Бир Бол фракциясынын депутаты, экономика илимдеринин доктору Акылбек Жапаров

Жапаров: билим берүүнү түп-тамырынан өзгөртүүгө 80 миллиард сом жетет

64
"Бир Бол" фракциясынын депутаты, экономика илимдеринин доктору Акылбек Жапаров мамлекет билим берүүгө инвестиция салуу менен келечекте экономикасы дүркүрөп өскөн өлкөлөрдүн катарын толуктаса болорун айтты.
Жапаров: билим берүүнү түп-тамырынан өзгөртүүгө 80 миллиард сом жетет

Кыргызстанда билим берүү системасына реформа жасап, аны бир калыпка салууга 80 миллиард сом каражат жетет. Бул тууралуу Акылбек Жапаров Sputnik Кыргызстан радиосунда маек куруп жатып билдирди.

Анын айтымында, өлкөдө жылына 150-200 миңге чукул бала мектепке чейинки даярдыктан өткөрүлсө, калган 400 миңи эч нерсени үйрөнбөй эле билим уясынын босогосун аттайт.

"Биз капитализмди куруп жатабыз десем, эч бир аткаминер мойнуна алгысы келбейт. Тилекке каршы, өлкөдө байы, орто катмары жана кедей-кембагалдар да бар. Жакшы турмуштагылардын балдары 1-4 жашына чейин ар түрдүү мектепке чейинки даярдыктарга катышып отуруп 35 миллион сөз угуп, кабыл алат экен. Орто катмар үй-бүлөнүн балдарына 20-25 миллион сөз туура келери белгилүү болду. Ал эми бей-бечаралардыкы бала бакча же атайын даярдоочу класстарга бара албагандыктан болгону 10 миллион сөз угуп, кабыл алууга мүмкүнчүлүктөрү болот экен. Бул  — бөбөктүн мээси маалыматты башкалардан аз алып, ошончону гана иштеп чыгууга жөндөмдүү болду дегенди түшүндүрөт. Ошондуктан биз грантка, насыяга акча алып, аны максатсыз пайдаланып отура бербей, 80 миллиард сомду жумшап, колунда жок бүлөнүн балдарын бала бакчага жайгаштырып, электрондук билим алууга жол ачып берсек, өлкө келечегине эбегейсиз чоң инвестиция салган болот элек", — деди Жапаров.

Депутат мындай жолго баруу менен билим берүү системасында реформа жасаган Финляндия, Эстония мамлекеттерин мисал келтирди.

64
Белгилер:
келечек, реформа, билим берүү, Акылбек Жапаров
Тема боюнча
Кадырбеков: бүгүнкү күндө адамдар виртуалдуу дүйнөдө жашап калды
Көйкашка коомдук бирикмесинин мүчөсү, манасчы Нурбек Талантбеков

Талантбеков: "Манастагы" белгисиз сөз Кытайдагы көлдүн аталышы болуп чыкты

140
(жаңыланган 15:46 09.08.2020)
Көйкашка" коомдук бирикмесинин мүчөсү, манасчы Нурбек Талантбеков Сагынбай Орозбаков, Саякбай Каралаев сыяктуу залкар манасчылар кытай тилин билбесе да айрым жагдайларды так айтканына таң каларын билдирди.
Талантбеков: "Манастагы" белгисиз сөз Кытайдагы көлдүн аталышы болуп чыкты

"Манас" эпосунан кезиктирген сөздү изилдесек, ал Кытайдагы көлдүн аталышы экен. Бул тууралуу Нурбек Талантбеков Sputnik Кыргызстан радиосунун "Көөнө сөз" рубрикасында маалымдады.

Анын айтымында, бул изилдөөлөр интернет аркылуу жүргүзүлүп, натыйжасы социалдык тармактарга жарыяланган.

Талантбеков: "Манас" эпосунда чачтарач, сулуулук салонду "сүзгөр" дейт

"Эпосто "Шыта-Кечүү, Таш-Кечүү, Алмамбет кечкен маш кечүү" деген сап бар. Мында таш кечүү дегени түшүнүктүү. Ал эми "шыта" деген эмнени түшүндүрөрү белгисиз болуп келген. Көрсө, кытайча "шы тау" деген сөз таштак көл, таштак деңиз дегенди түшүндүрөт экен. "Гугл" картадан кытайча "шы тау" деген сөздү киргизип көрүп, Тайванда жана Бээжинде ушундай аталыштагы таштактуу көлдөр бар экени аныкталган. Муну интернет аркылуу изилдеп, кийин социалдык тармактарга жарыялаганбыз. Улуу манасчылар Саякбай, Сагынбай аталар кытайчаны билбей, ал жерлерди көрбөй туруп кантип айткан таң калыштуу. Муну менен манасчылар даанышман, кыраакы, көсөм болгонун аңдай алабыз", — деди Талантбеков.

Ошондой эле ал "Манаста" окумуштуулар, филологдор тарабынан изилдене элек сөздөр абдан көп экенин кошумчалады.

140
Белгилер:
интернет, Манас, сөз, Нурбек Талантбеков
Тема боюнча
Талантбеков: "сүт мал" деген үстөккө берилген пайданы түшүндүрөт
Дарыгер-эпидемиолог Бактыгүл Ыбышева

Ыбышева: дезинфекция иштерин адамдар жок учурда жүргүзүү зарыл

13
(жаңыланган 11:59 09.08.2020)
Дарыгер-эпидемиолог Бактыгүл Ыбышева жөнөкөй жарандар хлорду колдонууда коргонуу боюнча бардык талаптарды аткаруусу зарылдыгын белгиледи.
Ыбышева: дезинфекция иштерин адамдар жок учурда жүргүзүү зарыл

Хлор — вирус, бактерияга каршы натыйжалуу каражаттардын бири. Эгер аны тийиштүү концентрацияда суу менен аралаштырса, зыяны тийбейт. Ошентсе дагы дезинфекция иштерин адамдар жок учурда жүргүзүү зарыл. Бул тууралуу Бактыгүл Ыбышева Sputnik Кыргызстан радиосуна маек куруп жатып билдирди.

Анын айтымында, вирустарды жок кылуу үчүн хлордон башка деле каражаттар бар жана аларды деле колдонууга болот.

КРде дезинфекциядан кийин пневмонияга кабылгандардын саны өстүбү? ӨКМдин жообу

"Хлор — бактерияларды, вирустарды зыянсыздандырууда эффективдүү каражаттардын бири. Ошол эле коронавируска каршы натыйжалуу зат. А бирок анын уулуулугу жогору экенин эстен чыгарбашыбыз керек. Ошондуктан хлор менен иштей турган кызматкерлерге сөзсүз түрдө коргонуучу каражаттар менен иштөө сунушталат. Ал үчүн бет каптар, кол каптар бар. Болбосо ар кандай курч түрдөгү ууланууга, аллергиялык реакцияларга, ден соолуктун, иммунитеттин начарлашына алып келиши ыктымал. А бирок дезинфекция иштерин жүргүзүүдө адистер тарабынан хлор тийиштүү концентрацияда сууга аралаштырылып, анан чачылат. Эгерде туура стандарттарга ылайыкталса, ал өзүнүн терс таасирин тийгизбейт. Ошентсе дагы залалсыздандырууну киши жок учурда жүргүзүү зарыл. Анткени адамдардын арасында өнөкөт оорусу барлар же аллергия менен жабыркагандар кездешиши мүмкүн", — деди Ыбышева.

Адис хлор пневмонияга алып келет деген пикир чындыкка дал келбей турганын кошумчалады.

13
Белгилер:
коронавирус, дезинфекция, хлор, Бактыгүл Ыбышева
Тема:
Коронавируска байланыштуу Кыргызстандагы кырдаал
Тема боюнча
Пневмониянын жайылышына дезинфекциялоо иштери себеппи? Адистердин пикири

Чаңырып эшикке чуркашты. Бейрутта үйлөнүп жаткандардын жарылуу учурундагы видеосу

0
(жаңыланган 19:00 09.08.2020)
Өткөн шейшемби күнү Бейрут шаарындагы портто ири жарылуу болуп, бир секунд ичинде тургундардын жашоосуна бүлүк салды.

Бул күнү бир топ түгөй бейкапар, эч нерседен шек санабай үйлөнүү үчүн чиркөөгө келишкен. Салтанаттын бири жарылуунун борборунан 17 чакырым аралыкта болгон. Жарылуунун толкуну ошол жерге чейин жетип, имараттын айнектери толугу менен күбүлүп калган. Алгач ичиндегилер чокунуп, тобо келтирип, ал эми жарылуу экинчи ирет кайталанып, төбөдөн айнектер талкаланып кулай баштаганда чаңырып, кыйкырып эшикти көздөй чуркашканын көрүүгө болот.

Үрөй учурган жарылуу болгон жерден алынган 14 сүрөт. Бейруттагы трагедия

Ал эми салтанатка келген бир кыз катуу коркуп калгандыктан, бир топко чейин тынчтана албай, ыйлаганын токтоткон эмес.

Эске салсак, 4-августта Ливандын борбору Бейрут шаарында катуу жарылуу болуп, 150дөн ашык адам көз жумса, алты миңден көбү жабыркаган.

0
Белгилер:
чиркөө, үйлөнүү, жарылуу, Бейрут, Ливан
Тема:
Бейруттагы жарылуу
Тема боюнча
Жарылуу болгон Бейруттан көрсөтүлгөн түз эфир