Айыл чарба жана мелиорация министрлигинин суу ресурстары инновациялык технологияларды өнүктүрүү бөлүмүнүн башчысы Аскарбек Сагынбаев

Сагынбаев: тамчылатып сугаруунун үч пайдасы бар

140
(жаңыланган 12:56 03.07.2019)
Айыл чарба жана мелиорация министрлигинин суу ресурстары инновациялык технологияларды өнүктүрүү бөлүмүнүн башчысы Аскарбек Сагынбаев тамчылатып сугаруунун негизги үч пайдасын айтып берди.
Сагынбаев: тамчылатып сугаруунун үч пайдасы бар

Тамчылатып сугаруу биринчи кезекте түшүмдүүлүктү жогорулатат. Бул тууралуу Аскарбек Сагынбаев Sputnik Кыргызстан радиосунун эфиринде маек куруп жатып билдирди.

Анын айтымында, тамчылатып сугаруу аркылуу берилген дарылардын 90 пайызы өсүмдүктүн тамырына жетет.

"Тамчылатып сугаруу системасы өлкөгө 2014-жылы келди. Ошондон баштап тездик менен жайылууда. Анткени аталган система дыйкандар үчүн үч негизги пайданы алып келери белгилүү болду. Биринчиден, суу үнөмдөлөт, экинчиден, түшүмдүүлүк жогорулайт, үчүнчүдөн, жер кыртышын эрозия сыяктуу түрдүү ооруларга кабылуудан сактайт. Өзгөчө суу жетпеген кайрак жерлерге, кумдуу топурактарга дыйканчылык кылууда чоң жемишин берет. Агызып сугарууда берилген азот же башка дары-дармектин 50 пайызы гана жетсе, тамчылатып сугаруу аркылуу өсүмдүк дээрлик 89 пайызын кабыл алат", — деди Сагынбаев.

Ал ошондой эле аталган министрлик тамчылатып сугаруу системасы боюнча дыйкандарга кеңеш берип, окутуу иштерин жүргүзүп келерин кошумчалады.

140
Белгилер:
түшүм, дыйкан, тамчылатып сугаруу системасы
Тема боюнча
Ибраев: жайыт маселеси мал чарбачылыгын өнүктүрүүгө бөгөт болууда
Консенсус долбоорунун программалык офицери Айзат Русланова

Русланова: чек арага жакын жашаган жаштарды чатакта тил табышууга үйрөтөбүз

65
(жаңыланган 18:27 25.09.2020)
"Консенсус" долбоорунун программалык офицери Айзат Русланова 26-сентябрдан 25-октябрга чейин Кыргызстандын чек ара аймактарында жашаган жаштарга сынчыл ой жүгүртүү жана натыйжалуу сүйлөшүү көндүмдөрү үйрөтүлөрүн айтты.
Русланова: чек арага жакын жашаган жаштарды чатакта тил табышууга үйрөтөбүз

Долбоор Ош, Жалал-Абад жана Баткен облустарындагы чек арага жакын тогуз айыл аймактардагы жаштарды камтыйт. Анда жөн гана күнүмдүк жашоодо калк арасындагы кездешчү жер, суу талашып же тил табыша албай жаралган чатактарды чечүү каралган. Бул тууралуу Айзат Русланова Sputnik Кыргызстан радиосунун эфиринде маек куруп жатып билдирди.

Анын айтымында, окутуу долбооруна 14 жаштан 21 жашка чейинки 54 адам катышат. Программа келечекте аларга чыр-чатактуу кырдаалды жөнгө салууга, тынчтык, пайдалуу жана мыйзамдуу ыкмалар менен чатакты чечүүгө жардам берет.

Башкыртстан чек арада калган кыргыз мигранттарына кантип жардам берүүдө. Репортаж

"Консенсус" долбоору эки этапта өтөт. Биринчиси, көнүгүүлөргө басым жасоо менен машыгуу, экинчиси, ойдон чыгарылган жасалма чатакты чечүү боюнча кейс-турнир өткөрүлөт. Окутуу Zооm платформасынын жардамы менен өтөт. Вебинарлардын натыйжалуу өтүшү үчүн катышуучулар үч топко бөлүнөт. Ар бир топтун өзүнүн жалпы сүйлөшүү чаты болот. Ал жерден онлайн-сабактарга жана окуу материалдарына шилтемелерди алып турушат, ошондой эле суроолорду берип, даярдалган мисалдарды талкуулашат. Биздин вебинарларда кыскача көнүгүүлөр камтылып, алар билимди бекемдеп, жөндөмдү жакшыртат. Долбоор 26-сентябрдан 25-октябрга чейин өтүп, программа боюнча ар күнү эки жарым сааттан окуу жүрөт. Ал эми кейс турнирде 18 команда ар түрдүү ролдорду аткарып, сүйлөшүүлөр аркылуу ар кандай чыр-чатактарды оң чечүү жагын издешет. Мында башкы максат жеңишке жетүү эмес, эң оптималдуу чечимди табуу. Ар бир раундда командаларга ар кандай ойдон чыгарылган окуялар берилет. Катышуучуларга бардык тараптын кызыкчылыктарына туура келген чечим чыгарып, бир консенсуска жетүү тапшырмасы коюлат.  consensus.ideaca.today сайтында атайын бардык адамдар көрө алган турнирдик блок түзүлөт", – деди Русланова.

Ал командалардын оюндарына эксперттик калыстар тобу баа берерин кошумчалады.

65
Белгилер:
чек арачы, долбоорлор, тренинг
Тема боюнча
Көптү үйрөндүк. Онлайн окууну кызыктуу жумушка айлантып алган мугалимдер
Саясат таануучу Шерадил Бактыгулов. Архив

Бактыгулов: ЕАЭБ, Кытай соода алакасы Кыргызстанга 3 млрд. сом пайда берет

38
Саясат таануучу Шерадил Бактыгулов Экинчи дүйнөлүк согуштан кийин эл аралык Бреттон-вудс системасы, финансылык институттар түзүлүп, алар долларга байланып калганын айтты.
Бактыгулов: ЕАЭБ, Кытай соода алакасы Кыргызстанга 3 млрд. сом пайда берет

ЕАЭБ менен Кытайдын ортосундагы соода-алака улуттук валюта аркылуу жүргүзүлсө, Кыргызстан 3 миллиард сом үнөмдөп калат. Натыйжада бул товарлардын наркы арзан болушуна мүмкүндүк түзмөк. Мындай пикирин Шерадил Бактыгулов Sputnik Кыргызстан радиосуна маек берип жатып билдирди.

Анын айтымында, соода байланыштарын улуттук валютада жүргүзүү үчүн алтындын баасын ченем катары колдонууга болот.

Карабаева: ЕАЭБде доллардан арылуу маселеси бир нече жолу талкууланган

"ЕАЭБ менен Кытайдын ортосундагы соода байланыштарын улуттук валюта менен жүргүзүүдө эл аралык финансылык система кандай иштей турганын кароо зарыл. Бреттон-вудс системасы түзүлгөндө долларга байланып калган. Ошондон тарта көптөгөн өлкөлөр соода жүргүзүүдө аталган валютаны колдонууда. Кыргызстан эгемендүүлүккө жетип, сомду кабыл алганда дагы долларга байлашкан. Соода байланыштарынын баары аталган акча бирдиги менен жүргүзүлгөндүктөн, ишкерлерибиз кайсы валютада соода кылса да сомду долларга алмаштырып, аны кайра керектүү валютага өткөрүүгө туура келүүдө. Мисалы, кыргыз-кытай соода айлантуусу 3 миллиард доллар. Анан алмаштыруудан ар бир доллардан элүү тыйын, бир сом үнөмдөлсө, 3 миллиард сом өзүбүздө калмак. Бул Кыргызстан үчүн чоң эле каражат. Ал мамлекетте калса товарлардын наркы да арзандамак", — деди Бактыгулов.

Серепчи Бреттон-вудс системасын көзөмөл кылган өлкөлөр Кытайдын өз алдынча валюталык саясатына каршы болуп жатышканын кошумчалады.

Бреттон-Вудс системасы — акча мамилелерин жана соода эсептерин уюштуруунун эл аралык системасы. Ал 1944-жылдын 1-июлунан 22-июлуна чейин өткөн Бреттон-Вудс конференциясынын жыйынтыгы менен түзүлгөн. Аталган система "алтын стандартына" негизделген каржы системасын алмаштырган.

Шерадил Бактыгулов ЕАЭБ валюта ишкер

38
Тема боюнча
ЕАЭБ менен Кытай: кызматташуунун бир нече тармагы талкууланды

Өлкөдө COVID жуктургандар көбөйдү. Оорунун алдын алуу үчүн кандай чара көрүп жатасыз?

0
0