Билим берүү жана илим министринин коомдук башталгычтагы кеңешчиси Нурсултан Кубанов

Кубанов: Ош жана Каракол шаарларында IT-академиялары ачылат

173
(жаңыланган 13:49 11.07.2019)
Билим берүү жана илим министринин коомдук башталгычтагы кеңешчиси Нурсултан Кубанов Кыргызстанда IT-адистерин даярдаган окуу жайлар аз экендигин айтты.
Кубанов: Ош жана Каракол шаарларында IT-академиялары ачылат

Аймактардагы билим сапатын жакшыртуу максатында быйыл Ош шаарында IT-академиясы ачылат. Ал эми 2020-жылы ушундай эле окуу жай Караколго курулмакчы. Бул тууралуу Нурсултан Кубанов Sputnik Кыргызстан радиосуна маек куруп жатып билдирди.

Анын айтымында, бул жылы Ош калаасына ачылып жаткан IT-академияга жалпы 300 абитуриент кабыл алынат. Алардын ичинен алтымыш орун социалдык жактан муктаж үй-бүлөлөрдүн балдарына берилет жана алар атайын сынактын негизинде тандалып, акысыз билим алышат.

"IT-академиясын Ошко ачуунун алгачкы максаты - программистерди даярдоо менен бирге аймактардагы билим сапатын жакшыртуу. Аталган окуу жай эл аралык деңгээлде да кызматташууга багыт алып, Түштүк Корея менен атайын макулдашуу түзүлдү. Ага ылайык, алдыңкы делген 5 окуучу аталган өлкөгө барып, "Самсунг" фирмасынан практика өтүп келет. Учурда бул келишимди юридикалык жактан тастыктоо аракетин көрүп жатабыз. Мындан сырткары, 2020-жылы Каракол шаарына да ушундай эле IT-академиясы ачылат. Эгер бул билим берүү мекемелери ийгиликтүү ишин баштап алса, келечекте Кыргызстандан да жогорку квалификациялуу программисттерди чыгарабыз деген үмүт бар ", — деди Кубанов.

Ошондой эле ал Ош шаарында ачылып жаткан IT-академия 1-сентябрдан тарта ишин баштаарын айтып, бир жылдык контракт 72 миң сом болорун кошумчалады.

173
Белгилер:
академия, кесип, программист
Тема боюнча
Кубанов: IT-адистигине ээ болгондордун 98 пайызы жумуш менен камсыз болот
Көйкашка коомдук бирикмесинин мүчөсү, манасчы Нурбек Талантбеков

Талантбеков: "Манаста" кадимки факелдер колдонулган, аталышы "шамала"

55
"Көйкашка" коомдук бирикмесинин мүчөсү, манасчы Нурбек Талантбеков технологиянын өнүгүүсү менен көп буюмдар колдонулбаса да алардын аталышын биле жүрүү керектигин айтты.
Талантбеков: "Манаста" кадимки факелдер колдонулган, аталышы — "шамала"

Асман тиреген хан ордолордун күн тийбеген жерлеринде күнү-түнү жарык берип турган мом чырактар болгон. Ал сөз эпосто "шамала" деп берилет. Бул тууралуу Нурбек Талантбеков Sputnik Кыргызстан радиосунун "Көөнө сөз" рубрикасында билдирди.

Анын айтымында, "Манас" десе эле боз үйлөрдү тигип алып, караңгычылык өкүм сүргөн заманды түшүнбөш керек.

Талантбеков: "Манас" эпосунда тиш чукугучтун аталышы бар

"Эпосто көптөгөн хан сарайлар бар. Ошол эле кыргыз, кытай жана башка элдердеги асман тиреген хан ордолордун күн тийбеген жерлеринде күнү-түнү жарык берип турган мом чырактар болгон. Ал кадимки эле биз колдонуп жүргөн факел. Технология өсүп-өнүгүп, ГЭС, ЖЭБдер курулуп, бул буюм колдонулбай калды. Андыктан аны кинолордон, олимпиадада көрүп калуудабыз. Негизи "Манаста" мына ушул мом чырактарды ошол учурдагы жарыктандыруу системасы катары түшүнсөк болот. Аны "Манас" эпосунан дагы кездештиребиз, "шамала" деп берилет", — деди Талантбеков.

Ошондой эле ал учурда мом чырактар күнүмдүк колдонуудан чыгып калганы менен анын аталышын билип алуу ашыкча болбой турганын кошумчалады.

55
Белгилер:
буюм, Технологиялар, сөз, Нурбек Талантбеков
Тема боюнча
Талантбеков: "сүт мал" деген үстөккө берилген пайданы түшүндүрөт
Кыргызстандын эмерекчилер ассоциациясынын мүчөсү, ишкер Нурлан Токомбаев. Архивдик сүрөт

Токомбаев: пандемияда кызматкерлердин маянасы үчүн иштедик

13
Кыргызстандын эмерекчилер ассоциациясынын мүчөсү, ишкер Нурлан Токомбаев пандемияга байланыштуу карантинден кийин акырындан иш жандана баштаганын айтты.
Токомбаев: пандемияда кызматкерлердин маянасы үчүн иштедик

Пандемияга байланыштуу ишти токтотпогонго аракет жасалды. Себеби кызматкерлер каражат таап, үй-бүлөсүн багышы керек. Бул тууралуу Нурлан Токомбаев Sputnik Кыргызстан радиосуна маек куруп жатып билдирди.

Анын айтымында, ишкана пандемия башталганда сырьену алдын ала даярдап алган.

Төрт саатта 800 миң сомдон кол жуугам... Бишкектик өжөр ишкердин маеги

"Эпидемия учурунда кызматкерлерге маска кийгизип, санитардык талаптарды аткарууга аракет кылдык. Ошого карабастан айрымдарына коомдук транспортко түшүүгө туура келет, кээ бирлери тууган-туушканына жолугат экен. Көпчүлүгү ооруп кайра сакайды деп ойлойбуз. Ошентсе дагы негизинен иш токтогон жок. Себеби кызматкерлер каражат таап, үй-бүлөсүн багышы керек. Соода аябай жакшы болуп кетпесе дагы маянаны төлөп берип жаттык. Карантин учурунда тапшырыктарды аралыктан интернет аркылуу алууга аракет кылып, ал аянтчаны соода кылууга колдондук. Бирок баары бир кардарлар менен көрүшүүгө туура келген учурлар болду", — деди Токомбаев.

Ишкер пандемияга карабастан Түркия жана Италиядан инвесторлор менен иштешүү үчүн сүйлөшүүлөр жүрүп жатканын кошумчалады.

13
Белгилер:
коронавирус, пандемия, ишкер
Тема боюнча
Ишкер Жылтырова: КРден тонналап чыгарылган чөптөн Европада кымбат дары жасалат
Хакасияда болгон жол кырсыгы

Эс алам деп... Хакасиядагы жол кырсыгында кыргызстандык жигиттер каза болду

0
(жаңыланган 17:02 12.08.2020)
Nissan Sunny автоунаасынын 24 жаштагы айдоочусу бурулуштан рулду башкара албай калып жолдун жээгине чыгып кеткен. Жыйынтыгында автокөлүк ала салып барып токтогон.

БИШКЕК, 12-авг. — Sputnik. Хакасияда беш кыргызстандык жол кырсыгына кабылып, экөө көз жумду. Бул тууралуу аймак боюнча Жол кыймылы коопсуздугун камсыздоо башкармалыгынын "ВКонтакте" тармагындагы баракчасына жарыяланды.

  • На месте ДТП с кыргызстанцами в Хакасии
    Хакасияда беш кыргызстандык жол кырсыгына кабылып, экөө көз жумду
    © Фото / УГИБДД Хакасии
  • На месте ДТП с кыргызстанцами в Хакасии
    Nissan Sunny автоунаасынын 24 жаштагы айдоочусу бурулуштан рулду башкара албай калып жолдун жээгине чыгып кеткен. Жыйынтыгында автокөлүк ала салып барып токтогон.
    © Фото / УГИБДД Хакасии
1 / 2
© Фото / УГИБДД Хакасии
Хакасияда беш кыргызстандык жол кырсыгына кабылып, экөө көз жумду

Маалыматка караганда, кыргызстандыктар Красноярск крайынан көлгө түшүп, эс алуу үчүн барышкан. Кырсык 11-август күнү саат 13:50дө Ачинск — Ужур — Шира — Троицкое автожолунун 232-чакырымында болгон.

Nissan Sunny автоунаасынын 24 жаштагы айдоочусу бурулуштан рулду башкара албай калып жолдун жээгине чыгып кеткен. Жыйынтыгында автокөлүк ала салып барып токтогон.

"Кесепетинде арткы орундуктагы эки киши көз жумган. Айдоочу менен 24 жана 20 жаштагы эки жигитке медициналык жардам көрсөтүлдү. Бирок алар ооруканага жаткан жок", — деп айтылат кабарда.

Машина талкаланган. Бишкектин четиндеги үрөй учурган кырсыктын видеосу

Кырсыктын чоо-жайы иликтенип жатат.

0
Белгилер:
өлүм, жол кырсык, Хакасия, Россия
Тема боюнча
Бетме-бет сүзүшкөн. Көлдөгү жол кырсыктын чоо-жайы