Кыргызстандын транспорт каражаттарынын айдоочулары бирикмесинин өкүлү Нурмухамед Карипов

Карипов: жеке нотариустардын жоопкерчилигин күчөтүү зарыл

55
(жаңыланган 09:12 22.07.2019)
Кыргызстандын транспорт каражаттарынын айдоочулары бирикмесинин өкүлү Нурмухамед Карипов кандай кырдаал жаралбасын айдоочулар биринчи кезекте мыйзамды так аткарууга милдеттүү экендигин айтты.
Карипов: жеке нотариустардын жоопкерчилигин күчөтүү зарыл

Жеке менчик нотариустардын жоопкерчилигин күчөтүү зарыл. Бул тууралуу Нурмухамед Карипов Sputnik Кыргызстан радиосунда маек куруп жатып билдирди.

Анын айтымында, менчик нотариустар автоунаалардын документтеринин ирээттүүлүгүн дыкат текшербей эле ишеним кат берип жатышат.

"Учурда ЖКККББ ишеним катты айдоочулар милдеттүү түрдө алып жүрүүчү документтердин катарына кошууну сунуштап жатат. Мен муну колдойм, анткени "Коопсуз шаар" долбоору киргенден тарта көп учурда унаасын сатып жиберген мурдагы ээлери жапа чегүүдө. Машинасын өз ысымына өткөрбөй айдап жүргөн айдоочулар айып пулду атайын төлөбөй койгон да фактылар бар. Мындай нерселер болбошу үчүн ишеним каттын ордун күчөтүү зарыл. Ошондой эле жеке нотариустарды тиешелүү мекемелер көзөмөлгө алып, көлүктөргө ишеним кат берүү жоопкерчили кайрадан каралып чыгуусу керек", — деди Карипов.

Ал айдоочуларды мыйзамды сыйлоого жана жол эрежелерин так билүүгө чакырды.

55
Белгилер:
мыйзам, Коопсуз шаар, ишеним кат
Тема боюнча
Эржигитов: нотариустардын кызмат акысын көтөрүүгө министрлик каршы чыкты
Дарыгер-офтальмолог Өмүрбек Жолдошев. Архив

Жолдошев: коронавирус көз аркылуу жугат деген божомолдор бар

68
(жаңыланган 18:42 07.08.2020)
Дарыгер-офтальмолог Өмүрбек Жолдошев коронавирустун симптомдорунун бири конъюнктивит, тактап айтканда, көздүн кызаруусу экенин айтты.

Коронавирус көз аркылуу жугат деген божомолдор бар. Ошондуктан дарыгерлер коргонуучу көз айнектерди кийип иштешет. Бул тууралуу Өмүрбек Жолдошев Sputnik Кыргызстан радиосуна маек куруп жатып билдирди.

Жолдошев: коронавирус көз аркылуу жугат деген божомолдор бар

Анын айтымында, бул илдет адамдан адамга, бир көздөн экинчи көзгө жугушу мүмкүн.

"Коронавирустун көзгө тийгизген таасири конъюнктивит деген оору аркылуу билинет. Конъюнктивит – бул көздүн сыртындагы жука чел. Ал көздүн кургашынан же кандайдыр бир соккудан сактап турат. Адамга COVID-19 жукканда сезгенип, кызарып, кычышып, көздөн ириң сыяктуу суюктук дагы агышы мүмкүн. Бирок бул адамдын көрүүсүнө же көздөгү эң маанилүү органдарга терс таасирин тийгизбейт. Ошол эле учурда коронавирус көз аркылуу жугат деген ыктымалдуулук бар. Мындан улам дарыгерлер иштеп жатканда бет кап же коргоочу көз айнектерди колдонушат. Божомол боюнча жөтөлгөндө же сүйлөгөндө ооздон чыккан шилекей чачырап вирустар көздүн сыртындагы жука чел кабыкка жабышып, организмге кирип кетиши мүмкүн", — деди Жолдошев.

Чылым чеккендер коронавирусту жеңил көтөрөбү? Пульмонологдун жообу

Дарыгер конъюнктивит коронавирустун эле эмес башка да көптөгөн оорулардын симптому болушу ыктымалдыгын кошумчалады.

68
Белгилер:
симптом, коронавирус, көз
Тема:
Дүйнөгө жайылган коронавирус
Тема боюнча
Россия COVID-19га каршы вакцинаны ноябрда өндүрө баштайт
Өкмөттүн Ош облусундагы ыйгарым укуктуу өкүлү Узарбек Жылкыбаев. Архив

Жылкыбаев: быйыл Ош облусунда 41500 гектарга кылкандуу дан эгиндери себилген

34
(жаңыланган 13:52 07.08.2020)
Өкмөттүн Ош облусундагы ыйгарым укуктуу өкүлү Узарбек Жылкыбаев аталган аймактагы оруп-жыюу иштери боюнча айтып берди.
Жылкыбаев: быйыл Ош облусунда 41500 гектарга кылкандуу дан эгиндери себилген

Быйыл жалпысынан 41500 гектарга кылкандуу дан эгиндери себилген. Учурда оруп-жыюу иштери аяктап калды. Бул тууралуу Узарбек Жылкыбаев Sputnik Кыргызстан радиосуна маек куруп жатып билдирди.

Анын айтымында, облуста буудай, арпанын түшүмдүүлүгү былтыркыдай эле деңгээлде.

"Февраль айында коронавирусту Кыргызстанга киргизбөө чараларын көрүү жана инфекция республикада катталып калган учурда азык-түлүк тартыштыгын алдын алуу боюнча өкмөттө жыйын болгон. Ошол жерден аймактарга кылкандуу дан эгиндерин жылдагыдан көбүрөөк себүү тапшырмасы берилген. Биз бул тапшырманы дыйкандарга түшүндүрүп, сунуш киргизгенбиз. Жыйынтыгында быйыл жалпысынан 41500 гектар жерге арпа, буудай себилген. Бул былтыркыга салыштырмалуу 4000 гектарга көп. Анын 27000дей гектары буудай, калганы арпа. Буудайдын түшүмү былтыркыдай эле болууда, андыктан салыштырмалуу 5500 тоннага көп жыйналды. Ал эми арпаныкы бир аз төмөнүрөөк, бирок аянтынын көптүгүнө карап, тартыштык жаралбайт деп ойлойм", — деди Жылкыбаев.

Аткаминер аталган облуста айдап-себүү жана оруп-жыюу иштеринде көйгөйлөр жаралбагандыгын, сугат маселелеринде гана бир аз тартыштык болгонун кошумчалады.

34
Белгилер:
түшүм, Буудай, Узарбек Жылкыбаев
Тема боюнча
Жээнбеков: экономикалык кыйынчылыктар элге таза суу жеткирүүгө тоскоол болбойт
Ысык-Көл. Архив

Ишембиге карата аба ырайы

0
(жаңыланган 21:32 07.08.2020)
8-августта түнкүсүн жаан-чачын күтүлбөйт. Батыштан соккон шамалдын ылдамдыгы секундасына 4-9 метрден кээ бир райондордо 15-20 метрге жетет.

БИШКЕК, 7-авг. — Sputnik. Эртең, 8-августта, күндүз Талас облусунун айрым райондорунда жана Чүйдүн тоо этектериндеги аймактарында өткүн өтөт. Республиканын башка облустарында күн ачык болот. Бул тууралуу Кыргызгидромет билдирди.

Абанын температурасы Чүйдө +32...+37, Талас өрөөнүндө +30...+35, Ош, Жалал-Абад жана Баткенде +33…+38, Ысык-Көл аймагында +24...+29, Нарын жергесинде +25...+30 градус болот.

Ал эми Бишкек, Ош жана Чолпон-Ата шаарларында жамгыр жаабайт. Күндүн табы борбор калаада +35...+37, Ош шаарында +36 ...+38,  Чолпон-Атада +24...+26 градусту көрсөтүп турат.

0
Белгилер:
аба ырайы, Кыргызстан
Тема боюнча
Күн ачык болобу? Дем алышка карата аба ырайы