Ысык-Көлдүн Тескей Жээк этномаданий туристтик дестинациясынын төрайымы Жылдыз Асанакунова

Асанакунова: Англияда Орто Азия элдеринин жомокторун боз үйгө кирип алып окушат

76
(жаңыланган 12:15 15.07.2019)
Ысык-Көлдүн "Тескей Жээк" этномаданий туристтик дестинациясынын төрайымы Жылдыз Асанакунова Англиянын Донкастер калаасындагы "Жер шарынын борбору" аттуу музейде кыргыз боз үйү тигилип тургандыгын айтты.
Асанакунова: Англияда Орто Азия элдеринин жомокторун боз үйгө кирип алып окушат

Ысык-Көлдүн "Тескей Жээк" этномаданий туристтик дестинациясынын төрайымы Жылдыз Асанакунова Англиянын Донкастер калаасындагы "Жер шарынын борбору" аттуу музейде кыргыз боз үйү тигилип тургандыгын айтты.

Англиялыктар Орто Азия элдерине таандык жомокторду боз үйгө кирип алып, балдарына окуп беришет. Бул тууралуу Жылдыз Асанакунова Sputnik Кыргызстан радиосуна маек куруп жатып билдирди.

Анын айтымында, англиялыктар жомок үйү катары колдонгон боз үйдү Ысык-Көл облусунун Тоң районуна караштуу Кызыл-Туу айылынын усталары жасап беришкен.

"Британиялыктар Орто Азия элдеринин маданияты менен таанышуу үчүн атайын боз үйгө кирип алып китеп окушат. Анын ичинде балдарга арналган кыргыз, казак, өзбек, тажик, түркмөн элдеринин көптөгөн жомоктору бар. Музей кызматкерлери китептерди келечек муундун өкүлдөрүнө окуп берип, алардын дүйнө таанымын кеңейтүүгө аракет кылышат. Мына ошондой эле маданий борборлорду биз да өзүбүздө ачсак жакшы болмок. Анткени учурда жаштарды билим менен азыктандырып, аны менен бирге улуттук баалуулуктарга үйрөтүү муктаждыгы бар. Эгер маданий жайларга бирден боз үй тигип, ал жакка коңур үндүү кишилерди отургузуп алып китеп окутсак, кызыккан жаштар өздөрү эле тартылмак. Бүгүнкү күндө аларга үйрөтө турчу улуттук баалуулуктар абдан эле көп. Андан сырткары, мындай улуттук колориттеги жайлар туристтерди да абдан кызыктырат. Мындан улам китеп окуу маданияты менен бирге улуттук баалуулуктарды да жайылтып, туризмди өнүктүрсө болот ", — деди Асанакунова.

Ошондой эле ал өлкө аймагында туризмди өнүктүрүү үчүн этномаданий жайларды көбүрөөк куруп, улуттук баалуулуктарды кеңири таанытууга аракет жумшаш керектигин кошумчалады.

76
Белгилер:
жомок, Орто Азия, Англия, Боз үй
Тема боюнча
Асанакунова: этнофестивалдар туризмди көп чыгым сарптабай даңазалап жатат
Козу карын өстүрүү боюнча технолог Эрмек Джусумбеков

Джусумбеков: козу карын бизнесине кызыгуум окуучу кезимден башталган

69
Козу карын өстүрүү боюнча технолог Эрмек Джусумбеков Кыргызстанда колго өстүрүлгөн козу карындын вёшенка жана шампиньон деген эки сорту бар экендигин билдирди.
Джусумбеков: козу карын бизнесине кызыгуум окуучу кезимден башталган

Козу карын өстүрүү өлкөдө анчалык өнүгө элек, бирок жапайы түрлөрүн терип сатуу колго алынган. Бул тууралуу Эрмек Джусумбеков Sputnik Кыргызстан радиосунун эфиринде маек куруп жатып маалымдады.

Анын айтымында, Кыргызстанда тамак-ашка колдоно турган жапайы козу карындын 90дон ашуун түрү бар.

"Козу карын өндүрүүгө болгон кызыгуум мектеп жашымдан башталган. Германиядан келген бир аяш атам алгач ирет колго козу карын өстүрсө болорун көрсөткөн. Ошондон тарта бул менин кыялыма айланган. Көптөгөн керектелүүчү техникалары жок эле өз күчүм менен козу карын өстүрүүгө көп жылдар аракет кылып жүрдүм. Жасаган ишим эч майнап бербей, ата-эне, жакындарым "таштачы ушул ишиңди" деген күндөр да болду. Мен ошентсе да аракетимди токтотпой, китепкана, Илимдер академиясындагы материалдар, интернетти казып окуп отуруп, бул багыттагы ишкерликти өз алдымча жолго коюп алдым.  Учурда башкаларга козу карын өндүрүү боюнча кеп-кеңеш берип, бизнес-план түзгөнгө көмөктөшөм. Козу карын бизнеси эгер жалгыз адам жасаса, абдан кирешелүү десек болот, ошону менен катар эле түйшүгү да күч. Азырынча өлкөдө ишкерликтин бул түрү жакшы колго алына элек. Ага караганда жапайы түрлөрүн терип, чет мамлекеттерге сатуу жолго коюлуп калган. Кыргызстандын жапайы козу карындарынын негизги кардары Кытай. Алар нукура азык деп жогору баалашат. Ал эми колго өндүрүлгөнү ушул тапта ички рынокко гана чыгып жатат", — деди Джусумбеков.

Ал козу карын өндүрүү ишкерлиги кирешелүү, түйшүктүү гана эмес, өзгөчө кызыктуу экенин кошумчалады.

69
Белгилер:
козу карын, бизнес
Тема боюнча
Шаршеев: ишкерлик боюнча да жаңы көз караштар жаралууда
Соода-өнөр жай палатасынын кичи комитетинин төрагасы, экономика министринин кеңешчиси Улукман Мамытов

Мамытов: сомду санариптештирүү аркылуу кризистен чыксак болот

109
(жаңыланган 11:06 22.10.2020)
Соода-өнөр жай палатасынын кичи комитетинин төрагасы, экономика министринин кеңешчиси Улукман Мамытов сомду санариптештирүү долбоору иштелип жаткандыгын билдирди.

Кыргызстан инвесторлорго таянып отура бербей, сомду санариптештирүү менен экономикалык көз карандысыздыкка жетишсе болот. Мындай пикирин Улукман Мамытов Sputnik Кыргызстан радиосунун эфиринде маек куруп жатып маалымдады.

Мамытов: сомду санариптештирүү аркылуу кризистен чыксак болот

Анын айтымында, учурда сомду санариптештирүү боюнча долбоор иштелип жатат.

Абдыров: акыркы саясий окуялар экономикага терс таасирин тийгизет

"Экономика министрлигинин алдында Экономикалык саясатты изилдөө институту бар. Бул мекеме тарабынан сомду санариптештирүү долбоору сунушталууда. Максаты — тышкы карыздан кутулуу үчүн электрондук сомду ички рынокто колдонуу. Бирок азыр актуалдуу болуп жаткан маселелердин дагы бири  —  бизде эле эмес, жалпы дүйнө жүзүндө күтүлүп жаткан кризис. Андан чыгуу үчүн да өлкө бюджетин толуктоо зарылчылыгы турат. Андыктан дайыма эле инвесторлордон көз каранды болуп отура бербешибиз керек. Абалдан сомду санариптештирүү менен чыксак болот. Мындай ыкманы учурда Италия колдонууда. Алар дал өздөрүнүн акчасындай болгон эле электрондук баалуу кагаздарды чыгарышкан. Ушул эле ыкманы Кытай жана Россия колдонууну пландап жатканын билдиришти. Кыргызстан дагы бул долбоорду ишке ашыруу менен кризистен чыкса болот", — деди Мамытов.

Ал сомду электрондоштуруу долбоору алгач сынамык иретинде ишке киргизилерин кошумчалады.

109
Белгилер:
кризис, долбоорлор, санарип, сом
Тема боюнча
Шаршеев: ишкерлик боюнча да жаңы көз караштар жаралууда
Киши шайлоо участогында. Архив

Жогорку Кеңеш шайлоо босогосун азайтуу мыйзам долбоорун кабыл алды

137
(жаңыланган 18:57 22.10.2020)
Жыйында баяндама жасаган Сулайманов депутаттардын бардык сунушу четке кагылып, түп нускасы гана калтырылганын билдирди. Мыйзам долбоору президент кол койгондон кийин күчүнө кирет.

БИШКЕК, 22-окт. — Sputnik. Парламент шайлоо мыйзамдарына өзгөртүү киргизүү боюнча мыйзам долбоорун үч окууда жактырды.

Аталган демилге кечээ, 21-октябрда, парламентте биринчи окуудан өткөн. Бүгүн дароо экинчи жана үчүнчү окууда каралып, 84 депутаттын макулдугу менен колдоо тапты. Каршы добуш бергендер болгон жок.

Жыйында баяндама жасаган Алтынбек Сулайманов депутаттардын бардык сунушу четке кагылып, түп нускасы гана калтырылганын билдирди. Анын арасына "шайлоого катышууга ниети бар мамлекеттик жана муниципалдык кызматкерлер жумуштан убактылуу гана четтетилбей, толугу менен ишинен бошотуу" демилгеси да кирбей калды.

Сулайманов кийинчерээк аны өзүнчө мыйзам долбоору менен алып келерин белгиледи.

Мындан улам үч сунуш калтырылды. Алар төмөнкүлөр:

  • парламенттик шайлоонун күрөөсү 5 миллион сомдон 1 миллион сомго түшүрүлөт;
  • босого чеги 7 пайыздан 3 пайызга төмөндөтүлөт;
  • шайлоо участкасын алмаштырууга шарт түзгөн №2 форма жокко чыгарылат.

Эми бул мыйзам долбоору президент кол койгондон кийин күчүнө кирет.

137
Белгилер:
колдоо, өзгөртүүлөр, мыйзам, шайлоо, Алтынбек Сулайманов
Тема:
Жогорку Кеңешке боло турган кайра шайлоо
Тема боюнча
ЖК комитети эки шайлоонун мөөнөтүн жылдыруу мыйзам долбоорун колдоду
Шайлоолордун мөөнөтүн жылдырууну кайсы депутаттар демилгеледи. Тизме