Маалыматтык технологиялар жана байланыш боюнча мамлекеттик комитеттин төрагасы Дастан Догоев

Догоев: мамлекеттик 58 мекеме "Түндүк" системасына туташып иш алып барууда

120
Маалыматтык технологиялар жана байланыш боюнча мамлекеттик комитеттин төрагасы Дастан Догоев бардык мамлекеттик мекемелерди "Түндүк" системасына туташтыруу иштеринин техникалык бөлүгү аяктап калгандыгын айтты.
Догоев: мамлекеттик 58 мекеме "Түндүк" системасына туташып иш алып барууда

Мамлекеттик 58 орган жана 19 жеке ишкана бирдиктүү "Түндүк" системасына туташып, учурда иштеп жатат. Бул тууралуу Догоев Sputnik Кыргызстан радиосунда маек куруп жатып билдирди.

Анын айтымында, аталган система аркылуу айына 700 миңге чукул документ электрондук негизде ишке ашып жатат.

"Аймактарды өнүктүрүү жана санариптештирүү жылынын алкагында мамлекеттик 58 мекеме документ алмашуудагы бирдиктүү "Түндүк" системасына техникалык жактан туташып бүттү. Алардын жарымына жакыны толук ишке кирип, өз ара байланышта иштеп жатат.  Мындан сырткары, жеке банк, нотариус кызматтарынын да 19у учурда бул системага кошулду. Мунун негизинде айына 700 000дей документ электрондук тартипте иш алып баруу менен бүтүп жатат. Демек, айына ушунча кагаз үнөмдөлүүдө десек болот", — деди Догоев.

Ал ошондой эле "Түндүк" ишке киргенден тарта 3 миллион документ электрондук форматта колдонулгандыгын кошумчалады.

120
Белгилер:
документ, түндүк, санариптик берүү, Дастан Догоев
Тема боюнча
Кубанов: IT-адистигине ээ болгондордун 98 пайызы жумуш менен камсыз болот
ӨКМдин Бишкек шаары боюнча башкармалыгынын башчысы Адилбек Чаргынов

Чаргынов: Бишкекте 12 миллион чарчы метр аянт хлор менен дезинфекцияланды

16
(жаңыланган 16:59 06.08.2020)
ӨКМдин Бишкек шаары боюнча башкармалыгынын башчысы Адилбек Чаргынов ушул күндөргө карата Бишкек шаары боюнча 16 тонна хлор колдонулганын белгиледи.
Чаргынов: Бишкекте 12 миллион чарчы метр аянт хлор менен дезинфекцияланды

Борбор калаада жалпысынан 12 миллион чарчы метр аянтта дезинфекциялоо иштери жүргүзүлдү. Бул тууралуу Адилбек Чаргынов Sputnik Кыргызстан радиосуна маек куруп жатып билдирди.

Анын айтымында, бул иштер үчүн өздүк курамдан 500гө чукул кызматкер жана колдо бар техниканын баары тартылган.

Пневмониянын жайылышына дезинфекциялоо иштери себеппи? Адистердин пикири

"Коронавирусту жайылтпоо максатында базарларда, сейил бактарда, адам көп чогулган жерлерде жалпысынан 12 миллион чарчы метр жерде дезинфекция иштери жүргүзүлдү. Анын ичинде ооруканалардагы, стационарлардагы, ошондой эле жаңы конуштардагы оорунун очогу болгон жерлер дезинфекцияланды. Бизде чачылып жаткан хлордун тийиштүү сертификаттары бар. Андан тышкары шаардык санитардык көзөмөлдөө борборунан үлгү алып текшерүүлөрдү жүргүзүп турабыз. Учурда ӨКМ тарабынан коронавирустун экинчи толкунуна даярдыктар көрүлүп, эл аралык уюмдар менен кампага корлор камдалууда. Шаарда эпидемиологиялык абал жакшырып, оорунун катталуусу токтосо дезинфекция иштери дагы акырындап токтойт", — деди Чаргынов.

Ал ЖРТ тапшырылган имараттар хлор менен дезинфекцияланганын, учурда шайлоо участокторунда бул иш уланып жатканын кошумчалады.

16
Белгилер:
хлор, коронавирус, дезинфекция
Тема:
Коронавируска байланыштуу Кыргызстандагы кырдаал
Тема боюнча
Бишкектеги базарлар кайсы күндөрү жабык болот? Иштөө графиги
Эмен багы галереясынын арт-директору Чолпон Тентиева

Тентиева: коронавирус менен күрөштө искусство адамдары четте турбайт

22
(жаңыланган 15:37 06.08.2020)
Эмен багы" галереясынын арт-директору Чолпон Тентиева карантинден кийин жарандар үчүн көргөзмөлөр эшигин ачканын айтты.
Тентиева: коронавирус менен күрөштө искусство адамдары четте турбайт

Жарандарга өзгөчө көргөзмө тартуулоону пландап жатабыз. Анда коюлган иштер толугу менен сатыкка чыгарылат. Түшкөн каражатты коронавирус менен күрөшүүгө которобуз. Бул тууралуу Чолпон Тентиева Sputnik Кыргызстан радиосуна маек куруп жатып билдирди.

Анын айтымында, аталган көргөзмө 15-августка карата уюштурулат.

Жаманкулов: августта маданий жайлардын ишмердүүлүгү онлайн уланат

"Эмил Насритдинов аттуу сүрөтчү менен бирге өзгөчө көргөзмө уюштурууну пландап жатабыз. Ал жети күн уланып, офлайн жана онлайн форматта болот. Анда акварель түрүндөгү 50гө чукул ишти сатыкка чыгарабыз. Сатыктан түшкөн каражатты коронавирус менен күрөшүүгө багытталган фонддорго которобуз. Эпидемия менен күрөшүүгө жапа тырмак киришип жатабыз. Ошондуктан сүрөтчүлөр дагы четте турбай өз салымыбызды кошууну туура деп таптык. Ошондой эле башкаларга дагы үлгү болот деген ишеним менен бул долбоорду демилгеледик", — деди Тентиева.

Ошондой эле ал "Эмен багы" галереясы бир топ пландалган иштерди эпидемияга байланыштуу жылдырууга туура келгенин кошумчалады.

22
Белгилер:
Эмен багы паркы, коронавирус, көргөзмө
Тема боюнча
Кино камындагы Жакиев, Базаров, Кыдыралиев... Мөлтүрөгөн жаштык кезден таберик сүрөт
Кыргыз Республикасынын желеги. Архивное фото

Кыргызстандын туусу тартылган ажаткана каражаттары онлайн-сатыкка чыкты

0
(жаңыланган 19:00 06.08.2020)
Жарнамада сатуучулар Кыргызстандын мамлекеттик туусунун сүрөтү тартылган ажаткана, ванна каражаттарынын үч аксессуар топтомун сунуш кылышууда.

БИШКЕК, 6-авг. — Sputnik. Бир катар электрондук коммерциялык аянтчаларда Кыргызстандын мамлекеттик желеги тартылган килемче, ванна жана ажаткана каражаты сатыкка чыгарылды.

Орунсуз жерге КРдин мамлекеттик символикасы камтылган жарнаманы Sputnik Кыргызстан редакциясына окурмандар жиберди. Алар популярдуу америкалык интернет дүкөндөрдүн жана соода тармактардын сайттарына жайгаштырылган. Жарнамада сатуучулар Кыргызстандын мамлекеттик туусунун сүрөтү тартылган ажаткана, ванна каражаттарынын үч аксессуар топтомун сунуш кылышууда.

Коврик и крышка унитаза с государственной символикой КР продаваемая на платформе электронной коммерции
скриншот с сайта walmart.ca
Бир катар электрондук коммерциялык аянтчаларда Кыргызстандын мамлекеттик желеги тартылган килемче, ванна жана ажаткана каражаты сатыкка чыгарылды

Кыргызстандын Маданият, маалымат жана туризм министрлиги окуя боюнча үн катып, жосунсуз жорук экенин белгиледи.

"Бизде желектер тартылган футболкаларды, баш кийимдерди кийишет, айрымдар кийимдин ар кайсы бөлүктөрүнө символ коюшат. Бирок бул сатуучулар сунуштаган нерсе моралдык жактан туура эмес деп ойлойм", — дейт министр Азамат Жаманкулов.

Кыргыз Республикасынын Жоруктар жөнүндө кодексинин 175-беренесине ("Мамлекеттик символдорду мазактоо") ылайык, Кыргыз Республикасынын мамлекеттик гербин, мамлекеттик туусун же мамлекеттик гимнин мазактоо, I категориядагы айып пул (20-30 миң сом) же болбосо II категориядагы коомдук жумуштарга (40-60 саат) тартуу түрүндөгү жазага алып келери айтылат.

Электрондук коммерциялык аянтчаларда башка мамлекеттердин да желек, туусу сатыкта турат.

Катуу шамалдан улам "Ала-Тоо" аянтындагы желек тытылып кетти. Сүрөт

Эске салсак, 2019-жылы Бишкекте пенсиядагы айым компаниялардын биринин жанындагы аймакты тазалап жатканда желектин сүрөтүн ленталарга салып, аларды автоунаа токтоочу жайдын тосмосу катары кызмат кылган кабель менен байлап койгону үчүн айыптаган.

0
Белгилер:
дүкөн, интернет, Америка, жорук-жосун, Символ, желек, Кыргызстан
Тема боюнча
Оренбургдан 20 автобус кыргызстандык келди