Маалыматтык технологиялар жана байланыш боюнча мамлекеттик комитеттин төрагасы Дастан Догоев

Догоев: электрондук жеке маалыматтарды коргой турган орган түзүлөт

74
(жаңыланган 21:12 16.07.2019)
Маалыматтык технологиялар жана байланыш боюнча мамлекеттик комитеттин төрагасы Дастан Догоев санариптештирүү системасында ар бир жарандын жеке маалыматы мамлекет тарабынан корголо турганын айтты.
Догоев: электрондук жеке маалыматтарды коргой турган орган түзүлөт

Жарандардын электрондук жеке маалыматтарын мыйзам чегинде колдонуу жана коргоо үчүн атайын мамлекеттик мекеме түзүлөт. Бул боюнча токтомдун долбоору иштелип чыккан. Учурда өкмөттө каралып жатат. Бул тууралуу Дастан Догоев Sputnik Кыргызстан радиосунда маек куруп жатып билдирди.

Анын айтымында, аталган мекеме эл менен тыгыз иштешип, келип түшкөн кайрылуу, арыздарга да жооп берет.

"Санариптештирүүнүн алкагында электрондук документацияга өтүү көпчүлүктү кооптондурбай койбойт. Өздүк жеке маалыматтардын купуя сакталышы ар бир жаран үчүн абдан маанилүү. Бул маселени өкмөт да эске алган. Ал үчүн атайын токтомдун долбоору даярдалып, учурда каралып жатат. Анын негизинде электрондук жеке маалыматтарды колдонуу, коргоо боюнча атайын орган түзүлөт. Мындан сырткары, кибер коопсуздук боюнча жакында эле стратегия иштелип чыгып, ал да бекитүү алдында турат", — деди Догоев.

Ал ошондой эле мындай мекемени түзүү зарылчылыгы эл аралык тажрыйбалардын негизинен алынгандыгын кошумчалады.

74
Белгилер:
коопсуздук, санариптик берүү, Дастан Догоев
Тема боюнча
Догоев: мамлекеттик 58 мекеме "Түндүк" системасына туташып иш алып барууда
Кыргыз таануучу, Бакдөөлөт коомдук фондунун жетекчиси Мелис Мураталиев

Мураталиев: кыргыз үй-бүлөсү "эриш-аркак" философиясы менен бекем сакталган

24
(жаңыланган 15:34 12.06.2021)
Кыргыз таануучу, "Бакдөөлөт" коомдук фондунун жетекчиси Мелис Мураталиев үй-бүлөнүн мамлекеттүүлүккө тийгизген таасири тууралуу айтып берди.

Кыргызда урууга бөлүнүүнү жектегендер бар. Ооба, азыркы заманда аны саясатташтырып, туура эмес нукта колдонуп жатышат. Бирок дээринде бул бүтүндүктү сактап калчу чоң күчкө ээ. Мындай пикирин Мелис Мураталиев Sputnik Кыргызстан радиосунун эфиринде билдирди.

Мураталиев: кыргыз үй-бүлөсү "эриш-аркак" философиясы менен бекем

Анын айтымында, кыргыздар мамлекеттүүлүгүн жоготсо да элдүүлүгүн жоготпой жашап келген учурлар тарыхта көп болгон.

"Кыргыздын кылымдарды карытып жоголуп кетпей жашап келишинин башкы себеби ал ар кандай учурда өзүнүн элдүүлүгүн сактап кала алган. Албетте, мунун башатында үй-бүлө турат. Кыргыз үй-бүлөсүндө тең укуктуулук же аял, эркек теңдиги деген түшүнүк болгон эмес. Эриш-аркак, экөө биригип бир бүтүн деген философияны карманышкан. Мына ушундай тарбия менен үй-бүлө институту бекем кармалган. Кыргыздар тукумумду, уругумду, уруумду, журтумду уят кылбайын деген намыс менен, башкача айтканда, элге өзүн арнап жашашкан. Байыркы ата-бабаларыбызда өзүмчүлдүк түшүнүгү уят катары кабылданган. Ошондуктан да түтүнмө-түтүн кырылып, мамлекеттүүлүгүнөн, эркиндигинен ажыраса да элдүүлүгүнөн айрылбай, уруулашына, журтташына жөлөк-таяк болуп кайрадан жетилип, мамлекеттүүлүгүн түптөгөн деңгээлге жете алган. Тилекке каршы, азыркы Кыргызстан элдин эмес индивиддин, жеке адамдын мамлекетине айланды", — деди Мураталиев.

Ал үй-бүлө институтунун бекем сакталышына, мамлекеттүүлүктүн өнүгүп-өсүшүнө терс таасирин тийгизген иш-аракеттер мыйзамдарга чейин кирип кеткендигин кошумчалады.

Подкасттын толук вариантын видеодон көрүңүз:

24
Белгилер:
философия, кыргыз, үй-бүлө, Мелис Мураталиев
Тема боюнча
Кыргызда өлүмдөн да катуу жаза болгон. Бала тарбиялоо жөнүндө кызыктуу маек
Куудул, актёр, вайнер Азамат Исмаилов

Исмаилов: эптеп эле эл оозуна илиништи каалагандар көбөйдү

42
(жаңыланган 15:28 12.06.2021)
Куудул, актёр, вайнер Азамат Исмаилов хайптын көбөйүшү коомду руханий ачарчылыкка кептеши мүмкүн деген пикирин билдирди.

Жасаган продукцияң элге жакшы жайылбай, интернетте көрүүчүң аз болуп калганда хайп жасап жибергиң келет. Бирок кийинкиңди ойлойсуң. Максатың эптеп эле элге таанылуу эмес, талантың менен коомго салым кошуу болгон соң, сапаттуу, пайдалуу иш жасагың келет. Мындай пикирин Азамат Исмаилов Sputnik Кыргызстан радиосунун эфиринде маек куруп жатып билдирди.

Исмаилов: эптеп эле эл оозуна илиништи каалагандар көбөйдү

Анын айтымында, өз чыгармачылыгында элге көбүрөөк таанылууну эмес, ата-эне, бала-чакасы көргөндө уялбай тургандай нерселерди даярдоого аракет кылат.

"Социалдык тармактардын өнүгүүсү менен интернет дагы кубаттуулугун жогорулатты. Мурдагыдай элди бир нерсеге таң калтырып, көңүл бурдуруу кыйынга туруп калды. Андыктан атак-даңкты эңсегендер ар кандай жол менен элдин көңүлүн бурууга тырышып келишет. Аларды көрүүчүлөр шылдыңдап жатса деле таанылып жатканына маашырланып, ошол учурдан пайдаланып жарнамалык иштер менен кызматташып, убактылуу каражат таап алуу мүмкүнчүлүгүн колдонгондор бар. Бирок бул тенденцияны кадимки көрүнүш катары карап койбой, олуттуу көңүл буруу зарыл. Улуттук идеологиясы жок өлкөдө хайп коомго коркунуч жаратып, руханий ачарчылыкка кептеши ыктымал", — деди Исмаилов.

Актёр өзгөчө жаштарды келечектүү, пайдалуу видеоконтенттерге багыттоо зарылдыгын кошумчалады.

Подкасттын толук версиясын видеодон көрүңүз:

42
Белгилер:
Азамат Исмаилов, руханий байлык, интернет
Тема боюнча
Кадырбеков: ит, кушту бакса болот, баланы тарбиялоо зарыл
Жылдыздуу асман. Архив

Июндун аягында кыргызстандыктар жылдыз жааган түнгө күбө болот

0
(жаңыланган 11:18 13.06.2021)
Адатта бул түнү жылдыздардын учуусу анча көп болбойт. Анткен менен бир эле мүнөт ичинде 100дөн ашык кыймыл-аракет болгон учурлар дагы катталган.

БИШКЕК, 13-июн. — Sputnik. 28-июнга караган түнү Июнь Боотиддеринин метеордук агымы өзүнүн жогорку чегине жетет. Бул тууралуу Москва планетарийинен кабарлашты.

Россия илимдер академиясынын жана Роскосмостун космосту изилдөө институту түзгөн асмандын интерактивдүү рентгендик картасы
© Фото / Институт космических исследований Российской академии наук, Роскосмос
Адатта бул түнү жылдыздардын учуусу анча көп болбойт. Анткен менен бир эле мүнөт ичинде 100дөн ашык кыймыл-аракет болгон учурлар дагы катталган.

Жылдыздардын акыркы активдүү учканы 1998 жана 2004-жылдары байкалган. Ачык булактардагы маалыматтарга караганда, Боотиддер атмосфера аркылуу өтүп бара жатып жарылып, жарык чыгарган учурлар дагы болот.

Июнь Боотиддери — жылдыздардын 1916-жылы ачылган агымы. Жыл сайын 26-июндан 2-июлга чейин байкалат.

0
Белгилер:
аалам, июнь, учуу, жылдыз, асман
Тема боюнча
Кытай алгачкы жолу Марска космостук аппаратын кондурду