Коммерциялык банктардын биринин маалыматтык коопсуздук бөлүмүнүн жетекчиси Сейтек Курманов. Архив

Курманов: электрондук почта колдонууда үч эрежеге көңүл буруу зарыл

256
(жаңыланган 11:38 06.07.2019)
Коммерциялык банктардын биринин маалыматтык коопсуздук бөлүмүнүн жетекчиси Сейтек Курманов электрондук почта колдонууда коопсуздукту сактоо сырларын айтып берди.
Курманов: электрондук почта колдонууда үч эрежеге көңүл буруу зарыл

Электрондук почта колдонууда өтмө шифрлөө почтанын кимдир бирөө тарабынан бузулуусунан жана орто жолдо билдирүүлөрдүн кармалып калуусунан сактайт. Бул тууралуу Сейтек Курманов Sputnik Кыргызстан радиосунун эфиринде маек куруп жатып билдирди.

Анын айтымында, адам катталып жаткан почта атайын мамлекеттик мекемелер менен кызматташпаган компания болушу шарт. Болбосо атайын кызматтар почта аркылуу жиберип жаткан бардык билдирүүлөрдү ачып окууга мүмкүнчүлүк алат.

"Электрондук почта пайдаланууда кантип коопсуздукту сактасак болот деп көп кайрылышат. Алардын башкы үч эрежесине токтолоюн. Почтада өтмө шифрлөө болгону жакшы. Бул маалыматтарды үчүнчү жактардан коргойт. Ошондой эле почтаңыздын конфиденциалдуулугу почта кызматкерлеринин өзүнөн да корголууга тийиш жана ал мамлекеттик атайын кызматтарга колдонуучулардын почталарына кирүүгө уруксат бербеген компания болушу керек. Мындан сырткары, почтаңызда спамдан коргоо, кара тизмеге киргизүү, көп факторлуу аутентификация, почталык антивирус жана өзү жоюлуп калуучу билдирүүлөр кызматтары болушу керек", — деди Курманов.

Ал почта колдонуучулары жөнөкөй кибер гигиенасын сактоо менен өз электрондук куржундарынын коопсуздугун камсыздай аларын кошумчалады.

256
Белгилер:
киберкылмыштуулук, коопсуздук, почта
Тема боюнча
Курманов: Facebook тармагындагы тесттер колдонуучу тууралуу маалымат топтойт
Саламаттык сактоо министрлигинин штаттан тышкаркы башкы фармакологу Жылдыз Жумагулова

Жумагулова: онкологияга чалдыккандарга кан тапшырып жардам кылса болот

11
Саламаттык сактоо министрлигинин штаттан тышкаркы башкы фармакологу Жылдыз Жумагулова онкологиялык илдетке чалдыккандарга жылдап дарыланууга туура келерин белгиледи.

Онкологияга чалдыккандар дары-дармек, медициналык жабдуу алуу үчүн каржылык жана кан донорлорунун жардамына муктаж. Бул тууралуу Жылдыз Жумагулова Sputnik Кыргызстан радиосунда маек куруп жатып билдирди.

Жумагулова: онкологияга чалдыккандарга кан тапшырып жардам кылса болот

Анын айтымында, онкологияга чалдыккандар үчүн өкмөт тарабынан каржы бөлүнөт, бирок ал жетишсиз.

"Кыргызстандын фармацевтикалык рыногу чакан болгондуктан көп компаниялар акыркы чыккан дарыларды алып келүүгө кызыкдар эмес. Башка ооруларга салыштырмалуу онкологияга чалдыккандар жылдап дарыланат. Ошондуктан бир жылга ченеп алынган дарылар кээде жетишсиз болуп калат. Мындан тышкары, медициналык жабдууларга дагы муктаждык күч. Мына ушул көйгөйлөрдү чечүү үчүн элдин көмөгү зарыл. Мисалы, балага диагноз коюлганда ата-энеге психологиялык дагы көмөк керек. Анткени муну кабыл алуу абдан оор болот. Ошондой эле тромбоциттик масса менен камсыздоонун наркы дагы жогору. Анткени ал он чакты донордун канынан даярдалат. Ошондуктан мүмкүнчүлүгү барлар онкологиялык илдетке чалдыккандарга деп кан тапшырса, бул дагы бир адамдын өмүрүн сактаганга жардам болот. Мындан тышкары, өлкөдө полиативдик көмөк дагы жөнгө салынган эмес. Аталган дартка чалдыккандар толук кандуу сакайбай калган учурлар кездешет. Онкологиялык илдетте чыдатпаган оору болот. Аны басаңдатуу үчүн наркотикалык багыттагы дарылар жазылат. Аны рецептсиз жок алуу мүмкүн эмес. Айрым медиктер муну жазып бербей койгон учурлар кездешет. Мына ушул багыттагы көмөктү дагы жолго салуу зарылдыгы бар", — деди Жумагулова.

Ошондой эле ал онкологиялык ооруга чалдыккандар табыптарга барып, дарыгерлерге кеч кайрылып калган учурлар да болуп жатканын кошумчалады.

Белгилей кетсек, Sputnik Кыргызстан радиосу онкологиялык илдетке кабылган балдарга жардам берүү максатында башталган алгачкы ири радиомарафонго катышты. Чогулган каражат долбоордун алкагында оорулууларга жана аларды дарылап жаткан дарыгерлерге жумшалат.

Подкасттын толук вариантын видеодон көрүңүз:

 

11
Тема боюнча
Арзыкулов: онкологиялык ооруга кабылган балдарга ар бир адам жардам бере алат
Республикалык СПИД борборунун дарылоо бөлүмүнүн дарыгери Эркин Тостоков

Тостоков: өлкөдө 1500-2000дей адам ВИЧ менен ооруганын билбейт

10
Республикалык СПИД борборунун дарылоо бөлүмүнүн дарыгери Эркин Тостоков Кыргызстанда бүгүнкү күндө 11 006 адам расмий түрдө ВИЧ/СПИД инфекциясы менен каттоодо турарын айтты.

Биздин эң негизги көйгөй — ВИЧ инфекциясын жуктурган жаңы учурларды аныктоо болуп эсептелет. Үстүбүздөгү жылдын ноябрь ичи калк арасында инфекцияны анонимдүү жана бекер диагностикалоону жогорулатууга багытталган ыкчам тестирлөө боюнча иш-чаралар өткөрүлдү. Ошондой эле өлкөдөгү окуу жайларда, жаштар уюмдарында, мекеме-ишканаларда жана эл көп чогулуучу коомдук жайларда ВИЧ\СПИД илдети тууралуу маалыматты жайылтуу жана түшүндүрүү иштери жүрүп, атайын семинарлар, талкуулар болду. Бул тууралуу Эркин Тостоков Sputnik Кыргызстан радиосунун эфиринде маек куруп жатып билдирди.

Тостоков: өлкөдө 1500-2000дей адам ВИЧ менен ооруганын билбейт

Анын айтымында, учурда ВИЧ илдети менен ооруган киши кайсы аймакта катталса, жашаган жерине карабастан ошол аймактын статистикасына кошулат.

"Быйыл он айдын жыйынтыгы боюнча 665 кишиден ВИЧ/СПИД аныкталды. Жалпысынан расмий түрдө Кыргызстанда 11 006 адам ВИЧ/СПИД инфекциясы менен каттоодо турат (Чүй – 2965, Бишкек – 2406, Ош облусу – 1634, Ош шаары – 1200 жана башка облустар). Анын 10395и кыргызстандыктар, ал эми калганы чет өлкөлүк жарандар. Бейтаптардын 63 пайызы эркек, ал эми 37 пайызы аял кишилер. Оорудан каза болгондордун саны 2385 кишини түзөт. ВИЧ илдетинин эң акыркы баскычы болгон СПИДге кабылгандар 1148 адамга жетти. Эл аралык, саламаттык сактоо уюмдары тарабынан жүргүзүлгөн атайын иш-чаранын жыйынтыгы боюнча Кыргызстанда болжол менен 1500-2000дей адам ВИЧ илдетин алып жүрөт жана алар ооруганын билбейт. Биздин негизги максат — ошол адамдарды таап, аныктап жана дарылоо иштерин жүргүзүү. 2000-2010-жылдары ВИЧ инъекциялык жол менен көбүрөөк тараса, азыр 80 пайыз жыныстык жол аркылуу жугуп жатат", — деди Тостоков.

Дарыгер бейтап дайыма антиретровирустук дарыларды ичип турса эле кадимкидей өмүр сүрүп, адамдарга оору жугузбай турганын, ал эми дарылар бекер берилерин эскертти.

10
Белгилер:
ВИЧ, СПИД, Кыргызстан, статистика, бейтап, Эркин Тостоков
Тема боюнча
Адис: COVID-19дун жаңы штаммы СПИД болгон адамда пайда болушу мүмкүн

БШКнын партия өкүлдөрү менен жолугушуусу. Түз эфир

0
(жаңыланган 14:11 01.12.2021)
Борбордук шайлоо комиссиясы автоматтык эсептөөчү урналардан түшкөн маалыматтын БШК сайтында туура эмес көрсөтүлүп калышы боюнча түшүндүрүү иштерин жүргүзүү максатында саясий партиялар менен жолугушуу өткөрүп жатат.

Иш-чарага "Жарандык көзөмөл" коомдук фонду менен ЖМКнын өкүлдөрү катышууда.

БШКнын имаратынын алдына парламенттик шайлоонун алдын ала жыйынтыгына макул эмес болгон партиялардын 100гө чукул тарапташы чогулду.

Эске салсак, 28-ноябрдагы парламенттик шайлоодо шайлоо тилкелери жабылгандан кийин БШКнын сайты кеминде эки жолу иштебей калган. Биринчисинде партиялардын алган добуштарын пайыздык көрсөткүч менен эсептей келгенде 100 эмес, 140 пайызга чыгып кеткен. Экинчи учурда АСУдан түшкөн добуштарды көрсөтүп жаткан сайт маалымат бербей жабылып калган. Өз кезегинде БШК төрайымы бул боюнча жооп берген.
Борбордук шайлоо комиссиясы добуштарды эсептөө маалында болгон сайттагы мүчүлүштүк боюнча такталган расмий маалымат тараткан. Анда БШКнын адиси АСУдан алган маалыматтарды жарыялоодо санды жаңылышып эки жолу көбөйтүп алган деген маалыматты айткан

Учурда БШКнын сайтында добуштарды кол менен саноонун жыйынтыктары улам чыгып жатат. Түшкөн протоколдордун 40 пайызы иштелип чыкты.

 

0
Белгилер:
БШК, сайт, саясый партия, жолугушуу
Тема боюнча
Депутаттар БШКнын мүчөлөрүн парламентке чакырып жатат
Добуштардын 40%ы саналды. Алдыда келе жаткан 7 партиянын тизмеси