Кыргызстан-Швейцария тоо медициналык илимий борбору долбоорунун координатору, профессор Талант Сооронбаев

Сооронбаев: Кыргызстан-Швейцария ортосунда тоо медициналык борбору ачылат

90
"Кыргызстан-Швейцария тоо медициналык илимий борбору" долбоорунун координатору, профессор Талант Сооронбаев аталган борбор эки багытта иш алып барарын айтты.
Сооронбаев: Кыргызстан-Швейцария ортосунда тоо медициналык борбору ачылат

Кыргызстан-Швейцария ортосунда тоо медициналык илимий борбор ачылат. Меморандумга президент Сооронбай Жээнбековдун Швейцарияга болгон иш сапарынын алкагында кол коюлду. Бул тууралуу Талант Сооронбаев Sputnik Кыргызстан радиосунда маек куруп жатып билдирди.

Анын айтымында, аталган медициналык борбор эки багытта иш алып барат. Биринчиси — тоолуу аймактарда жашаган калктын ден соолугуна кам көрүү, климаттык өзгөчөлүктөрдөн улам келип чыккан оорулардын алдын алуу болсо, экинчиден, жергиликтүү тургундарды жаңы ыкмалар менен арзан дарылоо.

"Тоо медицинасын өнүктүрүү багытындагы долбоор негизинен өлкөдө бар болчу. Тактап айтканда, Мирсаид Миррахимов атындагы Улуттук кардиология жана терапия борборунун алдында түзүлүп, алгачкы медициналык пункту Төө-Ашууда ачылган. Бирок, тилекке каршы, ар кандай себептерден улам керектүү деңгээлде өнүгө албай жаткан. Швейцария-Кыргызстан ортосунда жетишилген меморандумга ылайык, тоо медицинасын өнүктүрүү кайрадан колго алынмай болду. Анын алгачкы себеби эки өлкөнүн климаттык шарттарынын окшоштугу жана Швейцарияда медицинанын бул багыты жолго салынгандыгы. Борбордо тоолуу жерлердин тургундарын медицина менен камсыз кылып эле койбостон, мындай аймактарда жашаган адамдар көп чалдыкчу оорулардын алдын алуу, болтурбоо иштери илимий негизде иликтенет. Аталган долбоор эмки жылдан тарта ишке кирет", — деди Сооронбаев.

Профессор аталган долбоордун алкагындагы иштер Бишкекте Миррахимов атындагы медициналык борбордо жүргүзүлөрүн, ошондой эле Ак-Сайга калкты кабыл алуучу чакан оорукана курулаарын жана Төө-Ашуудагы пункту илимий иштер үчүн колдонуларын кошумчалады.

90
Белгилер:
илим, тоо, меморандум, медицина, Швейцария, Кыргызстан
Тема боюнча
Ыбышева: аллергиясы барлар идишти табигый каражаттар менен жууганы жакшы
Бишкек мэринин кеңешчиси Гуля Алмамбетова

Алмамбетова: бейтаптар медиктердин бетинен өөп жиберейин дейт

46
(жаңыланган 15:16 10.07.2020)
Бишкек мэринин кеңешчиси Гуля Алмамбетова борбор калаадагы күндүзгү стационарлар тынымсыз иш алып барып жатканын айтты.
Алмамбетова: бейтаптар медиктердин бетинен өөп жиберейин дейт

Бишкек шаарындагы күндүзгү стационарлардагы медиктер алгачкы күндөрү жетишпей, буту-колдору шишип кеткенге чейин иштеп жатышты. Бейтаптар медиктерге ыраазычылыгын билдирип, бетинен өөп жибергиси келип жатат. Бул тууралуу Гуля Алмамбетова Sputnik Кыргызстан радиосуна маек куруп жатып билдирди.

Саламаттык сактоо министринен пневмония, орун басарынан COVID аныкталды

Анын айтымында, Бишкек шаарынын төрт районунда экиден стационар бейтаптарды кабыл алып, ал эми бирөөсүндө үчүнчү күндүзгү стационар ачылууда.

"Бишкек шаарындагы стационарлардагы 790 орунга 8-июлда 8 086 адам кабыл алынып, 6 673 киши дарыланып, 1 349 адамга консультация берилди. Булардын ичинен 57 жаранга тез жардам чакырылып, ооруканаларга жеткирилди. Тилекке каршы, жети жаран көз жумду. Эртең мененки 8:00дөн кечки 20:00гө чейин дарыгерлер кызмат көрсөтүшүүдө. Алгачкы күндөрү медиктер жетишпей, буту-колдору шишип кеткенге чейин иштешти. Кийинки күндөрдө эки топко бөлүнүп иш алып барышууда. Мэрдин тапшырмасы менен бейтаптардын ПЦР-тести бар-жогуна карабастан жардам көрсөтүлүүдө. Бул жакта иштеген дарыгерлердин тамак-ашы, транспорту жана жашаган жери камсыздалган. Бейтаптар медиктерге ыраазычылыгын билдирип, бетинен өөп жибергиси келип жатат. Абалга жараша жеке каражаттары жана вирустун жугуу коркунучунан улам анте алышпайт", — деди Алмамбетова.

Ошондой эле ал акыркы убактарда сакайып чыккан бейтаптардын саны көбөйүп калганын кошумчалады.

46
Белгилер:
дарыгерлер, мэрия, бейтап, Гуля Алмамбетова
Тема:
Коронавируска байланыштуу Кыргызстандагы кырдаал
Тема боюнча
Эми мечиттерде жума намаз окулбайт. Муфтияттын билдирүүсү
Жогорку категориядагы өпкө дарыгери Бермет Естебесова

Өпкө дарыгери пневмонияда керектелчү аппараттар тууралуу айтып берди

59
(жаңыланган 15:16 10.07.2020)
Жогорку категориядагы өпкө дарыгери Бермет Естебесова пневмонияга чалдыккан учурда кандай аппараттар керектелери жана алардын бааcы тууралуу айтып берди.
Өпкө дарыгери пневмонияда керектелчү аппараттар тууралуу айтып берди

Пульсоксиметр өпкөгө кычкылтектин кандай деңгээлде жетип жаткандыгын текшерет. Бул бейтаптарга караганда дарыгерлерге көбүрөөк керектелүүчү аппарат. Бул тууралуу Бермет Естебесова Sputnik Кыргызстан радиосуна маек куруп жатып билдирди.

Анын айтымында, калк арасында пневмонияга чалдыкканда колдонуучу аппараттарды "ооруп калсам иштетем" деп алып койгондор да бар.

Министрлик: коркпогула, өз алдынча антибиотик ичпегиле!

"Адам пневмонияга кабылганда алгач анын өпкөсүнө канчалык деңгээлде кычкылтек жетип жаткандыгы текшерилет. Бул аппарат пульсоксиметр деп аталып, баасы 3000 сомдон 100 долларга чейин жетет. Муну көбүнесе дарыгерлер сатып алат. Наркындагы айырма анын чыгарылган өлкөсүнө жараша болот. Пульсоксиметр менен ченеп алган соң өпкөсү ооруга чалдыккан адамга кычкылтек концентратору керек болот. Анткени сезгенген өпкө тийиштүү деңгээлде өз функциясын аткара албай, канга кычкылтек жетпей адам энтигип кыйналат. Учурда кычкылтек концентраторлорунун баасы 800 доллардан 5000 долларга чейин болууда. Кытайдан чыгарылгандардын баасы эң арзан болсо, Америка, Европа өлкөлөрүнөн келгендери кымбат турат. Мындан сырткары, Россия жана Түркия мамлекеттери да кычкылтек концентраторлорун чыгарат. Азыр калк арасында дал ушул жабдууга муктаж болгондор көбөйүүдө. Бирок эл арасында "ооруп калсам иштетем" деп алып койгондор да жок эмес экен. Аларды учурда муктаж болуп турган жарандарга бере туруусун суранат элем", — деди Естебесова.

Дарыгер пульсоксиметр менен ченегенде дени сак адамдын өпкөсүнө кычкылтектин баруусу 95 пайыздан жогорку ченемди көрсөтүп турушу керектигин кошумчалады.

59
Белгилер:
кычкылтек концентратору, коронавирус, аппарат, пневмония
Тема:
Коронавируска байланыштуу Кыргызстандагы кырдаал
Тема боюнча
9 000ден ашты! Коронавирус дагы 511 кишиден табылды
Ички иштер министринин мурдагы орун басары Курсан Асанов. Архив

Курсан Асанов пневмония болуп ооруканага түшүп, соту жылдырылды

48
(жаңыланган 00:52 11.07.2020)
Эске салсак, шаардын Биринчи май райондук сотунда Асановго козголгон кылмыш иши боюнча жараян болмок. Курсан Асанов "кыргыз милициясына чыккынчылык кылды, ишенимден кетти" деген негиз менен 2019-жылы 13-августта кызматтан бошотулган.

БИШКЕК, 11-июл. — Sputnik. Ички иштер министринин мурдагы орун басары Курсан Асанов өпкөнүн эки тараптуу пневмониясына чалдыкты. Бул тууралуу Sputnik Кыргызстан агенттигине өзү билдирди.

Ал шаардагы ооруканалардын биринде дарылана баштаганын айтып, буга байланыштуу сот жараяны жылдырылганын кошумчалады.

Эске салсак, шаардагы Биринчи май райондук сотунда Курсан Асановго карата козголгон кылмыш иши боюнча жыйын болмок.

Суракка чакырылган экс-министр Космосбек Чолпонбаев оор абалда ооруканага түштү

Курсан Асанов "кыргыз милициясына чыккынчылык кылды, ишенимден кетти" деген негиз менен 2019-жылы 13-августта кызматтан бошотулган. Ага карата кылмыш иши козголуп, үй камагына алынган.

Анын артынан жан сакчысы Дамирбек Пайзылда уулу кармалып, кийин үй камагына чыгарылган. Ал эми өкүл баласы Турсунбек Бейшенбековду ушул жылдын 20-январында Аскер прокуратурасы сурактан кийин кармаган. Бирок баш коргоо чарасын тандаган сот аны үй камагына чыгарган. Мындан сырткары, Асановдун жубайы жана туугандары да суракка чакырылганы айтылган.

Ал эми уулу Мухаммед-Али Асановго издөө жарыяланган.

48
Белгилер:
кылмыш иши, сот, оору, оорукана, пневмония, Курсан Асанов
Тема:
Курсан Асановдун министрдин орун басарлыгынан алынышы
Тема боюнча
Саламаттык сактоо министринен пневмония, орун басарынан COVID аныкталды