келген Кыргызстандын жарандарында эгер алдын ала алынган полимердик чынжырлуу реакция (ПЧР)-тесттин жыйынтыгы жок болсо, экспресс-тест/ПЧР-анализ алынат. Клиникалык белгилери чыкпаса жүргүнчүлөр андан ары маршрут боюнча жүрө алышат. Оорунун симптомдору бар жарандар обсервацияга алынат. Анализдин жыйынтыгы чыкканча обсервацияда болот. Ал эми клиникалык белгилери жок жарандар 14 күн обочолонуу режимин сакташы зарыл", - деп айтылат таратылган маалыматта.

Чет өлкөлөрдүн жарандары 72 саат ичинде чыккан ПЧР-анализдин жыйынтыгы менен гана Кыргызстандын аймагына кирүүсүнө уруксат берилери кабарланды.

COVID жуктургандар көбөйө баштагандыктан Боронов шашылыш жыйын өткөрдү

Биринчи вице-премьер-министр Алмазбек Баатырбеков бекитилген алгоритмди так аткаруу боюнча тармактык мамлекеттик органдарга тийиштүү тапшырмаларды берген.

Саламаттык сактоо министрлигине бекитилген алгоритмди тиешелүү министрликтерге тааныштыруу менен иш алып барууга тапшырмалар берилген.

0
Белгилер:
бет кап, аэропорт, учак, алгоритм, чек ара, сактануу, коронавирус, Кыргызстан
Тема:
Коронавируска байланыштуу Кыргызстандагы кырдаал
Тема боюнча
Эми кыргызстандыктар Казакстанга учак менен гана бара алышат
Бишкек мэриясы: эки гипермаркет шаардыктардын жашоосуна коркунуч жаратууда