Орус-кыргыз өнүктүрүү фондусунун төрагасы Эркин Асрандиев. Архивдик сүрөт

Асрандиев: ишкер аялдар үчүн насыя алуу жолдору жөнөкөйлөштүрүлдү

171
Орус-кыргыз өнүктүрүү фондусунун төрагасы Эркин Асрандиев өкмөт башчы Мухаммедкалый Абылгазиевдин тапшырмасы менен ишкер аялдарды колдоо максатында атайын программа даярдалып жаткандыгын айтты.
Асрандиев: ишкер аялдар үчүн насыя алуу жолдору жөнөкөйлөштүрүлдү

Орус-кыргыз өнүктүрүү фондусунан ишкер аялдар үчүн насыя алуу жолдору жөнөкөйлөштүрүлдү. Бул тууралуу Эркин Асрандиев Sputnik Кыргызстан радиосунун "Ачык кеп" программасына маек куруп жатып билдирди.

Анын айтымында, бүгүнкү күнгө чейин 700дөн ашуун ишкер аял аталган фонду тарабынан жалпы наркы 68 миллион долларды түзгөн насыяны банк аркылуу алган. Дагы 10 ири ишкананын кожойкеси 43,5 миллион долларга фондудан түз каржыланган.

"Үстүбүздөгү жылдын 5-июлунда ишкер аялдардын улуттук форуму өттү. Анда  өкмөт башчы Мухаммедкалый Абылгазиев ишкер аялдарды колдоо максатында атайын программа иштеп чыгуу тапшырмасын берген. Ага ылайык, биздин фонду жана мамлекеттик үлүшү бар финансылык уюмдар эки айдын аралыгында тийиштүү талапты аткарышы керек. Бүгүнкү күндө аталган программанын алкагында биз ишкер аялдарга насыя берүү жол-жоболорун жөнөкөйлөштүрдүк. Эми алар үч талапты аткарса эле эч тоскоолдуксуз өздөрүнүн ишмердүүлүгүнө жараша кредит ала алышат. Буга ылайык, ишкер тарап чыгашанын 15-20 пайызын өзү каржылайт. Экинчиден, алар төлөм шарттарын көрсөтүшү керек жана күрөөгө койгон мүлкү болушу зарыл. Эгер күрөөгө байланыштуу маселе жаралса,  ага кепилдик фондусу жардам бере алат. Аял ишкерлер мурункудай көп сандагы маалымкат чогултушпайт", — деди Асрандиев.

Ошондой эле ал аймактардагы ишкерликти колдоо максатында жыл башынан бери Орус-кыргыз өнүктүрүү фонду 32 миллион доллар бөлгөндүгүн кошумчалады.

171
Белгилер:
насыя, аялдар, ишкер, Эркин Асрандиев
Тема боюнча
Сабыров: кайсы төлөм картасы ыңгайлуу экенин көп сурашат
Мамлекеттик кадр кызматынын борбордук аймактык өкүлчүлүгүнүн жетекчиси Мыктыбек Өмүрзаков. Архив

Өмүрзаков: акимдерди аттестациялоо 9-мартта башталат

9
Мамлекеттик кадр кызматынын борбордук аймактык өкүлчүлүгүнүн жетекчиси Мыктыбек Өмүрзаков өлкөдө алгачкы ирет аймактык кадрлар резервин түзүү пландалып жатканын айтты.
Өмүрзаков: акимдерди аттестациялоо 9-мартта башталат

Райондук администрация башчылары — акимдерди аттестациялоо ушул жылдын 9-мартынан башталат. Аталган күнү биринчи туру өтүп, анда тестирлөө жүргүзүлсө, 10-11-март күндөрү экинчи турунда маектешүү болот. Бул тууралуу Мыктыбек Өмүрзаков Sputnik Кыргызстан радиосуна маек куруп жатып билдирди.

Анын айтымында, аталган аттестацияны жүргүзүү үчүн 11 мамлекеттик кызматкерден турган комиссия түзүлөт.

"Акимдерди аттестациялоодо алардын эки орун басары да катышат. Орун басарларга өздөрү тейлеген тармак боюнча суроолор берилсе, райондук администрация жетекчилерине жалпы суроолор узатылат. Максаты — учурда иштеп жаткан акимдердин аркалаган кызматына дарамети жетерин аныктоо. Аларды аттестациядан өткөрүү үчүн Мамлекеттик кадр кызматынын жетекчиси, эки эл өкүлү, өкмөт аппаратынан жана тиешелүү министрликтин орун басары рангынан төмөн эмес адамдардан турган комиссия түзүлөт. Комиссия мүчөлөрү жалпы 11 кишиден турат. Муну менен катар эле район жетекчилери жана орун басарлыгына аймактык кадр резервин түзүү үчүн үстүбүздөгү жылдын 1-мартынан 1-апрелине чейин конкурс жүргүзүлөт. Аймактык кадр резервиндеги адистер бошоп калган региондорго барып иштей беришет", — деди Өмүрзаков.

Ал аттестацияда акимдердин билим деңгээли, тил билүүсү да караларын кошумчалады.

9
Белгилер:
конкурс, аттестация, аким, Мыктыбек Өмүрзаков
Тема боюнча
Өмүрзаков: өкмөттүн реформасында жергиликтүү бийлик тууралуу сөз жок
Механизациялоо жана айыл чарбасын энергия менен камсыз кылуу департаментинин жетекчисинин орун басары Алишер Мамытов

Мамытов: быйыл 13 айыл чарба техникасы лизингге берилди

7
Механизациялоо жана айыл чарбасын энергия менен камсыз кылуу департаментинин жетекчисинин орун басары Алишер Мамытов республика боюнча 80 миңге чукул ар кандай үлгүдөгү айыл чарба техникасы бар экенин билдирди.

2011-жылдан бери 3 281, ал эми байыл 13 айыл чарба техникасы лизингге берилген. Бул тууралуу Алишер Мамытов Sputnik Кыргызстан радиосуна маек куруп жатып билдирди.

Мамытов: быйыл 13 айыл чарба техникасы лизингге берилди

Анын айтымында, өлкөдө 22 миң 100 трактор, 2 миң 200 дан комбайны, 17 миң 400 тиштүү мала, 2 миң 800 үрөн сепкич, 3 миңге чукул чөп чапкыч, 2 миңге чукул пресс жыйнагыч жана башка техника бар.

"Учурда алты лизинг долбоору бар. Бул долбоор 2011-жылдан бери иштеп жатат. Ошол убакыттан бери жалпы 5 миллиард 35 миллион сомго 3 миң 281 даана айыл чарба техникасы берилген. Бүгүнкү күндө лизингди өнүктүрүү үчүн 1,5 миллиард сомго барабар кредит топтому иштеп жатат. Аны алуу мөөнөтү 7ден 10 жылга чейин. Пайыздык чени 6дан тогузга чейин. Өздүк салым 10дон 30 пайызга чейин чыгат. Эгерде 30 пайыздан жогору өздүк салым төлөнсө, айыл чарба техникасы күрөөгө коюлат. Кайтарым шарты боюнча 3-6 айга чейин жеңилдик берилген. Негизги сумма бир жылда эки жолу, ал эми пайыздык чени ар квартал сайын төлөнөт. Быйыл лизинг үчүн 540 миллион сом бөлүнүп, учурда 13 айыл чарба техникасы берилди", — деди Мамытов.

Ошондой эле ал республика боюнча 5 миң 900 трактор, 2 миң 600 комбайн жетишсиз экенин кошумчалады.

Маекти толугу менен видеодон көрсөңүз болот.

7
Белгилер:
дыйкан, техника, айыл чарба, лизинг
Тема боюнча
Министрдин орун басары: быйыл айыл чарба техникасынын дефицити болбойт
Суу өчүрүү. Архив

Эртең Бишкектин айрым жерлеринде суу болбойт

0
(жаңыланган 13:40 01.03.2021)
Суу токтотулган конуштун тургундары, социалдык мекемелердин баары жергиликтүү бийлик өкүлдөрү тарабынан кошумча эскертилери белгиленди.

БИШКЕК, 1-мар. — Sputnik. Эртең Бишкектин бир районунда суу болбойт. Бул тууралуу мэриянын маалымат кызматы билдирди.

Бишкектин "Ак-Босого-1", "Ак-Босого-2" суу тосмолорун оңдоо жана шаардык суу түтүктөрү тармагын жазга карата даярдоонун алкагында айрым көчөлөрдө суу токтойт.

"Эртең, 2-мартта, саат 09:00дөн кечки 18:00гө чейин Ак-Босого конушунда жана райондогу Сары-Челек, Нурек, Андижан жана Бухара көчөлөрүндө ичүүчү суу убактылуу токтотулат. Ошондой эле №81 мектепте, №2 "Алтынай" балдар бакчасында, №14 Үй-бүлөлүк дарыгерлер борборунда, №15 милиция пунктунда жана №16 муниципалдык аймагында убактылуу суу жок болот", — деп айтылат маалыматта.

Конуш тургундары, социалдык мекемелердин баары жергиликтүү бийлик өкүлдөрү тарабынан кошумча эскертилери белгиленди.

Шаар бийлиги ичүүчү сууга байланышкан бардык маселелер боюнча 1533 бирдиктүү маалымат борборуна жана мэрияда үзгүлтүксүз иштеп жаткан 1840, 1850 номерлерине кайрылууга болорун айтты. Ал эми көйгөй боюнча сүрөт, видео материалдарды 0554 182-185 WhatsApp номерине салууга болот.

0
Белгилер:
эскертүү, өчүрүү, оңдоо, суу, Бишкек мэриясы
Тема боюнча
Уурдабагылачы?!. Мэрия шаардыктарга кайрылды