Бишкек мэриясынын Жер ресурстары башкармалыгынын жетекчиси Азамат Сагындык уулу

Сагындык уулу: ижарачылар мэрияга бир миллиард сомдон ашуун акча карыз

953
(жаңыланган 15:31 08.07.2019)
Бишкек мэриясынын Жер ресурстары башкармалыгынын жетекчиси Азамат Сагындык уулу учурда борбор калаага тийиштүү жерлерди иштеткен ижарачылардан дебитордук карызды өндүрүү аракеттери жигердүү жүрүп жаткандыгын айтты.
Сагындык уулу: ижарачылар мэрияга бир миллиард сомдон ашуун акча карыз

Бишкек мэриясына ижарачылардын карызы бир миллиард сомдон ашык. Бул тууралуу Азамат Сагындык уулу Sputnik Кыргызстан радиосунун "Ачык кеп" программасына маек куруп жатып билдирди.

Анын айтымында, 2018-жылы сот ижарачылардан 115 миллион сом карызды мэриянын пайдасына чечип берген. Аталган каражаттын 34 миллион 500 миң сому шаардык казынага кайтарылып берилди жана калган бөлүгү бүгүнкү күндө сот аткаруучулар тарабынан өндүрүлүп жатат.

"Буга чейин карызы көбөйүп, төлөбөй жүргөн ижарачыларды сотко берип, анан аласабызды өндүрчүбүз. Бирок ошол кайтарылган карыздын 10 пайызы мамлекеттик алым катары сот аткаруучулардын эсебине түшчү. Маселенин мындай жол менен чечилиши мэриянын кирешесин азайтып турган. Быйыл, 2019-жылдан тарта, мамлекеттик алымдар тууралуу мыйзам жокко чыгарылды. Эми мындай өзгөрүүдөн кийин шаар бюджетинин эсебине көбүрөөк каражат түшөт деген үмүт бар. Анткени биз карыз өндүрүүнүн сотко чейинки аракеттерин колдонуп жатабыз. Азыркы тапта мэриянын жерин ижарага алып иштетип жүргөн ижарачылардын бересеси бир миллиард сомдон ашык. Аларды биз сотко жеткирбей түшүндүрүү жолу менен төлөтүүгө аракет кылуудабыз. Бул багытта алдын ала маалымдоо иштери да жигердүү аткарылып жатат. Карызы бар ижарачыларга кат жөнөтүп жана ЖМКлар аркылуу да эскертүүлөрдү берүүдөбүз. Бирок ижаранын акысын төлөөдөн баш тарткандарды айласыздан сотко берүүгө туура келет. Алардан мэриянын карызы да алынып, андан сырткары ижарага берилген жер да артка кайтарылууда ", — деди Сагындык уулу.

Ошондой эле ал быйылкы жылы сот аткаруучулар жер акысын төлөбөй жүргөн ижарачылардан жалпы аянты бир гектар 18 сотыхты түзгөн төрт жер тилкени Бишкек шаарынын мэриясына артка кайтарып бергенин кошумчалады.

953
Белгилер:
миллиард, карыз, Бишкек мэриясы, жер, ижара, Бишкек
Тема боюнча
Сагындык уулу: Бишкекте жайгашкан дагы бир базардын жери шаарга кайтарылды
Көйкашка коомдук бирикмесинин мүчөсү, манасчы Нурбек Талантбеков

Талантбеков: "Манастагы" белгисиз сөз Кытайдагы көлдүн аталышы болуп чыкты

146
(жаңыланган 15:46 09.08.2020)
Көйкашка" коомдук бирикмесинин мүчөсү, манасчы Нурбек Талантбеков Сагынбай Орозбаков, Саякбай Каралаев сыяктуу залкар манасчылар кытай тилин билбесе да айрым жагдайларды так айтканына таң каларын билдирди.
Талантбеков: "Манастагы" белгисиз сөз Кытайдагы көлдүн аталышы болуп чыкты

"Манас" эпосунан кезиктирген сөздү изилдесек, ал Кытайдагы көлдүн аталышы экен. Бул тууралуу Нурбек Талантбеков Sputnik Кыргызстан радиосунун "Көөнө сөз" рубрикасында маалымдады.

Анын айтымында, бул изилдөөлөр интернет аркылуу жүргүзүлүп, натыйжасы социалдык тармактарга жарыяланган.

Талантбеков: "Манас" эпосунда чачтарач, сулуулук салонду "сүзгөр" дейт

"Эпосто "Шыта-Кечүү, Таш-Кечүү, Алмамбет кечкен маш кечүү" деген сап бар. Мында таш кечүү дегени түшүнүктүү. Ал эми "шыта" деген эмнени түшүндүрөрү белгисиз болуп келген. Көрсө, кытайча "шы тау" деген сөз таштак көл, таштак деңиз дегенди түшүндүрөт экен. "Гугл" картадан кытайча "шы тау" деген сөздү киргизип көрүп, Тайванда жана Бээжинде ушундай аталыштагы таштактуу көлдөр бар экени аныкталган. Муну интернет аркылуу изилдеп, кийин социалдык тармактарга жарыялаганбыз. Улуу манасчылар Саякбай, Сагынбай аталар кытайчаны билбей, ал жерлерди көрбөй туруп кантип айткан таң калыштуу. Муну менен манасчылар даанышман, кыраакы, көсөм болгонун аңдай алабыз", — деди Талантбеков.

Ошондой эле ал "Манаста" окумуштуулар, филологдор тарабынан изилдене элек сөздөр абдан көп экенин кошумчалады.

146
Белгилер:
интернет, Манас, сөз, Нурбек Талантбеков
Тема боюнча
Талантбеков: "сүт мал" деген үстөккө берилген пайданы түшүндүрөт
Дарыгер-эпидемиолог Бактыгүл Ыбышева

Ыбышева: дезинфекция иштерин адамдар жок учурда жүргүзүү зарыл

13
(жаңыланган 11:59 09.08.2020)
Дарыгер-эпидемиолог Бактыгүл Ыбышева жөнөкөй жарандар хлорду колдонууда коргонуу боюнча бардык талаптарды аткаруусу зарылдыгын белгиледи.
Ыбышева: дезинфекция иштерин адамдар жок учурда жүргүзүү зарыл

Хлор — вирус, бактерияга каршы натыйжалуу каражаттардын бири. Эгер аны тийиштүү концентрацияда суу менен аралаштырса, зыяны тийбейт. Ошентсе дагы дезинфекция иштерин адамдар жок учурда жүргүзүү зарыл. Бул тууралуу Бактыгүл Ыбышева Sputnik Кыргызстан радиосуна маек куруп жатып билдирди.

Анын айтымында, вирустарды жок кылуу үчүн хлордон башка деле каражаттар бар жана аларды деле колдонууга болот.

КРде дезинфекциядан кийин пневмонияга кабылгандардын саны өстүбү? ӨКМдин жообу

"Хлор — бактерияларды, вирустарды зыянсыздандырууда эффективдүү каражаттардын бири. Ошол эле коронавируска каршы натыйжалуу зат. А бирок анын уулуулугу жогору экенин эстен чыгарбашыбыз керек. Ошондуктан хлор менен иштей турган кызматкерлерге сөзсүз түрдө коргонуучу каражаттар менен иштөө сунушталат. Ал үчүн бет каптар, кол каптар бар. Болбосо ар кандай курч түрдөгү ууланууга, аллергиялык реакцияларга, ден соолуктун, иммунитеттин начарлашына алып келиши ыктымал. А бирок дезинфекция иштерин жүргүзүүдө адистер тарабынан хлор тийиштүү концентрацияда сууга аралаштырылып, анан чачылат. Эгерде туура стандарттарга ылайыкталса, ал өзүнүн терс таасирин тийгизбейт. Ошентсе дагы залалсыздандырууну киши жок учурда жүргүзүү зарыл. Анткени адамдардын арасында өнөкөт оорусу барлар же аллергия менен жабыркагандар кездешиши мүмкүн", — деди Ыбышева.

Адис хлор пневмонияга алып келет деген пикир чындыкка дал келбей турганын кошумчалады.

13
Белгилер:
коронавирус, дезинфекция, хлор, Бактыгүл Ыбышева
Тема:
Коронавируска байланыштуу Кыргызстандагы кырдаал
Тема боюнча
Пневмониянын жайылышына дезинфекциялоо иштери себеппи? Адистердин пикири
Президент Сооронбай Жээнбеков. Архив

Кеткендерди кайра кайтаруу керек. Жээнбеков айылдарды өнүктүрүү туурасында

0
(жаңыланган 19:43 09.08.2020)
Маек учурунда Жээнбеков аймактарда көп иштеп келгенин, ал жактагы кыйынчылыктардын баарын жакшы билерин белгилеген.

БИШКЕК, 9-авг. — Sputnik. Айылдарды өнүктүрүү үчүн мамлекетте болгон каражатты ошол жактарга буруу керек. Бул тууралуу өлкө башчы Сооронбай Жээнбеков "Биринчи радиого" (КТРК) маек берип жатып билдирген.

Жээнбеков маек учурунда аймактарда көп иштеп келгенин, ал жактагы кыйынчылыктардын баарын жакшы билерин белгилеген.

"Аймактарда ыңгайлуу жашоо үчүн шарттарды жана жумуш орундарын түзүүгө жергиликтүү бийликтин каражаты да, мүмкүнчүлүгү да жок. Ошондуктан жергиликтүү тургундар өлкөнүн чоң шаарлары менен облус борборлоруна жана чет өлкөлөргө чыгып кетип жатат", — деди Жээнбеков.

Мамлекет башчы премьер-министр болуп турганда жыйырма шаардын тегерегинде өнөр жай ишканаларын куруу боюнча өкмөт программа кабыл алганын да айтып кетти.

Жээнбеков: аймактарда ооруканалар эски, аны оңдоодо каржылоо маселеси жаралбасын

"Калкыбыздын 70 пайызы айыл жеринде жашаарын дайыма айтып келебиз. Бирок чындап келгенде, айылдардан көбү кетти. Аларды кайра кайтаруу керек. Баарын алып келе албасак дагы өсүп келе жаткан муунга, балдарыбызга ошол жерде жумуш орундарын түзүшүбүз шарт. Ал үчүн мамлекетте болгон каражатты ошол жактарга буруу керек. Бүгүнкү күндө мамлекеттеги болгон мүмкүнчүлүктөр анын ичинде бюджет, сырттан тартылган каражаттар аймактарга багытталат", — деди президент.

Мындан сырткары, мамлекет башчы таза суу темасына да токтолуп, бул маселе 2024-жылга чейин чечилип бүтүп каларын убадалады.

0
Белгилер:
өнүктүрүү, айыл, Сооронбай Жээнбеков, Кыргызстан
Тема боюнча
Жээнбеков: ооруканалардын курулушуна 100 млн доллар салчу адамдар бар